2 ಕೊರಿಂಥ 5:20 - ಕೊಡವ ಬೈಬಲ್

²⁰ ಆನಗುಂಡ್, ನಂಗ ಕ್ರಿಸ್ತಂಡ ರಾಜ್ಯಬಾರಿಯಂಗ‍ಳಾಯಿತ್ ದೇವಡ ಕೂಡೆ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡೀಂದ್ ಕ್ರಿಸ್ತಂಗಾಯಿತ್ ನಿಂಗಳ ಬೋಡುವಿ. ಅದ್ ದೇವ ನಂಗಳಗುಂಡ್ ನಿಂಗಕ್ ಬುದ್ದಿ ಎಣ್ಣುವನೆಕೆ ಉಂಡ್.

2 ಕೊರಿಂಥ 5:20 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 13:17

ದುಷಟನಾನ ದೂತ ಕ್‍ೕಡ್‌ಲ್‌ ಚಿಕ್ಕಿ ಪೋಪ. ಆಚೇಂಗಿ ನಂಬಿಕಸ್ತನಾನ ದೂತ ಸುಕ ಕೊಂಡ್‌ ಬಪ್ಪ.

ಮಲಾಕಿ 2:7

ಸತ್ಯತ್‌ನ ಬೋದನೆ ಮಾಡ್‌ವದ್‌ ಯಾಜಕಂಗಡ ಕರ್ತವ್ಯ. ದೇವ ಎಂತ ಎಣ್ಣಿಯಂಡುಂಡ್‍ೕಂದ್‌ ಕ್‍ೕಪಕಾಯಿತ್‌ ಜನ ನಿಂಗಡ ಪಕ್ಕ ಬರಂಡು. ಎನ್ನಂಗೆಣ್ಣ್‌ಚೇಂಗಿ, ಯಾಜಕಂಗಳೇ ದೇವಡ ದೂತಂಗಾಂದ್‌ ಒಡೆಯನಾನ ಸೇನೇನ ಒಡಯನಾನ ಯೆಹೋವ ಎಣ್ಣಿಯಂಡುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:16

ಶಿಷ್ಯಂಗಳ ನೋಟಿತ್: ನಿಂಗಡ ತಕ್ಕ್‌ನ ಕ್‍ೕಪಯಿಂಗ ನಾಡ ತಕ್ಕ್‌ನ ಕ್‍ೕಟನೆಕೆ. ನಿಂಗಳ ತಿರಸ್ಕಾರ ಮಾಡ್‌ವಯಿಂಗ, ನನ್ನ ತಿರಸ್ಕಾರ ಮಾಡ್‍ನನೆಕೆ, ನನ್ನ ತಿರಸ್ಕಾರ ಮಾಡ್‌ವಯಿಂಗ ನನ್ನ ಅಯಿಚ ದೇವನ ತಿರಸ್ಕಾರ ಮಾಡ್‌ನನೆಕೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:23

ಅದ್ಂಗ್ ಎಜಮಾನ: ನೀನ್ ಊರ್‌ರ ಬೇಲಿರ ಪೊರಮೆಯು, ಬೋರೆ ಬೋರೆ ಬಟ್ಟೇಕು, ಬೇಲ್‍ಕು ಪೋಯಿತ್ ಕಂಡಿತವಾಯಿತ್ ಬಪ್ಪಕ್ ಎಣ್ಣ್, ಅಕ್ಕ ನಾಡ ಮನೆ ದುಂಬಿರುವಾಂದ್ ಎಣ್ಣ್‌ಚಿ.

ಯೋಹಾನ 20:21

ಯೇಸು ಇಂಞೊರ್ ಕುರಿ ನಿಂಗಕ್ ಸಮಾದಾನ ಆಡ್; ನಾಡ ಅಪ್ಪ ನನ್ನ ಅಯಿಚನೆಕೆ ನಿಂಗಳ ನಾನು ಅಯಿಚಂಡುಳ್ಳ್‌ಂದ್ ಎಣ್ಣಿತ್,

ರೋಮ್ 5:10

ನಂಗ ದೇವಕ್ ವಿರೋದಿಯಂಗಳಾಯಿತಿಪ್ಪಕ, ಅಂವೊಂಡ ಮೋಂವೊಂಡ ಚಾವ್‍ರಗುಂಡ್ ವಿರೋದತ್‍ನ ನೀಕಿತ್ ಸಮಾದಾನತ್‍ನ ಕೊಂಡ್ ಬಾತೇಂಗಿ, ವಿರೋದತ್‍ನ ನೀಕಿತ್ ಸಮಾದಾನ ಕ್‍ಟ್ಟ್‌ನ ಪಿಂಞ ಅಂವೊಂಡ ಜೀವತ್‍ರ ಮೂಲಕ ಬಚಾವಾಪದ್ ಎಚ್ಚಕ್ ಕಂಡಿತ.

2 ಕೊರಿಂಥ 12:10

ಆನಗುಂಡ್, ಕ್ರಿಸ್ತಂಗಾಯಿತ್ ನಾಕ್ ಬಪ್ಪ ಬಲಹೀನವಾನ ವಿಷಯತ್‍ಲ್, ಜನ ಎಣ್ಣುವ ದೂಷಣೇಲ್, ಹಿಂಸೇಲ್, ಕಷ್ಟತ್‍ಲ್, ದುಃಖತ್‍ಲ್ ನಾನ್ ಕುಶಿಪಟ್ಟಂಡುಳ್ಳ. ಅನ್ನನೆ, ನಾನ್ ಬಲಹೀನವಾಯಿತ್ ಇಪ್ಪಕಲೆ ಬಲ ಉಳ್ಳಂವೊನಾಯಿತುಳ್ಳ.

2 ಕೊರಿಂಥ 3:6

ಪುದಿಯ ಒಪ್ಪಂದತ್‍ರ ಸೇವಕಂಗಳಾಯಿತ್ ಇಪ್ಪಕ್, ಅಂವೊನೇ ನಂಗಳ ಯೋಗ್ಯವಂತಯಿಂಗಳಾಯಿತ್ ಮಾಡಿತುಂಡ್; ಈ ಒಪ್ಪಂದ ಒಳ್‍ತ್‍ರ ಪ್ರಕಾರ ಅಲ್ಲ ಆಚೇಂಗಿ ಪವಿತ್ರಾತ್ಮತ್‍ರ ಪ್ರಕಾರ ಆನದ್. ಎನ್ನಂಗೆಣ್ಣ್‌ಚೇಂಗಿ, ಒಳ್‍ತ್ ನಂಗಳ ಕೊಲ್ಲುವ; ದೇವಡ ಆತ್ಮವೋ ನಂಗಕ್ ಜೀವ ತಪ್ಪ.

2 ಕೊರಿಂಥ 5:11

ಆನಗುಂಡ್, ಒಡೆಯಂಗ್ ಬೊತ್ತಿಯಂಡ್ ಬದ್‍ಕ್‍ವದ್ ಎಂತದ್‍ೕಂದ್ ಗೊತ್ತುಳ್ಳಗುಂಡ್, ನಂಗ ಜನಕ್ ಬುದ್ದಿ ಎಣ್ಣಿಯಂಡುಂಡ್; ನಂಗ ಎನ್ನನೆ ಉಂಡ್‍ೕಂದ್ ದೇವಕ್ ಗೊತ್ತುಂಡ್, ನಿಂಗಡ ಮನಸಾಕ್ಷಿಕು ಇದ್ ಗೊತ್ತುಂಡ್‍ೕಂದ್ ನಂಬುವಿ.

2 ಕೊರಿಂಥ 6:1

ದೇವಡ ಕೃಪೇನ ನಿಂಗ ಸ್ವೀಕಾರ ಮಾಡ್‍ನ ಪಿಂಞ ಅದ್‍ನ ಪ್ರಯೋಜನ ಇಲ್ಲತನೆಕೆ ಮಾಡ್‌ವಕ್ಕಾಗಾಂದ್ ದೇವಡ ಕೂಡೆ ಸೇವೆ ಮಾಡ್‌ವಯಿಂಗಳಾನ ನಂಗ ನಿಂಗಕ್ ಬುದ್ದಿ ಎಣ್ಣುವ.

ಎಫೆಸ 6:20

ದೇವಡ ನಲ್ಲ ಸುದ್ದಿರ ಗುಟ್ಟ್‌ನ ಎಣ್ಣುವಕ್ ಸರಿಯಾನ ಬಾಕ್ ನಾಕ್ ಕ್‍ಟ್ಟ್‌ವಕಾಯಿತ್‌ ಪ್ರಾರ್ಥನೆ ಮಾಡಿ.

ಕೊಲೊಸ್ಸೆ 1:20

ಅಂವೊಂಡ ಮೋಂವೊಂಡ ಮೂಲಕ, ಎಲ್ಲಾನ ತಾಂಡ ಪಕ್ಕ ಪುನಃ ಕೊಂಡ್ ಬಂದಿತ್ ನಿಂಗಡ ಕೂಡೆ ಇಂಜ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡ್‌ವಕ್ ತೀರ್ಮಾನ ಮಾಡ್‍ಚಿ. ಪರಲೋಕತ್‍ಲ್ ಉಳ್ಳಾನ ಎಲ್ಲಾ, ಬೂಲೋಕತ್‍ಲ್ ಉಳ್ಳಾನ ಎಲ್ಲಾ, ತಾಂಡ ಮೋಂವೊ ಶಿಲುಬೇಲ್ ಬೂಕ್‌ನ ಚೋರೆರ ಮೂಲಕ ಸಮಾದಾನ ಮಾಡ್‌ವಕ್ ಅಂವೊ ತೀರ್ಮಾನ ಮಾಡ್‍ಚಿ.

1 ಥೆಸಲೊನೀಕ 4:8

ಆನಗುಂಡ್, ಈ ಬೋದನೆನ ದಾರೇಂಗಿ ಅಲ್ಲಗೆಳೆದ್‌ಚೇಂಗಿ, ಅಯಿಂಗ ಮನುಷ್ಯನ ಅಲ್ಲ, ನಂಗಕ್ ಪವಿತ್ರಾತ್ಮತ್‍ನ ತಂದ ದೇವನ ಅಲ್ಲಗೆಳ್ಂದನೆಕೆ ಆಪ.