2 ಕೊರಿಂಥ 5:19 - ಕೊಡವ ಬೈಬಲ್

¹⁹ ಅದ್ ಎಂತ ಎಣ್ಣ್‌ಚೇಂಗಿ, ದೇವ ಈ ಲೋಕತ್‍ರ ಪಾಪತ್‍ನ ಅಯಿಂಗಕ್ ವಿರೋದವಾಯಿತ್ ಲೆಕ್ಕ ಮಾಡತೆ, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ಮೂಲಕ ಅಯಿಂಗಡ ಮೇಲೆ ಇಂಜ ವಿರೋದತ್‍ನ ಕಳೆಂದಿತ್, ಸಮಾದಾನ ಮಾಡ್‍ಚಿ. ಜನಡಮೇಲೆ ಇಂಜ ದೇವಡ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡ್‌ವ ಬೋದನೆನ ನಂಗಕ್ ಒಪ್ಪ್‌ಚಿಟ್ಟತ್.

2 ಕೊರಿಂಥ 5:19 ပူးပေါင်းရင်းမြစ်များ

ಮತ್ತಾಯ 1:23

ಆ ತಕ್ಕ್ ಎಂತ ಎಣ್ಣ್‌ಚೇಂಗಿ: ನೋಟ್, ಒರ್ ಕನ್ನಿ ಮೂಡಿ ಕೆಲಕರ್ತಿಯಾಯಿತ್ ಒರ್ ಮೋಂವೊನ ಪೆರ್‌ವ; ಅಂವೊಂಗ್ ಇಮ್ಮಾನುವೇಲ್ ಎಣ್ಣುವ ಪೆದ ಇಡಂಡು. ಇಮ್ಮಾನುವೇಲ್ ಎಣ್ಣ್‌ಚೇಂಗಿ: ದೇವ ನಂಗಡ ಕೂಡೆ ಉಂಡ್‍ೕಂದ್ ಅರ್ಥ.

ಯೋಹಾನ 14:20

ನಾನ್ ನಾಡ ಅಪ್ಪಂಡಲ್ಲಿ, ನಿಂಗ ನಾಡಲ್ಲಿ, ನಾನ್ ನಿಂಗಡಲ್ಲಿ ಇಪ್ಪದ್‍ನ ಆ ದಿವಸತ್‍ಲ್ ನಿಂಗ ಅರ್ಥಮಾಡ್‍ವಿರ.

ಯೋಹಾನ 17:23

ಐಕ್ಯತ್‍ಲ್ ಈಂಗ ಪೂರ್ತಿಯಾಯಿತ್ ಇಪ್ಪಕಾಯಿತು, ನೀನ್ ನನ್ನ ಲೋಕಕ್ ಅಯಿಚದ್‍ನ ಪಿಂಞ ನೀನ್ ನಾಡಲ್ಲಿ ಪ್ರೀತಿಯಾಯಿತ್ ಇಪ್ಪನೆಕೆ ಅಯಿಂಗಡಲ್ಲಿ ಪ್ರೀತಿಯಾಯಿತ್ ಇಪ್ಪದ್‍ನ ಲೋಕತ್‍ರ ಜನ ಗೊತ್ತಾಪಕಾಯಿತು ನಾನ್ ಅಯಿಂಗಡಲ್ಲಿಯು ನೀನ್ ನಾಡಲ್ಲಿಯು ಇರಂಡೂಂದ್ ಪ್ರಾರ್ಥನೆ ಮಾಡ್‌ವಿ.

ರೋಮ್ 11:15

ಅಯಿಂಗಳ ದೇವ ಬೋಂಡಾಂದ್ ತಿರಸ್ಕಾರ ಮಾಡ್‍ನದ್ ಮೂಲಕ, ಈ ಲೋಕತ್‍ನ ಅಂವೊಂಡ ಕೂಡೆ ಇಂಜ ವಿರೋದತ್‍ನ ಕಳೆಂಜಿತ್ ಸಮಾದಾನ ಮಾಡ್‌ವಕ್ ಅಂವೊಂಗ್ ಕುಶಿಯಾಚೇಂಗಿ, ಇಸ್ರಾಯೇಲ್ ಜನಳ ಸ್ವೀಕಾರ ಮಾಡ್‍ವದ್, ಇಂಞು ಎಚ್ಚಕ್ ಬಲ್ಯದಾಯಿತಿಪ್ಪ; ಅದ್ ಚತ್ತ್ ಪೋನಯಿಂಗ ಜೀವತ್‍ಲ್ ಬಂದನೆಕೆ ಇಪ್ಪ ಅಲ್ಲ?

1 ಕೊರಿಂಥ 13:5

ಪ್ರೀತಿ ಮರ್ಯಾದಿ ಇಲ್ಲತೆ ನಡ್‍ತುಲೆ. ಅದ್ ತಾಂಡ ಸ್ವಂತದ್‍ನ ಮಾತ್ರ ಗೇನ ಮಾಡುಲೆ, ಪ್ರೀತಿ ಬೆರಿಯ ಚೆಡಿ ಮಾಡುಲೆ, ಬೋರೆಯಿಂಗ ಕೆಟ್ಟದ್ ಮಾಡ್‌ನಾನ ಲೆಕ್ಕ ಬೆಚ್ಚೊಲೆ.

ಕೊಲೊಸ್ಸೆ 2:9

ಎನ್ನಂಗೆಣ್ಣ್‌ಚೇಂಗಿ, ದೇವಕ್ ಬೋಂಡಿಯಾನ ಎಲ್ಲಾ ಗುಣವು ಕ್ರಿಸ್ತಂಡ ತಡೀಲ್ ವಾಸ ಮಾಡಿಯಂಡ್ ಉಂಡ್.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

1 ಯೋಹಾನ 4:10

ನೇರಾನ ಪ್ರೀತಿ ಎಂತ ಎಣ್ಣ್‌ಚೇಂಗಿ, ನಂಗ ದೇವಡ ಮೇಲೆ ಬೆಚ್ಚ ಪ್ರೀತಿ ಅಲ್ಲ, ದೇವ ನಂಗಡ ಮೇಲೆ ಬೆಚ್ಚ ಪ್ರೀತಿಯೇ. ಅದ್, ನಂಗಡ ಪಾಪತ್‍ನ ಪರಿಹಾರ ಮಾಡ್‌ವಕ್ ದೇವ ತಾಂಡ ಒರೇ ಮೋಂವೊನ ಈ ಲೋಕಕ್ ಅಯಿಚದ್.