2 ಕೊರಿಂಥ 5:13 - ಕೊಡವ ಬೈಬಲ್

¹³ ನಂಗ ಪುಚ್ಚ್ ಪುಡ್‍ಚಯಿಂಗಡನೆಕೆ ಇಂಜತೇಂಗಿ ಅದ್ ದೇವಕಾಯಿತೇ; ಅಥವ, ಚಾಯಿ ಬುದ್ದಿಯುಳ್ಳಯಿಂಗಳಾಯಿತ್ ಇಂಜತೇಂಗಿ, ಅದ್ ನಿಂಗಕಾಯಿತ್‍ೕಂದ್ ಎಡ್‌ತೊಳಿ.

2 ಕೊರಿಂಥ 5:13 ပူးပေါင်းရင်းမြစ်များ

ಮಾರ್ಕ 3:21

ಇದ್ ಯೇಸುರ ಕುಟುಂಬಕಾರಕ್ ಗೊತ್ತಾಚಿ. ಯೇಸುಕ್ ಪುಚ್ಚ್ ಪುಡ್‍ಚಿ ಪೋಚೀಂದ್ ಗೇನ ಮಾಡಿತ್ ಯೇಸುನ ಕಾಕಿಯಂಡ್ ಪೋಪಕ್ ನೋಟಿಯಂಡ್ ಇಂಜತ್.

ರೋಮ್ 12:3

ನಿಂಗಡಲ್ಲಿ ಒಬ್ಬೊಬ್ಬನು, ತಾಂಡ ಸ್ತಾನಕಿಂಜ ಬಲ್ಯದಾಯಿತ್ ಗೇನ ಮಾಡತಿ, ಅಂವೊಂಗ್ ಎಚ್ಚಕ್ ನಂಬಿಕೇನ ದೇವ ಪಾಲ್ ಮಾಡಿತ್ ತಂದಿತೋ, ಅದ್ಂಗ್ ತಕ್ಕಂತೆ ಗೇನ ಮಾಡಿಯಂಡ್ ಚಾಯಿ ಮನಸ್ಸ್‌ಲ್ ಇರೀಂದ್ ದೇವ ನಾಕ್ ತಂದಿತುಳ್ಳ ಕೃಪೇರಗುಂಡ್ ನಿಂಗ ಒಬ್ಬೊಬ್ಬಂಗು ಎಣ್ಣ್‌ವಿ.

2 ಕೊರಿಂಥ 11:1

ನಿಂಗ ನಾಡ ಮುಠಾಳತನತ್‍ನ ಚೆನ್ನ ಸಹಿಸಿಯಂಡಿಂಜತೇಂಗಿ ಚಾಯಿಪ್ಪ. ಅನ್ನನೆ ಮಿಂಞಲೇ ನಿಂಗ ನನ್ನ ಸಹಿಸಿಯಂಡಿಂಜಿರ.

2 ಕೊರಿಂಥ 12:11

ಒರ್ ಬುದ್ದಿ ಇಲ್ಲತಂವೊನನೆಕೆ ಹೊಗಳ್‌ಚಿಡುವಕ್ ಬಲ ಇಲ್ಲತಂವೊನಾಯಿತ್ ನಾನ್ ಆಯೆ, ನಾನ್ ಅನ್ನನೆ ಆಪಕ್ ನಿಂಗಳೇ ಮಾಡಿರ. ನಿಂಗಡಗುಂಡೇ ನಾಕ್ ಹೊಗಳ್‍ಚಿಡುವನೆಕೆ ಆಪಕಿಂಜತ್. ನಾನ್ ಒಂದು ಇಲ್ಲೇಂದ್ ಗೇನಮಾಡ್‍ಚೇಂಗಿಯು, ದುಂಬ ಮುಕ್ಯಪಟ್ಟ ಅಪೊಸ್ತಲಂಗಕಿಂಜ ಒರ್ ವಿಷಯತ್‍ಲ್ ಕೂಡೆ ಅಯಿಂಗಕಿಂಜ ನಾನ್ ಕಮ್ಮಿ ಆನಂವೊ ಇಲ್ಲೆ.

2 ಕೊರಿಂಥ 12:6

ಹೊಗಳಿಚಿಡ್‌ವಕ್ ನಾಕ್ ಮನಸ್ಸ್ ಇಂಜತೇಂಗಿಯು, ನಾನ್ ಬುದ್ದಿ ಇಲ್ಲತಂವೊ ಅಲ್ಲ, ನಾನ್ ಸತ್ಯತ್‍ನ ಎಣ್ಣ್‌ವಿ. ಆಚೇಂಗಿಯು, ಒಬ್ಬನು ನಾಡಲ್ಲಿ ಕಾಂಬ ಪಿಂಞ ನನ್ನಿಂಜ ಕ್‍ೕಪ ವಿಷಯಕ್ ಜಾಸ್ತಿಯಾಯಿತ್ ನನ್ನ ಗೇನಮಾಡತನೆಕೆ ಅನ್ನನೆ ಮಾಡತೆ ಇಪ್ಪಿ.

2 ಕೊರಿಂಥ 7:12

ಆನಗುಂಡ್, ನಾನ್ ನಿಂಗಕ್ ಅನ್ನನೆ ಒಳ್‍ದಿತ್ಂಜತೇಂಗಿಯು, ಅದ್ ಅನ್ಯಾಯ ಮಾಡ್‍ನಂವೊಂಗಾಯಿತು ಅಲ್ಲ, ಅನ್ಯಾಯ ಆನಂವೊಂಗಾಯಿತು ಅಲ್ಲ; ದೇವಡ ಮಿಂಞತ್ ನಿಂಗಡ ವಿಷಯತ್ ನಂಗಕ್ ಉಳ್ಳ ಜಾಗ್ರತೆ ನಿಂಗಕ್‌ ಗೊತ್ತಾಪಕಾಯಿತೇ ಅನ್ನನೆ ಒಳ್‍ದಿಯೆ.

ಕೊಲೊಸ್ಸೆ 1:24

ಇಕ್ಕ ನಿಂಗಡಗುಂಡ್ ನಾನ್ ಅನುಬವಿಚಿಟ್ಟಂಡುಳ್ಳ ಕಷ್ಟತ್‍ಲ್ ಕುಶಿಪಟ್ಟಿತ್, ಕ್ರಿಸ್ತಂಡ ಕಷ್ಟತ್‍ಲ್ ಇಂಞು ಮಾಡ್‌ವಕುಳ್ಳದ್‍ನ ಅಂವೊಂಡ ತಡಿಯಾನ ಸಬೇಕಾಯಿತ್ ನಾಡ ತಡೀಲ್ ಪೂರ್ತಿ ಮಾಡಿಯಂಡುಳ್ಳ.

1 ಥೆಸಲೊನೀಕ 1:5

ನಂಗ ನಿಂಗಡ ಪಕ್ಕ ಎಣ್ಣ್‌ನ ದೇವಡ ನಲ್ಲ ಸುದ್ದಿ ತಕ್ಕಾಯಿತ್ ಮಾತ್ರ ಬಂದಿತ್‌ಲ್ಲೆ. ಆಚೇಂಗಿ ಅದ್ ಶಕ್ತಿಲ್, ಪವಿತ್ರಾತ್ಮತ್‍ಲ್ ಪಿಂಞ ತ್‍ೕರ ನಿಶ್ಚಯತ್‍ಲ್ ಬಾತ್‍ೕಂದ್ ನಂಗಕ್ ಗೊತ್ತುಂಡ್. ನಿಂಗಕ್ ಗೊತ್ತುಳ್ಳನೆಕೆ, ನಂಗ ನಿಂಗಡ ಕೂಡೆ ಇಪ್ಪಕ, ನಿಂಗಡ ನಲ್ಲಾಮೇಕಾಯಿತ್, ನಂಗ ಎನ್ನನೆ ಬದ್‍ಕಿಯಂಡ್ ಇಂಜತ್‍ೕಂದ್ ನಿಂಗಕ್ ಗೊತ್ತುಂಡಲ್ಲ?

2 ತಿಮೊಥೆಯ 2:10

ಆಂಗಾಯಿತ್ ಗೊತ್ತ್ ಮಾಡಿತುಳ್ಳಯಿಂಗಕ್ ಯೇಸು ಕ್ರಿಸ್ತಂಡಿಂಜ ಕ್‍ಟ್ಟ್‌ವ ರಕ್ಷಣೆ ನಿತ್ಯ ಮಹಿಮೆಲ್ ಅಯಿಂಗಕ್ ಸಹ ಕ್‍ಟ್ಟ್‌ವನೆಕೆ ನಾನ್ ಎಲ್ಲಾನ ಅಯಿಂಗಕಾಯಿತ್ ಸಹಿಸಿಯಂಡುಂಡ್.