2 ಕೊರಿಂಥ 4:6 - ಕೊಡವ ಬೈಬಲ್

⁶ ಇರ್‌ಟ್‌ಂಜ ಬೊಳಿನ ಮಿನ್ನ್‌ವಕ್ ಎಣ್ಣ್‌ನ ದೇವ, ಯೇಸು ಕ್ರಿಸ್ತಂಡ ಮೂಡ್‍ಲ್ ಉಳ್ಳ ತಾಂಡ ಮಹಿಮೇರ ಜ್ಞಾನತ್‍ರ ಬೊಳಿನ ತಪ್ಪಕಾಯಿತ್, ನಂಗಡ ಹೃದಯತ್‍ಲ್ ಮಿನ್ನ್‌ಚಿ.

2 ಕೊರಿಂಥ 4:6 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:3

ಅಕ್ಕ ದೇವ: ಬೊಳಿ ಆಡ್‍ೕಂದ್‌ ಎಣ್ಣ್‌ಚಿ. ಅಕ್ಕ ಬೊಳಿ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:22

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೇಂದ್ ಎಣ್ಣ್‌ಚಿ.

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

ಯೋಹಾನ 11:40

ಅಕ್ಕ ಯೇಸು ಅವಳ ನೋಟಿತ್: ನೀಕ್ ನಾಡ ಮೇಲೆ ನಂಬಿಕೆ ಇಂಜತೇಂಗಿ ದೇವಡ ಮಹಿಮೆನ ಕಾಂಬಿಯಾಂದ್ ನಾನ್ ನೀಕ್ ಎಣ್ಣಿತಿಲ್ಲೆಯಾಂದ್ ಎಣ್ಣ್‌ಚಿ.

ಯೋಹಾನ 12:41

ಯೆಶಾಯ, ಯೇಸು ಎನ್ನನೆ ಇಪ್ಪಾಂದ್ ಪಿಂಞ ಅಂವೊಂಡ ಮಹಿಮೆನ ಗೊತ್ತಾನಗುಂಡ್ ಇನ್ನನೆ ಎಣ್ಣಿತ್ಂಜತ್.

ಅಪೊಸ್ತಲ 26:18

ಅಯಿಂಗ ನಾಡ ಮೇಲೆ ಇಡ್‌ವ ನಂಬಿಕೇರಗುಂಡ್, ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್, ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರ ಮಾಡ್‍ನ ಜನಕ್ ಕ್‍ಟ್ಟುವ ಬಾದ್ಯತೆನ ಪಡೆಯುವನೆಕೆ, ಅಯಿಂಗ ಇರ್‍ಟಿಂಜ ಬೊಳಿಕು, ಸೈತಾನಂಡ ಅದಿಕಾರತ್ಂಜ ದೇವಡ ಕಡೇಕು ತಿರಿತ್ ಅಯಿಂಗಡ ಕಣ್ಣ್ ತೊರಕಂಡೂಂದ್ ನಿನ್ನ ನಾನ್ ಅಯಿಂಗಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

1 ಕೊರಿಂಥ 12:8

ಎನ್ನನೆ ಎಣ್ಣ್‌ಚೇಂಗಿ, ಒಬ್ಬಂಗ್ ಪವಿತ್ರಾತ್ಮನಗುಂಡ್ ಜ್ಞಾನತ್‍ನ ಬೋದನೆ ಮಾಡ್‌ವ ವರ, ಬೋರೆ ಒಬ್ಬಂಗ್ ಅದೇ ಪವಿತ್ರಾತ್ಮನಗುಂಡ್ ಬುದ್ದಿ ಎಣ್ಣುವ ವರ,

2 ಕೊರಿಂಥ 2:10

ನಿಂಗ ದಾರ್‌ಕ್, ಏದ್‍ನ ಮನ್ನಿಚಿಡ್‌ವಿರೋ, ನಾನು ಸಹ ಅಯಿಂಗಳ ಮನ್ನಿಚಿಡುವಿ. ನಾನ್ ಏದ್‍ನ ಮನ್ನಿಚಿಟ್ಟಿತುಂಡೋ, ಅದ್‍ನ ನಿಂಗಕಾಯಿತ್ ಕ್ರಿಸ್ತಂಡ ಸನ್ನಿದಾನತ್‍ಲ್ ಮನ್ನಿಚಿಟ್ಟಿಯೆ.

2 ಕೊರಿಂಥ 3:18

ನಂಗ ಎಲ್ಲಾರು, ಮೂಡ್‌ರ ಮೇಲೆ ಬಟ್ಟೆ ಇಲ್ಲತಯಿಂಗಳಾಯಿತ್, ಒಡೆಯಂಡ ಮಹಿಮೆನ ಒರ್ ಕನ್ನಡಿಲ್ ಕಾಂಬನೆಕೆ ಕಂಡಂಡುಂಡ್. ಆತ್ಮವಾಯಿತುಳ್ಳ ಒಡೆಯನಗುಂಡ್, ಅಂವೊಂಡನೆಕೆ ಮಹಿಮೇರ ಮೇಲೆ ಮಹಿಮೆ ಪಡ್ಂದಿತ್, ಅಂವೊಂಡ ಮಹಿಮೇರ ರೂಪತ್‍ರನೆಕೆ ಬದ್‍ಲಾಯಂಡುಂಡ್.

2 ಕೊರಿಂಥ 4:4

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

ಎಫೆಸ 1:17

ಯೇಸು ಕ್ರಿಸ್ತಂಡ ಒಡೆಯನು, ಮಹಿಮೇರ ಅಪ್ಪನು ಆಯಿತುಳ್ಳ ದೇವನ, ನಿಂಗ ಚಾಯಿತೆ ಗೊತ್ತಾಪಕುಳ್ಳ ಜ್ಞಾನತ್‍ನ ಪಿಂಞ ಪ್ರಕಟನೆನ ತಪ್ಪ ಪವಿತ್ರಾತ್ಮತ್‍ನ ನಿಂಗಕ್ ತರಂಡೂಂದ್ ಪ್ರಾರ್ಥನೆ ಮಾಡಿಯಂಡುಳ್ಳ.

ಎಫೆಸ 1:18

ಅಂವೊ ನಿಂಗಳ ಕಾಕ್‍ನಗುಂಡ್ ನಿಂಗಕುಳ್ಳ ನಿರೀಕ್ಷೆ ಎಂತದ್‍ೕಂದು, ದೇವಡ ಮಕ್ಕಡ ಪಕ್ಕ ನಂಗಕುಳ್ಳ ಬಾದ್ಯತೆರ ಮಹಿಮೇರ ಐಶ್ವರ್ಯ ಎಂತದ್‍ೕಂದ್ ಗೊತ್ತಾಪಕು,

ಎಫೆಸ 5:8

ಪಂಡ್ ನಿಂಗ ಇರ್‌ಟ್‌ಲ್ ಇಂಜಿರ, ಆಚೇಂಗಿ ಇಕ್ಕ ನಿಂಗ ಒಡೆಯಂಡಲ್ಲಿ ಉಳ್ಳಗುಂಡ್ ಬೊಳಿಲ್ ಉಳ್ಳಿರ; ಆನಗುಂಡ್ ಬೊಳಿರ ಮಕ್ಕಡನೆಕೆ ನಡ್‌ಕಂಡು.

ಫಿಲಿಪ್ಪಿ 2:6

ಅಂವೊ ದೇವನಾಯಿತ್ ಇಂಜತೇಂಗಿಯು, ಅಂವೊ ದೇವಡ ಕೂಡೆ ಸಮವಾಯಿತ್ ಇರಂಡೂಂದ್ ಅದ್‍ನ ಪುಡ್‌ಚಂಡೇ ಇಂಜಿತ್‌ಲ್ಲೆ.

ಕೊಲೊಸ್ಸೆ 1:15

ಅಂವೊ, ಕಾಂಬಕ್ ಕಯ್ಯತ ದೇವಡ ರೂಪವಾಯಿತು, ಎಲ್ಲಾ ಸೃಷ್ಟಿಕ್ ಆದ್ಯಂವೊನಾಯಿತು ಉಂಡ್.

1 ಥೆಸಲೊನೀಕ 2:12

ದೇವ ಅಂವೊಂಡ ರಾಜ್ಯಕು, ಮಹಿಮೆಕು, ನಿಂಗ ಪಾಲ್‍ದಾರಂಗಳಾಯಿತ್ ಇಪ್ಪಕ್ ನಿಂಗಳ ಕಾಕ್‍ನಗುಂಡ್, ನಂಗ ನಿಂಗಕ್ ಬುದ್ದಿ ಎಣ್ಣಿಯಂಡ್, ಸಮಾದಾನ ಮಾಡಿಯಂಡ್, ದೇವಡ ಮಕ್ಕ ಎನ್ನನೆ ಇರಂಡುವೋ ಅನ್ನನೆ ಬದ್‍ಕಂಡೂಂದ್ ನಿಂಗಳ ಬೋಡಿಯಂಡಿಂಜತ್.

ಇಬ್ರಿಯ 1:3

ಇಂವೊ ದೇವಡ ಮಹಿಮೇರ ಬೊಳಿಯು, ಅಂವೊಂಡ ರೂಪತ್‍ರ ಪ್ರತಿಮೆಯುವಾಯಿತುಂಡ್. ಅದಲ್ಲತೆ, ಎಲ್ಲಾನ ಅಂವೊಂಡ ಶಕ್ತಿ ದುಂಬ್‍ನ ವಾಕ್ಯತ್‍ರಗುಂಡ್ ಪೊರ್‍ತಂಡ್ ಅಂವೊನಗುಂಡ್ ನಂಗಡ ಪಾಪತ್‍ನ ಕಳೆಯುವಕಾಯಿತ್ ಶುದ್ದ ಮಾಡ್‌ವ ಕ್ರಿಯೇನ ಮಾಡ್‍ಚಿ. ಪಿಂಞ ಪರಲೋಕತ್‍ಲ್ ಉಳ್ಳ ಮಹಿಮೆ ದುಂಬ್‍ನಂವೊಂಡ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 6:4

ಎನ್ನಂಗೆಣ್ಣ್‌ಚೇಂಗಿ, ದೇವಡ ಬೊಳಿಕ್ ಬಂದಿತ್, ಪರಲೋಕತ್‍ರ ಇನಾಮ್‍ನ ಅನುಬವಿಚಿಟ್ಟಿತ್, ಪವಿತ್ರಾತ್ಮನ ಪಡ್ಂದಿತ್,

1 ಪೇತ್ರ 1:12

ಅಯಿಂಗಕಾಯಿತ್ ಅಲ್ಲತೆ, ನಂಗಕಾಯಿತೇ ಇನ್ನನೆ ಅಯಿಂಗ ಪ್ರವಾದನೆ ಎಣ್ಣ್‌ಚೀಂದ್ ಅಯಿಂಗಕ್ ಗೊತ್ತಾಚಿ. ಪರಲೋಕತ್ಂಜ ಈ ಲೋಕಕ್ ದೇವ ಅಯಿಚ ಪವಿತ್ರಾತ್ಮತ್‍ರಗುಂಡ್, ನಿಂಗಕ್ ದೇವಡ ನಲ್ಲ ಸುದ್ದಿನ ಎಣ್ಣ್‌ನಯಿಂಗಡ ಮೂಲಕ, ಈ ವಿಷಯತ್‌ನೆಲ್ಲ ಇಕ್ಕ ನಿಂಗಕ್ ಎಣ್ಣಿಯಂಡುಂಡ್. ಇದ್‍ನ ದೇವದೂತಂಗ ಸಹ ಚಾಯಿ ನೋಟ್‍ವಕ್ ಕುಶೀಲ್ ಉಂಡ್.

1 ಪೇತ್ರ 2:9

ಆಚೇಂಗಿ ನಿಂಗ, ನಿಂಗಳ ಇರ್‌ಟ್‌ಂಜ ತಾಂಡ ಅದ್ಬುತವಾನ ಬೊಳಿಕ್ ಕಾಕ್‌ನಂವೊಂಡ ತುದಿನ ಅರಿಚಿಡ್‌ವಕ್, ದೇವ ಗೊತ್ತ್ ಮಾಡ್‍ನಯಿಂಗಳಾಯಿತ್, ರಾಜಕೀಯ ಯಾಜಕಂಗಳಾಯಿತ್, ಪವಿತ್ರವಾನ ರಾಜ್ಯತ್‍ರ ಮಕ್ಕಳಾಯಿತ್ ಪಿಂಞ ದೇವಡ ಸ್ವಂತ ಜನವಾಯಿತ್ ಉಳ್ಳಿರ.

2 ಪೇತ್ರ 1:19

ಈ ಅನುಬವ ನಂಗಕ್ ಕ್‍ಟ್ಟ್‌ನಗುಂಡ್, ಪ್ರವಾದಿಯಂಗ ಪ್ರವಾದನೆ ಮಾಡ್‍ನ ವಿಷಯತ್‍ಲ್ ನಂಗಕ್ ದುಂಬ ನಂಬಿಕೆ ಉಂಡ್. ಅಯಿಂಗ ಒಳ್‍ದಿ ಬೆಚ್ಚಿತುಳ್ಳದ್‍ನ ನಿಂಗ ಚಾಯಿ ನೋಟಂಡು. ಅಯಿಂಗಡ ವಾಕ್ಯವೆಲ್ಲ, ಇರ್‌ಟ್‌ಲ್ ಬೊಳಿ ತಪ್ಪ ಬೊಳ್‌ಚತ್‍ರನೆಕೆ ಉಂಡ್. ಪೊಲಾಕ ಆಪಕ ಬೊಳ್ಳಿ ಮೀನ್ ಬಪ್ಪನೆಕೆ, ಅಯಿಂಗಡ ವಾಕ್ಯ ನಿಂಗಡ ಹೃದಯತ್‍ಲ್ ಬೊಳಿಯುವಕತ್ತನೆ ಅದ್‍ನ ನೋಟಿಯಂಡ್ ಇಪ್ಪದ್ ನಲ್ಲದಾಯಿತಿಪ್ಪ.