2 ಕೊರಿಂಥ 4:15 - ಕೊಡವ ಬೈಬಲ್

¹⁵ ದೇವಡ ಕೃಪೆ ದುಂಬ ಜನಡ ಪಕ್ಕ ಪೋಯಂಡ್, ದೇವಡ ಮಹಿಮೆಕಾಯಿತ್ ಅಂವೊಂಗ್ ವಂದನೆ ಎಣ್ಣುವದ್ ಅದಿಯಾಯಂಡಿಪ್ಪನೆಕೆ ಇದೆಲ್ಲಾ ನಿಂಗಕಾಯಿತ್ ಆಯಂಡುಂಡ್.

2 ಕೊರಿಂಥ 4:15 ပူးပေါင်းရင်းမြစ်များ

ರೋಮ್ 8:28

ಇದ್‍ಲ್ಲತೆ, ಅಂವೊಂಡ ತೀರ್ಮಾನತ್‍ರ ಪ್ರಕಾರ ಕಾಕ್‍ನಯಿಂಗಳಾಯಿತ್, ಅಂವೊನ ಪ್ರೀತಿಚಿಡ್‌ವಯಿಂಗಕ್ ಎಲ್ಲಾ ನಲ್ಲದಾಯಿತೇ ದೇವ ಮಾಡ್‌ವಾಂದ್ ನಂಗಕ್ ಗೊತ್ತುಂಡ್.

1 ಕೊರಿಂಥ 9:19

ನಾನ್ ದಾರ್‌ಕು ಗುಲಾಮನಲ್ಲ, ಆಚೇಂಗಿ ದುಂಬ ಜನತ್‍ನ ಕ್ರಿಸ್ತಂಡ ಜನಳಾಯಿತ್ ಮಾಡ್‌ವಕ್, ಎಲ್ಲಾ ಜನಡ ಗುಲಾಮನಾಯಿತ್ ನನ್ನ ಮಾಡಿಯಂಡಿಯೆ.

2 ಕೊರಿಂಥ 1:11

ನಿಂಗ ನಿಂಗಡ ಪ್ರಾರ್ಥನೆರ ಮೂಲಕ ನಂಗಕ್ ಸಹಾಯ ಮಾಡಂಡು. ಅಕ್ಕ, ನಂಗಡ ಬದ್ರತೆಕಾಯಿತ್ ಮಾಡ್‍ನ ಪ್ರಾರ್ಥನೆಕ್ ದೇವ ಉತ್ತರ ಕೊಡ್‌ತಿತ್ ನಂಗಳ ಆಶೀರ್ವಾದ ಮಾಡ್‍ಚೇಂದ್ ದುಂಬ ಜನ ನಂಗಕಾಯಿತ್ ವಂದನೆ ಎಣ್ಣುವ.

2 ಕೊರಿಂಥ 8:19

ಅದಲ್ಲತೆ, ಒಡೆಯಂಗ್ ಮಹಿಮೆ ಕ್‍ಟ್ಟುವಕಾಯಿತ್, ನಿಂಗಡ ಮನಸ್ಸ್‌ರ ಆಸೆ ಗೊತ್ತಾಪಕು, ನಂಗಡ ಸೇವೇರ ಮೂಲಕ ಕೂಟ್‍ನ ದಾನತ್‍ರ ಪಣತ್‍ನ ಕೊಂಡ್ ಪೋಪಕ, ನಂಗಡ ಕೂಡೆ ಬಟ್ಟೇಲ್ ಬಪ್ಪಕಾಯಿತು, ಅಂವೊನ ಸಬೆ ಗೊತ್ತ್ ಮಾಡಿತ್ ನೇಮಿಚಿಟ್ಟತ್.

ಗಲಾತ್ಯ 1:24

ನಾಕಾಯಿತ್ ಅಯಿಂಗ ದೇವನ ತುದಿಚತ್.

ಕೊಲೊಸ್ಸೆ 1:24

ಇಕ್ಕ ನಿಂಗಡಗುಂಡ್ ನಾನ್ ಅನುಬವಿಚಿಟ್ಟಂಡುಳ್ಳ ಕಷ್ಟತ್‍ಲ್ ಕುಶಿಪಟ್ಟಿತ್, ಕ್ರಿಸ್ತಂಡ ಕಷ್ಟತ್‍ಲ್ ಇಂಞು ಮಾಡ್‌ವಕುಳ್ಳದ್‍ನ ಅಂವೊಂಡ ತಡಿಯಾನ ಸಬೇಕಾಯಿತ್ ನಾಡ ತಡೀಲ್ ಪೂರ್ತಿ ಮಾಡಿಯಂಡುಳ್ಳ.

1 ತಿಮೊಥೆಯ 1:14

ನಂಗಡ ಒಡೆಯಂಡ ಕೃಪೆ, ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ನಂಬಿಕೆ ಪಿಂಞ ಪ್ರೀತಿನ ನಾಡ ಮೇಲೆ ಪೂರ್ತಿಯಾಯಿತ್ ದುಂಬ್‍ಚಿಟ್ಟತ್.

2 ತಿಮೊಥೆಯ 2:10

ಆಂಗಾಯಿತ್ ಗೊತ್ತ್ ಮಾಡಿತುಳ್ಳಯಿಂಗಕ್ ಯೇಸು ಕ್ರಿಸ್ತಂಡಿಂಜ ಕ್‍ಟ್ಟ್‌ವ ರಕ್ಷಣೆ ನಿತ್ಯ ಮಹಿಮೆಲ್ ಅಯಿಂಗಕ್ ಸಹ ಕ್‍ಟ್ಟ್‌ವನೆಕೆ ನಾನ್ ಎಲ್ಲಾನ ಅಯಿಂಗಕಾಯಿತ್ ಸಹಿಸಿಯಂಡುಂಡ್.

1 ಪೇತ್ರ 2:9

ಆಚೇಂಗಿ ನಿಂಗ, ನಿಂಗಳ ಇರ್‌ಟ್‌ಂಜ ತಾಂಡ ಅದ್ಬುತವಾನ ಬೊಳಿಕ್ ಕಾಕ್‌ನಂವೊಂಡ ತುದಿನ ಅರಿಚಿಡ್‌ವಕ್, ದೇವ ಗೊತ್ತ್ ಮಾಡ್‍ನಯಿಂಗಳಾಯಿತ್, ರಾಜಕೀಯ ಯಾಜಕಂಗಳಾಯಿತ್, ಪವಿತ್ರವಾನ ರಾಜ್ಯತ್‍ರ ಮಕ್ಕಳಾಯಿತ್ ಪಿಂಞ ದೇವಡ ಸ್ವಂತ ಜನವಾಯಿತ್ ಉಳ್ಳಿರ.

1 ಪೇತ್ರ 4:11

ಒಬ್ಬ ಬೋದನೆ ಮಾಡ್‌ವದಾಚೇಂಗಿ, ಅಂವೊ ಚಾಯಿತೆ ದೇವಡ ವಾಕ್ಯತ್‍ರ ಪ್ರಕಾರ ಬೋದನೆ ಮಾಡಂಡು. ಒಬ್ಬ ಸೇವೆ ಮಾಡ್‌ವದಾಚೇಂಗಿ ದೇವ ಅಂವೊಂಗ್ ಕೊಡ್‍ತಿತುಳ್ಳ ಶಕ್ತಿರನೆಕೆ ಮಾಡಂಡು, ಅಕ್ಕ ನಿಂಗ ಎಂತ ಮಾಡ್‍ಚೇಂಗಿಯು, ಯೇಸು ಕ್ರಿಸ್ತಂಡ ಮೂಲಕ ದೇವಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್‌ವಕಾಪ. ಅಂವೊಂಗ್ ಎಕ್ಕಾಲು ಮಹಿಮೆ, ಶಕ್ತಿ ಬರಡ್. ಆಮೆನ್.