2 ಕೊರಿಂಥ 3:8 - ಕೊಡವ ಬೈಬಲ್

⁸ ಕಾಂಗತೆ ಆಯಿಪೋಪ ಮಹಿಮೇರ ಸೇವೆ ಅಚ್ಚಕ್ ಮಹಿಮೆ ಉಳ್ಳದಾಯಿತ್ಂಜತೇಂಗಿ, ಪವಿತ್ರಾತ್ಮತ್‍ರ ಸೇವ ಇಂಞು ಎಚ್ಚಕ್ ಮಹಿಮೆ ದುಂಬ್‍ನದಾಯಿತ್‌ಪ್ಪ?

2 ಕೊರಿಂಥ 3:8 ပူးပေါင်းရင်းမြစ်များ

ಯೋಹಾನ 1:17

ಮೋಶೇರ ಮೂಲಕ ನ್ಯಾಯಪ್ರಮಾಣ ಕ್‍ಟ್ಟ್‌ಚಿ; ಕೃಪೆಯು, ಸತ್ಯವು ಯೇಸು ಕ್ರಿಸ್ತಂಡ ಮೂಲಕ ಕ್‍ಟ್ಟ್‌ಚಿ.

ಯೋಹಾನ 7:39

ಅಂವೊಂಡ ಮೇಲೆ ನಂಬಿಕೆ ಇಡ್‌ವ ಜನಕ್ ಕ್‍ಟ್ಟುವ ಪವಿತ್ರಾತ್ಮಂಡ ವಿಷಯತ್ ಯೇಸು ಇನ್ನನೆ ಎಣ್ಣ್‌ಚಿ. ಯೇಸು ಇಂಞು ಕೊಡಿಕ್ ಪೋಯಿತ್ ಮಹಿಮೆ ಪಡತೆ ಇಂಜಗುಂಡ್, ಪವಿತ್ರಾತ್ಮನ ಇಲ್ಲಿಕತ್ತನೆ ಕೊಡ್‍ತಿತ್‌ಲ್ಲೆ.

1 ಕೊರಿಂಥ 3:16

ನಿಂಗ ದೇವಡ ಆಲಯವಾಯಿತ್ ಉಳ್ಳೀರಾಂದೂ, ನಿಂಗಡ ಹೃದಯತ್‍ಲ್ ದೇವಡ ಆತ್ಮ ವಾಸ ಮಾಡಿಯಂಡ್ ಉಂಡ್‍ೕಂದು ನಿಂಗಕ್ ಗೊತ್ತ್‌ಲ್ಲೆಯಾ?

2 ಕೊರಿಂಥ 11:4

ಎನ್ನನೆ ಎಣ್ಣ್‌ಚೇಂಗಿ, ನಿಂಗಡ ಪಕ್ಕ ಬಪ್ಪಂವೊ, ನಂಗ ಬೋದನೆ ಮಾಡತ ಬೋರೆ ಒರು ಯೇಸುನ ಬೋದನೆ ಮಾಡ್‍ಚೇಂಗಿಯು, ಅಲ್ಲತಪೋಚೇಂಗಿ, ನಿಂಗ ಪಡೆಯತ ಬೋರೆ ಒರ್ ಪವಿತ್ರಾತ್ಮತ್‍ನ ಪಡೆಯುವಕಲು, ನಿಂಗ ಸ್ವೀಕಾರ ಮಾಡತ ಬೋರೆ ಒರ್ ದೇವಡ ನಲ್ಲ ಸುದ್ದಿನ ಸ್ವೀಕಾರ ಮಾಡ್‌ವಕಲು, ನಿಂಗ ಅದ್‍ನ ಕುಶೀಲ್ ಸಹಿಸಿಯಂಡ್ ಉಳ್ಳಿರಲ್ಲ.

2 ಕೊರಿಂಥ 3:17

ಇಕ್ಕ ಒಡೆಯನೇ ಆತ್ಮವಾಯಿತುಂಡ್; ಒಡೆಯಂಡ ಆತ್ಮ ಎಲ್ಲಿ ಉಂಡೋ ಅಲ್ಲಿ ಬುಡುಗಡೆ ಉಂಡ್.

2 ಕೊರಿಂಥ 3:6

ಪುದಿಯ ಒಪ್ಪಂದತ್‍ರ ಸೇವಕಂಗಳಾಯಿತ್ ಇಪ್ಪಕ್, ಅಂವೊನೇ ನಂಗಳ ಯೋಗ್ಯವಂತಯಿಂಗಳಾಯಿತ್ ಮಾಡಿತುಂಡ್; ಈ ಒಪ್ಪಂದ ಒಳ್‍ತ್‍ರ ಪ್ರಕಾರ ಅಲ್ಲ ಆಚೇಂಗಿ ಪವಿತ್ರಾತ್ಮತ್‍ರ ಪ್ರಕಾರ ಆನದ್. ಎನ್ನಂಗೆಣ್ಣ್‌ಚೇಂಗಿ, ಒಳ್‍ತ್ ನಂಗಳ ಕೊಲ್ಲುವ; ದೇವಡ ಆತ್ಮವೋ ನಂಗಕ್ ಜೀವ ತಪ್ಪ.

2 ಕೊರಿಂಥ 3:7

ಒಳ್‍ತ್‍ಯಿಂಜ ಒಳ್‍ದಿತ್ ಕಲ್ಲ್‌ಲ್ ಕೆತ್ತ್‌ಪಣಿ ಮಾಡಿತ್ಂಜ ಚಾವ್‍ಕ್ ನಡ್‍ತಿಯಂಡ್ ಪೋಪ ಸೇವೇನ ಮಾಡ್‍ನ, ಮೋಶೇರ ಮೂಡ್‍ಲ್ ಮಹಿಮೇರ ಬೊಳಿ ಮಿನ್ನಿಯಂಡಿಂಜಗುಂಡ್, ಇಸ್ರಾಯೇಲ್ ಜನಕ್ ಅಂವೊಂಡ ಮೂಡ್‍ನ ನೋಟ್‍ವಕ್ ಕಯ್ಯತ ಆಚಿ.

2 ಕೊರಿಂಥ 3:9

ಕಂಡನೆ ಮಾಡ್‌ವ ಸೇವೆ ಮಹಿಮೆ ತಪ್ಪದಾಯಿತ್ಂಜತೇಂಗಿ, ನೀತಿನ ತಪ್ಪ ಸೇವೆ ಇಂಞು ದುಂಬ ಮಹಿಮೆ ತಪ್ಪದಾಯಿತ್‌ಪ್ಪ ಅಲ್ಲ.

ಗಲಾತ್ಯ 3:14

ಅಬ್ರಹಾಮಂಗ್ ಕ್‍ಟ್ಟ್‌ನ ಆಶೀರ್ವಾದ, ಯೆಹೂದ್ಯರಲ್ಲತಯಿಂಗಕ್ ಯೇಸು ಕ್ರಿಸ್ತಂಡ ಮೂಲಕ ಬಪ್ಪಕಾಯಿತು, ನಂಬಿಕೇರ ಮೂಲಕ ವಾಗ್ದಾನ ಮಾಡ್‍ನ ಪವಿತ್ರಾತ್ಮ ನಂಗಕ್ ಕ್‍ಟ್ಟ್‌ವಕಾಯಿತೂ ಇನ್ನನೆ ಆಚಿ.

ಗಲಾತ್ಯ 5:5

ಆಚೇಂಗಿ ಪವಿತ್ರಾತ್ಮಂಡ ಸಹಾಯತ್‍ಲ್ ನಂಬಿಕೇರಗುಂಡ್, ಬದ್‍ಕಿಯಂಡುಳ್ಳ ನಂಗ, ನಂಬಿಕೇರಗುಂಡ್ ದೇವಡ ನೀತಿ ಎಕ್ಕ ಕ್‌ಟ್ಟುವಾಂದ್ ಕುಶೀಲ್ ಪಾರಕಾತಂಡ್ ಉಂಡ್.

ಎಫೆಸ 2:18

ಅನ್ನನೆ ನಂಗ ದಂಡ್ ಜನವು, ಒರೇ ಪವಿತ್ರಾತ್ಮತ್‍ರ ಮೂಲಕ, ಅಪ್ಪನಾನ ದೇವಡ ಪಕ್ಕ ಕೂಡುವಕುಳ್ಳ ಬಾಗ್ಯ ಅಂವೊಂಡ ಮೂಲಕ ಕ್‍ಟ್ಟ್‌ಚಿ.

2 ಥೆಸಲೊನೀಕ 2:13

ಒಡೆಯಂಡ ಪ್ರೀತಿರ ಅಣ್ಣತಮ್ಮಣಂಗಳೇ, ದೇವ ನಿಂಗಳ ಪವಿತ್ರಾತ್ಮತ್‍ರ ಶಕ್ತಿರಗುಂಡ್ ಬೋರೆ ಮಾಡಿತ್, ಶುದ್ದ ಮಾಡ್‍ನಗುಂಡ್ ಪಿಂಞ ನಿಂಗ ಸತ್ಯತ್‍ನ ನಂಬ್‍ನಗುಂಡ್ ನಿಂಗಕ್ ರಕ್ಷಣೆ ಕ್‍ಟ್ಟುವನೆಕೆ ಅಂವೊ ಮಾಡ್‍ಚಿ. ಅನ್ನನೆ ಅಂವೊ ಈ ಲೋಕತ್‍ನ ಸೃಷ್ಟಿ ಮಾಡ್‌ವಕ್ ಮಿಂಞಲೇ ನಿಂಗಳ ಗೊತ್ತ್ ಮಾಡ್‍ನಗುಂಡ್, ನಿಂಗಕಾಯಿತ್ ದೇವಕ್ ನಂಗ ಎಕ್ಕಾಲು ವಂದನೆ ಮಾಡ್‌ವಕ್ ನಂಗ ಜವಾಬ್ದಾರಂಗಳಾಯಿತ್ ಉಂಡ್.

1 ಪೇತ್ರ 1:2

ಅಪ್ಪನಾನ ದೇವ ಎಲ್ಲಾಕಿಂಜ ಮಿಂಞ ಎಂತ ತೀರ್ಮಾನ ಮಾಡಿತ್ಂಜತೋ, ಅನ್ನನೆ ನಿಂಗಳ ಅಂವೊ ಗೊತ್ತ್ ಮಾಡಿತ್, ನಿಂಗ ಯೇಸು ಕ್ರಿಸ್ತಂಗ್ ಬಗ್ಗಿತ್ ನಡ್‍ಪನೆಕೆ, ಅಂವೊಂಡ ಚೋರೆರ ಮೂಲಕ ನಿಂಗ, ನಿಂಗಡ ಪಾಪತ್ಂಜ ಶುದ್ದ ಆಪನೆಕೆ, ಅಂವೊಂಡ ಆತ್ಮತ್‍ರ ಮೂಲಕ ನಿಂಗಳ ಬೋರೆ ಮಾಡಿತ್ ಶುದ್ದಮಾಡ್‍ಚಿ. ದುಂಬ್‍ನ ಕೃಪೆಯು ಸಮಾದಾನವು ನಿಂಗಕ್ ಇಂಞು ಕ್‍ಟ್ಟಡ್.