2 ಕೊರಿಂಥ 3:17 - ಕೊಡವ ಬೈಬಲ್

¹⁷ ಇಕ್ಕ ಒಡೆಯನೇ ಆತ್ಮವಾಯಿತುಂಡ್; ಒಡೆಯಂಡ ಆತ್ಮ ಎಲ್ಲಿ ಉಂಡೋ ಅಲ್ಲಿ ಬುಡುಗಡೆ ಉಂಡ್.

2 ಕೊರಿಂಥ 3:17 ပူးပေါင်းရင်းမြစ်များ

ಯೋಹಾನ 6:63

ಪವಿತ್ರಾತ್ಮ ಒಬ್ಬನೇ ಜೀವ ತಪ್ಪಂವೊ, ಮನುಷ್ಯಂಗಕ್ ಜೀವ ತಪ್ಪಕ್ ಕಯ್ಯುಲೆ. ನಾನ್ ನಿಂಗಕ್ ಎಣ್ಣ್‌ನ ಬೋದನೆ, ಪವಿತ್ರಾತ್ಮತ್‍ರ ಪಿಂಞ ಜೀವ ತಪ್ಪ ವಾಕ್ಯತ್‍ರದಾಯಿತುಂಡ್.

ಯೋಹಾನ 8:32

ಅಕ್ಕ, ನಿಂಗಕ್ ಸತ್ಯ ಎಂತ್‍ೕಂದ್ ಗೊತ್ತಾಪ, ಆ ಸತ್ಯ ನಿಂಗಳ ಬುಡ್‍ಗಡೆ ಮಾಡ್‌ವಾಂದ್ ಎಣ್ಣ್‌ಚಿ.

ರೋಮ್ 8:2

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಯೇಸುರಲ್ಲಿ ಉಳ್ಳ ಐಕ್ಯತ್‍ಲ್ ನಂಗಕ್ ಜೀವ ತಪ್ಪ ಪವಿತ್ರಾತ್ಮತ್‍ರ ಕಾನೂನ್, ನನ್ನ ಪಾಪ ಪಿಂಞ ಚಾವ್‍ರ ಕಾನೂನಿಂಜ ಬುಡುಗಡೆ ಮಾಡ್‍ಚಿ.

1 ಕೊರಿಂಥ 15:45

ದೇವಡ ವಾಕ್ಯತ್‍ಲ್ ಉಳ್ಳನೆಕೆ, ಆದ್ಯ ಮನುಷ್ಯನಾನ ಆದಾಮನ ದೇವ ಸೃಷ್ಟಿ ಮಾಡ್‌ವಕ ಅಂವೊನ ಜೀವ ಉಳ್ಳ ಮನುಷ್ಯನಾಯಿತ್ ಮಾಡ್‍ಚಿ. ಆಚೇಂಗಿ ದಂಡನೆ ಆದಾಮನಾನ ಕ್ರಿಸ್ತ, ಚಾವ್‍ಯಿಂಜ ಎಪ್ಪ್‌ಚಿಡ್‍ವ ಆತ್ಮೀಯ ಜೀವ ತಪ್ಪಂವೊನಾಯಿತ್ ಆಚಿ.

2 ಕೊರಿಂಥ 3:18

ನಂಗ ಎಲ್ಲಾರು, ಮೂಡ್‌ರ ಮೇಲೆ ಬಟ್ಟೆ ಇಲ್ಲತಯಿಂಗಳಾಯಿತ್, ಒಡೆಯಂಡ ಮಹಿಮೆನ ಒರ್ ಕನ್ನಡಿಲ್ ಕಾಂಬನೆಕೆ ಕಂಡಂಡುಂಡ್. ಆತ್ಮವಾಯಿತುಳ್ಳ ಒಡೆಯನಗುಂಡ್, ಅಂವೊಂಡನೆಕೆ ಮಹಿಮೇರ ಮೇಲೆ ಮಹಿಮೆ ಪಡ್ಂದಿತ್, ಅಂವೊಂಡ ಮಹಿಮೇರ ರೂಪತ್‍ರನೆಕೆ ಬದ್‍ಲಾಯಂಡುಂಡ್.

2 ಕೊರಿಂಥ 3:6

ಪುದಿಯ ಒಪ್ಪಂದತ್‍ರ ಸೇವಕಂಗಳಾಯಿತ್ ಇಪ್ಪಕ್, ಅಂವೊನೇ ನಂಗಳ ಯೋಗ್ಯವಂತಯಿಂಗಳಾಯಿತ್ ಮಾಡಿತುಂಡ್; ಈ ಒಪ್ಪಂದ ಒಳ್‍ತ್‍ರ ಪ್ರಕಾರ ಅಲ್ಲ ಆಚೇಂಗಿ ಪವಿತ್ರಾತ್ಮತ್‍ರ ಪ್ರಕಾರ ಆನದ್. ಎನ್ನಂಗೆಣ್ಣ್‌ಚೇಂಗಿ, ಒಳ್‍ತ್ ನಂಗಳ ಕೊಲ್ಲುವ; ದೇವಡ ಆತ್ಮವೋ ನಂಗಕ್ ಜೀವ ತಪ್ಪ.

ಗಲಾತ್ಯ 4:6

ನಂಗ ದೇವಡ ಮಕ್ಕಳಾನಗುಂಡ್, ದೇವ ಅಂವೊಂಡ ಮೋಂವೊಂಡ ಆತ್ಮತ್‌ನ ನಂಗಡ ಹೃದಯತ್‍ಲ್ ಅಯಿಚಿತ್, ಅಂವೊನ ಪ್ರೀತಿರ ಅಪ್ಪಾ ಪಪ್ಪಾಂದ್ ಕಾಕ್‍ವನೆಕೆ ಮಾಡ್‍ಚಿ.

ಗಲಾತ್ಯ 5:1

ಆನಗುಂಡ್, ನಂಗ ಪುನಃ ನ್ಯಾಯಪ್ರಮಾಣಕ್ ಅಡಿಯಾಳಾಕತೆ, ಕ್ರಿಸ್ತ ನಂಗಕ್ ಸ್ವಾತಂತ್ರವಾಯಿತ್ ಇರಂಡೂಂದ್ ಕೊಡ್‍ತ ಬದ್‍ಕ್‍ಲ್ ದೃಡವಾಯಿತ್ ನಿಕ್ಕಂಡು.

ಗಲಾತ್ಯ 5:13

ನಾಡ ಅಣ್ಣತಮ್ಮಣಂಗಳೇ, ನಿಂಗ ಇಕ್ಕ ಸ್ವಾತಂತ್ರವಾಯಿತ್ ಬದ್‍ಕ್‍ವಕ್ ದೇವ ನಿಂಗಳ ಕಾಕ್‍ಚಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪತ್‍ರ ಗುಣತ್‍ಲ್ ನಡ್‍ಪಕ್ ಉಪಯೋಗಿಚಿಡತಿ. ಆಂಡ ಬದ್‍ಲ್ ನಿಂಗ ಪ್ರೀತಿಲ್ ಒಬ್ಬಂಗ್ ಒಬ್ಬ ಸೇವೆ ಮಾಡಿ.

2 ತಿಮೊಥೆಯ 1:7

ದೇವ ನಂಗಕ್ ಪೋಡಿರ ಆತ್ಮತ್‌ನ ತಂದಿತ್‍ಲ್ಲೆ, ಆಚೇಂಗಿ ಬಲ, ಪ್ರೀತಿ ಪಿಂಞ ತೆಳ್ಂಗ್‍ನ ಬುದ್ದಿಯುಳ್ಳ ಆತ್ಮತ್‍ನೇ ತಂದಿತುಂಡ್.