2 ಕೊರಿಂಥ 3:14 - ಕೊಡವ ಬೈಬಲ್

¹⁴ ಆಚೇಂಗಿ ಅಯಿಂಗಡ ಮನಸ್ಸ್ ಕಲ್ಲ್‌ರನೆಕೆ ಗಟ್ಟಿಯಾಯಿ ಪೋಚಿ; ಇಲ್ಲಿಕತ್ತನೆ, ಪಳೆಯ ಒಪ್ಪಂದತ್‍ನ ಓದ್‍ವಕ, ಆ ತುಣಿನ ನೀಕಿತ್‌ಲ್ಲೆ; ಅದ್ ಕ್ರಿಸ್ತನಗುಂಡ್ ಮಾತ್ರ ನೀಂಗ್‍ಚಿ.

2 ಕೊರಿಂಥ 3:14 ပူးပေါင်းရင်းမြစ်များ

ಮತ್ತಾಯ 13:11

ಅಯಿಂಗಕ್ ಅಂವೊ: ಪರಲೋಕ ರಾಜ್ಯತ್‍ರ ಗುಟ್ಟ್ ನಿಂಗಕ್ ಗೊತ್ತಾಪನೆಕೆ ಮಾಡಿತುಂಡ್. ಆಚೇಂಗಿ ಪೊರಮೆ ಉಳ್ಳಯಿಂಗಕ್ ಈ ಬಾಗ್ಯ ಕ್‍ಟ್ಟಿತ್‌ಲ್ಲೆ.

ಮತ್ತಾಯ 16:17

ಅದ್ಂಗ್ ಯೇಸು: ಯೋನಂಡ ಮೋಂವೊನಾನ ಸೀಮೋನನೇ, ನೀನ್ ಆಶೀರ್ವಾದ ಪಡ್ಂದಂವೊ, ನೀಡ ಈ ತಕ್ಕ್ ಮನುಷ್ಯಡಿಂಜ ಬಂತ್‌ಲ್ಲೆ. ಇದ್ ಪರಲೋಕತ್‌ಲುಳ್ಳ, ನಾಡ ಅಪ್ಪ, ಈ ತಕ್ಕ್‌ನ ನೀನ್ ಪರಿಯುವಕ್ ಮಾಡ್‍ಚಿ.

ಮತ್ತಾಯ 6:23

ನೀಡ ಕಣ್ಣ್ ಕೆಟ್ಟದಾಯಿತ್ ಇಂಜತೇಂಗಿ ನೀಡ ತಡಿ ಪೂರ್ತಿ ಇರ್‌ಟಾಯಿತ್ ಇಪ್ಪ. ಅನ್ನನೆ ನೀಡ ತಡೀಲುಳ್ಳ ಬೊಳಿ ಇರ್‌ಟಾಯಿತ್ ಪೋಚೇಂಗಿ, ನೀಡ ಇರ್‌ಟ್ ಎಚ್ಚಕ್ ಆಳವಾಯಿತ್‌ಪ್ಪ!

ಯೋಹಾನ 12:40

ದೇವ, ಅಯಿಂಗಡ ಕಣ್ಣ್ ಕಾಂಗತನೆಕೆ ಮಾಡ್‍ನಗುಂಡ್ ಅಯಿಂಗ ಕಾಂಬುಲೆ, ದೇವ ಅಯಿಂಗಡ ಹೃದಯತ್‍ನ ಕಲ್ಲ್‌ರನೆಕೆ ಮಾಡ್‍ನಗುಂಡ್ ಅಯಿಂಗಕ್ ಅರ್ಥ ಆಪುಲೆ. ಅಯಿಂಗಡ ಮನಸ್ಸ್‌ನ ತಿರಿಗಿತ್ ದೇವಡ ಪಕ್ಕ ಬರತನೆಕೆ, ದೇವ ಅಯಿಂಗಳ ವಾಸಿ ಮಾಡತನೆಕೆ ಮಾಡಿರ್‌ತ್. ಅದ್ಂಗಾಯಿತೇ ಅಯಿಂಗ ನಂಬುಲೇಂದ್ ಎಣ್ಣ್‌ಚಿ.

ಯೋಹಾನ 12:46

ನಾಡ ಮೇಲೆ ನಂಬಿಕೇಲ್ ಉಳ್ಳಯಿಂಗ ದಾರೂ ಇರ್‌ಟ್‌ಲ್ ಇಕ್ಕತನೆಕೆ, ನಾನ್ ಈ ಲೋಕಕ್ ಬೊಳಿಯಾಯಿತ್ ಬಂದಿಯೆ.

ಯೋಹಾನ 8:12

ಯೇಸು ಜನಳ ನೋಟಿತ್: ನಾನ್ ಲೋಕಕ್ ಬೊಳಿಯಾಯಿತ್ ಉಂಡ್, ದಾರ್ ನಾಡ ಬಯ್ಯಕ್ ಬಪ್ಪ, ಅಯಿಂಗ ಇರ್‌ಟ್‌ಲ್ ನಡ್‍ಪ್‍ಲೆ, ಆಚೇಂಗಿ ಜೀವ ತಪ್ಪ ಬೊಳಿಲ್ ನಡ್‌ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 13:15

ನ್ಯಾಯಪ್ರಮಾಣ ಪಿಂಞ ಪ್ರವಾದಿಯಂಗಡ ಪುಸ್ತಕತ್‍ನ ಓದಿತಾನ ಪಿಂಞ ಸಬಾಮಂದಿರತ್‍ರ ಪೆರಿಯಯಿಂಗ, ಪೌಲ ಪಿಂಞ ಬಾರ್ನಬಂಗ್, ಅಣ್ಣತಮ್ಮಣಂಗಳೇ, ನಿಂಗ ಜನಕ್ ಬುದ್ದಿ ತಕ್ಕ್ ಎಣ್ಣ್‌ವಕ್ ಉಂಡೇಂಗಿ ಎಣ್ಣೀಂದ್ ಅಯಿಂಗಕ್ ಎಣ್ಣಿತ್ ಆಳ್‌ನ ಅಯಿಚತ್.

ಅಪೊಸ್ತಲ 15:21

ದುಂಬ ಕಾಲವಾಯಿತ್, ಸಬ್ಬತ್ ದಿವಸತ್‍ಲ್, ಅಯಿಂಗ ವಾಸ ಮಾಡ್‌ವ ಪಟ್ಟಣ ಪಿಂಞ ಊರ್‌ರ ಸಬಾಮಂದಿರತ್‍ಲ್ ಎಕ್ಕಾಲು ಓದಿತ್ ಇದ್‍ನ ಬೋದನೆ ಮಾಡಿಯಂಡ್ ಉಂಡ್.

ಅಪೊಸ್ತಲ 16:14

ನಂಗ ಎಣ್ಣುವಾನ ಕ್‍ೕಟಯಿಂಗಡಡೆಲ್ ಲುದ್ಯ ಎಣ್ಣುವ ದೇವನ ಆರಾದನೆ ಮಾಡ್‌ವ ಒರ್ ಪೊಣ್ಣಾಳ್ ಇಂಜತ್. ಅವ ಧೂಮ್ರ ರಂಗ್‍ರ ಬಟ್ಟೆ ಮಾರ್‌ವಳು, ಥುವತೈ ಎಣ್ಣ್‌ವ ಊರ್‍ಂಜ ಬಂದವಳು ಆಯಿತ್ಂಜತ್. ಪೌಲಂಡ ತಕ್ಕ್‌ನ ಕ್‍ೕಪಕ್ ಒಡೆಯ ಅವಡ ಹೃದಯತ್‍ನ ತೊರ್ಂದತ್.

ಅಪೊಸ್ತಲ 26:18

ಅಯಿಂಗ ನಾಡ ಮೇಲೆ ಇಡ್‌ವ ನಂಬಿಕೇರಗುಂಡ್, ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್, ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರ ಮಾಡ್‍ನ ಜನಕ್ ಕ್‍ಟ್ಟುವ ಬಾದ್ಯತೆನ ಪಡೆಯುವನೆಕೆ, ಅಯಿಂಗ ಇರ್‍ಟಿಂಜ ಬೊಳಿಕು, ಸೈತಾನಂಡ ಅದಿಕಾರತ್ಂಜ ದೇವಡ ಕಡೇಕು ತಿರಿತ್ ಅಯಿಂಗಡ ಕಣ್ಣ್ ತೊರಕಂಡೂಂದ್ ನಿನ್ನ ನಾನ್ ಅಯಿಂಗಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ರೋಮ್ 11:25

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನಮಾಡತನೆಕೆ, ನಾನ್ ನಿಂಗಕ್ ಒರ್ ಗುಟ್ಟ್‌ನ ಎಣ್ಣಿ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತಯಿಂಗಡ ರಕ್ಷಣೆರ ಲೆಕ್ಕ ಪೂರ್ತಿ ಆಪಕತ್ತನೆ, ಇಸ್ರಾಯೇಲ್‍ರ ಒರ್ ಗುಂಪ್ ಕಠಿಣ ಮನಸ್ಸಾಯಿತೇ ಇಪ್ಪ.

2 ಕೊರಿಂಥ 3:15

ಅಕ್ಕು, ಈ ದಿನಕತ್ತನೆ ಮೋಶೇರ ಪುಸ್ತಕ ಓದ್‍ವಕ ಅಯಿಂಗಡ ಹೃದಯತ್‍ರ ಮೇಲೆ ತುಣಿ ಇಟ್ಟಿತುಂಡಲ್ಲ.

2 ಕೊರಿಂಥ 3:6

ಪುದಿಯ ಒಪ್ಪಂದತ್‍ರ ಸೇವಕಂಗಳಾಯಿತ್ ಇಪ್ಪಕ್, ಅಂವೊನೇ ನಂಗಳ ಯೋಗ್ಯವಂತಯಿಂಗಳಾಯಿತ್ ಮಾಡಿತುಂಡ್; ಈ ಒಪ್ಪಂದ ಒಳ್‍ತ್‍ರ ಪ್ರಕಾರ ಅಲ್ಲ ಆಚೇಂಗಿ ಪವಿತ್ರಾತ್ಮತ್‍ರ ಪ್ರಕಾರ ಆನದ್. ಎನ್ನಂಗೆಣ್ಣ್‌ಚೇಂಗಿ, ಒಳ್‍ತ್ ನಂಗಳ ಕೊಲ್ಲುವ; ದೇವಡ ಆತ್ಮವೋ ನಂಗಕ್ ಜೀವ ತಪ್ಪ.

2 ಕೊರಿಂಥ 4:6

ಇರ್‌ಟ್‌ಂಜ ಬೊಳಿನ ಮಿನ್ನ್‌ವಕ್ ಎಣ್ಣ್‌ನ ದೇವ, ಯೇಸು ಕ್ರಿಸ್ತಂಡ ಮೂಡ್‍ಲ್ ಉಳ್ಳ ತಾಂಡ ಮಹಿಮೇರ ಜ್ಞಾನತ್‍ರ ಬೊಳಿನ ತಪ್ಪಕಾಯಿತ್, ನಂಗಡ ಹೃದಯತ್‍ಲ್ ಮಿನ್ನ್‌ಚಿ.

ಎಫೆಸ 4:18

ಅಯಿಂಗಡ ಮನಸ್ಸ್ ಇರ್‌ಟಾಯಿತ್ ಉಂಡ್, ಅಯಿಂಗಡ ಹೃದಯತ್‍ನ ಅಯಿಂಗ ಕಠಿಣ ಮಾಡಿತುಳ್ಳಗುಂಡ್ ಅಯಿಂಗಡ ಮನಸ್ಸ್‌ಕ್ ಒಂದು ಅರ್ಥ ಆಕತನೆಕೆ, ದೇವಡ ಜೀವಕ್ ಅನ್ಯರಾಯಿತ್ ಉಂಡ್.