2 ಕೊರಿಂಥ 3:12 - ಕೊಡವ ಬೈಬಲ್

¹² ನಂಗಕ್ ಇಚ್ಚಕ್ ನಿರೀಕ್ಷೆ ಉಳ್ಳಾಂಗ್, ನಂಗ ದುಂಬ ದೈರ್ಯ ಉಳ್ಳಯಿಂಗಳಾಯಿತುಂಡ್.

2 ಕೊರಿಂಥ 3:12 ပူးပေါင်းရင်းမြစ်များ

ಯೋಹಾನ 10:24

ಚೆನ್ನ ಜನ ಒಟ್ಟ್ ಕೂಡಿತ್: ನಂಗಳ ಎಚ್ಚಕ್ ಕಾಲ ನೀನ್ ಇನ್ನನೆ ಅನುಮಾನತ್‍ಲ್ ಬೆಪ್ಪಿಯಾ? ನೀನ್ ನೇರಾನ ಕ್ರಿಸ್ತನಾಚೇಂಗಿ ಸತ್ಯವಾಯಿತ್ ಎಣ್ಣ್‍ೕಂದ್ ಎಣ್ಣ್‌ಚಿ.

ಯೋಹಾನ 16:25

ಈ ತಕ್ಕ್‌ನ ಇಕ್ಕ ನಿಂಗಕ್ ಕಥೇರ ರೂಪತ್‌ಲ್ ನಾನ್ ಎಣ್ಣಿಯಂಡುಳ್ಳ. ಸಮಯ ಬಪ್ಪ, ಅಕ್ಕ ನಾನ್ ನಿಂಗಡ ಪಕ್ಕ ಕಥೇರ ರೂಪತ್‌ಲ್ ತಕ್ಕ್ ಪರಿಯತೆ, ಅಪ್ಪಂಡ ವಿಷಯತ್‍ನ ಚಾಯಿ ಅರ್ಥ ಆಪನೆಕೆ ಎಣ್ಣಿ ತಪ್ಪಿ.

ಯೋಹಾನ 16:29

ಅಕ್ಕ ಅಂವೊಂಡ ಶಿಷ್ಯಂಗ ಅಂವೊನ ನೋಟಿತ್: ನೋಟಿ, ಇಕ್ಕ, ನೀನ್ ನಂಗಡ ಕೂಡೆ ಕಥೇರ ರೂಪತ್‌ಲ್ ಅಲ್ಲ, ಚಾಯಿತೆ ಅರ್ಥ ಆಪನೆಕೆ ತಕ್ಕ್ ಪರಿವಿಯ.

ಅಪೊಸ್ತಲ 14:3

ಆಚೇಂಗಿಯು ಪೌಲ ಪಿಂಞ ಬಾರ್ನಬ ದುಂಬ ದಿವಸ ಅಲ್ಲಿ ಒಳಿಂಜಿತ್ ಒಡೆಯಂಡ ವಿಷಯತ್‍ನ ದೈರ್ಯವಾಯಿತ್ ತಕ್ಕ್ ಪರ್ಂದತ್. ಒಡೆಯ, ಅಯಿಂಗ ತಕ್ಕ್ ಪರ್ಂದ ಕೃಪೇರ ವಿಷಯ ನೇರಾನದ್‍ೕಂದ್ ಎಣ್ಣ್‌ವಕ್ ಸಾಕ್ಷಿಯಾಯಿತ್, ಅಯಿಂಗ ಗುರ್‌ತ್ ಪಿಂಞ ಆಶ್ಚರ್ಯ ಕಾರ್ಯನೆಲ್ಲ ಮಾಡ್‌ವಕ್ ಶಕ್ತಿ ಕೊಡ್‍ತತ್.

ಅಪೊಸ್ತಲ 4:13

ಪೇತ್ರ ಪಿಂಞ ಯೋಹಾನ ದೈರ್ಯತ್‍ಲ್ ತಕ್ಕ್ ಪರಿವಾನ ಅಯಿಂಗ ನೋಟಿತ್, ಈಂಗ ವಿದ್ಯ ಇಲ್ಲತಯಿಂಗಳು, ಸಾದಾರಣ ಮನುಷ್ಯಂಗಾಂದು ಗೊತ್ತಾಯಿತ್ ಆಶ್ಚರ್ಯಪಟ್ಟಿತ್, ಈಂಗ ಯೇಸುರ ಕೂಡೆ ಇಂಜಯಿಂಗಾಂದ್ ಅಯಿಂಗಕ್ ಗೊತ್ತಾಚಿ.

ಅಪೊಸ್ತಲ 9:27

ಆಚೇಂಗಿ ಬಾರ್ನಬ ಅಂವೊನ ಕೂಟಿಯಂಡ್, ಅಪೊಸ್ತಲಂಗಡ ಪಕ್ಕ ಕಾಕಿಯಂಡ್ ಪೋಚಿ. ಬಾರ್ನಬ, ಅಯಿಂಗಕೆಲ್ಲ ಸೌಲ ಎನ್ನನೆ ಒಡೆಯನ ಬಟ್ಟೇಲ್ ಕಂಡತ್‍ೕಂದೂ, ಒಡೆಯ ಅಂವೊಂಡ ಕೂಡೆ ತಕ್ಕ್ ಪರ್ಂದದನೂ ಎಣ್ಣ್‌ಚಿ. ಅದಲ್ಲತೆ ದಮಸ್ಕತ್‍ಲ್ ಯೇಸುರ ಪೆದತ್‍ಲ್ ಇಂವೊ ದೈರ್ಯತ್‍ಲ್ ತಕ್ಕ್ ಪರ್ಂದದ್‍ನ ಸಹ ಅಯಿಂಗಕ್ ವಿವರಿಚಿಟ್ಟತ್.

ಅಪೊಸ್ತಲ 9:29

ಗ್ರೀಕ್ ತಕ್ಕ್ ಪರಿಯುವ ಯೆಹೂದ್ಯಂಗಡ ಕೂಡೆ ತರ್ಕ ಮಾಡ್‍ಚಿ. ಆಚೇಂಗಿ ಅಯಿಂಗಕ್ ಚೆಡಿ ಬಂತ್, ಅಂವೊನ ಕೊಲ್ಲ್‌ವಕ್ ಪ್ರಯತ್ನಪಟ್ಟತ್.

1 ಕೊರಿಂಥ 14:19

ಆಚೇಂಗಿಯು, ಸಬೆರ ಆರಾದನೆಕ್ ಬಪ್ಪಕ, ಜನಕ್ ಗೊತ್ತಿಲ್ಲತ ಬಾಷೆಲ್ ಪತ್ತಾಯಿರ ತಕ್ಕ್ ಪರಿಯುವಕಿಂಜ, ಜನಕ್ ಬುದ್ದಿ ಎಣ್ಣುವನೆಕೆ, ಅಯಿಂಗಕ್ ಗೊತ್ತುಳ್ಳ ಬಾಷೆಲ್ ಒರ್ ಅಂಜ್ ತಕ್ಕ್ ಪರಿವದ್ ನಾಕ್ ದುಂಬ ಕುಶಿ.

2 ಕೊರಿಂಥ 10:1

ನಿಂಗಡ ಪಕ್ಕ ಇಪ್ಪಕ ತಾಳ್ಮೆಲು, ನಿಂಗಡಿಂಜ ದೂರ ಇಪ್ಪಕ ನಿಂಗಡ ಮೇಲೆ ಕಂಡಿತವಾಯಿತ್ ಉಳ್ಳನೆಕೆ ಕಾಂಬ ಪೌಲನಾನ ನಾನ್, ಕ್ರಿಸ್ತಂಡ ಶಾಂತ ಗುಣತ್‍ರ ಪಿಂಞ ದಯೇರ ಮೂಲಕ ನಿಂಗಕ್ ಬೋಡಿಯಂಡುಳ್ಳ.

2 ಕೊರಿಂಥ 3:11

ಅದಲ್ಲತೆ, ಕಾಂಗತೆ ಆಯಿಪೋಪ ಸೇವೆ ಮಹಿಮೆ ಉಳ್ಳದಾಯಿತ್ಂಜತೇಂಗಿ, ಎಕ್ಕಾಲು ನಿಂದಂಡಿಪ್ಪ ಸೇವೆ ಇಂಞು ದುಂಬ ಮಹಿಮೆ ಉಳ್ಳದಾಯಿತಿಪ್ಪಲ್ಲ.

2 ಕೊರಿಂಥ 4:13

ನಾನ್ ನಂಬಿಯೆ, ಆನಗುಂಡ್ ತಕ್ಕ್ ಪರ್ಂದಂಡುಳ್ಳ್‌ೕಂದ್ ಒಳ್‍ದಿತುಳ್ಳನೆಕೆ, ನಂಗಳು ಆ ನಂಬಿಕೇರ ಆತ್ಮತ್‌ನ ಪಡ್ಂದಯಿಂಗಳಾಯಿತ್, ನಂಬಿಕೇರಗುಂಡ್ ತಕ್ಕ್ ಪರ್ಂದಂಡುಂಡ್.

2 ಕೊರಿಂಥ 7:4

ನಿಂಗಡ ವಿಷಯತ್ ನಾಕ್ ದುಂಬ ದೈರ್ಯ ಉಂಡ್; ನಿಂಗಡ ವಿಷಯತ್ ದುಂಬ ಹೆಮ್ಮೆ ಪಟ್ಟಂಡುಳ್ಳ. ನಾಕ್ ದುಂಬ ಪುರ್‌ಡ್ ಕ್‍ಟ್ಟಿತುಂಡ್, ನಂಗಕ್ ಆನ ಎಲ್ಲಾ ಹಿಂಸೆಲು ನಿಂಗ ನನ್ನ ದುಂಬ ಕುಶಿಪಡ್‍ತಿತುಳ್ಳಿರ.

ಫಿಲಿಪ್ಪಿ 1:14

ನಾನ್ ಇನ್ನನೆ ಕೈದಿಯಾಯಿತ್ ಉಳ್ಳಗುಂಡ್, ಯೇಸುನ ನಂಬ್‍ನ ಸುಮಾರ್ ಅಣ್ಣತಮ್ಮಣಂಗ ದೇವಡ ವಿಷಯತ್‍ನ ಒರ್ ಪೋಡಿಯು ಇಲ್ಲತೆ ದುಂಬ ನಂಬಿಕೇಲ್ ದೈರ್ಯವಾಯಿತ್ ಎಣ್ಣಿಯಂಡುಂಡ್.

ಫಿಲಿಪ್ಪಿ 1:20

ಆನಗುಂಡ್, ನಾನ್ ಆಸೇಲ್ ಪಾರಕಾತಂಡ್ ದೇವಡ ಮೇಲೆ ದುಂಬ ನಂಬಿಕೆ ಬೆಚ್ಚಿತುಳ್ಳಗುಂಡ್, ನಾಕ್ ಇದ್ಂಡ ವಿಷಯತ್‍ಲ್ ಞಾಣ ಆಪುಲೆ, ಅದ್ಂಡ ಬದ್‍ಲ್ ನಾನ್ ಮಿಂಞ ಇಂಜನೆಕೆ ಇಕ್ಕಲು ಯೇಸುರ ವಿಷಯತ್‍ಲ್ ದೈರ್ಯತ್‍ಲ್ ಇಪ್ಪಿ. ನಾನ್ ಬದ್‍ಕ್‍ಚೇಂಗಿಯು ಚತ್ತತೇಂಗಿಯು ಯೇಸು ಕ್ರಿಸ್ತನ ಮಹಿಮೆ ಪಡ್‍ತ್‍ವೀಂದ್ ನಾಕ್ ನಂಬಿಕೆ ಉಂಡ್.

ಕೊಲೊಸ್ಸೆ 4:4

ನಾನ್ ಅದ್‍ನ ಎನ್ನನೆ ಎಣ್ಣಂಡುವೊ ಅನ್ನನೆ ಚಾಯಿತೆ ಅರಿಚಿಡಂಡೂಂದ್ ಪ್ರಾರ್ಥನೆ ಮಾಡಿ.

1 ಥೆಸಲೊನೀಕ 2:2

ನಂಗ ಅಲ್ಲಿ ಬಪ್ಪಕ್ ಮಿಂಞ ಫಿಲಿಪ್ಪಿ ಪಟ್ಟಣತ್‍ಲ್ ನಂಗಳ ಜನ ಎನ್ನನೆ ತೊಂದರೆ ಮಾಡ್‍ಚೀಂದ್ ಪಿಂಞ ಎನ್ನನೆ ಮಾನಕೇಡಾಯಿತ್ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿಯು, ದುಂಬ ವಿರೋದತ್‍ರ ಮದ್ಯತ್‍ಲ್ ದೇವಡ ನಲ್ಲ ಸುದ್ದಿನ ನಿಂಗಕ್ ಎಣ್ಣುವಕ್ ದೇವ ನಂಗಕ್ ಸಹಾಯ ಮಾಡ್‍ಚಿ.

1 ತಿಮೊಥೆಯ 3:13

ಅನ್ನನೆ ಸಬೇಲ್ ಸಹಾಯ ಮಾಡ್‌ವಯಿಂಗ ಚಾಯಿತೆ ಮಾಡ್‍ಚೇಂಗಿ, ಅಯಿಂಗಕ್ ನಲ್ಲ ಮರ್ಯಾದೆ ಕ್‍ಟ್ಟ್‌ವ ಪಿಂಞ ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೇರಗುಂಡ್ ದೈರ್ಯತ್‍ನ ಸಂಪಾದನೆ ಮಾಡ್‌ವ.

ಫಿಲೆಮೋನ 1:8

ಆನಗುಂಡ್, ನಾನ್ ಇಕ್ಕ ವಯಸ್ಸಾನಂವೊನಾಯಿತ್ ಪಿಂಞ ಕ್ರಿಸ್ತ ಯೇಸುಕಾಯಿತ್ ಕೈದಿಯಾಯಿತುಳ್ಳಗುಂಡು, ನೀನ್ ಎಂತ ಮಾಡಂಡೂಂದ್ ನೀಕ್ ದೈರ್ಯವಾಯಿತ್ ಹುಕ್‌ಮ್ ಕೊಡ್‍ಪಕ್ ದೈರ್ಯ ಉಂಡೇಂಗಿಯು, ನಾನ್ ಅನ್ನನೆ ಮಾಡತೆ ಪ್ರೀತಿಲ್ ಬೋಡುವಿ.