2 ಕೊರಿಂಥ 3:1 - ಕೊಡವ ಬೈಬಲ್

¹ ನಂಗ ನಂಗಳ ಹೊಗಳ್‍ಚಿಡ್‍ವಕ್ ಪುನಃ ಸುರ್ ಮಾಡ್‍ಚಾ? ಅಥವ, ಚೆನ್ನ ಜನಕ್ ಬೋಂಡುವನೆಕೆ, ನಂಗಡಿಂಜ ನಿಂಗಕು, ನಿಂಗಡಿಂಜ ನಂಗಕು ಸಿಪಾರ್‍ಸ್ ಕಾಗದ ಎನ್ನಂಗ್ ಬೋಂಡು?

2 ಕೊರಿಂಥ 3:1 ပူးပေါင်းရင်းမြစ်များ

ಅಪೊಸ್ತಲ 18:27

ಅಲ್ಲಿಂಜ ಅಖಾಯ ಪ್ರಾಂತ್ಯಕ್ ಪೋಂಡೂಂದ್ ಅಂವೊ ಗೇನ ಮಾಡ್‌ವಕ, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಅಂವೊಂಗ್ ಪುರ್‌ಡ್ ಕೊಡ್‍ತತ್. ಈಂಗ ಅಖಾಯ ಪ್ರಾಂತ್ಯತ್‍ಲ್ ಉಳ್ಳ ಯೇಸುನ ನಂಬ್‍ನಯಿಂಗ, ಇಂವೊನ ಸ್ವೀಕಾರ ಮಾಡ್‌ವಕಾಯಿತ್, ಕಾಗದ ಒಳ್‍ದಿ ಕೊಡ್‍ತತ್. ಅನ್ನನೆ ಇಂವೊ ಅಲ್ಲಿ ಎತ್ತ್‌ನ ಪಿಂಞ, ಅಲ್ಲಿ ದೇವಡ ಕೃಪೇರಗುಂಡ್ ನಂಬ್‍ನಯಿಂಗಕ್ ದುಂಬ ಪ್ರಯೋಜನವಾಯಿತ್ಂಜತ್.

ರೋಮ್ 16:1

ನಂಗಡ ತಂಗೆಯು, ಕೆಂಕ್ರೆಯ ಪಟ್ಟಣತ್‍ರ ಸಬೇಲ್ ಸೇವೆ ಮಾಡ್‌ವ ಫೊಯಿಬೆನ ದೇವಡ ಮಕ್ಕಕ್ ಯೋಗ್ಯವಾನ ರೀತಿಲ್ ನಿಂಗ ಸ್ವೀಕಾರ ಮಾಡಂಡು.

1 ಕೊರಿಂಥ 10:33

ನಿಂಗಳು ಯೆಹೂದ್ಯಂಗಕು, ಯೆಹೂದ್ಯರಲ್ಲತಯಿಂಗಕು ಪಿಂಞ ದೇವಡ ಸಬೇಲ್ ಉಳ್ಳಯಿಂಗ ಎಲ್ಲಾರು ರಕ್ಷಣೆ ಆಪಕ್ ತಡೆ ಮಾಡತಯಿಂಗಳಾಯಿತ್ ಇರಿ.

1 ಕೊರಿಂಥ 16:3

ನಾನ್ ಬಪ್ಪಕ, ನಿಂಗ ಸಹಾಯ ಮಾಡ್‌ವಕಾಯಿತ್ ಕೂಟಿತ್ ಬೆಚ್ಚ ಪಣತ್‍ನ ಯೆರೂಸಲೇಮ್‌ಕ್ ಕೊಂಡ್ ಪೋಪಕ್ ದಾರ್‌ಕ್ ಯೋಗ್ಯತೆ ಉಂಡ್‍ೕಂದ್ ನಿಂಗ ಗೇನ ಮಾಡ್‍ವಿರೋ, ಅಯಿಂಗಡ ಪಕ್ಕ ಪಣತ್‍ನ ಕೊಡ್‌ತಿತ್, ಅಯಿಂಗಡ ಕೈಯಿಲ್ ಕಾಗದ ಕೊಡ್‌ತಿತ್ ನಾನ್ ಅಯಿಪಿ.

1 ಕೊರಿಂಥ 3:10

ದೇವ ನಾಕ್ ತಂದ ಕೃಪೆಯಿಂಜ ಒರ್ ಬುದ್ದಿವಂತೆ ಶಿಲ್ಪಿರನೆಕೆ ನಾನ್ ಅಡಿಪಾಯ ಇಟ್ಟಿಯೆ. ಇಕ್ಕ ಬೋರೊಬ್ಬ ಅದ್ಂಡಮೇಲೆ ಕೆಟ್ಟಿಯಂಡುಂಡ್. ಆಚೇಂಗಿ ಒಬ್ಬೊಬ್ಬನು ಈ ಅಡಿಪಾಯತ್‍ರ ಮೇಲೆ ಕೆಟ್ಟ್‌ವಾನ ಎಚ್ಚರತ್‍ಲ್ ಕೆಟ್ಟಂಡು.

1 ಕೊರಿಂಥ 4:15

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಿಂಗಕ್ ಪತ್ತಾಯಿರ ಬೋದನೆಕಾರ ಇಂಜತೇಂಗಿಯು, ನಿಂಗಕ್ ಒರೇ ಆತ್ಮೀಯ ಅಪ್ಪ ಉಂಡ್. ನಿಂಗಕ್ ಅಂವೊಂಡ ನಲ್ಲ ಸುದ್ದಿನ ಎಣ್ಣಿಕೊಡ್‍ಪಕ ಕ್ರಿಸ್ತ ಯೇಸುರಲ್ಲಿ ನಿಂಗಡ ಆತ್ಮೀಯ ಬದ್‍ಕ್‍ಕ್ ನಾನ್ ಅಪ್ಪನಾಯಿತ್ ಆನ.

2 ಕೊರಿಂಥ 10:12

ಆಚೇಂಗಿಯು, ತಂಗಳ ತಾಂಗಳೇ ಬಲ್ಯಂಗಳಾಯಿತ್ ಕಾಂಬ್‍ಚಿಡುವಕಾಯಿತ್ ಬಡಾಯಿ ತಕ್ಕ್ ಎಣ್ಣುವ ಚೆನ್ನ ಜನಡ ಕೂಡೆ ನಂಗಳ ಸಮವಾಯಿತ್ ಹೋಲಿಕೆ ಮಾಡ್‌ವಕ್ ನಂಗ ದೈರ್ಯ ಎಡ್‍ಪುಲೆ; ಅಯಿಂಗ, ಅಯಿಂಗಡೊಳ್‌ಲ್ ಅಯಿಂಗ ಅಯಿಂಗಳೇ ಅಳ್‌ತೆ ಮಾಡಿಯಂಡ್, ಅಯಿಂಗಕೇ ಅಯಿಂಗಳ ಹೋಲಿಕೆ ಮಾಡಿಯಂಡುಳ್ಳ ಅಯಿಂಗ ಬುದ್ದಿವಂತಯಿಂಗ ಅಲ್ಲ.

2 ಕೊರಿಂಥ 10:18

ತಾಂಗ್ ತಾನೇ ಹೊಗಳಿಚಿಡುವಂವೊ ಯೋಗ್ಯನಲ್ಲ, ಒಡೆಯ ದಾರ್‌ನ ಹೊಗಳಿಚಿಡುಂವೊನೋ ಅಂವೊನೇ ಯೋಗ್ಯವಾನಂವೊ.

2 ಕೊರಿಂಥ 10:8

ಒಡೆಯ ನಂಗಕ್ ಕೊಡ್‍ತಿತುಳ್ಳ ಅದಿಕಾರತ್‍ರ ವಿಷಯತ್, ನಾನ್ ಇಂಞು ದುಂಬ ಹೊಗಳಿಚಿಟ್ಟತೇಂಗಿಯು ನಾಕ್ ಞಾಣ ಆಪುಲೆ. ನಿಂಗಳ ಪಾಳ್ ಮಾಡ್‌ವಕಾಯಿತಲ್ಲ, ನಿಂಗಳ ಚಾಯಿ ಬೊಳ್‌ತಿತ್ ಕೆಟ್ಟುವಕಾಯಿತ್ ಈ ಅದಿಕಾರತ್‍ನ ನಂಗಕ್ ಕೊಡ್‍ತತ್.

2 ಕೊರಿಂಥ 12:11

ಒರ್ ಬುದ್ದಿ ಇಲ್ಲತಂವೊನನೆಕೆ ಹೊಗಳ್‌ಚಿಡುವಕ್ ಬಲ ಇಲ್ಲತಂವೊನಾಯಿತ್ ನಾನ್ ಆಯೆ, ನಾನ್ ಅನ್ನನೆ ಆಪಕ್ ನಿಂಗಳೇ ಮಾಡಿರ. ನಿಂಗಡಗುಂಡೇ ನಾಕ್ ಹೊಗಳ್‍ಚಿಡುವನೆಕೆ ಆಪಕಿಂಜತ್. ನಾನ್ ಒಂದು ಇಲ್ಲೇಂದ್ ಗೇನಮಾಡ್‍ಚೇಂಗಿಯು, ದುಂಬ ಮುಕ್ಯಪಟ್ಟ ಅಪೊಸ್ತಲಂಗಕಿಂಜ ಒರ್ ವಿಷಯತ್‍ಲ್ ಕೂಡೆ ಅಯಿಂಗಕಿಂಜ ನಾನ್ ಕಮ್ಮಿ ಆನಂವೊ ಇಲ್ಲೆ.

2 ಕೊರಿಂಥ 12:19

ನಂಗ ಯೋಗ್ಯವಾನಯಿಂಗಾಂದ್ ಕಾಂಬ್‍ಚಿಡುವಕಾಯಿತ್ ಇನ್ನನೆ ತಕ್ಕ್ ಪರ್ಂದಂಡುಳ್ಳ್ಂದ್ ಗೇನಮಾಡಿಯಡುಳ್ಳಿರಾ? ದೇವಡ ಮಿಂಞತ್ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ತಕ್ಕ್ ಪರ್ಂದಂಡುಳ್ಳ. ನಾಡ ಪ್ರೀತಿರ ಜನಳೇ, ನಿಂಗ ಬಕ್ತಿಲ್ ಬೊಳಿಯುವಕಾಯಿತೇ ಇದ್‍ನೆಲ್ಲಾ ಮಾಡಿಯಂಡುಳ್ಳ.

2 ಕೊರಿಂಥ 2:17

ದುಂಬ ಜನತ್‍ರನೆಕೆ, ನಂಗಕ್ ಲಾಬ ಕ್‍ಟ್ಟ್‌ವಕಾಯಿತ್ ದೇವಡ ವಾಕ್ಯತ್‍ನ ಕಲಪ್‍ಲ್ ಬೋದನೆ ಮಾಡತೆ, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್, ನಂಬಿಕಸ್ತಂಗಳಾಯಿತ್, ದೇವ ಅಯಿಚಯಿಂಗಳಾಯಿತ್, ದೇವಡ ಮಿಂಞತ್‍ಲ್ ತಕ್ಕ್ ಪರ್ಂದಂಡುಂಡ್.

2 ಕೊರಿಂಥ 5:12

ನಂಗ ನಂಗಳ ನಿಂಗಡ ಮಿಂಞತ್ ಪುನಃ ಹೊಗಳ್‍ಚಿಟ್ಟಂಡಿಲ್ಲೆ. ಆಚೇಂಗಿ, ಹೃದಯತ್‍ರ ವಿಷಯ ಅಲ್ಲತೆ, ಪೊರಮೆ ಕಾಂಬದ್‍ನ ನೋಟಿತ್ ಹೊಗಳಿಯಂಡುಳ್ಳಯಿಂಗಕ್ ಉತ್ತರ ಕೊಡ್‌ತಿತ್, ನಿಂಗ ನಂಗಡ ವಿಷಯತ್ ಹೆಮ್ಮೆ ಪಡ್‌ವನೆಕೆ ನಿಂಗಕ್ ಒರ್ ಅವಕಾಶ ಮಾಡಿ ಕೊಡ್‍ತಂಡುಂಡ್.