2 ಕೊರಿಂಥ 2:9 - ಕೊಡವ ಬೈಬಲ್

⁹ ನಿಂಗ ಎಲ್ಲಾ ವಿಷಯತ್‍ಲು ತಗ್ಗಿತ್ ನಡ್ಂದಂಡುಳ್ಳಿರಾಂದ್ ಪರೀಕ್ಷೆ ಮಾಡ್‌ವಕಾಯಿತೇ ಅನ್ನನೆ ಒಳ್‍ದಿಯೆ.

2 ಕೊರಿಂಥ 2:9 ပူးပေါင်းရင်းမြစ်များ

2 ಕೊರಿಂಥ 10:6

ನಿಂಗ ಪೂರ್ತಿಯಾಯಿತ್ ತಗ್ಗಿತ್ ನಡ್‍ಪದ್ ನೆರವೇರುವಕ, ತಗ್ಗಿತ್ ನಡ್‍ಕತೆ ಇಪ್ಪಾಂಗ್ ತಕ್ಕಂತ ನೀತಿರ ಶಿಕ್ಷೆ ತಪ್ಪಕ್ ತಯಾರಾಯಿತ್ ಉಂಡ್.

2 ಕೊರಿಂಥ 2:3

ಅಕ್ಕ ನಾನ್ ನಿಂಗಡ ಪಕ್ಕ ಬಪ್ಪಕ, ನನ್ನ ಕುಶಿಪಡ್‌ತ್‌ವಯಿಂಗಡಗುಂಡ್ ದುಃಖ ಪಡ್‍ವಕ್ ಆಗಾಂದು ಪಿಂಞ ನಾಡ ಕುಶಿ ನಿಂಗ ಎಲ್ಲಾರ್‌ಕು ಕುಶಿಯಾಯಿತಿಕ್ಕಂಡೂಂದು, ನಿಂಗ ಎಲ್ಲಾಡ ವಿಷಯತ್ ನಂಬಿಕೆಯಾಯಿತೇ, ನಿಂಗಡ ಪಕ್ಕ ಬಂದಿತ್ ನಿಂಗಳ ಕಾಂಬಕ್ ಮಿಂಞಲೇ ಅನ್ನನೆ ನಾನ್ ನಿಂಗಕ್ ಈ ಕಾಗದತ್‍ನ ಒಳ್‍ದಿಯೆ.

2 ಕೊರಿಂಥ 2:4

ಅದಲ್ಲತೆ, ನಿಂಗ ದುಃಖ ಪಡಂಡೂಂದ್ ನಾನ್ ಒಳ್‍ದಿತ್‌ಲ್ಲೆ, ನಿಂಗಡ ಮೇಲೆ ನಾಕ್ ಉಳ್ಳ ಬಲ್ಯ ಪ್ರೀತಿನ ನಿಂಗ ಅರಿಯಂಡೂಂದ್ ನಾನ್ ದುಂಬ ದುಃಖತ್ಂಜಲು, ಹೃದಯತ್‍ರ ನೊಂಬಲತ್ಂಜಲು, ದುಂಬ ಕಣ್ಣೀರಿಂಜಲು ನಿಂಗಕ್ ಒಳ್‍ದಿಯೆ.

2 ಕೊರಿಂಥ 2:8

ಅನ್ನನೆ ನಿಂಗಡ ಪ್ರೀತಿನ ಅಂವೊಂಗ್ ದೃಡಪಡ್‌ತ್‍ವಕಾಯಿತ್ ನಾನ್ ನಿಂಗಳ ಬೋಡುವಿ.

2 ಕೊರಿಂಥ 8:2

ಅಯಿಂಗ ದುಂಬ ಹಿಂಸೇಲ್ ಪರೀಕ್ಷೆ ಪಟ್ಟಂಡಿಪ್ಪಕ, ಅಯಿಂಗ ದುಂಬ ಗರಿಬಂಗಳಾಯಿತ್ ಇಂಜತೇಂಗಿಯು, ಅಯಿಂಗಡ ತ್‍ೕರ ಕುಶೀಲ್ ದುಂಬ ದಾರಾಳವಾಯಿತ್ ಕೊಡ್‍ತತ್.

2 ಕೊರಿಂಥ 8:24

ಆನಗುಂಡ್, ನಿಂಗಡ ಪ್ರೀತಿನ ಪಿಂಞ ನಿಂಗಡ ವಿಷಯವಾಯಿತ್ ನಂಗ ಕೊಂಡಾಡ್‍ನದ್‍ನ, ಸಬೆರ ಮಿಂಞತ್ ಅಯಿಂಗಕ್ ಕಾಂಬ್‍ಚಿಡಿ.

ಫಿಲಿಪ್ಪಿ 2:12

ಅದ್ಂಗಾಯಿತ್ ನಾಡ ಪ್ರೀತಿರ ಜನಳೇ, ನಾಡ ಮಿಂಞತ್‍ಲ್ ನಿಂಗ ನಾಡ ತಕ್ಕ್‌ನ ಕ್‍ೕಟಂಡ್ ಇಂಜನೆಕೆ, ನಾನ್ ಇಲ್ಲತಿಪ್ಪಕ ಸಹ, ನಿಂಗ ಇಂಞು ದುಂಬ ಇಕ್ಕ ಕ್‍ೕಕಂಡು, ಆನಗುಂಡ್, ದೇವಡ ಮೇಲೆ ಬಕ್ತಿ ಪಿಂಞ ಪೋಡಿಲ್ ನಿಂಗಡ ರಕ್ಷಣೆ ಪೂರ್ತಿ ಆಪಕಾಯಿತ್ ನಿಂಗಡ ಬದ್‍ಕ್‍ಲ್ ಕಾಂಬನೆಕೆ ಚಾಯಿ ಕೆಲಸ ಮಾಡಂಡು.

ಫಿಲಿಪ್ಪಿ 2:22

ನಿಂಗಕ್ ಗೊತ್ತುಳ್ಳನೆಕೆ ಅಪ್ಪಂಡ ಕೂಡೆ ಒರ್ ಮೋಂವೊ ಸೇವೆ ಮಾಡ್‌ವನೆಕೆ ದೇವಡ ನಲ್ಲ ಸುದ್ದಿರ ವಿಷಯತ್‍ಲ್ ದೇವಡ ಬೋದನೆನ ಪಬ್ಬ್‌ಚಿಡ್‌ವಕ್ ಅಂವೊ ನಾಕ್ ದುಂಬ ಸಹಾಯ ಮಾಡ್‍ಚೀಂದ್ ಅಂವೊಂಡ ನಂಬಿಕಸ್ತ ಗುಣ ನಿಂಗಕ್ ಗೊತ್ತುಂಡ್.

2 ಥೆಸಲೊನೀಕ 3:14

ಈ ಕಾಗದತ್‍ಲ್ ಉಳ್ಳ ಬೋದನೆಕ್ ಒಬ್ಬ ತಗ್ಗಿತ್ ನಡ್‍ಕತೆ ಪೋನಕ, ಅಂವೊನ ಎಲ್ಲಾಡ ಮಿಂಞ ಕಂಡ್‍ಪುಡ್‌ಚಿತ್, ಅಂವೊನ ದೂರ ಮಾಡಂಡು. ಅಕ್ಕ ಅಂವೊ ಅನ್ನನೆ ಮಾಡ್‌ನಾಂಗ್ ಅಂವೊಂಗ್ ಞಾಣ ಆಪ.

ಫಿಲೆಮೋನ 1:21

ನಾಡ ತಕ್ಕ್‌ನ ಕ್‍ೕಟಿತ್, ಅದ್ಂಗಿಂಜ ದುಂಬ ಮಾಡ್‌ವಿಯಾಂದ್ ನಾಕ್ ಗೊತ್ತುಳ್ಳಗುಂಡು ಪಿಂಞ ನೀನ್ ಇದ್ಂಗ್ ಒತ್ತೊವಿಯಾಂದ್ ಉಳ್ಳ ನಂಬಿಕೆಯಿಂಜ ನಾನ್ ಈ ಕಾಗದತ್‍ನ ಒಳ್‍ದಿಯೆ.