2 ಕೊರಿಂಥ 2:7 - ಕೊಡವ ಬೈಬಲ್

⁷ ಆನಗುಂಡ್ ಅಂವೊ, ಬಲ್ಯ ದುಃಖತ್‍ಲ್ ಮನಸ್ಸ್ ಬುಟ್ಟಿತ್ ಪೋಕತನೆಕೆ, ನಿಂಗ ಅಂವೊನ ಮನ್ನಿಚಿಟ್ಟಿತ್ ಸಮಾದಾನ ಮಾಡಂಡು.

2 ಕೊರಿಂಥ 2:7 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:12

ಪಾತಾಳ ತಾಂಡ ಒಳ್‌ಕ್‌ ಇಳಿಯುವಯಿಂಗಳ ಮುಗ್ಗ್‌ವನೆಕೆ, ನಂಗ ಇಯಿಂಗಳ ಜೀವಂತವಾಯಿತ್‌ ಮುಗ್ಗನ. ಕುಂಡ್‌ಕ್‌ ಇಳಿಯುವಯಿಂಗಳ ಮುಗ್ಗ್‌ವನೆಕೆ ಪೂರ್ತಿಯಾಯಿತ್‌ ಮುಗ್ಗನ.

ಜ್ಞಾನತ್‌ರ ಪಡಿಮ 17:22

ಮನಸ್ಸ್‌ರ ಸಂತೋಷ ಒರ್‌ ನಲ್ಲ ಮದ್ದ್. ಆಚೇಂಗಿ ಆತ್ಮತ್‌ರ ದುಃಖ ಮೂಳೆನ ಕೀವ್‌ಚಿಡುವ.

1 ಕೊರಿಂಥ 15:54

ಮಣ್ಣ್‌ಕ್ ಬುದ್ದಿತ್ ಪಾಳಾಯಿಪೋಪಕಿಂಜ, ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಯಿಂಗಡ ತಡಿ ಎಕ್ಕಾಲು ಚಾವ್ ಇಲ್ಲತ ತಡಿಕ್ ಬದ್‍ಲಾಪಕ, ಚಾವ್ ಒಮ್ಮಕೆ ಪಾಳಾಯಿ ಪೋಚಿ, ಜಯ ಬಾತ್ ಎಣ್ಣುವ ದೇವಡ ವಾಕ್ಯ ಪೂರ್ತಿಯಾಪ.

2 ಕೊರಿಂಥ 2:8

ಅನ್ನನೆ ನಿಂಗಡ ಪ್ರೀತಿನ ಅಂವೊಂಗ್ ದೃಡಪಡ್‌ತ್‍ವಕಾಯಿತ್ ನಾನ್ ನಿಂಗಳ ಬೋಡುವಿ.

2 ಕೊರಿಂಥ 5:4

ಈ ಗುಡಾರತ್‍ಲ್ ವಾಸ ಮಾಡಿಯಂಡುಳ್ಳ ನಂಗ ನೆರ್ಂಗಿಯಂಡ್ ಬಾರತ್‍ನ ಪೊರ್‍ತಂಡುಂಡ್; ಚಾವ್ ಜೀವತ್‍ರಗುಂಡ್ ಬದ್‍ಲಾಪಕಾಯಿತ್, ಈ ಬಟ್ಟೇನ ಕಳೆಯುವಕ್ ನಂಗ ಕುಶಿ ಪಡತೆ, ಪರಲೋಕತ್‍ರ ಬಟ್ಟೇನ ಇಡ್‌ವಕ್ ಕುಶಿಪಟ್ಟಂಡುಂಡ್.

2 ಕೊರಿಂಥ 7:10

ದೇವಕಾಯಿತ್ ಉಳ್ಳ ದುಃಖ ಪಶ್ಚಾತಾಪ ಪಡುವನೆಕೆ ಮಾಡಿತ್ ರಕ್ಷಣೆನ ತಪ್ಪ. ಅದ್‍ಲ್ ದುಃಖ ಪಡುವನೆಕೆ ಒಂದು ಇಲ್ಲೆ. ಆಚೇಂಗಿ ಲೋಕತ್‍ರ ದುಃಖ ಚಾವ್‍ನ ಉಂಟ್ ಮಾಡ್‌ವ.

ಎಫೆಸ 4:32

ಒಬ್ಬಂಡ ಮೇಲೆ ಒಬ್ಬ ದಯೆ ಕಾಟಿತ್, ಕರುಣೆ ಉಳ್ಳಯಿಂಗಳಾಯಿತ್, ಕ್ರಿಸ್ತಂಡ ಮೂಲಕ ದೇವ ನಿಂಗಕ್ ಮನ್ನಿಚಿಟ್ಟನೆಕೆ, ನಿಂಗಳು ಒಬ್ಬಂಗ್ ಒಬ್ಬ ಮನ್ನಿಚಿಡಿ.

ಫಿಲಿಪ್ಪಿ 2:27

ಅಂವೊಂಗ್ ನೇರಾಯಿತು ಸೌಕ್ಯ ಇಲ್ಲತೆ ಚತ್ತ್ ಪೋಪನೆಕೆ ಇಂಜತ್. ಆಚೇಂಗಿ ದೇವ ಅನ್ನನೆ ಮಾಡಿತ್‌ಲ್ಲೆ, ದೇವ ಅಂವೊಂಗ್ ಕನಿಕರ ಕಾಂಬ್‍ಚಿಟ್ಟತ್. ಅಂವೊಂಗ್ ಮಾತ್ರ ಅಲ್ಲ ನಾಕ್ ಸಹ ಪುನಃ ಪುನಃ ದುಃಖ ಬರತನೆಕೆ ದೇವ ದಯೆ ಕಾಂಬ್‍ಚಿಟ್ಟತ್.

ಕೊಲೊಸ್ಸೆ 3:13

ನಿಂಗ ಒಬ್ಬೊಬ್ಬನ ಸಹಿಸಿಯಂಡ್, ಒಬ್ಬಂಡ ಮೇಲೆ ಒಬ್ಬಂಗ್ ಉಳ್ಳ ಪುಕಾರ್‍ನ, ಕ್ರಿಸ್ತ ನಿಂಗಡ ಪಾಪತ್‍ನ ಮನ್ನಿಚಿಟ್ಟನೆಕೆ ನಿಂಗ ಒಬ್ಬೊಬ್ಬನ ಮನ್ನಿಚಿಡಂಡು.

1 ಥೆಸಲೊನೀಕ 4:13

ನಂಗಡ ಅಣ್ಣತಮ್ಮಣಂಗಳೇ, ನಂಗಡ ಆಸೆ ಎಂತ ಎಣ್ಣ್‌ಚೇಂಗಿ, ಚತ್ತಯಿಂಗಕಾಯಿತ್, ಯೇಸುನ ನಂಬತಯಿಂಗ ನಂಬಿಕೆ ಇಲ್ಲತೆ ವ್ಯಸನ ಪಡ್‌ವನೆಕೆ, ದೇವಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತಯಿಂಗಕಾಯಿತ್ ನಿಂಗ ವ್ಯಸನಪಟ್ಟಿತ್, ಅಯಿಂಗಡ ವಿಷಯತ್ ಸತ್ಯ ಎಂತ್‍ೕಂದ್ ಗೊತ್ತಿಲ್ಲತೆ ಇಪ್ಪಕ್ಕಾಗ.

2 ಥೆಸಲೊನೀಕ 3:6

ನಂಗಡ ಅಣ್ಣತಮ್ಮಣಂಗಳೇ, ಸೋಮಾರಿಯಾಯಿತ್ ಬದ್‍ಕಿಯಂಡ್, ನಂಗ ನಿಂಗಕ್ ಎಣ್ಣ್‌ನ ಪದ್ದತಿರ ಪ್ರಕಾರ ನಡ್‌ಂದಂಡಿಲ್ಲತ ಯೇಸುನ ನಂಬ್‍ನಯಿಂಗಳ ದೂರಮಾಡಿತ್ ಬೆಕ್ಕಂಡೂಂದ್ ಒಡೆಯನಾನ ಯೇಸು ಕ್ರಿಸ್ತ ನಂಗಕ್ ತಂದಿತುಳ್ಳ ಅದಿಕಾರತ್‍ಲ್ ನಂಗ ನಿಂಗಕ್ ಆಜ್ಞೆ ಮಾಡ್‌ವ.