2 ಕೊರಿಂಥ 2:4 - ಕೊಡವ ಬೈಬಲ್

⁴ ಅದಲ್ಲತೆ, ನಿಂಗ ದುಃಖ ಪಡಂಡೂಂದ್ ನಾನ್ ಒಳ್‍ದಿತ್‌ಲ್ಲೆ, ನಿಂಗಡ ಮೇಲೆ ನಾಕ್ ಉಳ್ಳ ಬಲ್ಯ ಪ್ರೀತಿನ ನಿಂಗ ಅರಿಯಂಡೂಂದ್ ನಾನ್ ದುಂಬ ದುಃಖತ್ಂಜಲು, ಹೃದಯತ್‍ರ ನೊಂಬಲತ್ಂಜಲು, ದುಂಬ ಕಣ್ಣೀರಿಂಜಲು ನಿಂಗಕ್ ಒಳ್‍ದಿಯೆ.

2 ಕೊರಿಂಥ 2:4 ပူးပေါင်းရင်းမြစ်များ

2 ಕೊರಿಂಥ 11:2

ಕ್ರಿಸ್ತ ಎಣ್ಣುವ ಒರೇ ಪುತ್ತಂಗಾರಂಗ್ ನಿಂಗಳ ಪವಿತ್ರ ಕನ್ನಿ ಮೂಡಿಯಾಯಿತ್ ಒಪ್ಪ್‌ಚಿಡಂಡೂಂದ್ ನಾನ್ ನಿಶ್ಚಯ ಮಾಡ್‍ನಗುಂಡ್, ನಿಂಗಕಾಯಿತ್ ದೇವಡ ವೈರಾಗ್ಯವಾನ ವೈರಾಗ್ಯತ್‍ಲ್ ನಾನ್ ಉಳ್ಳ.

2 ಕೊರಿಂಥ 12:15

ಆನಗುಂಡ್, ನಾನ್ ನಿಂಗಡಲ್ಲಿ ಎಚ್ಚಕ್ ಜಾಸ್ತಿಯಾಯಿತ್ ಪ್ರೀತಿ ಮಾಡಿಯಂಡ್ ಉಂಡೋ, ಅಚ್ಚಕ್ ಕಮ್ಮಿಯಾಯಿತ್ ನಿಂಗ ನನ್ನ ಪ್ರೀತಿ ಮಾಡ್‍ಚೇಂಗಿಯು, ನಿಂಗಕಾಯಿತ್ ನಾಡ ಪಕ್ಕ ಉಳ್ಳದ್‍ನ ಕೊಡ್‌ಪಕು, ನನ್ನ ಸಹ ಕೊಡ್‌ಪಕು ದುಂಬ ಕುಶಿ ಪಡುವಿ.

2 ಕೊರಿಂಥ 2:9

ನಿಂಗ ಎಲ್ಲಾ ವಿಷಯತ್‍ಲು ತಗ್ಗಿತ್ ನಡ್ಂದಂಡುಳ್ಳಿರಾಂದ್ ಪರೀಕ್ಷೆ ಮಾಡ್‌ವಕಾಯಿತೇ ಅನ್ನನೆ ಒಳ್‍ದಿಯೆ.

2 ಕೊರಿಂಥ 7:12

ಆನಗುಂಡ್, ನಾನ್ ನಿಂಗಕ್ ಅನ್ನನೆ ಒಳ್‍ದಿತ್ಂಜತೇಂಗಿಯು, ಅದ್ ಅನ್ಯಾಯ ಮಾಡ್‍ನಂವೊಂಗಾಯಿತು ಅಲ್ಲ, ಅನ್ಯಾಯ ಆನಂವೊಂಗಾಯಿತು ಅಲ್ಲ; ದೇವಡ ಮಿಂಞತ್ ನಿಂಗಡ ವಿಷಯತ್ ನಂಗಕ್ ಉಳ್ಳ ಜಾಗ್ರತೆ ನಿಂಗಕ್‌ ಗೊತ್ತಾಪಕಾಯಿತೇ ಅನ್ನನೆ ಒಳ್‍ದಿಯೆ.

ಫಿಲಿಪ್ಪಿ 3:18

ಎನ್ನಂಗೆಣ್ಣ್‌ಚೇಂಗಿ, ದುಂಬ ಜನ ಅಯಿಂಗ ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತುಂಡ್‍ೕಂದ್ ಎಣ್ಣುವ, ಆಚೇಂಗಿ ಅಯಿಂಗೆಲ್ಲಾ ಕ್ರಿಸ್ತಂಡ ಶಿಲುಬೇರ ಬೋದನೆಕ್ ವಿರೋದವಾಯಿತ್ ಬದ್‍ಕಿಯಂಡುಂಡ್. ಅಯಿಂಗಡ ವಿಷಯ ನಾನ್ ನಿಂಗಕ್ ಮಿಂಞಲೇ ದುಂಬ ಎಣ್ಣಿತುಂಡ್. ಇಕ್ಕ ಪುನಃ ನಾನ್ ನಿಂಗಕ್ ಮೊರಟಂಡ್ ಎಣ್ಣ್‌ವಿ.