2 ಕೊರಿಂಥ 2:12 - ಕೊಡವ ಬೈಬಲ್

¹² ಪಿಂಞ, ಯೇಸು ಕ್ರಿಸ್ತಂಡ ನಲ್ಲ ಸುದ್ದಿನ ಬೋದನೆ ಮಾಡ್‌ವಕಾಯಿತ್ ನಾನ್ ತ್ರೋವ ಪಟ್ಟಣಕ್ ಬಪ್ಪಕ, ಒಡೆಯನಗುಂಡ್ ನಾಕ್ ಪಡಿ ತೊರ್ಂದ್‍ತ್ಂಜತ್.

2 ಕೊರಿಂಥ 2:12 ပူးပေါင်းရင်းမြစ်များ

ಅಪೊಸ್ತಲ 14:27

ಅಯಿಂಗ ಅಲ್ಲಿ ಎತ್ತ್‌ನ ಪಿಂಞ, ಅಲ್ಲಿಯತ್‍ರ ಸಬೇನ ಕೂಟಿತ್, ದೇವ ಅಯಿಂಗಡ ಮೂಲಕ ಮಾಡ್‍ನ ಎಲ್ಲಾನ ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ನಂಬಿಕೇರ ಪಡಿನ ಅಂವೊ ಎನ್ನನೆ ತೊರಂದತ್‍ೕಂದ್ ವಿವರವಾಯಿತ್ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 16:11

ನಂಗ ತ್ರೋವತ್ಂಜ ಸಮುದ್ರತ್‍ರ ಮಾರ್ಗವಾಯಿತ್ ಪ್ರಯಾಣ ಮಾಡಿತ್ ನೇರೆ ಸಮೊಥ್ರಾ ದ್ವೀಪಕ್ ಬಂತ್ ಪಿತ್ಯಾಂದ್ ನೆಯಾಪೊಲಿಕ್ ಕೂಡಿತ್ ಅಲ್ಲಿಂಜ ಫಿಲಿಪ್ಪಿ ಪಟ್ಟಣಕ್ ಎತ್ತ್‌ಚಿ.

ಅಪೊಸ್ತಲ 16:8

ಆನಗುಂಡ್ ಅಯಿಂಗ ಮೂಸ್ಯತ್‍ನ ದಾಟಿತ್ ತ್ರೋವಕ್ ಬಾತ್.

ಅಪೊಸ್ತಲ 20:8

ನಂಗ ಕೂಡಿ ಬಂದಿತ್ಂಜ ಕೊಡಿರ ಕೋಂಬರೆಲ್ ದುಂಬ ಬೊಳ್‍ಚ ಇಂಜತ್.

ರೋಮ್ 1:1

ಯೇಸು ಕ್ರಿಸ್ತಂಡ ಸೇವಕನು, ಅಪೊಸ್ತಲನಾಯಿತ್‌ಪ್ಪಕ್ ದೇವ ಕಾಕ್‌ನಂವೊನು, ದೇವಡ ನಲ್ಲ ಸುದ್ದಿನ ಅರಿಚಿಡುವಕಾಯಿತ್ ದೇವ ಗೊತ್ತ್ ಮಾಡ್‍ನ ಪೌಲನಾನ ನಾನ್ ಒಳ್‍ದ್‍ವ ಕಾಗದ ಇದ್.

1 ಕೊರಿಂಥ 16:9

ಎನ್ನಂಗೆಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ಬಲ್ಯ ಪಡಿ ತೊರ್‌ಂದಿತುಂಡ್. ನಾನ್ ಮಾಡ್‌ವಾನ ವಿರೋದಿಚಿಡುವಯಿಂಗಳು ಇಲ್ಲಿ ದುಂಬ ಉಂಡ್.

1 ಕೊರಿಂಥ 9:12

ಬೋರೆ ಜನಕ್ ನಿಂಗಡ ಮೇಲೆ ಇಚ್ಚಕ್ ಹಕ್ಕ್ ಉಂಡೇಂಗಿ, ನಂಗಕ್ ಇಂಞು ಎಚ್ಚಕ್ ಹಕ್ಕ್ ಉಂಡ್! ಆಚೇಂಗಿಯು, ಕ್ರಿಸ್ತಂಡ ನಲ್ಲ ಸುದ್ದಿ ಎಣ್ಣುವಕ್ ಏದ್ ತಡೆಯು ಬರತನೆಕೆ, ನಂಗಕ್ ಉಳ್ಳ ಅದಿಕಾರತ್‍ನ ಉಪಯೋಗಿಚಿಡತೆ, ಎಲ್ಲಾ ಕಷ್ಟತ್‍ನ ನಂಗ ಸಹಿಸಿಯಂಡುಂಡ್.

1 ಕೊರಿಂಥ 9:14

ಅನ್ನನೆ, ದೇವಡ ನಲ್ಲ ಸುದ್ದಿ ಪ್ರಚಾರ ಮಾಡ್‌ವ ಸೇವೇಲ್ ಉಳ್ಳಯಿಂಗಕ್, ಅಯಿಂಗಡ ಬದ್‍ಕ್‍ಕ್ ಬೋಂಡಿಯಾನದ್‍ನ, ಈ ಸೇವೇಯಿಂಜಲೇ ಕ್‍ಟ್ಟಂಡೂಂದ್ ದೇವ ಆಜ್ಞೆ ಕೊಡ್‌ತಿತುಂಡ್.

1 ಕೊರಿಂಥ 9:16

ನಾನ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‍ಚೇಂಗಿಯು ನಾನ್ ಅದ್‍ನ ಹೊಗಳ್‍ವಕ್ ಒಂದು ಇಲ್ಲೆ; ಎನ್ನಂಗೆಣ್ಣ್‌ಚೇಂಗಿ ಅದ್ ನಾಡ ಮೇಲೆ ಬುದ್ದ ಜವಾಬ್ದಾರಿಯಾಯಿತುಂಡ್. ದೇವಡ ನಲ್ಲ ಸುದ್ದಿನ ನಾನ್ ಪ್ರಚಾರ ಮಾಡತೆ ಪೋಚೇಂಗಿ, ನಾಕ್ ಅಯ್ಯೋ!

2 ಕೊರಿಂಥ 10:14

ನಿಂಗಡ ಪಕ್ಕ ಬಂತ್ ಎತ್ತ್‌ವಕ್ ಕಯ್ಯತನೆಕೆ ಮಿತಿ ಮೀರಿತ್ ಪೋಪುಲೆ; ನಂಗ ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್ ನಿಂಗಡಲ್ಲಿಕತ್ತನೆ ಬಂದತಲ್ಲ?

2 ಕೊರಿಂಥ 11:4

ಎನ್ನನೆ ಎಣ್ಣ್‌ಚೇಂಗಿ, ನಿಂಗಡ ಪಕ್ಕ ಬಪ್ಪಂವೊ, ನಂಗ ಬೋದನೆ ಮಾಡತ ಬೋರೆ ಒರು ಯೇಸುನ ಬೋದನೆ ಮಾಡ್‍ಚೇಂಗಿಯು, ಅಲ್ಲತಪೋಚೇಂಗಿ, ನಿಂಗ ಪಡೆಯತ ಬೋರೆ ಒರ್ ಪವಿತ್ರಾತ್ಮತ್‍ನ ಪಡೆಯುವಕಲು, ನಿಂಗ ಸ್ವೀಕಾರ ಮಾಡತ ಬೋರೆ ಒರ್ ದೇವಡ ನಲ್ಲ ಸುದ್ದಿನ ಸ್ವೀಕಾರ ಮಾಡ್‌ವಕಲು, ನಿಂಗ ಅದ್‍ನ ಕುಶೀಲ್ ಸಹಿಸಿಯಂಡ್ ಉಳ್ಳಿರಲ್ಲ.

2 ಕೊರಿಂಥ 11:7

ನಿಂಗ ಬಲ್ಯದಾಂಡೂಂದ್ ನನ್ನ ತಗ್ಗ್‌ಚಿಟ್ಟಂಡ್ ದೇವಡ ನಲ್ಲ ಸುದ್ದಿನ ಇನಾಮಾಯಿತ್ ನಿಂಗಕ್ ಬೋದನೆ ಮಾಡ್‍ನದ್ ಕುತ್ತವಾ?

2 ಕೊರಿಂಥ 4:3

ನಂಗ ಬೋದನೆ ಮಾಡ್‌ವ ದೇವಡ ನಲ್ಲ ಸುದ್ದಿ ಮುಚ್ಚಿತ್ ಇಂಜತೇಂಗಿ, ಅದ್ ನಾಶ ಆಯಿಪೋಪಯಿಂಗಕೇ ಮುಚ್ಚಿತ್‌ಪ್ಪ.

2 ಕೊರಿಂಥ 4:4

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

2 ಕೊರಿಂಥ 8:18

ಇದ್‍ಲ್ಲತೆ ದೇವಡ ನಲ್ಲ ಸುದ್ದಿ ಎಣ್ಣುವ ಸೇವೇರ ವಿಷಯತ್‍ಲ್ ಎಲ್ಲಾ ಸಬೇಲು ಹೊಗಳಿಯಂಡುಳ್ಳ ಒರ್ ತಮ್ಮಣನ ಅಂವೊಂಡ ಕೂಡೆ ಅಯಿಚಿತುಂಡ್.

2 ಕೊರಿಂಥ 9:13

ಅಯಿಂಗ ಈ ಪಣದಾನತ್‍ರ ಸಹಾಯತ್‍ನ ಅನುಬವಿಚಿಟ್ಟಿತ್, ನಿಂಗ ಕ್ರಿಸ್ತಂಡ ನಲ್ಲ ಸುದ್ದಿಕ್ ತಗ್ಗಿತ್ ಅರಿಕೆ ಮಾಡ್‍ನಗುಂಡ್, ಅಯಿಂಗಕು ಬೋರೆ ಎಲ್ಲಾರ್‌ಕು ನಿಂಗ ದಾರಾಳವಾಯಿತ್ ದಾನ ಮಾಡ್‍ನಂಗಾಯಿತ್ ದೇವನ ತುದಿಪ.

ಕೊಲೊಸ್ಸೆ 4:3

ನಂಗ ಕ್ರಿಸ್ತಂಡ ಗುಟ್ಟ್‌ನ ಅರಿಚಿಡ್‍ವಕಾಯಿತ್ ದೇವ ಪಡಿ ತೊರ್‌ಕಂಡೂಂದ್ ನಂಗಕ್ ಸಹ ಪ್ರಾರ್ಥನೆ ಮಾಡಿ. ಅದ್‍ನ ಎಣ್ಣ್‌ನ ಕಾರಣಕಾಯಿತೇ ಇಕ್ಕ ನಾನ್ ಕೈದಿಯಾಯಿತ್ ಜೈಲ್‍ಲ್ ಉಳ್ಳ.

1 ಥೆಸಲೊನೀಕ 3:2

ಅದ್ಂಗಾಯಿತ್ ನಂಗ ತಿಮೊಥೆಯನ ನಿಂಗಡ ಪಕ್ಕ ಅಯಿಚತ್. ಅಂವೊ ನಂಗಡ ತಮ್ಮಣನು, ನಂಗಡ ಕೂಡೆ ದೇವಡ ಸೇವೆ ಮಾಡ್‌ವಂವೊನು, ಕ್ರಿಸ್ತಂಡ ನಲ್ಲ ಸುದ್ದಿರ ಸೇವೇಲ್ ನಂಗಡ ಕೂಡೆ ಪ್ರಚಾರ ಮಾಡ್‍ವಂವೊನಾಯಿತು ಉಂಡ್. ಅಂವೊ ನಿಂಗಡ ಪಕ್ಕ ಬಂದಿತ್, ನಿಂಗಡ ನಂಬಿಕೇನ ಸ್ತಿರಪಡ್‌ತಿತ್, ನಿಂಗ ಆತ್ಮೀಯ ಬದ್‍ಕ್‍ಲ್ ಬೂವತನೆಕೆ ಇಪ್ಪಕ್ ಸಹಾಯ ಮಾಡ್‌ವ.