2 ಕೊರಿಂಥ 2:11 - ಕೊಡವ ಬೈಬಲ್

¹¹ ಸೈತಾನಗುಂಡ್ ನಂಗ ಮೋಸ ಪೋಕತನೆಕೆ ನಾನ್ ಅನ್ನನೆ ಮಾಡಿಯೆ; ಸೈತಾನಂಡ ತಂತ್ರ ಎಂತ್‍ೕಂದ್ ನಂಗಕ್ ಚಾಯಿತೆ ಗೊತ್ತುಂಡಲ್ಲ.

2 ಕೊರಿಂಥ 2:11 ပူးပေါင်းရင်းမြစ်များ

ಮತ್ತಾಯ 4:10

ಅದ್ಂಗ್ ಯೇಸು: ನಾಡ ಬಯ್ಯಕ್ ಪೋ ಸೈತಾನೇ, ನೀಡ ಒಡೆಯನಾನ ದೇವನ ಮಾತ್ರ ಸೇವೆ ಮಾಡಿತ್, ಅಂವೊ ಒಬ್ಬಂಗೇ ಆರಾದನೆ ಮಾಡಂಡೂಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:31

ಪಿಂಞ ಅಂವೊ ಸೀಮೋನನ ನೋಟಿತ್: ಸೀಮೋನನೇ, ಒರು ಬೂಮಿಕಾರ, ಗೋದಿನ ತವುಡ್ಂಜ ಬೋರೆ ಮಾಡ್‌ವನೆಕೆ ನಿಂಗಳ ಪರೀಕ್ಷೆ ಮಾಡ್‌ವಕ್ ಸೈತಾನ ಅನುಮತಿ ಕ್‍ೕಟಿಯತ್.

ಯೋಹಾನ 13:2

ಆ ಬಯಿಟ್ ಅಯಿಂಗೆಲ್ಲಾರು ಉಂಡಂಡಿಂಜತ್, ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್, ಯೇಸುನ ಪುಡ್‌ಚಿತ್ ಕೊಡ್‍ಕಂಡೂಂದ್ ಉಳ್ಳ ಗೇನತ್‍ನ ಸೈತಾನ ಅಂವೊಂಡ ಮನಸ್ಸ್‌ಲ್ ಮಿಂಞಲೇ ಇಟ್ಟಿತ್ಂಜತ್.

ಅಪೊಸ್ತಲ 1:25

ಈ ದಂಡಾಳ್‌ರ ಕೂಟ್‌ಲ್ ದಾರ್‍ೕಂದ್ ಗೊತ್ತ್ ಮಾಡಿತ್ ಕಾಟ್‍ೕಂದ್ ಪ್ರಾರ್ಥನೆ ಮಾಡ್‍ಚಿ. ಎನ್ನಂಗೆಣ್ಣ್‌ಚೇಂಗಿ, ಯೂದ ಈ ಅಪೊಸ್ತಲ ಸ್ತಾನತ್ಂಜ, ಮೋಸ ಮಾಡಿತ್, ಅಂವೊಂಗ್ ತಕ್ಕ ಜಾಗಕ್ ಪೋಚಿ.

1 ಕೊರಿಂಥ 7:5

ಪ್ರಾರ್ಥನೆಲ್ ಚೆನ್ನ ಕಾಲ ಇರಂಡೂಂದ್ ನಿಂಗ ದಂಡಾಳು ತೀರ್ಮಾನ ಮಾಡಿತ್ ದಂಡಾಳು ಒತ್ತತೇಂಗಿ ಮಾತ್ರ ಚೆನ್ನ ಕಾಲ ಬೋರೆ ಬೋರೆಯಾಯಿತ್ ಇಪ್ಪಕ್ ಆಪ. ನಿಂಗಕ್ ತನ್ನಡಕ ಇಲ್ಲತಗುಂಡ್ ಬೋರೆಯಿಂಗಡ ಕೂಡೆ ತಪ್ಪ್ ಮಾಡ್‌ವನೆಕೆ ಸೈತಾನ ನಿಂಗಳ ಸೋದನೆ ಮಾಡತನೆಕೆ ಪುನಃ ಕೂಡಿ ಬಂದಿತ್ ಒಕ್ಕಚೆ ಇರಂಡು.

2 ಕೊರಿಂಥ 11:14

ಇದ್ ಒಂದು ಆಶ್ಚರ್ಯ ಅಲ್ಲ, ಎನ್ನಂಗೆಣ್ಣ್‌ಚೇಂಗಿ, ಸೈತಾನ ಸಹ ಬೊಳಿರ ದೂತಂಡ ವೇಷತ್‍ನ ಇಟ್ಟಂಡುಂಡಲ್ಲ?

2 ಕೊರಿಂಥ 11:3

ಆಚೇಂಗಿ, ಆದ್ಯ ಪೊಣ್ಣಾಳಾನ ಹವ್ವಳ, ಪಾಂಬ್ ತಾಂಡ ತಂತ್ರತ್‍ನಗುಂಡ್ ಮೋಸ ಮಾಡ್‍ನನೆಕೆ, ಕ್ರಿಸ್ತಂಡ ಸತ್ಯತ್‍ನ ಬುಟ್ಟಿತ್ ಬಟ್ಟೆ ತಪ್ಪಿ ಪೋಪನೆಕೆ ನಿಂಗಡ ಮನಸ್ಸ್ ಸಹ ಆಯಿ ಪೋಪಾಂದ್ ನಾಕ್ ಪೋಡಿ ಆಯಂಡುಂಡ್.

2 ಕೊರಿಂಥ 4:4

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

2 ತಿಮೊಥೆಯ 2:25

ನೀಡ ಬೋದನೆಕ್ ಎದ್‍ರ್ ನಿಪ್ಪಯಿಂಗಕ್ ಸಮಾದಾನತ್‍ಲ್ ಅಯಿಂಗಡ ತಪ್ಪ್‌ನ ಎಣ್ಣಿ ಕೊಡ್‍ಪಂವೊನಾಯಿತಿರಂಡು. ಎನ್ನಂಗೆಣ್ಣ್‌ಚೇಂಗಿ ಒರ್ ಸಮಯ ಅಯಿಂಗ ಪಶ್ಚಾತಾಪ ಪಟ್ಟಿತ್, ಸತ್ಯತ್‍ನ ಅರಿಂಜಂಡ್ ಪುನಃ ದೇವಡ ಪಕ್ಕ ಬಪ್ಪಕ್ ದೇವ ಒರ್ ಸನ್ನಿವೇಶ ಕೊಡ್‍ಪ.

1 ಪೇತ್ರ 5:8

ತನ್ನಡಕ್ಕ ಉಳ್ಳಯಿಂಗಳಾಯಿತ್, ಎಚ್ಚರತ್ ಇಪ್ಪಯಿಂಗಳಾಯಿತ್ ಇರಿ. ನಿಂಗಡ ವಿರೋದಿಯಾನ ಸೈತಾನ, ಕೂತ್ ಕೊಡ್‍ಪ ಸಿಂಹತ್‍ರನೆಕೆ ದಾರ್‌ನ ಮುಗ್ಗಂಡೂಂದ್ ಸುತ್ತಿಯಂಡ್ ನೋಟಿಯಂಡುಂಡ್.

ಪ್ರಕಟನೆ 13:8

ಈ ಲೋಕತ್‍ರ ಸುರುಯಿಂಜ, ಮಿಂಞಲೇ ಬಲಿಯಾಯಿತ್ ಇಂಜ ಕೊರಿಕುಟ್ಟಿಯಾನವೊಂಡ ಜೀವತ್‍ರ ಪುಸ್ತಕತ್‍ಲ್ ಪೆದ ಒಳ್‌ದಿತಿಲ್ಲತ ಎಲ್ಲಾರು ಆ ಮೃಗತ್‍ನ ಆರಾದನೆ ಮಾಡ್‌ವ.

ಪ್ರಕಟನೆ 2:24

ಥುವತೈರ ಸಬೇಲ್ ಉಳ್ಳ ಬೋರೆಯಿಂಗಕ್ ನಾನ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ: ನಿಂಗ ಅವಡ ಬೋದನೆರ ಪ್ರಕಾರ ನಡ್‍ಕತೆ, ಸೈತಾನಂಡ ಆಳತ್‍ರ ಗುಟ್ಟ್‍ೕಂದ್ ಎಣ್ಣಿಯಂಡುಳ್ಳದ್‍ನ ಪಡಿಕತೆ ಉಳ್ಳಿರಲ್ಲ. ನಿಂಗಡ ಮೇಲೆ ಬೋರೆ ಏದ್ ಬಾರತ್‍ನ ನಾನ್ ಇಡುಲೆ.