2 ಕೊರಿಂಥ 13:6 - ಕೊಡವ ಬೈಬಲ್

⁶ ಆಚೇಂಗಿ ನಂಗ, ಪರಿಕ್ಷೇಕ್ ನಿಂದಯಿಂಗಾಂದ್ ನಿಂಗಕ್ ಗೊತ್ತುಂಡ್‍ೕಂದ್ ನಂಬುವಿ.

2 ಕೊರಿಂಥ 13:6 ပူးပေါင်းရင်းမြစ်များ

ರೋಮ್ 1:28

ಅಯಿಂಗಕ್ ದೇವನ ಗೊತ್ತ್ ಮಾಡ್‌ವ ಬುದ್ದಿನ ಗೇನಮಾಡ್‌ವಕ್ ಕುಶಿಯಿಲ್ಲತಗುಂಡ್, ಮಾಡ್‌ವಕ್ಕಾಗತ ಕೆಟ್ಟ ಕೆಲಸತ್‍ನ ಮಾಡ್‌ವಕುಳ್ಳ ಗೇನಕ್ ದೇವ ಅಯಿಂಗಳ ಒಪ್ಪ್‌ಚಿಟ್ಟ್‌ರ್‌ತ್.

2 ಕೊರಿಂಥ 12:20

ನಾನ್ ಬಪ್ಪಕ, ನಿಂಗ ಎನ್ನನೆ ಇಕ್ಕಂಡೂಂದ್ ನಾನ್ ಗೇನ ಮಾಡಿಯಂಡ್ ಉಂಡೋ ಅನ್ನನೆ ನಿಂಗ ಇಪ್ಪುಲೇಂದು ಪಿಂಞ ನಿಂಗ ಗೇನ ಮಾಡಿಯಂಡುಳ್ಳನೆಕೆ ನಾನ್ ಇಪ್ಪುಲೆಯೋಂದು ನಾಕ್ ಪೋಡಿ ಉಂಡ್. ನಿಂಗಡ ಮದ್ಯತ್‍ಲ್ ಪಗೆ, ವೈರಾಗ್ಯ, ಚೆಡಿ, ತರ್ಕ, ಒಟ್ಟೆಕಿಚ್ಚ್, ಒಬ್ಬಂಡ ಮೇಲೆ ಒಬ್ಬ ಕುತ್ತ ಪರಿವದ್, ಬೋಂಡತ ವೈರಾಗ್ಯ, ಕಲಹ ಇನ್ನತಾನೆಲ್ಲ ಇಪ್ಪಾಂದ್ ನಾಕ್ ಪೋಡಿ ಆಯಂಡುಂಡ್.

2 ಕೊರಿಂಥ 13:10

ಆನಗುಂಡ್ ನಿಂಗಡ ಕೂಡೆ ಇಲ್ಲತಿಪ್ಪಕಲೇ ಇದ್‍ನೆಲ್ಲಾ ಒಳ್‍ದಿಯೆ; ನಿಂಗಳ ಪೊಳಿಪಕಾಯಿತ್ ಅಲ್ಲ, ಕೆ‍ಟ್ಟ್‌ವಕಾಯಿತೇ ಒಡೆಯ ನಾಕ್ ತಂದಿತುಳ್ಳ ಅದಿಕಾರತ್‍ರನೆಕೆ, ನಾನ್ ನಿಂಗಡ ಪಕ್ಕ ಬಪ್ಪಕ, ಕಠಿಣವಾಯಿತ್ ಇಪ್ಪದ್ ಬೋಂಡಾಂದ್ ಕುಶಿ ಪಡುವಿ.

2 ಕೊರಿಂಥ 13:5

ನಿಂಗಕ್ ನಂಬಿಕೆ ಉಂಡಾಂದ್ ನಿಂಗಳ ನಿಂಗಳೇ ಪರೀಕ್ಷೆ ಮಾಡಿತ್ ನೋಟಿ. ನಿಂಗಳ ನಿಂಗಳೇ ಪರೀಕ್ಷೆ ಮಾಡಿ ನೋಟಿ. ಯೇಸು ಕ್ರಿಸ್ತ ನಿಂಗಡಲ್ಲಿ ಉಂಡ್‍ೕಂದ್ ನಿಂಗಕೇ ಗೊತ್ತಿಲ್ಲೆಯಾ? ನಿಂಗ ಪರಿಕ್ಷೇಕ್ ನಿಕ್ಕತಯಿಂಗಳಾಯಿತ್ಂಜತೇಂಗಿ ನಿಂಗಡ ನಂಬಿಕೆ ನಿಂಗಕ್ ಗೊತ್ತಾಪುಲೆ.

2 ಕೊರಿಂಥ 13:7

ನಿಂಗ ಒರ್ ತಪ್ಪು ಮಾಡತೆ ಇಪ್ಪಕ್ ನಾನ್ ನಿಂಗಕಾಯಿತ್ ದೇವಡ ಪಕ್ಕ ಪ್ರಾರ್ಥನೆ ಮಾಡ್‌ವಿ. ನಂಗ ಪರಿಕ್ಷೇಕ್ ನಿಂದಯಿಂಗಾಂದ್ ಗೊತ್ತಾಪಕಾಯಿತ್ ಅಲ್ಲ, ನಂಗ ಪರಿಕ್ಷೇಕ್ ನಿಕ್ಕತಯಿಂಗಡನೆಕೆ ಇಂಜತೇಂಗಿಯು, ನಿಂಗ ನಲ್ಲದ್ ಮಾಡ್‌ವಕಾಯಿತ್ ಪ್ರಾರ್ಥನೆ ಮಾಡ್‌ವಿ