2 ಕೊರಿಂಥ 13:2 - ಕೊಡವ ಬೈಬಲ್

² ನಾನ್ ದಂಡನೆ ಕುರಿ ನಿಂಗಡಲ್ಲಿ ಇಪ್ಪಕ ಎಣ್ಣ್‌ನನೆಕೆ, ಇಕ್ಕ ದೂರವಾಯಿತ್ ಇಂಜತೇಂಗಿಯು, ನಿಂಗಡ ಪಕ್ಕ ಇಪ್ಪನೆಕೆ, ನಾನ್ ಪುನಃ ಬಾತೇಂಗಿ ನಿಂಗಳ ತಪ್ಪಿಚಿಡ್‌ವಕ್ ಬುಡ್‍ಲೇಂದ್ ಮಿಂಞ ಪಾಪ ಮಾಡ್‍ನಯಿಂಗಕು ಇಂಞು ಎಲ್ಲಾರ್‌ಕು ಎಚ್ಚರ ಮಾಡಿತ್ ಒಳ್‌ದಿಯಂಡುಳ್ಳ.

2 ಕೊರಿಂಥ 13:2 ပူးပေါင်းရင်းမြစ်များ

1 ಕೊರಿಂಥ 5:5

ಅನ್ನನೆ ಪಾಪ ಮಾಡ್‍ನ ಮನುಷ್ಯಂಡ ಆತ್ಮ, ಒಡೆಯ ಪುನಃ ಬಪ್ಪ ದಿವಸತ್‍ಲ್ ಬಚಾವ್ ಆಪಕಾಯಿತ್, ಅಂವೊಂಡ ತಡಿ ಇಕ್ಕ ಪಾಳಾಪನೆಕೆ, ಅಂವೊನ ಸೈತಾನಂಗ್ ಒಪ್ಪ್‌ಚಿಡಂಡು.

2 ಕೊರಿಂಥ 1:23

ನಿಂಗಳ ನಾನ್ ಜೋರ್ ಮಾಡತನೆಕೆ ಇಪ್ಪಕಾಯಿತೇ ಇಲ್ಲಿಕತ್ತನೆ ಕೊರಿಂಥ ಪಟ್ಟಣಕ್ ಬಂತ್‌ಲ್ಲೇಂದ್ ದೇವಡ ಮೇಲೆ ನಾಡ ಸಾಕ್ಷಿಯಾಯಿತ್ ಎಣ್ಣ್‌ವಿ.

2 ಕೊರಿಂಥ 12:14

ನೋಟಿ, ನಿಂಗಡ ಪಕ್ಕ ಮೂಂದನೆ ಕುರಿ ಬಪ್ಪಕ್ ನಾನ್ ತಯಾರಾಯಿತುಳ್ಳ; ನಾನ್ ನಿಂಗಕ್ ಬಾರವಾಯಿತ್‌ಪ್ಪುಲೆ; ನಿಂಗಡ ಪಕ್ಕ ಉಳ್ಳದ್‍ನ ಅಲ್ಲ, ನಿಂಗಳೇ ನಾಕ್ ಬೋಂಡಿಯತ್. ಅಪ್ಪವ್ವಂಗಕ್ ಮಕ್ಕ ಅಲ್ಲ, ಆಚೇಂಗಿ ಮಕ್ಕಕ್ ಅಪ್ಪವ್ವಂಗಳೇ ಉಳಿಕೆ ಮಾಡಿ ಬೆಪ್ಪ.

2 ಕೊರಿಂಥ 13:10

ಆನಗುಂಡ್ ನಿಂಗಡ ಕೂಡೆ ಇಲ್ಲತಿಪ್ಪಕಲೇ ಇದ್‍ನೆಲ್ಲಾ ಒಳ್‍ದಿಯೆ; ನಿಂಗಳ ಪೊಳಿಪಕಾಯಿತ್ ಅಲ್ಲ, ಕೆ‍ಟ್ಟ್‌ವಕಾಯಿತೇ ಒಡೆಯ ನಾಕ್ ತಂದಿತುಳ್ಳ ಅದಿಕಾರತ್‍ರನೆಕೆ, ನಾನ್ ನಿಂಗಡ ಪಕ್ಕ ಬಪ್ಪಕ, ಕಠಿಣವಾಯಿತ್ ಇಪ್ಪದ್ ಬೋಂಡಾಂದ್ ಕುಶಿ ಪಡುವಿ.