2 ಕೊರಿಂಥ 13:11 - ಕೊಡವ ಬೈಬಲ್

¹¹ ಆಕೀರ್‌ಲ್, ನಾಡ ಅಣ್ಣತಮ್ಮಣಂಗಳೇ, ನಿಂಗ ಕುಶೀಲ್ ಇರಿ, ಪೂರ್ತಿಯಾಯಿತ್ ಇರಿ, ಒಬ್ಬಂಗ್ ಒಬ್ಬ ಪುರ್‌ಡ್ ಕೊಡಿ, ಒರೇ ಮನಸ್ಸ್ ಉಳ್ಳಯಿಂಗಳಾಯಿತಿರಿ, ಸಮಾದಾನತ್‍ಲ್ ಇರಿ, ಅಕ್ಕ ಪ್ರೀತಿರ ಪಿಂಞ ಸಮಾದಾನತ್‍ರ ದೇವ ನಿಂಗಡ ಕೂಡೆ ಇಪ್ಪ.

2 ಕೊರಿಂಥ 13:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 37:4

ಆಚೇಂಗಿ ಅಂವೊಂಡ ಅಣ್ಣತಮ್ಮಣಂಗಕ್‌ ಅಯಿಂಗಡ ಅಪ್ಪ ಅಯಿಂಗಕಿಂಜ ಅಂವೊನ ದುಂಬ ಪ್ರೀತಿಮಾಡಿಯಂಡುಂಡ್‍ೕಂದ್‌ ಗೊತ್ತಾಯಿತ್, ಯೋಸೇಫನ ದ್ವೇಶ ಮಾಡಿತ್, ಅಯಿಂಗಕ್‌ ಅಂವೊಂಡ ಕೂಡೆ ಸಮಾದಾನತ್‌ಲ್‌ ತಕ್ಕ್‌ ಪರಿಯುವಕ್‌ ಕಯಿಂಜ್‌ತ್‌ಲ್ಲೆ.

ಆದ್ಯತ್‌ರ ಪುಸ್ತಕ 45:24

ಅನ್ನನೆ ಅಂವೊಂಡ ಅಣ್ಣತಮ್ಮಣಂಗಕ್: ನಿಂಗ ಬಟ್ಟೆಲ್‌ ಜಗಳ ಮಾಡತೀಂದ್‌ ಎಣ್ಣಿತ್‌ ಅಯಿಚತ್. ಅಯಿಂಗ ಪೊರ್‌ಟ್ ಪೋಚಿ.

ಮತ್ತಾಯ 1:23

ಆ ತಕ್ಕ್ ಎಂತ ಎಣ್ಣ್‌ಚೇಂಗಿ: ನೋಟ್, ಒರ್ ಕನ್ನಿ ಮೂಡಿ ಕೆಲಕರ್ತಿಯಾಯಿತ್ ಒರ್ ಮೋಂವೊನ ಪೆರ್‌ವ; ಅಂವೊಂಗ್ ಇಮ್ಮಾನುವೇಲ್ ಎಣ್ಣುವ ಪೆದ ಇಡಂಡು. ಇಮ್ಮಾನುವೇಲ್ ಎಣ್ಣ್‌ಚೇಂಗಿ: ದೇವ ನಂಗಡ ಕೂಡೆ ಉಂಡ್‍ೕಂದ್ ಅರ್ಥ.

ಮತ್ತಾಯ 5:48

ಆನಗುಂಡ್ ನಿಂಗಳ ಪ್ರೀತಿ ಮಾಡತಯಿಂಗಳ ಸಹ ನಿಂಗ ಪ್ರೀತಿ ಮಾಡಿತ್, ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪ ಪೂರ್ತಿಯಾಯಿತುಳ್ಳನೆಕೆ ನಿಂಗಳು ಪೂರ್ತಿಯಾಯಿತಿರಿ.

ಮಾರ್ಕ 10:49

ಆ ಕುರ್‌ಡ ಕೂತ್ ಕೊಡ್‌ಪಾನ ಕ್‍ೕಟಿತ್, ಯೇಸು ಅಲ್ಲೇ ನಿಂದಿತ್: ಅಂವೊನ ಕಾಕ್ ಎಣ್ಣಿಯಂಡ್ ಎಣ್ಣ್‌ಚಿ. ಅಕ್ಕ ಶಿಷ್ಯಂಗ: ನಿನ್ನ ಯೇಸು ಕಾಕಿಯಂಡುಂಡ್ ಕುಶಿ ಪಡ್‍ೕಂದ್ ಅಂವೊಂಗ್ ಎಣ್ಣ್‌ಚಿ.

ಮಾರ್ಕ 9:50

ಉಪ್ಪ್ ನಲ್ಲದ್, ಆಚೇಂಗಿ ಉಪ್ಪ್‌ರ ಸತ್ವ ಪೋಚೇಂಗಿ, ಪುನಃ ನಿಂಗಕ್ ಉಪ್ಪ್‌ನ ಎನ್ನನೆ ಸತ್ವ ಮಾಡ್‌ವಕಯ್ಯು? ನಿಂಗ ಉಪ್ಪ್ ಉಳ್ಳಯಿಂಗಳಾಯಿತ್ ಇರಿ, ಎಲ್ಲಾಡ ಕೂಡೆ ಸಮಾದಾನತ್‍ಲ್ ಬದ್‍ಕ್‍ವಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:61

ಬೋರೆ ಒರ್ ಮನುಷ್ಯ: ನಾನ್ ನೀಡ ಬಯ್ಯ ಬಪ್ಪಿ, ಆಚೇಂಗಿ ಅದ್ಂಗಿಂಜ ಮಿಂಞ ನಾನ್ ಪೋಯಿತ್ ನಾಡ ಮನೆಕಾರಕ್ ಎಣ್ಣಿತ್ ಬಪ್ಪೀಂದ್ ಎಣ್ಣ್‌ಚಿ.

ಯೋಹಾನ 17:23

ಐಕ್ಯತ್‍ಲ್ ಈಂಗ ಪೂರ್ತಿಯಾಯಿತ್ ಇಪ್ಪಕಾಯಿತು, ನೀನ್ ನನ್ನ ಲೋಕಕ್ ಅಯಿಚದ್‍ನ ಪಿಂಞ ನೀನ್ ನಾಡಲ್ಲಿ ಪ್ರೀತಿಯಾಯಿತ್ ಇಪ್ಪನೆಕೆ ಅಯಿಂಗಡಲ್ಲಿ ಪ್ರೀತಿಯಾಯಿತ್ ಇಪ್ಪದ್‍ನ ಲೋಕತ್‍ರ ಜನ ಗೊತ್ತಾಪಕಾಯಿತು ನಾನ್ ಅಯಿಂಗಡಲ್ಲಿಯು ನೀನ್ ನಾಡಲ್ಲಿಯು ಇರಂಡೂಂದ್ ಪ್ರಾರ್ಥನೆ ಮಾಡ್‌ವಿ.

ಅಪೊಸ್ತಲ 18:21

ದೇವಡ ಚಿತ್ತವಾಚೇಂಗಿ ಪುನಃ ನಿಂಗಡ ಪಕ್ಕ ಬಪ್ಪೀಂದ್ ಎಣ್ಣಿತ್ ಅಯಿಂಗಡ ಅಪ್ಪಣೆನ ಪಡ್ಂದಿತ್ ಪೋಚಿ. ಅಲ್ಲಿಂಜ ಹಡಗ್‍ಲ್ ಪತ್ತಿತ್ ಎಫೆಸ ಪಟ್ಟಣತ್‍ನ ಬುಟ್ಟಿತ್ ಪೋಚಿ.

ಅಪೊಸ್ತಲ 23:30

ಯೆಹೂದ್ಯಂಗ ಈ ಮನುಷ್ಯನ ಕೊಲ್ಲ್‌ವಕ್ ಚದಿ ಮಾಡಿತುಂಡ್‍ೕಂದ್ ನಾಕ್ ಗೊತ್ತಾನ ಒಡನೆ, ನಾನ್ ಇಂವೊನ ನಿಂಗಡ ಪಕ್ಕ ಅಯಿಚಿಯೆ; ಇಂವೊಂಡ ಮೇಲೆ ಕುತ್ತ ಪರ್ಂದಿತ್, ಅಂವೊಂಗ್ ವಿರೋದವಾಯಿತ್ ಎಣ್ಣುವಾನ ನಿಂಗಡ ಮಿಂಞತ್ ಎಣ್ಣಂಡೂಂದ್ ಅಯಿಂಗಕು ಸಹ ಅಪ್ಪಣೆ ಕೊಡ್‌ತಿಯೇಂದ್ ಉಳ್ಳದೇ.

ರೋಮ್ 12:16

ಎಲ್ಲಾಡ ಕೂಡೆ ಒರೇ ಮನಸ್ಸುಳ್ಳಯಿಂಗಳಾಯಿತಿರಿ; ಜಂಬ ಮಾಡತೆ, ಕಮ್ಮಿಯಾಯಿತ್ ಉಳ್ಳಯಿಂಗಡ ಕೂಟ್‍ಕ್ ಕೂಡಿ. ನಿಂಗಳ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನ ಮಾಡತಿ.

ರೋಮ್ 12:18

ಕಯ್ಯುವಚ್ಚಕ್, ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರಿ.

ರೋಮ್ 14:19

ಆನಗುಂಡ್, ಸಮಾದಾನ ತಪ್ಪ ವಿಷಯತ್‍ನ ಪಿಂಞ, ಒಬ್ಬೊಬ್ಬನು ಆತ್ಮೀಯ ವಿಷಯತ್‍ಲ್ ಬೊಳ್‍ತ್‍ವಕ್ ಸಹಾಯ ಮಾಡ್‌ವ ವಿಷಯತ್‍ನ ಮಾಡ್‌ವಕ್ ಪ್ರಯತ್ನ ಪಡಂಡು.

ರೋಮ್ 15:13

ಪವಿತ್ರಾತ್ಮತ್‍ರ ಶಕ್ತಿರಗುಂಡ್ ನಿಂಗಡ ನಿರೀಕ್ಷೆ ಬಲ್ಯದಾಪಕಾಯಿತ್, ನಿರಿಕ್ಷೇರ ದೇವ, ನಂಬಿಕೇರ ಮೂಲಕ ಕ್‍ಟ್ಟುವ ಎಲ್ಲಾ ಕುಶೀರಗುಂಡ್ ಸಮಾದಾನತ್‍ರಗುಂಡ್ ನಿಂಗಳ ದುಂಬ್‌ಚಿಡಡ್.

ರೋಮ್ 15:33

ಸಮಾದಾನತ್‍ರ ದೇವ ನಿಂಗ ಎಲ್ಲಾಡ ಕೂಡೆ ಇರಡ್. ಆಮೆನ್.

ರೋಮ್ 16:20

ಸಮಾದಾನತ್‍ರ ದೇವ ಬೆರಿಯ ಸೈತಾನನ ನಿಂಗಡ ಕಾಲ್‍ರ ಅಡಿಲ್ ಜಜ್ಜಿರ್‌ವ. ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಡ ಕೂಡೆ ಇಕ್ಕಡ್. ಆಮೆನ್.

1 ಕೊರಿಂಥ 1:10

ನಾಡ ಅಣ್ಣತಮ್ಮಣಂಗಳೇ, ನಿಂಗ ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರೀಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ನಾನ್ ನಿಂಗಳ ಬೋಡ್‍ವಿ. ಸಬೇಲ್ ನಿಂಗಡಡೆಲ್ ಏದ್ ವಿಂಗಡವೂ ಇಲ್ಲತೆ ನಿಂಗಡ ಗೇನತ್‍ಲ್ ಪಿಂಞ ಉದ್ದೇಶತ್‍ಲ್ ಒರೇ ಮನಸ್ಸ್‌ಲ್ ಇರಂಡು.

2 ಕೊರಿಂಥ 1:4

ಎಂತ ಕಷ್ಟತ್‍ಲ್ ಇಂಜತೇಂಗಿಯು ಅಯಿಂಗಳ ಸಮಾದಾನ ಮಾಡ್‌ವಕ್ ಬಲ ಉಳ್ಳಯಿಂಗಳಾಯಿತ್ ನಂಗ ಬೊಳಿಯುವನೆಕೆ, ನಂಗಕ್ ಬಪ್ಪ ಎಲ್ಲಾ ಕಷ್ಟತ್‍ಲು, ದೇವ ಮಾತ್ರ ನಂಗಕ್ ಸಮಾದಾನ ತಂದಂಡುಂಡ್.

2 ಕೊರಿಂಥ 13:14

ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು, ದೇವಡ ಪ್ರೀತಿಯು, ಪವಿತ್ರಾತ್ಮಂಡ ಐಕ್ಯವು ನಿಂಗ ಎಲ್ಲಾಡ ಕೂಡೆ ಇಕ್ಕಡ್. ಆಮೆನ್.

2 ಕೊರಿಂಥ 13:9

ನಂಗ ಬಲ ಇಲ್ಲತಯಿಂಗಳು, ನಿಂಗ ಬಲ ಉಳ್ಳಯಿಂಗಳುವಾಯಿತಿಪ್ಪಕ ನಂಗ ಕುಶಿಪಟ್ಟಂಡುಂಡ್; ನಿಂಗ ಪೂರ್ತಿಯಾಯಿತ್ ಬೊಳಿಯಂಡೂಂದ್ ಪ್ರಾರ್ಥನೆ ಮಾಡಿಯಂಡುಂಡ್.

ಎಫೆಸ 4:12

ಈಂಗಡಗುಂಡ್, ದೇವಡ ಮಕ್ಕ ಬೊಳ್ಂದಿತ್ ಅಂವೊಂಡ ಸೇವೇರ ಜವಾಬ್ದಾರಿನ ಮಾಡ್‌ವಕಾಯಿತು, ಪಿಂಞ ಅಂವೊಂಡ ತಡಿಯಾನ ಸಬೇನ ಕೆಟ್ಟ್‌ವಕಾಯಿತು ಮಾಡ್‍ಚಿ.

ಎಫೆಸ 4:3

ಪವಿತ್ರಾತ್ಮತ್‍ರ ಐಕ್ಯತ್‌ನ ಕಾಪಾಡ್‌ವಕ್ ಸಮಾದಾನತ್‍ಲ್ ಒಂದಾಯಿತ್ ಇಂಜಂಡ್ ಎಚ್ಚರತ್‍ಲ್ ಇರಿ.

ಎಫೆಸ 6:23

ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ಅಣ್ಣತಮ್ಮಣಂಗಕ್ ಸಮಾದಾನ ಪಿಂಞ ನಂಬಿಕೇರ ಕೂಡೆ ಪ್ರೀತಿಯು ಕ್‍ಟ್ಟಡ್.

ಫಿಲಿಪ್ಪಿ 1:27

ಎಲ್ಲಾಕಿಂಜ ಮುಕ್ಯವಾಯಿತ್, ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ಯೋಗ್ಯವಾಯಿತ್ ಎಲ್ಲಾ ರೀತಿಲು ನಲ್ಲದಾಯಿತ್ ಪರಲೋಕತ್‍ರ ಪ್ರಜೆರನೆಕೆ ಬದ್‌ಕಿತ್ ಕಾಟಂಡು. ಅಕ್ಕ, ನಾನ್ ಬಂದಿತ್ ನಿಂಗಳ ಕಂಡತೇಂಗಿಯು ಅಥವ ಬರಿ ಕ್‍ೕಟತೇಂಗಿಯು, ಒರೇ ಆತ್ಮ ಪಿಂಞ ಒರೇ ನೋಕತ್‌ಲ್ ನಲ್ಲ ಸುದ್ದಿರ ನಂಬಿಕೆಕಾಯಿತ್ ಒಮ್ಮಕೆ ಪೋರಾಡಿಯಂಡುಳ್ಳೀರಾಂದ್ ನಾಕ್ ಗೊತ್ತಾಪ.

ಫಿಲಿಪ್ಪಿ 3:16

ಆಚೇಂಗಿಯು ನಂಗ ಎಚ್ಚಕ್ ಬೊಳ್‌ಂದಿತುಂಡೋ ಅಚ್ಚಕ್ ಚಾಯಿತೆ ಗೇನ ಮಾಡಿತ್ ನಡ್‌ಕಂಡು.

ಫಿಲಿಪ್ಪಿ 4:2

ಯುವೊದ್ಯಳ ಪಿಂಞ ಸಂತುಕೆಯಳ, ಒಡೆಯಂಡ ಐಕ್ಯತ್‍ಲ್ ಒಂದಾಯಿತ್ ಇರೀಂದ್ ಕಂಡಿತವಾಯಿತ್ ಎಣ್ಣ್‌ವಿ.

ಫಿಲಿಪ್ಪಿ 4:4

ಒಡೆಯನಾನ ಕ್ರಿಸ್ತ ಯೇಸುರಲ್ಲಿ ಎಕ್ಕಾಲು ಕುಶೀಲ್ ಇರಿ; ಕುಶೀಲ್ ಇರೀಂದ್ ಪುನಃ ನಾನ್ ನಿಂಗಕ್ ಎಣ್ಣ್‌ವಿ.

ಫಿಲಿಪ್ಪಿ 4:9

ನಾಡಗುಂಡ್, ನಿಂಗ ಎಂತದೆಲ್ಲಾ ಪಡಿಚಿರೊ, ನಿಂಗಕ್ ಎಂತದೆಲ್ಲಾ ಕ್‍ಟ್ಟ್‌ಚೋ, ಎಂತದೆಲ್ಲಾ ಕ್‍ೕಟಿರೊ, ಕಂಡಿರೋ, ಅದ್‍ನೆಲ್ಲಾ ನಿಂಗಳು ಮಾಡಿಯಂಡಿರಿ. ಅಕ್ಕ ಸಮಾದಾನತ್‍ರ ದೇವ ನಿಂಗಡ ಕೂಡೆ ಇಪ್ಪ.

1 ಥೆಸಲೊನೀಕ 3:10

ನಿಂಗಳ ಇಂಞೊಮ್ಮ ಕಾಂಬಕಾಯಿತ್ ಪಿಂಞ ನಿಂಗ ದೇವಡ ಪಕ್ಕ ಬೆಚ್ಚಿತುಳ್ಳ ನಂಬಿಕೇಲ್ ಕಮ್ಮಿಯಾಯಿತ್ ಉಳ್ಳಾನ ಪೂರ್ತಿ ಮಾಡ್‌ವಕಾಯಿತ್ ದೇವಡ ಪಕ್ಕ ನಂಗ ನಿಂಗಕಾಯಿತ್ ಬಯಿಟ್ ಪೋಲು ಪ್ರಾರ್ಥನೆ ಮಾಡಿಯಂಡ್ ಉಂಡ್.

1 ಥೆಸಲೊನೀಕ 4:1

ನಂಗಡ ಅಣ್ಣತಮ್ಮಣಂಗಳೇ, ಆಕೀರಾಯಿತ್ ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ದೇವನ ಕುಶಿಪಡ್‌ತ್‌ವಕಾಯಿತ್ ನಿಂಗ ಎನ್ನನೆಯೆಲ್ಲಾ ಬದ್‍ಕಂಡೂಂದ್ ನಂಗ ಎಣ್ಣಿತಂದದ್‍ನ ನಿಂಗ ಸ್ವೀಕಾರ ಮಾಡ್‍ನನೆಕೆ, ಇಂಞು ಅದ್‍ಲ್ ದುಂಬ ಬೊಳಿಯುವಕ್ ಒಡೆಯನಾನ ಯೇಸುರಗುಂಡ್ ನಿಂಗಳ ಬೋಡಿತ್, ನಿಂಗಕ್ ಬುದ್ದಿ ಎಣ್ಣಿಯಂಡ್ ಉಂಡ್.

1 ಥೆಸಲೊನೀಕ 4:18

ಇದ್ ಸತ್ಯವಾಯಿತ್ ಆಪಗುಂಡ್, ಈ ತಕ್ಕ್‌ನ ನಿಂಗ ಎಲ್ಲಾರ್‌ಕು ಎಣ್ಣಿಯಂಡ್ ಪುರ್‌ಡ್ ಕೊಡ್‌ತಂಡ್ ಇರಿ.

1 ಥೆಸಲೊನೀಕ 5:13

ಅಯಿಂಗಡ ಸೇವೆಕಾಯಿತ್ ನಿಂಗ, ಅಯಿಂಗಡ ಮೇಲೆ ಪ್ರೀತಿಲ್ ಬಲ್ಯ ಮರ್ಯಾದೆ ಕೊಡ್‌ತಂಡ್ ಇರಂಡೂಂದ್ ನಂಗ ಬೋಡುವ. ನಿಂಗ ಒಬ್ಬೊಬ್ಬಂಡ ಕೂಡೆಯು ಶಾಂತಿಲ್, ಸಮಾದಾನತ್‍ಲ್ ಇಕ್ಕಂಡು.

1 ಥೆಸಲೊನೀಕ 5:16

ಎಕ್ಕಾಲು ಕುಶೀಲ್ ಇರಿ.

1 ಥೆಸಲೊನೀಕ 5:23

ಸಮಾದಾನತ್‍ರ ದೇವ ನಿಂಗಳ ಪರಿಪೂರ್ಣವಾಯಿತ್ ಪಿಂಞ ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರವಾನಯಿಂಗಳಾಯಿತ್ ಮಾಡಡ್. ನಿಂಗಡ ಗೇನ, ನಿಂಗಡ ಆಸೆ ಪಿಂಞ ನಿಂಗ ಮಾಡ್‍ವದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತ ಬಪ್ಪಕತ್ತನೆ ಒರ್ ತಪ್ಪು ಇಲ್ಲತನೆಕೆ ಇಪ್ಪಕ್ ಅಂವೊ ನಿಂಗಳ ಕಾಪಾಡಡ್.

2 ಥೆಸಲೊನೀಕ 2:16

ನಂಗಡ ಒಡೆಯನಾನ ಯೇಸು ಕ್ರಿಸ್ತನು, ನಂಗಡ ಮೇಲೆ ಪ್ರೀತಿ ಬೆಚ್ಚಿತ್ ನಂಗಡ ಹೃದಯತ್‍ಲ್ ನಿತ್ಯ ಒತ್ತಾಸೆನೆ, ಕುಶೀರ ನಿರಿಕ್ಷೇನ, ನಂಗಕ್ ಕೃಪೆಯಾಯಿತ್ ದಾನಮಾಡ್‍ನ ಅಪ್ಪನಾನ ದೇವನು,

2 ಥೆಸಲೊನೀಕ 3:1

ನಂಗಡ ಅಣ್ಣತಮ್ಮಣಂಗಳೇ, ಕಡೇಕ್ ನಾನ್ ಎಣ್ಣುವ ವಿಷಯ ಎಂತ ಎಣ್ಣ್‌ಚೇಂಗಿ: ನಿಂಗಡ ಪಕ್ಕ ನಂಗ ಬಂದಿತ್ ದೇವಡ ನಲ್ಲ ಸುದ್ದಿನ ಎಣ್ಣ್‌ವಕ, ಎನ್ನನೆ ಅದ್‍ನ ಎಲ್ಲಾರು ಬೆರಿಯ ನಂಬಿತ್, ಒಡೆಯಂಡ ವಾಕ್ಯ ಪಬ್ಬಿತ್ ಗನಪಡ್‌ವನೆಕೆ, ಬೋರೆ ಜಾಗತ್‍ಲ್ ಸಹ ಪಬ್ಬಿತ್ ಗನಪಡುವಕಾಯಿತ್ ನಿಂಗ ಪ್ರಾರ್ಥನೆ ಮಾಡಿ.

2 ಥೆಸಲೊನೀಕ 3:16

ಸಮಾದಾನತ್‍ರ ಒಡೆಯನೇ ಎಲ್ಲಾ ಸಮಯತ್‍ಲು ಎಲ್ಲಾ ವಿದತ್‌ಲು ನಿಂಗಕ್ ಸಮಾದಾನ ತರಡ್. ಒಡೆಯ ಎಕ್ಕಾಲು ನಿಂಗಡ ಕೂಡೆ ಇಕ್ಕಡ್.

2 ತಿಮೊಥೆಯ 2:22

ಬಾಲ್ಯ ವಯಸ್ಸ್‌ಲ್ ಬಪ್ಪ ಇಚ್ಛೆಯಿಂಜ ನೀ ಓಡಿ ಪೋ. ನೀತಿ, ನಂಬಿಕೆ, ಪ್ರೀತಿ, ಸಮಾದಾನತ್‍ನ ಪಡೆಯುವಕ್ ಶುದ್ದ ಹೃದಯತ್ಂಜ ಒಡೆಯನ ಆರಾದನೆ ಮಾಡ್‌ವಯಿಂಗಡ ಕೂಡೆ ಅದ್‍ನ ಪಡೆಯುವಕ್ ಪೇಚಾಡ್.

ಇಬ್ರಿಯ 12:14

ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ.

ಇಬ್ರಿಯ 13:20

ನಿತ್ಯ ಒಪ್ಪಂದತ್‍ರ ಚೋರೆರಗುಂಡ್, ಕೊರಿರನೆಕೆ ಉಳ್ಳ ದೇವಡ ಮಕ್ಕಡ ಬಲ್ಯ ಕೊರಿಕಾಪಂವೊನಾಯಿತುಳ್ಳ ನಂಗಡ ಒಡೆಯನಾನ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟ ಸಮಾದಾನತ್‍ರ ದೇವ,

ಯಾಕೋಬ 1:4

ನಿಂಗ ಗುಣತ್‍ಲ್ ಬೊಳಿಯುವಕ, ನಿಂಗಡ ತಾಳ್ಮೆ ಪೂರ್ತಿ ಕೆಲಸ ಮಾಡಡ್, ಅಕ್ಕ ನಿಂಗ ಗುಣತ್‍ಲ್ ಶಕ್ತಿವಂತಯಿಂಗಳಾಯಿತ್, ನಿಂಗ ಒರ್ ವಿಷಯತ್‍ಲು ಕಮ್ಮಿ ಇಲ್ಲತಯಿಂಗಳಾಯಿತಿಪ್ಪಿರ.

1 ಪೇತ್ರ 3:11

ಕೆಟ್ಟದ್‍ನ ಬುಟ್ಟಿತ್, ನಲ್ಲದ್ ಮಾಡಂಡು; ಸಮಾದಾನತ್‍ನ ತ್‍ೕಡಿತ್ ಅದ್ಂಡ ಬಯ್ಯಕ್ ಪೋಂಡು.

1 ಪೇತ್ರ 3:8

ಕಡೇಕ್ ನಾನ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ: ನಿಂಗ ಎಲ್ಲಾರು ಒಬ್ಬ ಒಬ್ಬಂಡ ಕೂಡೆ ಐಕ್ಯತ್‍ಲ್ ಬದ್‍ಕಂಡು; ದಯೆ ಉಳ್ಳಯಿಂಗಳಾಯಿತ್, ಯೇಸುನ ನಂಬ್‍ನಯಿಂಗಡ ಪ್ರೀತಿ ಉಳ್ಳಯಿಂಗಳಾಯಿತ್, ಕನಿಕರ ಉಳ್ಳಯಿಂಗಳಾಯಿತ್, ಪೊರುಮೆ ಉಳ್ಳಯಿಂಗಳಾಯಿತ್ ಇಕ್ಕಂಡು.

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.

ಪ್ರಕಟನೆ 22:21

ಒಡೆಯನಾನ ಯೇಸುರ ಕೃಪೆ ನಿಂಗ ಎಲ್ಲಾಡ ಕೂಡೆ ಇಕ್ಕಡ್. ಆಮೆನ್.