2 ಕೊರಿಂಥ 13:10 - ಕೊಡವ ಬೈಬಲ್

¹⁰ ಆನಗುಂಡ್ ನಿಂಗಡ ಕೂಡೆ ಇಲ್ಲತಿಪ್ಪಕಲೇ ಇದ್‍ನೆಲ್ಲಾ ಒಳ್‍ದಿಯೆ; ನಿಂಗಳ ಪೊಳಿಪಕಾಯಿತ್ ಅಲ್ಲ, ಕೆ‍ಟ್ಟ್‌ವಕಾಯಿತೇ ಒಡೆಯ ನಾಕ್ ತಂದಿತುಳ್ಳ ಅದಿಕಾರತ್‍ರನೆಕೆ, ನಾನ್ ನಿಂಗಡ ಪಕ್ಕ ಬಪ್ಪಕ, ಕಠಿಣವಾಯಿತ್ ಇಪ್ಪದ್ ಬೋಂಡಾಂದ್ ಕುಶಿ ಪಡುವಿ.

2 ಕೊರಿಂಥ 13:10 ပူးပေါင်းရင်းမြစ်များ

1 ಕೊರಿಂಥ 4:21

ನಿಂಗಕ್ ಏದ್ ಕುಶಿ? ನಾನ್ ನಿಂಗಡ ಪಕ್ಕ ಬಪ್ಪಕ ಕೋಲ್ ಎಡ್‍ತಂಡ್ ಶಿಕ್ಷೆ ಕೊಡ್‍ಪಕ್ ಬಪ್ಪದಾ? ಅಥವ ಪ್ರೀತಿಲ್ ಪಿಂಞ ಶಾಂತ ಗುಣತ್‍ಲ್ ಬಪ್ಪಾದಾ?

1 ಕೊರಿಂಥ 5:4

ನಿಂಗ ಒಡೆಯನಾನ ಯೇಸುರ ಪೆದತ್‍ಲ್ ಕೂಡಿ ಬಪ್ಪಕ, ನಾನು ಆತ್ಮತ್‍ಲ್ ನಂಗಡ ಒಡೆಯನಾನ ಯೇಸುರ ಶಕ್ತಿಲ್ ನಿಂಗಡ ಕೂಡೆ ಇಪ್ಪಿ.

2 ಕೊರಿಂಥ 10:2

ನಂಗ ತಡೀರ ಪ್ರಕಾರ ನಡ್‌ಂದಂಡುಂಡ್‍ೕಂದ್ ಗೇನ ಮಾಡ್‌ವ ಚೆನ್ನ ಜನಡ ವಿಷಯತ್, ನಾನ್ ಕಠಿಣವಾಯಿತ್ ಇಕ್ಕಂಡೂಂದ್ ಗೇನ ಮಾಡಿಯಂಡುಳ್ಳ. ನಾನ್ ನಿಂಗಡ ಪಕ್ಕ ಬಪ್ಪಕ, ಅನ್ನನೆ ಕಠಿಣ ಗುಣತ್‍ನ ದೈರ್ಯವಾಯಿತ್ ಕಾಂಬ್‍ಚಿಡುವಕ್ ಬಟ್ಟೆ ಮಾಡಿ ಕೊಡ್‍ಕತೀಂದ್ ನಿಂಗಳ ಬೋಡುವಿ.

2 ಕೊರಿಂಥ 10:4

ನಂಗ ಉಪಯೋಗ ಮಾಡ್‌ವ ಯುದ್ದತ್‍ರ ಆಯುದ ಈ ತಡೀರ ಆಯುದಂಗ ಅಲ್ಲ, ಅದ್, ಗಟ್ಟಿಯಾಯಿತುಳ್ಳ ಕೋಟೆಯಳ ಪೊಳಿಪಕುಳ್ಳ ದೇವಡ ಶಕ್ತಿಯಾಯಿತುಂಡ್.

2 ಕೊರಿಂಥ 10:8

ಒಡೆಯ ನಂಗಕ್ ಕೊಡ್‍ತಿತುಳ್ಳ ಅದಿಕಾರತ್‍ರ ವಿಷಯತ್, ನಾನ್ ಇಂಞು ದುಂಬ ಹೊಗಳಿಚಿಟ್ಟತೇಂಗಿಯು ನಾಕ್ ಞಾಣ ಆಪುಲೆ. ನಿಂಗಳ ಪಾಳ್ ಮಾಡ್‌ವಕಾಯಿತಲ್ಲ, ನಿಂಗಳ ಚಾಯಿ ಬೊಳ್‌ತಿತ್ ಕೆಟ್ಟುವಕಾಯಿತ್ ಈ ಅದಿಕಾರತ್‍ನ ನಂಗಕ್ ಕೊಡ್‍ತತ್.

2 ಕೊರಿಂಥ 13:2

ನಾನ್ ದಂಡನೆ ಕುರಿ ನಿಂಗಡಲ್ಲಿ ಇಪ್ಪಕ ಎಣ್ಣ್‌ನನೆಕೆ, ಇಕ್ಕ ದೂರವಾಯಿತ್ ಇಂಜತೇಂಗಿಯು, ನಿಂಗಡ ಪಕ್ಕ ಇಪ್ಪನೆಕೆ, ನಾನ್ ಪುನಃ ಬಾತೇಂಗಿ ನಿಂಗಳ ತಪ್ಪಿಚಿಡ್‌ವಕ್ ಬುಡ್‍ಲೇಂದ್ ಮಿಂಞ ಪಾಪ ಮಾಡ್‍ನಯಿಂಗಕು ಇಂಞು ಎಲ್ಲಾರ್‌ಕು ಎಚ್ಚರ ಮಾಡಿತ್ ಒಳ್‌ದಿಯಂಡುಳ್ಳ.

2 ಕೊರಿಂಥ 13:8

ಸತ್ಯಕ್ ವಿರೋದವಾಯಿತ್ ನಂಗ ಏದು ಮಾಡ್‌ವಕ್ ಕಯ್ಯುಲೆ, ಸತ್ಯಕಾಯಿತೇ ಮಾಡ್‌ವ.

2 ಕೊರಿಂಥ 2:3

ಅಕ್ಕ ನಾನ್ ನಿಂಗಡ ಪಕ್ಕ ಬಪ್ಪಕ, ನನ್ನ ಕುಶಿಪಡ್‌ತ್‌ವಯಿಂಗಡಗುಂಡ್ ದುಃಖ ಪಡ್‍ವಕ್ ಆಗಾಂದು ಪಿಂಞ ನಾಡ ಕುಶಿ ನಿಂಗ ಎಲ್ಲಾರ್‌ಕು ಕುಶಿಯಾಯಿತಿಕ್ಕಂಡೂಂದು, ನಿಂಗ ಎಲ್ಲಾಡ ವಿಷಯತ್ ನಂಬಿಕೆಯಾಯಿತೇ, ನಿಂಗಡ ಪಕ್ಕ ಬಂದಿತ್ ನಿಂಗಳ ಕಾಂಬಕ್ ಮಿಂಞಲೇ ಅನ್ನನೆ ನಾನ್ ನಿಂಗಕ್ ಈ ಕಾಗದತ್‍ನ ಒಳ್‍ದಿಯೆ.

2 ಕೊರಿಂಥ 6:6

ನಂಗ ನಂಗಳ ಪವಿತ್ರತ್‍ಲ್, ಅರ್ಥಮಾಡ್‌ವದ್‍ಲ್, ಪೊರುಮೇಲ್, ದಯೇಲ್, ನಂಗಡ ಒಳ್‍ಲ್ ಉಳ್ಳ ಪವಿತ್ರಾತ್ಮತ್‍ರಗುಂಡ್ ಕಪಟ ಇಲ್ಲತ ಪ್ರೀತಿಲ್ ನಿರೂಬಿಚಿಟ್ಟಂಡುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:13

ಇನ್ನನೆ ಅಂವೊ ಎಣ್ಣ್‌ನದ್ ಸತ್ಯವಾಯಿತುಂಡ್. ಆನಗುಂಡ್ ಅಯಿಂಗಳ ಜೋರ್ ಮಾಡಿತ್, ಅಯಿಂಗಡ ನಂಬಿಕೇನ ಸ್ತಿರಪಡ್‍ತ್.