2 ಕೊರಿಂಥ 12:9 - ಕೊಡವ ಬೈಬಲ್

⁹ ಅದ್ಂಗ್ ಅಂವೊ: ನಾಡ ಕೃಪೆ ನೀಕ್ ಮದಿ, ಬಲಹೀನವಾನ ಸಮಯತ್‍ಲ್ ನಾಡ ಬಲ ನೀಕ್ ಪೂರ್ತಿಯಾಯಿತ್ ಕ್‌ಟ್ಟುವಾಂದ್ ಎಣ್ಣ್‌ಚಿ. ಆನಗುಂಡ್ ಕ್ರಿಸ್ತಂಡ ಶಕ್ತಿ ನಾಡಲ್ಲಿ ನಿಪ್ಪಕಾಯಿತ್, ನಾಡ ಬಲಹೀನವಾನ ವಿಷಯತ್‍ಲ್ ನಾನ್ ದುಂಬ ಕುಶೀಲ್ ಹೊಗಳಿಯಂಡುಳ್ಳ.

2 ಕೊರಿಂಥ 12:9 ပူးပေါင်းရင်းမြစ်များ

ಮತ್ತಾಯ 28:18

ಯೇಸು ಅಯಿಂಗಡ ಪಕ್ಕ ಪೋಯಿತ್, ನಾಕ್ ಪರಲೋಕತ್‌ಲು ಬೂಲೋಕತ್‌ಲು ಎಲ್ಲಾ ಅದಿಕಾರ ನಾಕ್ ತಂದಿತುಂಡ್.

ಮತ್ತಾಯ 28:20

ನಾನ್ ನಿಂಗಕ್ ಎಂತೆಲ್ಲಾ ಆಜ್ಞೆ ಮಾಡಿತುಂಡೋ ಅದ್‍ಂಗೆಲ್ಲಾ ಬಗ್ಗಿತ್ ನಡ್‍ಪಕ್ ಈ ಪುದಿಯ ಶಿಷ್ಯಂಗಕ್ ಎಣ್ಣಿ ಕೊಡಿ. ಇದಾ, ಈ ಲೋಕತ್‍ರ ಕಡೇಕತ್ತನೆ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪೀಂದ್ ಯೇಸು ಶಿಷ್ಯಂಗಕ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:15

ನಿಂಗಕ್ ವಿರೋದ ಮಾಡ್‌ವ ಒಬ್ಬನು, ನಿಂಗಕ್ ತಿರಿತ್ ತಕ್ಕ್ ಪರಿಯುವಕು, ಎದಿಕೆ ನಿಪ್ಪಕು ಕಯ್ಯತ ತಕ್ಕ್ ಪಿಂಞ ಜ್ಞಾನತ್‍ನ ನಾನ್ ನಿಂಗಕ್ ತಪ್ಪಿ.

1 ಕೊರಿಂಥ 10:13

ಎಲ್ಲಾ ಮನುಷ್ಯಂಗಕ್ ಬಪ್ಪ ಸೋದನೆನ ಬುಟ್ಟಿತ್ ಬೋರೆ ಏದ್ ಸೋದನೆಯು ನಿಂಗಕ್ ಬಂದಿತ್ತ್‌ಲ್ಲೆ. ದೇವ ನಂಬಿಕಸ್ತನಾಯಿತುಂಡ್. ನಿಂಗಡ ಶಕ್ತಿಕ್ ಮೀರ್‍ನ ಸೋದನೆಕ್ ನಿಂಗ ಒಳಪಡ್‍ವಕ್ ಅಂವೊ ಬುಡುಲೆ. ಆಚೇಂಗಿ, ಆ ಸೋದನೆಯಿಂಜ ತಪ್ಪ್‌ಚಿಡ್‌ವಕ್ ಬಟ್ಟೆ ಕಾಟಿತಪ್ಪ.

1 ಕೊರಿಂಥ 15:10

ಆಚೇಂಗಿ ನಾನ್ ಇಕ್ಕ ಇಪ್ಪದ್ ದೇವ ನಾಡ ಮೇಲೆ ಕಾಟ್‍ನ ಕೃಪೆ ಮಾತ್ರ. ಅಂವೊ ನಾಡ ಮೇಲೆ ಕಾಟ್‍ನ ಕನಿಕರ ಪಾಳಾಯಿ ಪೋಯಿತ್ತ್‌ಲ್ಲೆ. ಅದ್ಂಡ ಬದ್‍ಲ್ ಅಯಿಂಗ ಎಲ್ಲಾಕಿಂಜ ನಾನ್ ದುಂಬ ಕೆಲಸ ಮಾಡಿಯೆ, ಆಚೇಂಗಿಯು ನನ್ನಗುಂಡ್ ಅನ್ನನೆ ಆಪಕಿಂಜಿಲೆ. ನಾಡ ಮೇಲೆ ಉಳ್ಳ ದೇವಡ ಕೃಪೇನಗುಂಡ್ ನಾನ್ ಅನ್ನನೆ ಮಾಡ್‍ವಕಾಚಿ.

1 ಕೊರಿಂಥ 2:3

ನಾನ್ ನಿಂಗಡ ಪಕ್ಕ ಬೋದನೆ ಮಾಡ್‌ವಕ್ ಬಲ ಇಲ್ಲತೆ, ಒಂದು ಮಾಡ್‌ವಕ್ ಕಯ್ಯತೆ, ದುಂಬ ಬೊತ್ತಿತ್ ನಡ್‍ಗಿಯಂಡ್ ಇಂಜ್.

1 ಕೊರಿಂಥ 2:5

ನಾಡ ತಕ್ಕ್ ಪಿಂಞ ಬೋದನೆ, ಮನುಷ್ಯಂಡ ಜ್ಞಾನತ್‍ಲ್ ಇಲ್ಲತೆ, ಪವಿತ್ರಾತ್ಮ ಪಿಂಞ ಅಂವೊಂಡ ಶಕ್ತಿರಗುಂಡ್ ಇಂಜತ್‍ೕಂದ್ ನಿಂಗ ಕಾಂಬಕಿಂಜತ್.

2 ಕೊರಿಂಥ 11:30

ನಾನ್ ಹೊಗಳ್‌ಚಿಡ್‍ವದಾಚೇಂಗಿ, ನಾಕ್ ಎದ್‍ಲ್ ಬಲ ಇಲ್ಲತ ಉಂಡೋ ಅದ್‍ಲ್ ಹೊಗಳ್‌ಚಿಡುವಿ.

2 ಕೊರಿಂಥ 12:1

ಹೊಗಳಿಚಿಡುವದ್‍ಲ್ ಒರ್ ಪ್ರಯೋಜನವು ನಾಕ್ ಇಲ್ಲೆ ಆಚೇಂಗಿಯು, ಅದ್ಂಗ್ ಅವಸ್ಯ ಉಂಡ್. ಒಡೆಯ ನಾಕ್ ಕಾಂಬ್‍ಚಿಟ್ಟ ದರ್ಶನತ್‍ನ ಪಿಂಞ ಪ್ರಕಟನೆರ ವಿಷಯತ್‍ನ ಎಣ್ಣ್‌ವಿ.

2 ಕೊರಿಂಥ 12:10

ಆನಗುಂಡ್, ಕ್ರಿಸ್ತಂಗಾಯಿತ್ ನಾಕ್ ಬಪ್ಪ ಬಲಹೀನವಾನ ವಿಷಯತ್‍ಲ್, ಜನ ಎಣ್ಣುವ ದೂಷಣೇಲ್, ಹಿಂಸೇಲ್, ಕಷ್ಟತ್‍ಲ್, ದುಃಖತ್‍ಲ್ ನಾನ್ ಕುಶಿಪಟ್ಟಂಡುಳ್ಳ. ಅನ್ನನೆ, ನಾನ್ ಬಲಹೀನವಾಯಿತ್ ಇಪ್ಪಕಲೆ ಬಲ ಉಳ್ಳಂವೊನಾಯಿತುಳ್ಳ.

2 ಕೊರಿಂಥ 12:15

ಆನಗುಂಡ್, ನಾನ್ ನಿಂಗಡಲ್ಲಿ ಎಚ್ಚಕ್ ಜಾಸ್ತಿಯಾಯಿತ್ ಪ್ರೀತಿ ಮಾಡಿಯಂಡ್ ಉಂಡೋ, ಅಚ್ಚಕ್ ಕಮ್ಮಿಯಾಯಿತ್ ನಿಂಗ ನನ್ನ ಪ್ರೀತಿ ಮಾಡ್‍ಚೇಂಗಿಯು, ನಿಂಗಕಾಯಿತ್ ನಾಡ ಪಕ್ಕ ಉಳ್ಳದ್‍ನ ಕೊಡ್‌ಪಕು, ನನ್ನ ಸಹ ಕೊಡ್‌ಪಕು ದುಂಬ ಕುಶಿ ಪಡುವಿ.

2 ಕೊರಿಂಥ 12:5

ಇಂವೊಂಡ ವಿಷಯತ್ ಹೊಗಳುವಿ; ಆಚೇಂಗಿಯು ನಾಡ ವಿಷಯತ್, ನಾಡ ಬಲಹೀನವಾನ ವಿಷಯತ್‍ನ ಬುಟ್ಟಿತ್ ಬೋರೆ ಏದ್ ವಿಷಯತ್‍ಲು ಹೊಗಳಿಚಿಡುಲೆ.

ಎಫೆಸ 3:16

ನಿಂಗ ಅಂವೊಂಡ ಪವಿತ್ರಾತ್ಮತ್‍ರ ಶಕ್ತಿರ ಮೂಲಕ ನಿಂಗಡ ಒಳ್‍ಲ್ ಉಳ್ಳ ಮನುಷ್ಯಂಡಲ್ಲಿ ಅಂವೊಂಡ ಮಹಿಮೇರ ಐಶ್ವರ್ಯತ್‍ರಗುಂಡ್ ನಿಂಗ ಬಲಪಡಂಡೂಂದು,

ಫಿಲಿಪ್ಪಿ 4:13

ನಾಕ್ ಶಕ್ತಿ ತಪ್ಪ ಕ್ರಿಸ್ತನಗುಂಡ್ ನಾಕ್ ಎಲ್ಲಾನ ಮಾಡ್‌ವಕಯ್ಯು.

ಕೊಲೊಸ್ಸೆ 1:11

ನಿಂಗಕ್ ಬಪ್ಪ ಎಲ್ಲಾನ ಕುಶೀಲ್ ಸಹಿಸುವಕಾಯಿತ್ ನಿಂಗಕ್ ಬೋಂಡಿಯಾನ ಪೊರುಮೆ ಕ್‍ಟ್ಟ್‌ವಕಾಯಿತ್, ಅಂವೊಂಡ ಮಹಿಮೇರೆ ಶಕ್ತಿರನೆಕೆ, ಅಂವೊಂಡ ಎಲ್ಲಾ ಶಕ್ತಿಲ್ ನಿಂಗ ಬಲಪಡಂಡೂಂದು ಸಹ ನಂಗ ಪ್ರಾರ್ಥನೆ ಮಾಡಿಯಂಡುಂಡ್.

1 ತಿಮೊಥೆಯ 1:14

ನಂಗಡ ಒಡೆಯಂಡ ಕೃಪೆ, ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ನಂಬಿಕೆ ಪಿಂಞ ಪ್ರೀತಿನ ನಾಡ ಮೇಲೆ ಪೂರ್ತಿಯಾಯಿತ್ ದುಂಬ್‍ಚಿಟ್ಟತ್.

ಇಬ್ರಿಯ 11:34

ತಿತ್ತ್‌ಕ್ ಇಟ್ಟತೇಂಗಿಯು ಬೆಂಜಿತ್‌ಲ್ಲೆ, ಬಾಳ್‌ಕತ್ತಿಕ್ ಬಚಾವಾಚಿ, ಶಕ್ತಿ ಇಲ್ಲತೆ ಇಪ್ಪಕ ಶಕ್ತಿ ಪಡ್ಂದತ್, ಯುದ್ದ ಮಾಡ್‌ವದ್‍ಲ್ ಬಲ್ಯಂಗಳಾಚಿ, ಅನ್ಯ ಸೇನೇನ ದೌತ್‌ಚಿ.

ಇಬ್ರಿಯ 4:16

ಆನಗುಂಡ್, ನಂಗಕ್ ಕರುಣೆ ಕ್‍ಟ್ಟುವಕಾಯಿತು, ತಕ್ಕ ಸಮಯತ್‍ಲ್ ಸಹಾಯ ಮಾಡ್‌ವ ಕೃಪೆ ಕ್‍ಟ್ಟ್‌ವಕಾಯಿತು ದೈರ್ಯವಾಯಿತ್ ಕೃಪೇರ ಸಿಂಹಾಸನತ್‍ರ ಪಕ್ಕ ನಂಗ ಪೋಕ.