2 ಕೊರಿಂಥ 12:7 - ಕೊಡವ ಬೈಬಲ್

⁷ ನಾಕ್ ಕ್‍ಟ್ಟ್‌ನ ಅನೇಕ ಪ್ರಕಟನೆರಗುಂಡ್, ನಾನ್ ನನ್ನ ಬಲ್ಯಂವೋಂದ್ ಗೇನಮಾಡತನೆಕೆ, ನಾಡ ತಡೀಲ್ ಒರ್ ಮುಳ್ಳ್‌ನ ಕೊಡ್‌ತಿತುಂಡ್; ನಾನ್ ನನ್ನ ಬಲ್ಯಂವೋಂದ್ ಗೇನಮಾಡತನೆಕೆ, ಅದ್ ನಾಕ್ ಹಿಂಸೆ ತಪ್ಪ ಸೈತಾನಂಡ ದೂತನಾಯಿತುಂಡ್.

2 ಕೊರಿಂಥ 12:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 32:25

ಆ ಮನುಷ್ಯಂಗ್‌ ಯಾಕೋಬನ ಗೆಲ್ಲ್‌ವಕ್‌ ಕಯ್ಯುಲೇಂದ್‌ ಗೊತ್ತಾಪಕ, ಯಾಕೋಬಂಡ ತೊಡೆರ ಕೀಲ್‌ನ ಮುಟ್ಟ್‌ಚಿ. ಯಾಕೋಬ ಅನ್ನನೆ ಪೋರಾಡ್‌ವಕ ಅಂವೊಂಡ ತೊಡೆ ಕೀಲ್‌ ಬಲ್‌ಚಂಡ್‌ ಬಾತ್.

ಆದ್ಯತ್‌ರ ಪುಸ್ತಕ 32:31

ತೊಡೆರ ನೊಂಬಲತ್‌ರಗುಂಡ್‌ ಅಂವೊ ಕುಂಟಿಯಂಡ್‌ ಪೆನೀಯೇಲ್‌ ಜಾಗತ್‌ನ ಬುಟ್ಟಿತ್‌ ಪೋಪಕ ಸೂರ್ಯ ಕೊಡಿಕ್‌ ಬಾತ್.

ಮತ್ತಾಯ 26:67

ಅಯಿಂಗ ಯೇಸುರ ಮೂಡ್‍ಕ್ ತುಪ್ಪಿತ್, ಗುದ್ದ್‌ಚಿ. ಚೆನ್ನ ಜನ ಅಂವೊಂಗ್ ಪೊಜ್ಜಿತ್,

ಮತ್ತಾಯ 4:10

ಅದ್ಂಗ್ ಯೇಸು: ನಾಡ ಬಯ್ಯಕ್ ಪೋ ಸೈತಾನೇ, ನೀಡ ಒಡೆಯನಾನ ದೇವನ ಮಾತ್ರ ಸೇವೆ ಮಾಡಿತ್, ಅಂವೊ ಒಬ್ಬಂಗೇ ಆರಾದನೆ ಮಾಡಂಡೂಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:16

ಅನ್ನನಾಚೇಂಗಿ, ಪದನೆಟ್ಟ್ ಕಾಲತ್ಂಜ ಸೈತಾನ ಕೆಟ್ಟಿ ಇಟ್ಟಿತ್ತುಳ್ಳ ಇವ ಅಬ್ರಹಾಮಂಡ ಸಂತಾನಕರ್ತಿ. ಇವಳ, ಸಬ್ಬತ್ ದಿನತ್‌ಲ್ ಈ ಕೆಟ್ಟ್‌ಯಿಂಜ ಬುಡ್‍ಗಡೆ ಮಾಡ್‍ವದ್ ತಪ್ಪಾಂದ್ ಕ್‍ೕಟತ್.

1 ಕೊರಿಂಥ 4:11

ಇಕ್ಕಲು ನಂಗ ಕೆಲ ಪಯಿಚಂಡುಳ್ಳಯಿಂಗಳಾಯಿತು, ಬಾಯಾರಿಕೆ ಆನಯಿಂಗಳಾಯಿತು, ನಂಗಡ ತಡಿಕ್ ಇಡ್‌ವಕ್ ಸರಿಯಾನ ಬಟ್ಟೆ ಇಲ್ಲತಯಿಂಗಳಾಯಿತು, ನಂಗಳ ಜನ ಪೊಯ್ಯುವಯಿಂಗಳಾಯಿತು, ವಾಸ ಮಾಡ್‌ವಕ್ ಒರ್ ಮನೆ ಇಲ್ಲತಯಿಂಗಳಾಯಿತು ಬದ್‍ಕಿಯಂಡುಂಡ್.

1 ಕೊರಿಂಥ 5:5

ಅನ್ನನೆ ಪಾಪ ಮಾಡ್‍ನ ಮನುಷ್ಯಂಡ ಆತ್ಮ, ಒಡೆಯ ಪುನಃ ಬಪ್ಪ ದಿವಸತ್‍ಲ್ ಬಚಾವ್ ಆಪಕಾಯಿತ್, ಅಂವೊಂಡ ತಡಿ ಇಕ್ಕ ಪಾಳಾಪನೆಕೆ, ಅಂವೊನ ಸೈತಾನಂಗ್ ಒಪ್ಪ್‌ಚಿಡಂಡು.

2 ಕೊರಿಂಥ 10:10

ಅಂವೊಂಡ ಕಾಗದ ದುಂಬ ಗಟ್ಟಿಯಾಯಿತು ಒತ್ತಾಯ ಮಾಡ್‌ವದಾಯಿತು ಉಂಡ್, ಆಚೇಂಗಿ ಅಂವೊ ತಡೀಲ್ ಬಲಯಿಲ್ಲತಂವೊನು ಅಂವೊಂಡ ತಕ್ಕ್ ಪ್ರಯೋಜನ ಇಲ್ಲತವಾಯಿತು ಉಂಡ್‍ೕಂದ್ ಚೆನ್ನ ಜನ ನಾಡ ವಿಷಯತ್ ಎಣ್ಣಿಯಂಡುಂಡಲ್ಲ?

2 ಕೊರಿಂಥ 10:5

ಅದ್ಂಡ ಮೂಲಕ, ನಂಗ ವಾದತ್‍ನ ಪಿಂಞ ದೇವಡ ವಿಷಯತ್‍ನ ಗೊತ್ತ್‌ಮಾಡ್‍ವಕ್ ವಿರೋದವಾಯಿತ್ ನಿಪ್ಪ ಎಲ್ಲಾ ಬಡಾಯಿನ ಪಾಳ್ ಮಾಡಿತ್, ಎಲ್ಲಾ ಯೇಚನೆನ ಕ್ರಿಸ್ತಂಗ್ ತಗ್ಗಿತ್ ನಡ್‍ಪನೆಕೆ ಪುಡ್‍ಚಿ ಬೆಚ್ಚಿತುಂಡ್.

2 ಕೊರಿಂಥ 11:20

ಒಬ್ಬ ನಿಂಗಳ ಅಡಿಮೆ ಪಡ್‍ತ್‍ಚೇಂಗಿಯು, ಒಬ್ಬ ನಿಂಗಳ ಮುಗ್ಗ್‌ಚಿಟ್ಟತೇಂಗಿಯು, ಒಬ್ಬ ನಿಂಗಳ ಪುಡ್‌ಚಿತ್ ಕೊಂಡ್ ಪೋಚೇಂಗಿಯು, ಒಬ್ಬ ತನ್ನ ತಾನೆ ಕೊಚ್ಚ್‌ತೇಂಗಿಯು, ಒಬ್ಬ ನಿಂಗಡ ಮೂಡ್‍ಕ್ ಪೊಜ್ಜತೇಂಗಿಯು ನಿಂಗ ಸಹಿಸಿಯಂಡಿಂಜಿರ.

2 ಕೊರಿಂಥ 12:1

ಹೊಗಳಿಚಿಡುವದ್‍ಲ್ ಒರ್ ಪ್ರಯೋಜನವು ನಾಕ್ ಇಲ್ಲೆ ಆಚೇಂಗಿಯು, ಅದ್ಂಗ್ ಅವಸ್ಯ ಉಂಡ್. ಒಡೆಯ ನಾಕ್ ಕಾಂಬ್‍ಚಿಟ್ಟ ದರ್ಶನತ್‍ನ ಪಿಂಞ ಪ್ರಕಟನೆರ ವಿಷಯತ್‍ನ ಎಣ್ಣ್‌ವಿ.

ಗಲಾತ್ಯ 4:13

ನಾಕ್ ದುಂಬ ಸೌಕ್ಯ ಇಲ್ಲತೆ ಇಂಜಗುಂಡ್, ನಾನ್ ನಿಂಗಡ ಪಕ್ಕ ಬಂತ್ ದೇವಡ ನಲ್ಲ ಸುದ್ದಿನ ಎಣ್ಣ್‌ನದ್ ನಿಂಗಕ್ ಗೊತ್ತುಂಡಲ್ಲ.

1 ತಿಮೊಥೆಯ 3:6

ಇದ್ಂಗಾಯಿತ್ ಸಬೆರ ಪೆರಿಯಂವೊ, ಕ್ರಿಸ್ತ ನಂಬಿಕೇಲ್ ಬೊಳ್ಂದಂವೊನಾಯಿತ್ ಇರಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊಂಗ್ ದುಂಬ ಹಮ್ಮ್ ಬಂದಿತ್ ಸೈತಾನಂಗ್ ಕ್‍ಟ್ಟ್‌ನ ಅದೇ ತೀರ್ಪ್ ಇಂವೊಂಗೂ ಕ್‍ಟ್ಟಿ ಪೋಪ.