2 ಕೊರಿಂಥ 12:4 - ಕೊಡವ ಬೈಬಲ್

⁴ ಆ ಮನುಷ್ಯನ ಪರದೈಸ ಎಣ್ಣುವ ಜಾಗತ್‍ರ ಒಳ್‍ಕ್ ಎಡ್‍ತಂಡತ್. ಅಲ್ಲಿ ಮನುಷ್ಯಂಗ ಪರಿಯುವಕಯ್ಯತ ಪಿಂಞ ಪೊರಮೆ ಎಣ್ಣುವಕ್ ಕಯ್ಯತ ತಕ್ಕ್‌ನ ಅಂವೊ ಕ್‍ೕಟತ್.

2 ಕೊರಿಂಥ 12:4 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:43

ಅದ್ಂಗ್ ಯೇಸು: ಇಂದ್ ನೀನ್ ನಾಡ ಕೂಡೆ ಪರದೈಸಿಲ್ ಇಪ್ಪಿಯಾಂದ್ ನಾನ್ ನೀಕ್ ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 8:39

ಅಯಿಂಗ ನೀರ್‌ನ ಬುಟ್ಟಿತ್ ಕರೆಕ್ ಬಪ್ಪಕ ಒಡೆಯಂಡ ಆತ್ಮ ಫಿಲಿಪ್ಪನ ಒಮ್ಮಕೆ ಎಡ್‍ತಂಡ್ ಪೋಯಿರ್‌ತ್. ಅದಿಕಾರಿ ಬಯ್ಯ ಫಿಲಿಪ್ಪನ ಕಂಡಿತ್‌ಲ್ಲೆ. ಆಚೇಂಗಿ, ಅಂವೊ ಕುಶೀಲ್ ತಾಂಡ ಬಟ್ಟೇಲ್ ಪೋಚಿ.

1 ಕೊರಿಂಥ 13:1

ನಾನ್ ಮನುಷ್ಯಂಗಡ ಬಾಷೆಲ್ ತಕ್ಕ್ ಪರ್ಂದತೇಂಗಿಯು, ದೇವದೂತಂಗಡ ಬಾಷೆಲ್ ತಕ್ಕ್ ಪರ್ಂದತೇಂಗಿಯು, ನಾಕ್ ಜನಡಮೇಲೆ ಪ್ರೀತಿ ಇಲ್ಲತೆಪೋಚೇಂಗಿ, ಆ ತಕ್ಕ್, ಕಂಚ್ ಪಾತ್ರ ಮಾಡ್‌ವ ಸದ್ದ್‌ರನೆಕೆ, ಅಥವ ಗಂಟೆ ಪೊಜ್ಜನೆಕೆ ಇಪ್ಪ.

2 ಕೊರಿಂಥ 12:2

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಇಂಜ ಒರ್ ಮನುಷ್ಯನ ನಾಕ್ ಗೊತ್ತುಂಡ್; ಪದನಾಲ್ ಕಾಲಕ್ ಮಿಂಞ ದೇವ ಅಂವೊನ ಮೂಂದನೆ ಪರಲೋಕಕತ್ತನೆ ಎಡ್‍ತಂಡತ್. ಅಂವೊ ಅಂವೊಂಡ ತಡೀಲ್ ಇಂಜತಾ ಅಥವ ತಡಿಕ್ ಪೊರಮೆ ಇಂಜತಾಂದ್ ನಾಕ್ ಗೊತ್ತ್‌ಲ್ಲೆ; ದೇವಕ್ ಗೊತ್ತುಂಡ್.

1 ಥೆಸಲೊನೀಕ 4:17

ಅದಾನ ಪಿಂಞ ಬದ್‍ಕಿಯಂಡ್ ಉಳ್ಳ ನಂಗಳು, ಅಯಿಂಗಡ ಕೂಡೆ ಒಟ್ಟ್ ಕೂಡಿತ್, ಗಾಳಿಲ್ ಮೋಡತ್‍ಲ್ ಉಳ್ಳ ಒಡೆಯನ ಕಾಂಬಕಾಯಿತ್ ಕೊಡಿಕ್ ಪೋಪ. ಇನ್ನನೆ ನಂಗ ಒಡೆಯಂಡ ಕೂಡೆ ಎಕ್ಕಾಲು ಇಪ್ಪಕಾಪ.

ಪ್ರಕಟನೆ 12:5

ಅವ ಎಲ್ಲಾ ಜನಳ, ಇರ್‍ಂಬ್ ಕೋಲ್‍ಲ್ ರಾಜ್ಯಬಾರ ಮಾಡ್‌ವಕ್ ಉಳ್ಳ ಒರ್ ಕ್‍ಣ್ಣ ಕುಂಞಿನ ಪೆತ್ತತ್; ಅವಡ ಕುಂಞಿನ ದೇವಡ ಪಕ್ಕ ಪಿಂಞ ದೇವಡ ಸಿಂಹಾಸನತ್‍ರ ಪಕ್ಕ ಬೆರಿಯ ಕೊಂಡ್ ಪೋಯಿರ್‌ತ್.

ಪ್ರಕಟನೆ 2:7

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಂವೊಂಗ್ ದೇವಡ ಪರದೈಸಿರ ಮದ್ಯತ್‍ಲ್ ಉಳ್ಳ ಜೀವತ್‍ರ ಪಣ್ಣ್‌ನ ತಿಂಬಕ್ ಕೊಡ್‍ಪಿ. ಇನ್ನನೆ ಒಳ್‍ದ್.