2 ಕೊರಿಂಥ 12:17 - ಕೊಡವ ಬೈಬಲ್

¹⁷ ನಾನ್ ನಿಂಗಡ ಪಕ್ಕ ಅಯಿಚಯಿಂಗಡ ಮೂಲಕ ನಿಂಗಡಿಂಜ ಎಂತಾಚು ಲಾಬ ಪಡ್ಂದಿತುಂಡಾ?

2 ಕೊರಿಂಥ 12:17 ပူးပေါင်းရင်းမြစ်များ

ಮಾರ್ಕ 5:26

ಅವ ಎಚ್ಚಕೋ ವೈದ್ಯಂಗಡಗುಂಡ್ ಮದ್ದ್ ಎಡ್‍ತಂಡ್ ಕಷ್ಟಪಟ್ಟಂಡ್, ಅವಡ ಪಕ್ಕ ಇಂಜ ಎಲ್ಲಾನ ಕರ್ಚ್ ಮಾಡಿತ್ಂಜತ್. ಆಚೇಂಗಿ ಅವ ವಾಸಿ ಆಯಿತಿಲ್ಲೆ. ದಿನ ದಿನ ಬಂದನೆಕೆ ಜಾಸ್ತಿಯಾಯಂಡಿಂಜತ್.

1 ಕೊರಿಂಥ 16:10

ತಿಮೊಥೆಯ ನಿಂಗಡ ಪಕ್ಕ ಬಾತೇಂಗಿ, ಅಂವೊ ನಿಂಗಡ ಕೂಡೆ ದೈರ್ಯತ್‍ಲ್ ಇಪ್ಪಕ್ ಸಹಾಯ ಮಾಡಿ, ಅಂವೊ ನಾಡನೆಕೆ ದೇವಡ ಸೇವೆ ಮಾಡಿಯಂಡುಂಡ್.

1 ಕೊರಿಂಥ 4:17

ಇದ್ಂಗಾಯಿತೇ ನಾನ್ ನಾಡ ಪ್ರೀತಿರ ಮೋಂವೊನು, ಒಡೆಯಂಗ್ ಸತ್ಯವುಳ್ಳಂವೊನು ಆಯಿತುಳ್ಳ ತಿಮೊಥೆಯನ ನಿಂಗಡ ಪಕ್ಕ ಅಯಿಚಂಡುಳ್ಳ. ನಾನ್ ಎಲ್ಲಾ ಜಾಗತ್‍ಲ್ ಎಲ್ಲಾ ಸಬೇಲ್ ಬೋದನೆ ಮಾಡ್‌ವನೆಕೆ, ಕ್ರಿಸ್ತ ಯೇಸುರಲ್ಲಿ ಉಳ್ಳ ನಾಡ ಬದ್‍ಕ್‍ರ ವಿಷಯತ್‍ನ ನಿಂಗಕ್ ಜ್ಞಾಪಕ ಮಾಡ್‌ವಿ.

2 ಕೊರಿಂಥ 12:18

ತೀತ ನಿಂಗಡ ಪಕ್ಕ ಬಪ್ಪಕ್ ನಾನ್ ಅಂವೊನ ಕ್‍ೕಟಿಯೆ, ಅಂವೊಂಡ ಕೂಡೆ ಇಂಞೊಬ್ಬನ ಅಯಿಚಿಯೆ; ತೀತಂಗ್ ನಿಂಗಡಿಂಜ ಎಂತಾಚು ಲಾಬ ಕ್‍ಟ್ಟ್‌ಚಾ? ನಂಗ ಒರೇ ಆತ್ಮ ಉಳ್ಳಯಿಂಗಳಾಯಿತ್ ಒರೇ ಕಾಲ್‍ರ ಗುರ್‌ತ್‌ಲ್ ನಡ್ಂದಂಡುಂಡಲ್ಲಾ?

2 ಕೊರಿಂಥ 9:5

ಆನಗುಂಡ್, ನಿಂಗ ವಾಗ್ದಾನ ಮಾಡ್‍ನ ಈ ಪಣದಾನ ಒತ್ತಾಯ ಮಾಡ್‍ನಗುಂಡ್ ಅಲ್ಲ, ನಿಂಗಡ ಉದಾರ ಮನಸ್ಸ್‌ಲ್ ಕೊಡ್‍ಪನೆಕೆ, ನಿಂಗಳ ತಯಾರ್ ಮಾಡ್‌ವಕಾಯಿತ್ ಈಂಗಳ ನಾನ್ ನಿಂಗಡ ಪಕ್ಕ ಮಿಂಞಲೇ ಅಯಿಕಂಡೂಂದ್ ನಾಕ್ ಗೇನ ಆಚಿ.