2 ಕೊರಿಂಥ 11:7 - ಕೊಡವ ಬೈಬಲ್

⁷ ನಿಂಗ ಬಲ್ಯದಾಂಡೂಂದ್ ನನ್ನ ತಗ್ಗ್‌ಚಿಟ್ಟಂಡ್ ದೇವಡ ನಲ್ಲ ಸುದ್ದಿನ ಇನಾಮಾಯಿತ್ ನಿಂಗಕ್ ಬೋದನೆ ಮಾಡ್‍ನದ್ ಕುತ್ತವಾ?

2 ಕೊರಿಂಥ 11:7 ပူးပေါင်းရင်းမြစ်များ

ಅಪೊಸ್ತಲ 20:33

ನಿಂಗಡ ಬೊಳ್ಳಿ, ಪೊನ್ನ್, ಅಥವ ಉಡ್‍ಪ್ ತೊಡ್‍ಪ್‍ೕಂದ್ ಏದ್ ವಿಷಯತ್‍ಲು ನಾನ್ ಆಸೆ ಪಟ್ಟಿತ್‌ಲ್ಲೆ.

ಅಪೊಸ್ತಲ 20:34

ನಿಂಗಕ್ ಗೊತ್ತುಳ್ಳನೆಕೆ, ನಾಕ್ ಪಿಂಞ ನಾಡ ಕೂಡೆ ಇಂಜಯಿಂಗಕ್ ಬೋಂಡಿಯಾನದ್‍ನೆಲ್ಲ ಎಡ್‍ಪಕ್ ನಾಡ ಸ್ವಂತ ಕೈಯಿಂಜಲೇ ಕೆಲಸ ಮಾಡಿಯೆ.

ರೋಮ್ 1:1

ಯೇಸು ಕ್ರಿಸ್ತಂಡ ಸೇವಕನು, ಅಪೊಸ್ತಲನಾಯಿತ್‌ಪ್ಪಕ್ ದೇವ ಕಾಕ್‌ನಂವೊನು, ದೇವಡ ನಲ್ಲ ಸುದ್ದಿನ ಅರಿಚಿಡುವಕಾಯಿತ್ ದೇವ ಗೊತ್ತ್ ಮಾಡ್‍ನ ಪೌಲನಾನ ನಾನ್ ಒಳ್‍ದ್‍ವ ಕಾಗದ ಇದ್.

1 ಕೊರಿಂಥ 9:12

ಬೋರೆ ಜನಕ್ ನಿಂಗಡ ಮೇಲೆ ಇಚ್ಚಕ್ ಹಕ್ಕ್ ಉಂಡೇಂಗಿ, ನಂಗಕ್ ಇಂಞು ಎಚ್ಚಕ್ ಹಕ್ಕ್ ಉಂಡ್! ಆಚೇಂಗಿಯು, ಕ್ರಿಸ್ತಂಡ ನಲ್ಲ ಸುದ್ದಿ ಎಣ್ಣುವಕ್ ಏದ್ ತಡೆಯು ಬರತನೆಕೆ, ನಂಗಕ್ ಉಳ್ಳ ಅದಿಕಾರತ್‍ನ ಉಪಯೋಗಿಚಿಡತೆ, ಎಲ್ಲಾ ಕಷ್ಟತ್‍ನ ನಂಗ ಸಹಿಸಿಯಂಡುಂಡ್.

1 ಕೊರಿಂಥ 9:6

ಇಂಞು ನಾನ್ ಪಿಂಞ ಬಾರ್ನಬ ಮಾತ್ರ ಕೆಲಸ ಮಾಡಿತ್, ನಂಗಕ್ ಬೋಂಡಿಯಾನದ್‍ನ ಎಡ್‍ಕಂಡುವ?

2 ಕೊರಿಂಥ 10:1

ನಿಂಗಡ ಪಕ್ಕ ಇಪ್ಪಕ ತಾಳ್ಮೆಲು, ನಿಂಗಡಿಂಜ ದೂರ ಇಪ್ಪಕ ನಿಂಗಡ ಮೇಲೆ ಕಂಡಿತವಾಯಿತ್ ಉಳ್ಳನೆಕೆ ಕಾಂಬ ಪೌಲನಾನ ನಾನ್, ಕ್ರಿಸ್ತಂಡ ಶಾಂತ ಗುಣತ್‍ರ ಪಿಂಞ ದಯೇರ ಮೂಲಕ ನಿಂಗಕ್ ಬೋಡಿಯಂಡುಳ್ಳ.

2 ಕೊರಿಂಥ 10:16

ಅಕ್ಕ, ದೇವಡ ನಲ್ಲ ಸುದ್ದಿನ ನಿಂಗಡ ಜಾಗತ್‍ನ ದಾಟಿತ್ ನಂಗ ಪ್ರಚಾರ ಮಾಡ್‌ವಕಯ್ಯು. ಬೋರೆಯಿಂಗಡ ಮಿತಿರ ಜಾಗತ್‍ಲ್ ಮಾಡ್‍ನ ದೇವಡ ಸೇವೇರ ಫಲತ್‍ರ ವಿಷಯತ್ ನಂಗ ಹೊಗಳಿಚಿಡ್‌ವಕ್ ಪೋಪುಲೆ.

2 ಕೊರಿಂಥ 12:13

ನಿಂಗ ಏದ್ ವಿಷಯತ್‍ಲ್ ಬೋರೆ ಸಬೇಕಿಂಜ ಕಮ್ಮಿ ಇಂಜಿರ? ನಾನ್ ನಿಂಗಕ್ ಬಾರವಾಯಿತಿಲ್ಲತದೇ ನಿಂಗಕ್ ಕಮ್ಮಿಯಾಯಿತ್ಂಜತ್; ನಾನ್ ಮಾಡ್‍ನ ಈ ಅನ್ಯಾಯಕಾರ್ಯತ್‍ನ ಮನ್ನಿಚಿಡಿ.

2 ಕೊರಿಂಥ 2:12

ಪಿಂಞ, ಯೇಸು ಕ್ರಿಸ್ತಂಡ ನಲ್ಲ ಸುದ್ದಿನ ಬೋದನೆ ಮಾಡ್‌ವಕಾಯಿತ್ ನಾನ್ ತ್ರೋವ ಪಟ್ಟಣಕ್ ಬಪ್ಪಕ, ಒಡೆಯನಗುಂಡ್ ನಾಕ್ ಪಡಿ ತೊರ್ಂದ್‍ತ್ಂಜತ್.

1 ಥೆಸಲೊನೀಕ 2:9

ನಂಗಡ ಅಣ್ಣತಮ್ಮಣಂಗಳೇ, ನಂಗ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವಕ, ನಿಂಗ ದಾರ್‌ಕು ನಂಗ ಬಾರವಾಯಿತ್ ಇಕ್ಕತನೆಕೆ, ನಂಗ ಬಯಿಟ್ ಪೋಲ್ ಕೆಲಸ ಮಾಡ್‍ಚಿ. ನಂಗ ಎಚ್ಚಕ್ ಕಷ್ಟಪಟ್ಟಿತ್ ನೊಂಬಲಪಟ್ಟತ್‍ೕಂದ್ ನಿಂಗಕ್ ಕಂಡಿತವಾಯಿತ್ ಗೇನ ಇಪ್ಪ.

2 ಥೆಸಲೊನೀಕ 3:8

ನಂಗ ಒಬ್ಬಂಡಿಂಜ ಸಹ ದುಡ್ಡ್ ಕೊಡ್‍ಕತೆ ಉಂಡಿತ್‌ಲ್ಲೆ. ಆಂಡ ಬದ್‍ಲ್ ನಂಗ ಬಯಿಟ್ ಪೋಲ್ ಕಷ್ಟಪಟ್ಟಿತ್, ಕೆಲಸ ಮಾಡಿತ್, ನಂಗ ದಾರ್‌ಕು ಬಾರವಾಯಿತ್ ಇಕ್ಕತನೆಕೆ ಇಂಜತ್.