2 ಕೊರಿಂಥ 11:29 - ಕೊಡವ ಬೈಬಲ್

²⁹ ಒಬ್ಬ ಬಲ ಇಲ್ಲತಂವೊನಾಚೇಂಗಿ, ನಾನ್ ಸಹ ಬಲ ಇಲ್ಲತಂವೊನಾಯಿತ್ ಪೋಪಿಯಲ್ಲಾ? ಒಬ್ಬ ಬಟ್ಟೆ ತಪ್ಪಿ ಪೋಚೇಂಗಿ, ನಾಡ ಮನಸ್ಸ್ ಕಷ್ಟಪಡತೆ ಇಪ್ಪಕಯ್ಯುವಾ?

2 ಕೊರಿಂಥ 11:29 ပူးပေါင်းရင်းမြစ်များ

ಮತ್ತಾಯ 11:6

ನಾಡ ಮೇಲೆ ಅನುಮಾನ ಇಲ್ಲತಂವೊ ಆಶೀರ್ವಾದ ಪಡ್ಂದವೋಂದ್ ಅಯಿಂಗಕ್ ಎಣ್ಣ್‌ಚಿ.

ಯೋಹಾನ 2:17

ಯೇಸು ಇನ್ನನೆ ಮಾಡ್‍ನದ್‍ನ ನೋಟಿತ್: ನೀಡ ಮನೆರ ಮೇಲೆ ಉಳ್ಳ ನಾಡ ವೈರಾಗ್ಯ, ನನ್ನ ಕತ್ತಿಚಿಡುವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳದ್‍ನ ಅಂವೊಂಡ ಶಿಷ್ಯಂಗ ಗೇನ ಮಾಡ್‍ಚಿ.

ರೋಮ್ 12:15

ಕುಶೀಲ್ ಉಳ್ಳಯಿಂಗಡ ಕೂಡೆ ಕುಶೀಲ್ ಇರಿ, ಮೊರಟಂಡುಳ್ಳಯಿಂಗಡ ಕೂಡೆ ಮೊರಡಿ.

ರೋಮ್ 15:1

ನಂಬಿಕೇಲ್ ಸ್ತಿರವಾಯಿತ್ ಉಳ್ಳ ನಂಗ, ನಂಗಡ ಕುಶಿಕಾಯಿತ್ ಬದ್‍ಕತೆ, ನಂಬಿಕೇಲ್ ಸ್ತಿರವಿಲ್ಲತಯಿಂಗಳ, ಅಯಿಂಗಡ ಬಲಹೀನತ್‍ಲ್ ತಾಂಗಂಡು. ನಂಗಡ ಕುಶಿಕಾಯಿತ್ ಬದ್‍ಕಿಯಂಡ್ ಇಪ್ಪಕ್ಕಾಗ.

1 ಕೊರಿಂಥ 11:22

ಉಂಬಕ್ ತಿಂಬಕ್ ನಿಂಗಕ್ ನಿಂಗಡ ಮನೆ ಇಲ್ಲೆಯಾ? ಇದ್ ದೇವಡ ಸಬೇನ ತ್‍ಕ್ಕಾರ ಮಾಡಿತ್, ಉಳ್ಳಯಿಂಗ ಇಲ್ಲತಯಿಂಗಳ ಞಾಣಪಡ್‍ತ್‍ವನೆಕೆ ಉಂಡ್. ನಾನ್ ನಿಂಗಡ ಪಕ್ಕ ಎಂತ ಎಣ್ಣಡ್? ಈ ವಿಷಯತ್‍ಲ್ ನಾನ್ ನಿಂಗಳ ಕೊಂಡಾಡುವಕಯ್ಯುವಾ? ನಾನ್ ಅದ್‍ನ ಮಾಡುಲೆ.

1 ಕೊರಿಂಥ 12:26

ಅಕ್ಕ, ತಡೀರ ಒರ್ ಬಾಗ ಕಷ್ಟಪಟ್ಟತೇಂಗಿ, ಅದ್ಂಡಕೂಡೆ ತಡೀರ ಎಲ್ಲಾ ಬಾಗವು ಕಷ್ಟಪಡ್‌ವ. ಒರ್ ಬಾಗ ಕುಶಿಪಟ್ಟತೇಂಗಿ ಬೋರೆ ಎಲ್ಲಾ ಬಾಗವು ಕುಶಿ ಪಡುವ.

1 ಕೊರಿಂಥ 15:36

ಅಯಿಂಗಕ್ ನಿಂಗ: ಮುಠಾಳನೇ ನೀನ್ ಒರ್ ಕುರುನ ನೆಲಕ್ ಬಿತ್ತ್‌ವಕ, ಆ ಕುರು ಚತ್ತ್ ಪೋಚೇಂಗಿ ಮಾತ್ರ ಮೊಳಕೆ ಬಪ್ಪಲ್ಲಾ.

1 ಕೊರಿಂಥ 8:13

ಆನಗುಂಡ್, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಪಾಪ ಮಾಡ್‌ವಕ್ ನಾನ್ ಆಹಾರ ತಿಂಬದ್ ಕಾರಣವಾಯಿತ್ ಇಂಜತೇಂಗಿ, ಅಯಿಂಗ ಕ್ರಿಸ್ತಂಡ ಮೇಲೆ ನಂಬಿಕೆ ಇಡ್‌ವಕ್ ನಾನ್ ತಡೆಯಾಯಿತ್ ಇಕ್ಕತನೆಕೆ ನಾನ್ ಎಕ್ಕಾಲು ಯರ್ಚಿ ತಿಂಬದೇ ಇಲ್ಲೆ.

1 ಕೊರಿಂಥ 8:9

ನಿಂಗಕ್ ಎಂತ ಬೋಂಡ್‍ಚೇಂಗಿಯು ತಿಂಬಕ್ ಕಯ್ಯೂಂದ್ ಉಳ್ಳ ಸ್ವಾತಂತ್ರ ದೇವ ತಂದಿತುಂಡ್. ಆಚೇಂಗಿ ಆ ಸ್ವಾತಂತ್ರ, ದೇವಡ ಮೇಲೆ ಉಳ್ಳ ನಂಬಿಕೇಲ್ ಬಲಹೀನವಾಯಿತುಳ್ಳಯಿಂಗ ಬೊಳಿಯುವಕ್ ತಡೆಯಾಯಿತ್ ಇಪ್ಪಕ್ಕಾಗ.

1 ಕೊರಿಂಥ 9:22

ದೇವಡ ನಂಬಿಕೇಲ್ ಬಲಹೀನಯಿಂಗಳಾಯಿತ್ ಉಳ್ಳಯಿಂಗ, ದೇವಡ ಮೇಲೆ ನಂಬಿಕೆ ಇಡ್‌ವಕಾಯಿತ್, ಒರ್ ತಡೆಯು ಮಾಡತಂವೊನಾಯಿತ್ ಆನ. ಎನ್ನನೆ ಆಚೇಂಗಿಯು, ಚೆನ್ನ ಜನಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ನಾನ್ ಎಂತೆಲ್ಲಾ ಆಪಕ್ ಕಯ್ಯುವೋ ಅನ್ನನೆಲ್ಲಾ ಆನ.

2 ಕೊರಿಂಥ 13:9

ನಂಗ ಬಲ ಇಲ್ಲತಯಿಂಗಳು, ನಿಂಗ ಬಲ ಉಳ್ಳಯಿಂಗಳುವಾಯಿತಿಪ್ಪಕ ನಂಗ ಕುಶಿಪಟ್ಟಂಡುಂಡ್; ನಿಂಗ ಪೂರ್ತಿಯಾಯಿತ್ ಬೊಳಿಯಂಡೂಂದ್ ಪ್ರಾರ್ಥನೆ ಮಾಡಿಯಂಡುಂಡ್.

ಗಲಾತ್ಯ 2:14

ಅಯಿಂಗ ಇನ್ನನೆ ನಲ್ಲ ಸುದ್ದಿರ ಸತ್ಯಕ್ ಸರಿಯಾನ ರೀತಿಲ್ ಮಾಡತದ್‍ನ ನಾನ್ ಕಾಂಬಕ, ಎಲ್ಲಾಡ ಮಿಂಞತ್ ನಾನ್ ಪೇತ್ರನ ನೋಟಿತ್, ಇನ್ನನೆ ಎಣ್ಣ್‌ನ: ಯೆಹೂದ್ಯನಾಯಿತುಳ್ಳ ನೀನ್ ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಕತೆ ಇಂಜಂಡ್, ಯೆಹೂದ್ಯರಲ್ಲತ ಜನ ಯೆಹೂದ್ಯ ಪದ್ದತಿರನೆಕೆ ನಡ್‍ಕಂಡೂಂದ್ ಎನ್ನನೆ ಒತ್ತಾಯ ಮಾಡ್‌ವಕ್ ಕಯ್ಯು?

ಗಲಾತ್ಯ 6:2

ಒಬ್ಬೊಬ್ಬನು ಬೋರೆಯಿಂಗಡ ಕಷ್ಟತ್‍ನ ಎಡ್‍ತಂಡ್ ಸಹಾಯ ಮಾಡಂಡು. ಇನ್ನನೆ ಮಾಡ್‍ಚೇಂಗಿ ಯೇಸು ಕ್ರಿಸ್ತಂಡ ಪ್ರಮಾಣತ್‍ನ ಪೂರ್ತಿ ಮಾಡ್‌ವಿರ.

ಪ್ರಕಟನೆ 2:2

ನೀಡ ಕ್ರಿಯೇನ, ನೀಡ ಪ್ರಯತ್ನತ್‍ನ, ನೀಡ ಪೊರುಮೆನ, ಕೊಳ್ಳತಯಿಂಗಳ ನೀನ್ ಸಹಿಸಿಯಂಡ್ ಇಪ್ಪಕ್ ಕಯ್ಯತ ಇಪ್ಪದ್‍ನ, ಪಿಂಞ ಅಪೊಸ್ತಲ ಅಲ್ಲತಯಿಂಗ ನಂಗ ಅಪೊಸ್ತಲಂಗಾಂದ್ ಎಣ್ಣುವದ್‍ನ ಪರೀಕ್ಷೆ ಮಾಡಿತ್ ಅಯಿಂಗ ಪೊಟ್ಟ್ ಪರ್ಂದಂಡ್ ಉಂಡ್‍ೕಂದ್ ನೀನ್ ಗೊತ್ತ್ ಮಾಡ್‍ನದೆಲ್ಲಾ ನಾಕ್ ಗೊತ್ತುಂಡ್.

ಪ್ರಕಟನೆ 2:20

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಅದ್ ಎಂತ ಎಣ್ಣ್‌ಚೇಂಗಿ, ಯೆಜೆಬೇಲಾಂದ್ ಎಣ್ಣುವ ಒರ್ ಪೊಣ್ಣಾಳ್, ನಾನೇ ಪ್ರವಾದೀಂದ್ ಎಣ್ಣಿಯಂಡ್, ನಾಡ ಸೇವಕಂಗ ವ್ಯಬಿಚಾರ ಪಾಪ ಮಾಡ್‌ವಕು, ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬಕು ಬೋದನೆ ಮಾಡಿತ್, ಅಯಿಂಗಳ ವಂಚನೆ ಮಾಡ್‌ವಕ್ ನೀನ್ ಜಾಗ ಕೊಡ್‍ತಂಡುಂಡ್.