2 ಕೊರಿಂಥ 11:28 - ಕೊಡವ ಬೈಬಲ್

²⁸ ಇದ್‍ಲ್ಲತೆ, ಎಲ್ಲಾ ಸಬೆರ ವಿಷಯತ್ ನಾಕ್ ಉಳ್ಳ ದುಃಖ ನನ್ನ ಎಕ್ಕಾಲು ನೆರ್‍ಂಗಿಯಂಡುಂಡ್.

2 ಕೊರಿಂಥ 11:28 ပူးပေါင်းရင်းမြစ်များ

ಅಪೊಸ್ತಲ 15:36

ಚೆನ್ನ ದಿವಸ ಆನ ಪಿಂಞ ಪೌಲ, ಬಾರ್ನಬನ ನೋಟಿತ್: ನಂಗ ದೇವಡ ನಲ್ಲ ಸುದ್ದಿನ ಎಣ್ಣಿತುಳ್ಳ ಊರುಕೆಲ್ಲಾ ಪುನಃ ಪೋಯಿತ್ ಅಲ್ಲಿ ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚ ಅಣ್ಣತಮ್ಮಣಂಗ ಎನ್ನನೆ ಉಂಡ್‍ೕಂದ್ ನೋಟನ ಬಾಂದ್ ಎಣ್ಣ್‌ಚಿ.

ಅಪೊಸ್ತಲ 18:23

ಪೌಲ ಅಂತಿಯೋಕ್ಯತ್‍ಲ್ ಚೆನ್ನ ಸಮಯ ಇಂಜಿತ್, ಅಲ್ಲಿಂಜ ಪುನಃ ಕ್ರಮವಾಯಿತ್ ಗಲಾತ್ಯ ಪಿಂಞ ಫ್ರುಗ್ಯ ಸೀಮೆಲ್ ಪ್ರಯಾಣ ಮಾಡಿತ್ ಯೇಸುನ ನಂಬ್‍ನಯಿಂಗಳ ಎಲ್ಲಾ ದೃಡಪಡ್‍ತ್‍ಚಿ.

ಅಪೊಸ್ತಲ 20:2

ಅಂವೊ ಆ ಸೀಮೆಕ್ ಪೋಯಿತ್ ಅಲ್ಲಿಯತ್‍ರ ಜನಕ್ ದುಂಬ ಪುರ್‌ಡ್ ಕೊಡ್‌ತಿತ್, ಆಕೀರ್‌ಕ್ ಗ್ರೀಕ್ ದೇಶಕ್ ಬಾತ್.

ಅಪೊಸ್ತಲ 9:31

ಇನ್ನನೆ ಇಪ್ಪಕ ಯೂದಾಯ ಗಲಿಲಾಯ ಸಮಾರ್ಯ ಪ್ರಾಂತ್ಯತ್‍ಲ್ ಉಳ್ಳ ಸೆಬೇಕೆಲ್ಲ ಸಮಾದಾನ ಕ್‍ಟ್ಟ್‌ಚಿ; ಅನ್ನನೆ ಅಯಿಂಗ ಒಡೆಯಂಡ ಬಕ್ತಿಲ್ ಪಿಂಞ ಪವಿತ್ರಾತ್ಮ ತಪ್ಪ ಪುರಡ್‍ಲ್ ಬದ್‍ಕಿಯಂಡ್, ಬೊಳ್ಂದಂಡ್ ಬಲಪಟ್ಟಂಡ್ ಇಂಜತ್.

ರೋಮ್ 1:14

ಗ್ರೀಕ್ ಜನಕು, ಬೋರೆ ಜನಕು, ಜ್ಞಾನಿಯಂಗಕು, ಅಜ್ಞಾನಿಯಂಗಕು ಪ್ರಸಂಗ ಮಾಡ್‌ವಕ್ ನಾನ್ ಜವಾಬ್ದಾರನಾಯಿತುಳ್ಳ.

ರೋಮ್ 11:13

ಯೆಹೂದ್ಯಂಗಲ್ಲತ ನಿಂಗಡ ಕೂಡೆ ಇಕ್ಕ ನಾನ್ ತಕ್ಕ್ ಪರಿವಿ; ಯೆಹೂದ್ಯಂಗಲ್ಲತ ನಿಂಗಕಾಯಿತ್ ನಾನ್ ಅಪೊಸ್ತಲನಾಯಿತ್ ಉಳ್ಳಾಂಗ್, ನಾಡ ಸೇವೇನೆ ಬಲ್ಯದಾಯಿತ್ ಎಣ್ಣ್‌ವಿ.

ರೋಮ್ 15:16

ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಲ್ಲತಯಿಂಗ ಒರ್ ಬಲಿರನೆಕೆ ಪವಿತ್ರಾತ್ಮತ್‍ರಗುಂಡ್ ಶುದ್ದ ಆಯಿತ್, ದೇವಕ್ ಒರ್ ಕುಶೀರ ಬಲಿಯಾಪನೆಕೆ, ನಲ್ಲ ಸುದ್ದಿರ ದೇವಡ ಯಾಜಕನಾಯಿತ್, ಯೇಸು ಕ್ರಿಸ್ತಂಡ ಸೇವಕನಾಯಿತ್ ಯೆಹೂದ್ಯಲ್ಲತಯಿಂಗಕ್ ನಾನ್ ಆನ.

ರೋಮ್ 16:4

ಅಯಿಂಗ ನನ್ನ ಕಾಪಾಡ್‌ವಕಾಯಿತ್ ಅಯಿಂಗಡ ಜೀವತ್‍ನ ಕೊಡ್‍ಪನೆಕೆ ಬೋಳೆನ ಕೊಡ್‍ತತ್; ಅಯಿಂಗಡ ವಿಷಯತ್ ನಾನ್ ಮಾತ್ರ ಅಲ್ಲ, ಯೆಹೂದ್ಯಂಗ ಅಲ್ಲತಯಿಂಗಡ ಮದ್ಯತ್‍ಲ್ ಉಳ್ಳ ಎಲ್ಲಾ ಸಬೇಕಾರಳು ನಲ್ಲರಿಕೆರ ಚಾಯಿ ತಕ್ಕ್ ಎಣ್ಣಿಯಂಡುಂಡ್.

1 ಕೊರಿಂಥ 7:17

ದೇವ ನಿಂಗಕ್ ಎಂತ ಬದ್‍ಕ್‍ನ ಪಾಲ್ ಮಾಡಿತ್ ತಂದಿತುಂಡೋ ಅನ್ನನೆ ನಿಂಗ ಬದ್‍ಕ್‍ವದ್ ನಲ್ಲದ್. ದೇವ ನಿಂಗಳ ಎನ್ನನೆ ಕಾಕಿತುಂಡೋ ಅನ್ನನೆ ಬದ್‍ಕ್‍ವದ್ ನಲ್ಲದ್. ಇನ್ನನೆ ನಾನ್ ಎಲ್ಲಾ ಸಬೇಕು ಬೋದನೆ ಮಾಡಿಯಂಡುಳ್ಳ.

ಕೊಲೊಸ್ಸೆ 2:1

ನಿಂಗಕಾಯಿತು, ಲವೊದಿಯಕೆ ಪಟ್ಟಣತ್‍ಲ್ ಉಳ್ಳಯಿಂಗಕಾಯಿತು ಪಿಂಞ ನನ್ನ ಇಲ್ಲಿಕತ್ತನೆ ಕಾಂಗತಯಿಂಗಕಾಯಿತು ನಾನ್ ಎಚ್ಚಕ್ ಪೋರಾಟತ್‍ಲ್ ಉಳ್ಳ್‌ಂದ್ ನಿಂಗಕ್ ಗೊತ್ತಾಂಡೂಂದ್ ನಾಡ ಆಸೆ.