2 ಕೊರಿಂಥ 11:27 - ಕೊಡವ ಬೈಬಲ್

²⁷ ಪ್ರಯತ್ನತ್‍ಲ್, ಕಷ್ಟತ್‍ಲ್, ದುಂಬ ಕುರಿ ವರಿಯತೆ, ಕೆಲ ಪಯಿಚಿತ್, ಬಾಯರಿಕೆಲ್, ದುಂಬ ಕುರಿ ಪಟ್ಟಣಿಲ್, ಕುಳ್‍ರ್‌ಲ್, ಸರಿಯಾನ ಬಟ್ಟೆ ಇಲ್ಲತಂವೊನಾಯಿತ್ ನಾನ್ ಇಂಜ.

2 ಕೊರಿಂಥ 11:27 ပူးပေါင်းရင်းမြစ်များ

ಮತ್ತಾಯ 17:21

ಆಚೇಂಗಿ ಈ ತರ ಕೂಳಿ ನಿಂಗಡ ಪ್ರಾರ್ಥನೆ ಪಿಂಞ ಉಪವಾಸತ್ಂಜ ಅಲ್ಲತೆ ಬೋರೆ ವಿಷಯತ್ಂಜ ಬುಟ್ಟ್ ಪೋಪುಲೆ.

ಅಪೊಸ್ತಲ 14:23

ಇದ್‍ಲ್ಲತೆ ಓರೋರ್ ಸಬೇಲು ಪೆರಿಯಯಿಂಗಳ ನೇಮಿಚಿಟ್ಟಿತ್, ಪಟ್ಟಣಿ ನಿಂದಿತ್ ಪ್ರಾರ್ಥನೆ ಮಾಡಿತ್, ಅಯಿಂಗ ನಂಬ್‍ನ ದೇವಡ ಕೈಕ್ ಅಯಿಂಗಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 20:31

ಆನಗುಂಡ್, ನಾನ್ ಮೂಂದ್ ಕಾಲ ಪೊಲಾಕ ಬಯಿಟ್ ಕಣ್ಣೀರ್ ಇಟ್ಟಂಡ್ ಎಡೆಬುಡತೆ ಪ್ರತಿಯೊಬ್ಬಂಗ್ ಬುದ್ದಿ ಎಣ್ಣಿಯಂಡ್ ಇಂಜದ್‍ನ ನಿಂಗ ಗೇನ ಬೆಚ್ಚಂಡ್ ಎಚ್ಚಾರವಾಯಿತಿರಿ.

1 ಕೊರಿಂಥ 7:5

ಪ್ರಾರ್ಥನೆಲ್ ಚೆನ್ನ ಕಾಲ ಇರಂಡೂಂದ್ ನಿಂಗ ದಂಡಾಳು ತೀರ್ಮಾನ ಮಾಡಿತ್ ದಂಡಾಳು ಒತ್ತತೇಂಗಿ ಮಾತ್ರ ಚೆನ್ನ ಕಾಲ ಬೋರೆ ಬೋರೆಯಾಯಿತ್ ಇಪ್ಪಕ್ ಆಪ. ನಿಂಗಕ್ ತನ್ನಡಕ ಇಲ್ಲತಗುಂಡ್ ಬೋರೆಯಿಂಗಡ ಕೂಡೆ ತಪ್ಪ್ ಮಾಡ್‌ವನೆಕೆ ಸೈತಾನ ನಿಂಗಳ ಸೋದನೆ ಮಾಡತನೆಕೆ ಪುನಃ ಕೂಡಿ ಬಂದಿತ್ ಒಕ್ಕಚೆ ಇರಂಡು.

2 ಕೊರಿಂಥ 11:23

ಅಯಿಂಗ ಕ್ರಿಸ್ತಂಡ ಸೇವಕಂಗಳಾ? ನಾನ್ ಅಯಿಂಗಕಿಂಜ ಕ್ರಿಸ್ತಂಡ ಬಲ್ಯ ಸೇವಕ. ನಾನ್ ಬುದ್ದಿ ಇಲ್ಲತಂವೊಂಡನೆಕೆ ತಕ್ಕ್ ಪರ್ಂದಂಡುಳ್ಳ. ನಾನ್ ದುಂಬ ಕಷ್ಟಪಟ್ಟಂವೊ, ಜನ ನನ್ನ ದುಂಬ ಪೊಜ್ಜಿತುಂಡ್, ಜೈಲ್‍ಲ್ ದುಂಬ ಇಂಜಂವೊ, ದುಂಬ ಕುರಿ ಚಾವ್‍ಕ್ ಚಿಕ್ಕಿತುಳ್ಳ.

2 ಕೊರಿಂಥ 6:5

ನಂಗಳ ಜನ ಪೊಜ್ಜಿತುಂಡ್, ಜೈಲ್‍ಲ್ ಇಟ್ಟಿತುಂಡ್, ಕಲಹ ಮಾಡ್‌ವ ಗುಂಪ್‌ಲ್ ನಂಗಳ ಚಿಕ್ಕಿಚಿಟ್ಟಿತುಂಡ್, ಕಷ್ಟವಾಯಿತುಳ್ಳ ಕೆಲಸತ್‍ನ ಮಾಡಿತುಂಡ್, ಬಯಿಟ್ ವರಿಯಕ್ ಕಯ್ಯತೆ ಇಂಜಿತುಂಡ್, ಕೆಲ ಪಯಿಚಿತ್ ಇಂಜಿತುಂಡ್.

ಫಿಲಿಪ್ಪಿ 4:12

ಒಂದು ಇಲ್ಲತೆ ಬದ್‌ಕ್‍ವಕು, ಎಲ್ಲಾ ಇಂಜಿತ್ ಬದ್‌ಕ್‍ವಕು ನಾಕ್ ಗೊತ್ತುಂಡ್; ಏದ್ ಜಾಗತ್‍ಲು, ಎಲ್ಲಾ ಸ್ತಿತಿಲು ತೃಪ್ತಿಲ್ ಇಪ್ಪಕು, ಕೆಲ ಪಯಿಪಕಲು, ಪೂರ್ತಿಯಾಯಿತ್‌ಪ್ಪಕಲು, ಬೋಂಡಿಯಾನದ್ ಇಲ್ಲತಿಪ್ಪಕಲು ನಾನ್ ಬದ್‍ಕ್‍ವಕ್ ಪಡಿಚಿತುಳ್ಳ.

1 ಥೆಸಲೊನೀಕ 2:9

ನಂಗಡ ಅಣ್ಣತಮ್ಮಣಂಗಳೇ, ನಂಗ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವಕ, ನಿಂಗ ದಾರ್‌ಕು ನಂಗ ಬಾರವಾಯಿತ್ ಇಕ್ಕತನೆಕೆ, ನಂಗ ಬಯಿಟ್ ಪೋಲ್ ಕೆಲಸ ಮಾಡ್‍ಚಿ. ನಂಗ ಎಚ್ಚಕ್ ಕಷ್ಟಪಟ್ಟಿತ್ ನೊಂಬಲಪಟ್ಟತ್‍ೕಂದ್ ನಿಂಗಕ್ ಕಂಡಿತವಾಯಿತ್ ಗೇನ ಇಪ್ಪ.

2 ಥೆಸಲೊನೀಕ 3:8

ನಂಗ ಒಬ್ಬಂಡಿಂಜ ಸಹ ದುಡ್ಡ್ ಕೊಡ್‍ಕತೆ ಉಂಡಿತ್‌ಲ್ಲೆ. ಆಂಡ ಬದ್‍ಲ್ ನಂಗ ಬಯಿಟ್ ಪೋಲ್ ಕಷ್ಟಪಟ್ಟಿತ್, ಕೆಲಸ ಮಾಡಿತ್, ನಂಗ ದಾರ್‌ಕು ಬಾರವಾಯಿತ್ ಇಕ್ಕತನೆಕೆ ಇಂಜತ್.

ಇಬ್ರಿಯ 11:37

ಚೆನ್ನ ಜನಕ್ ಕಲ್ಲ್ ಕನ್‍ಚತ್, ಈರ್ಚ್ ಬಾಳ್‍ರಗುಂಡ್ ದಂಡಾಯಿತ್ ಮುರಿಚತ್, ಬಾಳ್‌ಕತ್ತಿರಗುಂಡ್ ಕೊಂದತ್, ಆಡ್‍ರ ತೋಲ್ ಪಿಂಞ ಕೊರಿರ ತೋಲ್‍ನ ಇಟ್ಟಂಡ್ ತಿರ್‌ಗಿಯಂಡ್, ಬೋಂಡಿಯಾನದ್ ಇಲ್ಲತೆ, ಕಷ್ಟಪಟ್ಟಿತ್, ಹಿಂಸೆನೆ ಸಹಿಸಿಯಂಡ್ ಇಂಜತ್.