2 ಕೊರಿಂಥ 11:19 - ಕೊಡವ ಬೈಬಲ್

¹⁹ ನಿಂಗ ಬುದ್ದಿವಂತಯಿಂಗಳಾಯಿತ್ ಬುದ್ದಿ ಇಲ್ಲತಯಿಂಗಳ ಕುಶೀಲ್ ಸಹಿಸಿಯಂಡಿಂಜಿರಲ್ಲಾ?

2 ಕೊರಿಂಥ 11:19 ပူးပေါင်းရင်းမြစ်များ

1 ಕೊರಿಂಥ 10:15

ನಿಂಗ ಬುದ್ದಿವಂತಯಿಂಗಾಂದ್ ನಾನ್ ಗೇನ ಮಾಡಿತ್ ನಿಂಗಡ ಕೂಡೆ ಎಣ್ಣಿಯಂಡುಂಡ್; ಆನಗುಂಡ್ ನಾನ್ ಎಂತ ಎಣ್ಣಿಯಂಡುಂಡ್‍ೕಂದ್ ನಿಂಗಳೇ ತೀರ್ಪ್ ಮಾಡಿ.

1 ಕೊರಿಂಥ 4:10

ನಂಗ ಕ್ರಿಸ್ತಂಗಾಯಿತ್ ಮುಠಾಳಂಗ, ಆಚೇಂಗಿ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಿಂಗ ಬುದ್ದಿವಂತಯಿಂಗ; ನಿಂಗ ಬಲಶಾಲಿಯಳಾಯಿತ್ ಉಳ್ಳಿರ ಆಚೇಂಗಿ ನಂಗ ಶಕ್ತಿ ಇಲ್ಲತಯಿಂಗಡನೆಕೆ ಉಂಡ್. ನಿಂಗಕ್ ಬಲ್ಯತರತ್‌ಲ್ ಜನ ಮರ್ಯಾದಿ ತಪ್ಪ, ಆಚೇಂಗಿ ನಂಗಳ ಅಲ್ಲಗೆಳೆಯುವ.

1 ಕೊರಿಂಥ 8:1

ಇಕ್ಕ, ನಿಂಗ ಕ್‍ೕಟ ವಿಗ್ರಹಕ್ ಅರ್ಪಿಚಿಟ್ಟ ಆಹಾರತ್‍ರ ವಿಷಯತ್, ನಾನ್ ಎಣ್ಣ್‌ವಿ. ನಂಗಕೆಲ್ಲಾರ್‌ಕೂ ಈ ವಿಷಯತ್ ಅರಿವ್ ಉಂಡ್‍ೕಂದ್ ನಂಗಕ್ ಗೊತ್ತುಂಡ್. ಬುದ್ದಿ ಆಂಗಾರತ್‍ನ ಉಂಟ್ ಮಾಡ್‌ವ, ಆಚೇಂಗಿ ಪ್ರೀತಿ ಬೋರೆಯಿಂಗಳ ಬಲಪಡ್‍ತ್‍ವಕ್ ಸಹಾಯ ಮಾಡ್‌ವ.

ಪ್ರಕಟನೆ 2:2

ನೀಡ ಕ್ರಿಯೇನ, ನೀಡ ಪ್ರಯತ್ನತ್‍ನ, ನೀಡ ಪೊರುಮೆನ, ಕೊಳ್ಳತಯಿಂಗಳ ನೀನ್ ಸಹಿಸಿಯಂಡ್ ಇಪ್ಪಕ್ ಕಯ್ಯತ ಇಪ್ಪದ್‍ನ, ಪಿಂಞ ಅಪೊಸ್ತಲ ಅಲ್ಲತಯಿಂಗ ನಂಗ ಅಪೊಸ್ತಲಂಗಾಂದ್ ಎಣ್ಣುವದ್‍ನ ಪರೀಕ್ಷೆ ಮಾಡಿತ್ ಅಯಿಂಗ ಪೊಟ್ಟ್ ಪರ್ಂದಂಡ್ ಉಂಡ್‍ೕಂದ್ ನೀನ್ ಗೊತ್ತ್ ಮಾಡ್‍ನದೆಲ್ಲಾ ನಾಕ್ ಗೊತ್ತುಂಡ್.

ಪ್ರಕಟನೆ 3:17

ನಾನ್ ಐಶ್ವರ್ಯವಂತಂವೊ, ನಾಕ್ ದುಂಬ ಸೊತ್ತ್ ಕೂಟಿ ಬೆಚ್ಚಿಯೆ, ನಾಕ್ ಒಂದು ಕಮ್ಮಿಯಿಲ್ಲೇಂದ್ ನೀನ್ ಎಣ್ಣಿಯಂಡುಳ್ಳಿಯ. ಆಚೇಂಗಿ, ನೇರಾಯಿತ್ ನೀನ್ ಒರ್ ಗತಿಯು ಇಲ್ಲತಂವೊನಾಯಿತು, ವ್ಯಸನಕಾರನಾಯಿತು, ಗರೀಬನಾಯಿತು, ಕುರ್‌ಡನಾಯಿತು, ಬೆತ್ತಲೆಯಾಯಿತು ಉಳ್ಳಿಯಾಂದ್ ನೀಕ್ ಅರ್ಥ ಆಯಂಡಿಲ್ಲೆ.