2 ಕೊರಿಂಥ 11:18 - ಕೊಡವ ಬೈಬಲ್

¹⁸ ದುಂಬ ಜನ ತಡೀರ ಪ್ರಕಾರ ಹೊಗಳಿಯಂಡುಳ್ಳಾಂಗ್ ನಾನು ಹೊಗಳಿಚಿಡುವಿ.

2 ಕೊರಿಂಥ 11:18 ပူးပေါင်းရင်းမြစ်များ

1 ಕೊರಿಂಥ 4:10

ನಂಗ ಕ್ರಿಸ್ತಂಗಾಯಿತ್ ಮುಠಾಳಂಗ, ಆಚೇಂಗಿ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಿಂಗ ಬುದ್ದಿವಂತಯಿಂಗ; ನಿಂಗ ಬಲಶಾಲಿಯಳಾಯಿತ್ ಉಳ್ಳಿರ ಆಚೇಂಗಿ ನಂಗ ಶಕ್ತಿ ಇಲ್ಲತಯಿಂಗಡನೆಕೆ ಉಂಡ್. ನಿಂಗಕ್ ಬಲ್ಯತರತ್‌ಲ್ ಜನ ಮರ್ಯಾದಿ ತಪ್ಪ, ಆಚೇಂಗಿ ನಂಗಳ ಅಲ್ಲಗೆಳೆಯುವ.

2 ಕೊರಿಂಥ 1:17

ನಾನ್ ಇನ್ನನೆ ಗೇನ ಮಾಡ್‍ನದ್ ವ್ಯಾರ್ತಾಂದ್ ನಾನ್ ಗೇನ ಮಾಡ್‍ನನಾ? ಅಥವ ಅಕ್ಕು ಅಕ್ಕೂಂದು, ಇಲ್ಲೆ ಇಲ್ಲೇಂದು, ನಾಡಲ್ಲಿ ಇಪ್ಪನೆಕೆ ಮನುಷ್ಯ ರೀತಿಲ್ ಒರೇ ಸಮಯತ್‍ಲ್ ಗೇನಮಾಡಿಯಂಡುಂಡಾ?

2 ಕೊರಿಂಥ 11:12

ನನ್ನ ವಿರೋದಿಚಿಡುವಕ್ ಅವಕಾಶ ತ್‍ೕಡ್‌ವಯಿಂಗಕ್ ಅವಕಾಶ ಕ್‍ಟ್ಟತನೆಕೆ, ನಾನ್ ಮಾಡಿಯಂಡುಳ್ಳದ್‍ನ ಇಂಞು ಮಿಂಞಕ್ ಮಾಡ್‌ವಿ. ಅಯಿಂಗ ಹೆಮ್ಮೆ ಪಡ್‌ವ ವಿಷಯತ್‍ಲ್ ಅಯಿಂಗ ನಂಗಡನೆಕೆ ಇರಡ್.

2 ಕೊರಿಂಥ 12:1

ಹೊಗಳಿಚಿಡುವದ್‍ಲ್ ಒರ್ ಪ್ರಯೋಜನವು ನಾಕ್ ಇಲ್ಲೆ ಆಚೇಂಗಿಯು, ಅದ್ಂಗ್ ಅವಸ್ಯ ಉಂಡ್. ಒಡೆಯ ನಾಕ್ ಕಾಂಬ್‍ಚಿಟ್ಟ ದರ್ಶನತ್‍ನ ಪಿಂಞ ಪ್ರಕಟನೆರ ವಿಷಯತ್‍ನ ಎಣ್ಣ್‌ವಿ.

2 ಕೊರಿಂಥ 12:11

ಒರ್ ಬುದ್ದಿ ಇಲ್ಲತಂವೊನನೆಕೆ ಹೊಗಳ್‌ಚಿಡುವಕ್ ಬಲ ಇಲ್ಲತಂವೊನಾಯಿತ್ ನಾನ್ ಆಯೆ, ನಾನ್ ಅನ್ನನೆ ಆಪಕ್ ನಿಂಗಳೇ ಮಾಡಿರ. ನಿಂಗಡಗುಂಡೇ ನಾಕ್ ಹೊಗಳ್‍ಚಿಡುವನೆಕೆ ಆಪಕಿಂಜತ್. ನಾನ್ ಒಂದು ಇಲ್ಲೇಂದ್ ಗೇನಮಾಡ್‍ಚೇಂಗಿಯು, ದುಂಬ ಮುಕ್ಯಪಟ್ಟ ಅಪೊಸ್ತಲಂಗಕಿಂಜ ಒರ್ ವಿಷಯತ್‍ಲ್ ಕೂಡೆ ಅಯಿಂಗಕಿಂಜ ನಾನ್ ಕಮ್ಮಿ ಆನಂವೊ ಇಲ್ಲೆ.

2 ಕೊರಿಂಥ 12:9

ಅದ್ಂಗ್ ಅಂವೊ: ನಾಡ ಕೃಪೆ ನೀಕ್ ಮದಿ, ಬಲಹೀನವಾನ ಸಮಯತ್‍ಲ್ ನಾಡ ಬಲ ನೀಕ್ ಪೂರ್ತಿಯಾಯಿತ್ ಕ್‌ಟ್ಟುವಾಂದ್ ಎಣ್ಣ್‌ಚಿ. ಆನಗುಂಡ್ ಕ್ರಿಸ್ತಂಡ ಶಕ್ತಿ ನಾಡಲ್ಲಿ ನಿಪ್ಪಕಾಯಿತ್, ನಾಡ ಬಲಹೀನವಾನ ವಿಷಯತ್‍ಲ್ ನಾನ್ ದುಂಬ ಕುಶೀಲ್ ಹೊಗಳಿಯಂಡುಳ್ಳ.

2 ಕೊರಿಂಥ 5:16

ಆನಗುಂಡ್, ಇಂಞು ಮಿಂಞಕ್, ಒಬ್ಬನ ಸಹ ಮನುಷ್ಯಂಡ ರೀತಿಲ್ ನೋಟಿಯಂಡಿಲ್ಲೆ. ಒರ್ ಸಮಯತ್‍ಲ್ ಕ್ರಿಸ್ತನ ನಂಗ ಮನುಷ್ಯಂಗಡನೆಕೆ ಗೇನ ಮಾಡಿತ್ಂಜತೇಂಗಿಯು, ಇಂಞು ಮಿಂಞಕ್ ಅನ್ನನೆ ಗೇನ ಮಾಡುಲೆ.

1 ಪೇತ್ರ 1:24

ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾ ಮನುಷ್ಯಂಗಳು ಪಿಲ್ಲ್‌ರನೆಕೆ, ಅಯಿಂಗಡ ಮಹಿಮೆಯೆಲ್ಲ ಕಾಡ್‍ಲ್ ಉಳ್ಳ ಪೂವ್‍ರನೆಕೆ; ಪಿಲ್ಲ್ ಬಾಡಿ ಪೋಪ, ಪೂ ಬುದ್ದ್ ಪೋಪ.