2 ಕೊರಿಂಥ 11:12 - ಕೊಡವ ಬೈಬಲ್

¹² ನನ್ನ ವಿರೋದಿಚಿಡುವಕ್ ಅವಕಾಶ ತ್‍ೕಡ್‌ವಯಿಂಗಕ್ ಅವಕಾಶ ಕ್‍ಟ್ಟತನೆಕೆ, ನಾನ್ ಮಾಡಿಯಂಡುಳ್ಳದ್‍ನ ಇಂಞು ಮಿಂಞಕ್ ಮಾಡ್‌ವಿ. ಅಯಿಂಗ ಹೆಮ್ಮೆ ಪಡ್‌ವ ವಿಷಯತ್‍ಲ್ ಅಯಿಂಗ ನಂಗಡನೆಕೆ ಇರಡ್.

2 ಕೊರಿಂಥ 11:12 ပူးပေါင်းရင်းမြစ်များ

ಮತ್ತಾಯ 26:16

ಆ ಸಮಯತ್ಂಜ, ಅಂವೊ ಯೇಸುನ ಕಾಟಿ ಕೊಡ್‍ಪಕ್ ಸಂದರ್ಪ ನೋಟಿಯಂಡ್ ಇಂಜತ್.

1 ಕೊರಿಂಥ 5:6

ನಿಂಗ ನಿಂಗಡ ಆತ್ಮೀಯ ವಿಷಯತ್‍ಲ್ ಆಂಗಾರತ್‍ಲ್ ಕಳಿಪದ್ ಸರಿ ಅಲ್ಲ. ಚೆನ್ನ ಈಸ್ಟ್ ಇಟ್ಟಕ ಪೂರ್ತಿ ಮುದ್ದೆ ಬೊಳಿಯುವಾಂದ್ ಎಣ್ಣುವ ತಕ್ಕ್ ನಿಂಗಕ್ ಗೊತ್ತ್‌ಲ್ಲೆಯಾ?

1 ಕೊರಿಂಥ 9:12

ಬೋರೆ ಜನಕ್ ನಿಂಗಡ ಮೇಲೆ ಇಚ್ಚಕ್ ಹಕ್ಕ್ ಉಂಡೇಂಗಿ, ನಂಗಕ್ ಇಂಞು ಎಚ್ಚಕ್ ಹಕ್ಕ್ ಉಂಡ್! ಆಚೇಂಗಿಯು, ಕ್ರಿಸ್ತಂಡ ನಲ್ಲ ಸುದ್ದಿ ಎಣ್ಣುವಕ್ ಏದ್ ತಡೆಯು ಬರತನೆಕೆ, ನಂಗಕ್ ಉಳ್ಳ ಅದಿಕಾರತ್‍ನ ಉಪಯೋಗಿಚಿಡತೆ, ಎಲ್ಲಾ ಕಷ್ಟತ್‍ನ ನಂಗ ಸಹಿಸಿಯಂಡುಂಡ್.

2 ಕೊರಿಂಥ 1:17

ನಾನ್ ಇನ್ನನೆ ಗೇನ ಮಾಡ್‍ನದ್ ವ್ಯಾರ್ತಾಂದ್ ನಾನ್ ಗೇನ ಮಾಡ್‍ನನಾ? ಅಥವ ಅಕ್ಕು ಅಕ್ಕೂಂದು, ಇಲ್ಲೆ ಇಲ್ಲೇಂದು, ನಾಡಲ್ಲಿ ಇಪ್ಪನೆಕೆ ಮನುಷ್ಯ ರೀತಿಲ್ ಒರೇ ಸಮಯತ್‍ಲ್ ಗೇನಮಾಡಿಯಂಡುಂಡಾ?

2 ಕೊರಿಂಥ 10:17

ಹೊಗಳಿಚಿಡುವಂವೊ ಒಡೆಯಂಡ ವಿಷಯತ್ ಮಾತ್ರ ಹೊಗ್‍ಳಿಚಿಡಡ್.

2 ಕೊರಿಂಥ 11:18

ದುಂಬ ಜನ ತಡೀರ ಪ್ರಕಾರ ಹೊಗಳಿಯಂಡುಳ್ಳಾಂಗ್ ನಾನು ಹೊಗಳಿಚಿಡುವಿ.

2 ಕೊರಿಂಥ 11:9

ನಾನ್ ನಿಂಗಡ ಪಕ್ಕ ಇಪ್ಪಕ, ಮಕೆದೋನ್ಯತ್ಂಜ ಬಂದ ನಾಡ ಅಣ್ಣತಮ್ಮಣಂಗ ನಾಕ್ ಬೋಂಡಿಯಾನದ್‍ನ ತಂದತ್. ನಿಂಗಕ್ ಆ ಬಾರತ್‍ನ ಕೊಡ್‍ತಿತ್‌ಲ್ಲೆ. ಎಲ್ಲಾ ವಿಷಯತ್ ನಾನ್ ನಿಂಗಕ್ ಬಾರವಾಯಿತ್ ಇಲ್ಲತಿಪ್ಪನೆಕೆ ಜಾಗ್ರತೆಲ್ ಇಂಜ. ಇಂಞು ಮಿಂಞಕು ಜಾಗ್ರತೆಲ್ ಇಪ್ಪಿ.

2 ಕೊರಿಂಥ 5:12

ನಂಗ ನಂಗಳ ನಿಂಗಡ ಮಿಂಞತ್ ಪುನಃ ಹೊಗಳ್‍ಚಿಟ್ಟಂಡಿಲ್ಲೆ. ಆಚೇಂಗಿ, ಹೃದಯತ್‍ರ ವಿಷಯ ಅಲ್ಲತೆ, ಪೊರಮೆ ಕಾಂಬದ್‍ನ ನೋಟಿತ್ ಹೊಗಳಿಯಂಡುಳ್ಳಯಿಂಗಕ್ ಉತ್ತರ ಕೊಡ್‌ತಿತ್, ನಿಂಗ ನಂಗಡ ವಿಷಯತ್ ಹೆಮ್ಮೆ ಪಡ್‌ವನೆಕೆ ನಿಂಗಕ್ ಒರ್ ಅವಕಾಶ ಮಾಡಿ ಕೊಡ್‍ತಂಡುಂಡ್.

ಗಲಾತ್ಯ 1:7

ಆಚೇಂಗಿ ಇದ್‍ನ ಬುಟ್ಟಿತ್ ಬೋರೆ ನಲ್ಲ ಸುದ್ದಿ ಏದ್ ಉಂಡ್? ಚೆನ್ನ ಜನ, ನಿಂಗಡ ಮನಸ್ಸ್‌ನ ಕಲ್‍ಕಿತ್ ಕ್ರಿಸ್ತಂಡ ನಲ್ಲ ಸುದ್ದಿನ ತಿರ್‌ಕ್‍ವಕ್ ಪ್ರಯತ್ನ ಪಟ್ಟಂಡುಳ್ಳದಲ್ಲತೆ ಬೋರೆ ಒಂದು ಮಾಡಿಯಂಡಿಲ್ಲೆ.

1 ತಿಮೊಥೆಯ 5:14

ಅದ್ಂಗಾಯಿತ್, ಚೆರಿಯ ವಯಸ್ಸುಳ್ಳ ವಿದವೆಯಂಗ ಪುನಃ ಮಂಗಲ ಕಯಿಚಿತ್, ಮಕ್ಕಳ ಪೆತ್ತಿತ್, ಮನೆರ ಜವಾಬ್ದಾರಿನ ಎಡ್‍ತಂಡ್ ಇರಂಡೂಂದ್ ನಾನ್ ಅಯಿಂಗಕ್ ಬುದ್ದಿ ಎಣ್ಣ್‌ವಿ. ಅನ್ನನೆ ಮಾಡ್‍ನಕ ವಿರೋದಿಯಾನಂವೊ ಕುತ್ತ ಪರಿಯುವಕ್ ಬಟ್ಟೆ ಕ್‍ಟ್ಟ್‌ಲೆ.