2 ಕೊರಿಂಥ 10:4 - ಕೊಡವ ಬೈಬಲ್

⁴ ನಂಗ ಉಪಯೋಗ ಮಾಡ್‌ವ ಯುದ್ದತ್‍ರ ಆಯುದ ಈ ತಡೀರ ಆಯುದಂಗ ಅಲ್ಲ, ಅದ್, ಗಟ್ಟಿಯಾಯಿತುಳ್ಳ ಕೋಟೆಯಳ ಪೊಳಿಪಕುಳ್ಳ ದೇವಡ ಶಕ್ತಿಯಾಯಿತುಂಡ್.

2 ಕೊರಿಂಥ 10:4 ပူးပေါင်းရင်းမြစ်များ

ಅಪೊಸ್ತಲ 7:22

ಮೋಶೇಕ್ ಐಗುಪ್ತ ದೇಶತಯಿಂಗಡ ಎಲ್ಲಾ ಜ್ಞಾನತ್‍ನ ಪಡಿಪ್‍ಚಿಟ್ಟಿತ್, ಅಂವೊ ಪರಿಯುವ ತಕ್ಕ್‌ಲ್ ಪಿಂಞ ಮಾಡ್‌ವ ಕಾರ್ಯತ್‍ಲ್ ಶಕ್ತಿವಂತಂವೊನಾಚಿ.

ರೋಮ್ 13:12

ಬೈಟ್ ದುಂಬ ಕಳೆಂದ್ ಪೋಚಿ, ಪೋಲ್ ಪಕ್ಕ ಬಾತ್; ಆನಗುಂಡ್ ಇರ್‌ಟ್‌ರ ಕ್ರಿಯೇನ ಬುಟ್ಟಿತ್, ಬೊಳಿರ ಆಯುದತ್‍ನ ಇಡೋನ.

ರೋಮ್ 6:13

ನಿಂಗ ನಿಂಗಡ ತಡೀರ ಬಾಗತ್‍ನ ಅನೀತಿರ ಆಯುದವಾಯಿತ್ ಪಾಪಕ್ ಒಪ್ಪ್‌ಚಿಡತೆ, ನಿಂಗಳ ಚತ್ತಯಿಂಗಡ ಮದ್ಯತ್ಂಜ ಜೀವತ್‍ಲ್ ಬಂದಯಿಂಗಡನೆಕೆ, ದೇವಕ್ ಒಪ್ಪ್‌ಚಿಟ್ಟಿತ್ ನಿಂಗಡ ತಡೀರ ಬಾಗತ್‍ನ ನೀತಿರ ಆಯುದವಾಯಿತ್ ದೇವಕ್ ಅರ್ಪಣೆ ಮಾಡಿ.

1 ಕೊರಿಂಥ 2:5

ನಾಡ ತಕ್ಕ್ ಪಿಂಞ ಬೋದನೆ, ಮನುಷ್ಯಂಡ ಜ್ಞಾನತ್‍ಲ್ ಇಲ್ಲತೆ, ಪವಿತ್ರಾತ್ಮ ಪಿಂಞ ಅಂವೊಂಡ ಶಕ್ತಿರಗುಂಡ್ ಇಂಜತ್‍ೕಂದ್ ನಿಂಗ ಕಾಂಬಕಿಂಜತ್.

1 ಕೊರಿಂಥ 9:7

ದಾರ್ ತಾಂಡ ಸ್ವಂತ ಪಣತ್‍ನ ಕರ್ಚ್ ಮಾಡಿತ್ ಯುದ್ದತ್‍ಲ್ ಸೇವೆ ಮಾಡ್‌ವ? ದಾರ್ ದ್ರಾಕ್ಷಿ ತೋಟ ಮಾಡಿತ್ ಅದ್ಂಡ ಪಣ್ಣ್‌ನ ತಿಂಗತೆ ಇಪ್ಪ? ದಾರ್ ಕೊರಿ ಕಾತಂಡ್, ಅದ್ಂಡ ಪಾಲ್‍ನ ಕುಡಿಕತೆ ಇಪ್ಪ?

2 ಕೊರಿಂಥ 10:8

ಒಡೆಯ ನಂಗಕ್ ಕೊಡ್‍ತಿತುಳ್ಳ ಅದಿಕಾರತ್‍ರ ವಿಷಯತ್, ನಾನ್ ಇಂಞು ದುಂಬ ಹೊಗಳಿಚಿಟ್ಟತೇಂಗಿಯು ನಾಕ್ ಞಾಣ ಆಪುಲೆ. ನಿಂಗಳ ಪಾಳ್ ಮಾಡ್‌ವಕಾಯಿತಲ್ಲ, ನಿಂಗಳ ಚಾಯಿ ಬೊಳ್‌ತಿತ್ ಕೆಟ್ಟುವಕಾಯಿತ್ ಈ ಅದಿಕಾರತ್‍ನ ನಂಗಕ್ ಕೊಡ್‍ತತ್.

2 ಕೊರಿಂಥ 13:10

ಆನಗುಂಡ್ ನಿಂಗಡ ಕೂಡೆ ಇಲ್ಲತಿಪ್ಪಕಲೇ ಇದ್‍ನೆಲ್ಲಾ ಒಳ್‍ದಿಯೆ; ನಿಂಗಳ ಪೊಳಿಪಕಾಯಿತ್ ಅಲ್ಲ, ಕೆ‍ಟ್ಟ್‌ವಕಾಯಿತೇ ಒಡೆಯ ನಾಕ್ ತಂದಿತುಳ್ಳ ಅದಿಕಾರತ್‍ರನೆಕೆ, ನಾನ್ ನಿಂಗಡ ಪಕ್ಕ ಬಪ್ಪಕ, ಕಠಿಣವಾಯಿತ್ ಇಪ್ಪದ್ ಬೋಂಡಾಂದ್ ಕುಶಿ ಪಡುವಿ.

2 ಕೊರಿಂಥ 3:5

ನಂಗಳಾಯಿತ್ ಎಂತಾಚು ಮಾಡ್‌ವಕ್ ಕಯ್ಯೂಂದ್ ಗೇನಮಾಡ್‌ವಕ್ ನಂಗಕ್ ಯೋಗ್ಯತೆ ಇಲ್ಲೆ; ನಂಗಡ ಯೋಗ್ಯತೆ ದೇವಡಯಿಂಜ ಬಂದಂಡುಂಡ್.

2 ಕೊರಿಂಥ 4:7

ಈ ಮಹತ್ವತ್‍ರ ಶಕ್ತಿ ನಂಗಡಗುಂಡ್ ಬಂದದಲ್ಲ, ಆಚೇಂಗಿ ದೇವಡಗುಂಡ್ ಬಂದದ್‍ೕಂದ್ ಕಾಂಬ್‍ಚಿಡುವನೆಕೆ, ಈ ಬಂಡಾರತ್‍ನ ಮಣ್ಣ್‌ರ ಪಾತ್ರತ್‍ರನೆಕೆ ಉಳ್ಳ ನಂಗಡ ತಡೀಲ್ ಪಡ್ಂದಿತುಂಡ್.

2 ಕೊರಿಂಥ 6:7

ನಂಗ ಸತ್ಯ ತಕ್ಕ್ ಪರ್ಂದಂಡುಂಡ್. ದೇವಡ ಶಕ್ತಿ ನಂಗಡಲ್ಲಿ ಕ್ರಿಯೆ ಮಾಡಿಯಂಡುಂಡ್. ನೀತಿಯಾಯಿತುಳ್ಳ ಬಲ್‌ತೆ ಬರಿ ಎಡ್‍ತೆ ಬರೀರ ಆಯುದತ್‍ನ ಇಡ್‌ವಯಿಂಗಳಾಯಿತುಂಡ್.

1 ಥೆಸಲೊನೀಕ 5:8

ಆಚೇಂಗಿ, ನಂಗ ಪೋಲ್‍ಕ್ ಕೂಡ್‍ನಯಿಂಗ. ಆನಗುಂಡ್ ಎಚ್ಚರತ್‍ಲ್ ಬದ್‌ಕಿತ್, ಎದೆತಟ್ಟೆರನೆಕೆ ಉಳ್ಳ ನಂಬಿಕೆ ಪಿಂಞ ಪ್ರೀತಿನ ಎದೇಲ್ ಇಟ್ಟಂಡ್, ಇರ್‍ಂಬ್ ತೊಪ್ಪಿರನೆಕೆ ಉಳ್ಳ ರಕ್ಷಣೆರ ನಿರಿಕ್ಷೇನ ಮಂಡೆಕ್ ಇಟ್ಟಂಡ್ ಇರಂಡು.

1 ತಿಮೊಥೆಯ 1:18

ನಾಡ ಮೋಂವೊನಾನ ತಿಮೊಥೆಯ, ನೀಡ ವಿಷಯತ್, ಪ್ರವಾದಿಯಂಗ ಮಿಂಞಲೇ ಎಣ್ಣ್‌ನ ಪ್ರವಾದನೆನ ಗೇನ ಮಾಡಿತ್ ಈ ಆಜ್ಞೆನ ನೀಡ ಮಿಂಞತ್ ಬೆಪ್ಪಿ. ಆನಗುಂಡ್, ಈ ಆಜ್ಞೆರನೆಕೆ ನೀನ್ ಮಾಡ್‍ಚೇಂಗಿ, ದೇವಡ ಪಡೆಲ್ ನೀನ್ ಚಾಯಿತೆ ಪೋರಾಡ್‍ವಕ್ ಸಹಾಯ ಆಪ.

2 ತಿಮೊಥೆಯ 2:3

ಯೇಸು ಕ್ರಿಸ್ತಂಡ ಒರ್ ನಲ್ಲ ಸೈನಿಕನಾಯಿತ್ ನೀನ್ ಸಹ ನಂಗಡ ಕೂಡೆ ಕಷ್ಟ ಅನುಬವಿಚಿಡ್.

ಇಬ್ರಿಯ 11:30

ನಂಬಿಕೇರ ಮೂಲಕ ಯೆರಿಕೋ ಪಟ್ಟಣತ್‍ರ ಗೋಡೆನ ಏಳ್ ದಿನ ಅಯಿಂಗ ಸುತ್ತ್‌ನ ಪಿಂಞ ಆ ಗೋಡೆ ಬುದ್ದತ್.