2 ಕೊರಿಂಥ 10:2 - ಕೊಡವ ಬೈಬಲ್

² ನಂಗ ತಡೀರ ಪ್ರಕಾರ ನಡ್‌ಂದಂಡುಂಡ್‍ೕಂದ್ ಗೇನ ಮಾಡ್‌ವ ಚೆನ್ನ ಜನಡ ವಿಷಯತ್, ನಾನ್ ಕಠಿಣವಾಯಿತ್ ಇಕ್ಕಂಡೂಂದ್ ಗೇನ ಮಾಡಿಯಂಡುಳ್ಳ. ನಾನ್ ನಿಂಗಡ ಪಕ್ಕ ಬಪ್ಪಕ, ಅನ್ನನೆ ಕಠಿಣ ಗುಣತ್‍ನ ದೈರ್ಯವಾಯಿತ್ ಕಾಂಬ್‍ಚಿಡುವಕ್ ಬಟ್ಟೆ ಮಾಡಿ ಕೊಡ್‍ಕತೀಂದ್ ನಿಂಗಳ ಬೋಡುವಿ.

2 ಕೊರಿಂಥ 10:2 ပူးပေါင်းရင်းမြစ်များ

ರೋಮ್ 8:1

ಆನಗುಂಡ್, ದೇವ ಅಂವೊನ ನಂಬತಯಿಂಗಕ್ ತಪ್ಪ ಶಿಕ್ಷೆ, ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಯಿಂಗಕ್ ತಪ್ಪುಲೆ.

ರೋಮ್ 8:4

ಪಾಪತ್‍ರ ಗುಣ ಕಾಟಿತಪ್ಪ ಬಟ್ಟೇಲ್ ನಂಗ ನಡ್‍ಕತೆ, ಪವಿತ್ರಾತ್ಮ ಕಾಟಿತಪ್ಪ ಬಟ್ಟೇಲ್ ನಡ್‍ಪ ನಂಗಕ್, ನ್ಯಾಯಪ್ರಮಾಣತ್‍ರ ನೀತಿ ನೆರೆವೇರುವನೆಕೆ ದೇವ ಇನ್ನನೆ ಮಾಡ್‍ಚಿ.

ರೋಮ್ 8:5

ಪಾಪತ್‍ರ ಗುಣ ಕಾಟಿತಪ್ಪ ಬಟ್ಟೇಲ್ ನಡ್‍ಪಯಿಂಗ ಪಾಪತ್‍ರ ಗುಣತ್‍ಲ್ ಗೇನ ಮಾಡಿಯಂಡುಂಡ್; ಆಚೇಂಗಿ, ಪವಿತ್ರಾತ್ಮ ಕಾಟಿತಪ್ಪ ಬಟ್ಟೇಲ್ ನಡ್‍ಪಯಿಂಗ ದೇವಡ ಆತ್ಮತ್‍ರನೆಕೆ ಗೇನ ಮಾಡಿಯಂಡುಂಡ್.

2 ಕೊರಿಂಥ 1:17

ನಾನ್ ಇನ್ನನೆ ಗೇನ ಮಾಡ್‍ನದ್ ವ್ಯಾರ್ತಾಂದ್ ನಾನ್ ಗೇನ ಮಾಡ್‍ನನಾ? ಅಥವ ಅಕ್ಕು ಅಕ್ಕೂಂದು, ಇಲ್ಲೆ ಇಲ್ಲೇಂದು, ನಾಡಲ್ಲಿ ಇಪ್ಪನೆಕೆ ಮನುಷ್ಯ ರೀತಿಲ್ ಒರೇ ಸಮಯತ್‍ಲ್ ಗೇನಮಾಡಿಯಂಡುಂಡಾ?

2 ಕೊರಿಂಥ 11:21

ನಂಗ ಬಲ ಇಲ್ಲತಯಿಂಗಳಾನನೆಕೆ, ನಂಗಕ್ ಕ್‍ಟ್ಟ್‌ನ ಅವಮಾನತ್‍ನ ಎಣ್ಣಿಯಂಡುಳ್ಳ; ಒಬ್ಬ ಏದ್ ವಿಷಯತ್‍ಲ್ ದೈರ್ಯವಾಯಿತುಂಡೋ ಅದ್‍ಲ್ ನಾನ್ ಸಹ ದೈರ್ಯವಾಯಿತುಂಡ್; ಇನ್ನನೆ ಬುದ್ದಿ ಇಲ್ಲತಂವೊಂಡನೆಕೆ ತಕ್ಕ್ ಪರ್ಂದಂಡುಳ್ಳ.

2 ಕೊರಿಂಥ 13:10

ಆನಗುಂಡ್ ನಿಂಗಡ ಕೂಡೆ ಇಲ್ಲತಿಪ್ಪಕಲೇ ಇದ್‍ನೆಲ್ಲಾ ಒಳ್‍ದಿಯೆ; ನಿಂಗಳ ಪೊಳಿಪಕಾಯಿತ್ ಅಲ್ಲ, ಕೆ‍ಟ್ಟ್‌ವಕಾಯಿತೇ ಒಡೆಯ ನಾಕ್ ತಂದಿತುಳ್ಳ ಅದಿಕಾರತ್‍ರನೆಕೆ, ನಾನ್ ನಿಂಗಡ ಪಕ್ಕ ಬಪ್ಪಕ, ಕಠಿಣವಾಯಿತ್ ಇಪ್ಪದ್ ಬೋಂಡಾಂದ್ ಕುಶಿ ಪಡುವಿ.

2 ಕೊರಿಂಥ 13:2

ನಾನ್ ದಂಡನೆ ಕುರಿ ನಿಂಗಡಲ್ಲಿ ಇಪ್ಪಕ ಎಣ್ಣ್‌ನನೆಕೆ, ಇಕ್ಕ ದೂರವಾಯಿತ್ ಇಂಜತೇಂಗಿಯು, ನಿಂಗಡ ಪಕ್ಕ ಇಪ್ಪನೆಕೆ, ನಾನ್ ಪುನಃ ಬಾತೇಂಗಿ ನಿಂಗಳ ತಪ್ಪಿಚಿಡ್‌ವಕ್ ಬುಡ್‍ಲೇಂದ್ ಮಿಂಞ ಪಾಪ ಮಾಡ್‍ನಯಿಂಗಕು ಇಂಞು ಎಲ್ಲಾರ್‌ಕು ಎಚ್ಚರ ಮಾಡಿತ್ ಒಳ್‌ದಿಯಂಡುಳ್ಳ.