2 ಕೊರಿಂಥ 10:18 - ಕೊಡವ ಬೈಬಲ್

¹⁸ ತಾಂಗ್ ತಾನೇ ಹೊಗಳಿಚಿಡುವಂವೊ ಯೋಗ್ಯನಲ್ಲ, ಒಡೆಯ ದಾರ್‌ನ ಹೊಗಳಿಚಿಡುಂವೊನೋ ಅಂವೊನೇ ಯೋಗ್ಯವಾನಂವೊ.

2 ಕೊರಿಂಥ 10:18 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 12:8

ಬುದ್ದಿವಂತಂವೊಂನ ಅಂವೊಂಡ ಬುದ್ದಿಕ್‌ ತಕ್ಕಂತೆ ಹೊಗೊಳುವ, ಆಚೇಂಗಿ ಕಪಟಿನ ತ್‌ಕ್ಕಾರ ಮಾಡುವ.

ಜ್ಞಾನತ್‌ರ ಪಡಿಮ 21:2

ಒರ್‌ ಮನುಷ್ಯ ಮಾಡುವ ಕಾರ್ಯಯೆಲ್ಲ ಅಂವೊಂಡ ದೃಷ್ಟಿಕ್‌ ಸೆರಿಯಾಯಿತ್‌ ಕಾಂಗು, ಆಚೇಂಗಿ ಯೆಹೋವ ಅಂವೊಂಡ ಉದ್ದೇಶತ್‌ನ ಪರೀಕ್ಷೆ ಮಾಡುವ.

ಜ್ಞಾನತ್‌ರ ಪಡಿಮ 27:2

ನಿನ್ನ ನೀನೆ ಕೊಂಡಾಡತೆ, ಬೋಂಡಿಯೇಂಗಿ ಇಂಞೊಬ್ಬ ನಿನ್ನ ಹೊಗಳಡ್. ನಿನ್ನ ನೀನೇ ಕೊಂಡಾಡಿಯೊತೆ, ಬೋರೆ ಒಬ್ಬೊ ನಿನ್ನ ಕೊಂಡಾಡಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:15

ಆಚೇಂಗಿ ಯೇಸು ಅಯಿಂಗಕ್, ನಿಂಗ ಎಕ್ಕಾಲು ಬೋರೆಯಿಂಗಡ ಮಿಂಞತ್ ನಲ್ಲಯಿಂಗಳಾಯಿತ್ ಕಾಂಬ್‍ಚಿಟ್ಟಂಡುಂಡ್, ಆಚೇಂಗಿ ದೇವಕ್ ನಿಂಗಡ ಹೃದಯತ್‍ನ ಗೊತ್ತುಂಡ್. ಮನುಷ್ಯಂಗ ಎಂತಾಂಗ್ ದುಂಬ ಬೆಲೆ ಉಂಡ್‍ೕಂದ್ ಗೇನ ಮಾಡ್‌ವ, ಅದ್ ದೇವಡ ಮಿಂಞತ್‍ಲ್ ಅಸಹ್ಯವಾಯಿತ್‌ಪ್ಪಾಂದ್ ಯೇಸು ಎಣ್ಣ್‌ಚಿ.

ಯೋಹಾನ 12:43

ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ದೇವಡ ಕಡೇಯಿಂಜ ಕ್‍ಟ್ಟುವ ಮರ್ಯಾದೆಕಿಂಜ ಮನುಷ್ಯಂಗ ತಪ್ಪ ಮರ್ಯಾದೆಲ್ ದುಂಬ ಕುಶಿಪಟ್ಟತ್.

ಅಪೊಸ್ತಲ 2:22

ಇಸ್ರಾಯೇಲ್‍ರ ಜನಳೇ, ನಾಡ ತಕ್ಕ್‌ನ ಕ್‍ೕಳಿ; ನಿಂಗಕೆಲ್ಲ ಚಾಯಿತೆ ಗೊತ್ತುಳ್ಳನೆಕೆ ನಜರೇತ್‍ರ ಯೇಸುರ ಮೂಲಕ ದೇವ ನಿಂಗಡ ಮದ್ಯತ್‍ಲ್ ಬಲ್ಯ ಅದ್ಬುತ, ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅದ್‍ಯಿಂಜ ಅಂವೊನ ದೇವ ನೇಮಿಚಿಟ್ಟತ್‍ೕಂದ್ ನಿಂಗಕ್ ಕಾಂಬ್‍ಚಿಟ್ಟತ್.

ರೋಮ್ 14:18

ಈ ವಿಷಯತ್‍ಲ್ ಎಚ್ಚರ ಎಡ್‍ತಂಡ್ ಕ್ರಿಸ್ತನ ಸೇವೆ ಮಾಡ್‌ವಂವೊಂಡ ಮೇಲೆ ದೇವನು ಕುಶಿ ಪಡುವ, ಮನುಷ್ಯಂಗಡಿಂಜ ಅಂಗಿಕಾರವು ಕ್‍ಟ್ಟುವ.

ರೋಮ್ 16:10

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಬಿಕಸ್ತಾಂದ್ ಪೆದ ಕ್‍ಟ್ಟ್‌ನ ಉತ್ತಮ ಮನುಷ್ಯನಾನ ಅಪೆಲ್ಲ ಎಣ್ಣ್‌ವಂವೊಂಗ್ ವಂದನೆ ಎಣ್ಣಿ; ಅರಿಸ್ತೊಬೂಲಂಡ ಮನೆಕಾರಂಗಕ್ ವಂದನೆ ಎಣ್ಣಿ.

ರೋಮ್ 2:29

ಹೃದಯತ್‍ಲ್ ಯೆಹೂದ್ಯನಾಯಿತ್ ಇಪ್ಪಯಿಂಗಳೇ ನೇರಾಯಿತುಳ್ಳ ಯೆಹೂದ್ಯಂಗ; ಒಳ್‍ತ್‍ರ ಪ್ರಕಾರ ಅಲ್ಲ, ಆತ್ಮತ್‍ರ ಪ್ರಕಾರ ಹೃದಯತ್‍ಲ್ ಆಪ ಸುನ್ನತಿಯೇ ನೇರಾನ ಸುನ್ನತಿ; ಇನ್ನನೆ ಉಳ್ಳಯಿಂಗಕ್ ಕ್‍ಟ್ಟುವ ಗನ, ಮನುಷ್ಯಡಿಂಜ ಅಲ್ಲ, ಆಚೇಂಗಿ ದೇವಡಯಿಂಜ ಬಪ್ಪ.

1 ಕೊರಿಂಥ 11:19

ನಿಂಗಡಲ್ಲಿ ಬೋರೆ ಬೋರೆ ಅಬಿಪ್ರಾಯ ಬೋಂಡು, ಅನ್ನನೆ ಇಂಜತೇಂಗಿ ದಾರ್ ದೇವಡ ವಿಷಯತ್‍ಲ್ ನೇರಾನಯಿಂಗಾಂದ್ ಜನಕ್ ಗೊತ್ತಾಪ.

1 ಕೊರಿಂಥ 4:5

ಈ ಕಾರಣಕಾಯಿತ್, ಸರಿಯಾನ ಸಮಯ ಬಪ್ಪಕ್ ಮಿಂಞ ನಿಂಗ ದಾರ್‌ಕು ತೀರ್ಪ್ ಮಾಡಂಡ. ಒಡೆಯ ಬಪ್ಪಕತ್ತನೆ ಪಾರಕಾತಂಡಿರಿ. ಅಂವೊ ಇರ್‌ಟ್‌ಲ್ ಉಳ್ಳ ಒಳಗುಟ್ಟ್‌ನೆಲ್ಲ ಬೊಳಿಕ್ ಕೊಂಡ್ ಬಂದಿತ್, ಹೃದಯತ್‍ರ ಗೇನತ್‍ನ ಪೊರಮೆ ಕಾಂಬ್‌ಚಿಡುವ. ಅಕ್ಕ ಒಬ್ಬೊಬ್ಬಂಗಕ್ ತಕ್ಕ ಹೊಗಳಿಕೆ ದೇವಡಯಿಂಜ ಅಯಿಂಗಕ್ ಕ್‍ಟ್ಟ್‌ವ.

2 ಕೊರಿಂಥ 10:12

ಆಚೇಂಗಿಯು, ತಂಗಳ ತಾಂಗಳೇ ಬಲ್ಯಂಗಳಾಯಿತ್ ಕಾಂಬ್‍ಚಿಡುವಕಾಯಿತ್ ಬಡಾಯಿ ತಕ್ಕ್ ಎಣ್ಣುವ ಚೆನ್ನ ಜನಡ ಕೂಡೆ ನಂಗಳ ಸಮವಾಯಿತ್ ಹೋಲಿಕೆ ಮಾಡ್‌ವಕ್ ನಂಗ ದೈರ್ಯ ಎಡ್‍ಪುಲೆ; ಅಯಿಂಗ, ಅಯಿಂಗಡೊಳ್‌ಲ್ ಅಯಿಂಗ ಅಯಿಂಗಳೇ ಅಳ್‌ತೆ ಮಾಡಿಯಂಡ್, ಅಯಿಂಗಕೇ ಅಯಿಂಗಳ ಹೋಲಿಕೆ ಮಾಡಿಯಂಡುಳ್ಳ ಅಯಿಂಗ ಬುದ್ದಿವಂತಯಿಂಗ ಅಲ್ಲ.

2 ಕೊರಿಂಥ 13:7

ನಿಂಗ ಒರ್ ತಪ್ಪು ಮಾಡತೆ ಇಪ್ಪಕ್ ನಾನ್ ನಿಂಗಕಾಯಿತ್ ದೇವಡ ಪಕ್ಕ ಪ್ರಾರ್ಥನೆ ಮಾಡ್‌ವಿ. ನಂಗ ಪರಿಕ್ಷೇಕ್ ನಿಂದಯಿಂಗಾಂದ್ ಗೊತ್ತಾಪಕಾಯಿತ್ ಅಲ್ಲ, ನಂಗ ಪರಿಕ್ಷೇಕ್ ನಿಕ್ಕತಯಿಂಗಡನೆಕೆ ಇಂಜತೇಂಗಿಯು, ನಿಂಗ ನಲ್ಲದ್ ಮಾಡ್‌ವಕಾಯಿತ್ ಪ್ರಾರ್ಥನೆ ಮಾಡ್‌ವಿ

2 ಕೊರಿಂಥ 3:1

ನಂಗ ನಂಗಳ ಹೊಗಳ್‍ಚಿಡ್‍ವಕ್ ಪುನಃ ಸುರ್ ಮಾಡ್‍ಚಾ? ಅಥವ, ಚೆನ್ನ ಜನಕ್ ಬೋಂಡುವನೆಕೆ, ನಂಗಡಿಂಜ ನಿಂಗಕು, ನಿಂಗಡಿಂಜ ನಂಗಕು ಸಿಪಾರ್‍ಸ್ ಕಾಗದ ಎನ್ನಂಗ್ ಬೋಂಡು?

2 ಕೊರಿಂಥ 5:12

ನಂಗ ನಂಗಳ ನಿಂಗಡ ಮಿಂಞತ್ ಪುನಃ ಹೊಗಳ್‍ಚಿಟ್ಟಂಡಿಲ್ಲೆ. ಆಚೇಂಗಿ, ಹೃದಯತ್‍ರ ವಿಷಯ ಅಲ್ಲತೆ, ಪೊರಮೆ ಕಾಂಬದ್‍ನ ನೋಟಿತ್ ಹೊಗಳಿಯಂಡುಳ್ಳಯಿಂಗಕ್ ಉತ್ತರ ಕೊಡ್‌ತಿತ್, ನಿಂಗ ನಂಗಡ ವಿಷಯತ್ ಹೆಮ್ಮೆ ಪಡ್‌ವನೆಕೆ ನಿಂಗಕ್ ಒರ್ ಅವಕಾಶ ಮಾಡಿ ಕೊಡ್‍ತಂಡುಂಡ್.

2 ಕೊರಿಂಥ 6:4

ಬಲ್ಯ ಪೊರುಮೇಲ್ ಎಲ್ಲಾ ಹಿಂಸೆನ, ಕಷ್ಟತ್‍ನ, ನೊಂಬಲತ್‍ನ ನಂಗ ಸಹಿಸಿಯಂಡ್ ಉಂಡ್.

2 ತಿಮೊಥೆಯ 2:15

ನೀ ಞಾಣಪಡುವಕ್ ಅವಸ್ಯ ಇಲ್ಲತ ಸೇವಕನಾಯಿತ್, ದೇವಡ ಸತ್ಯ ವಾಕ್ಯತ್‍ನ ಏದ್ ತಪ್ಪಿಲ್ಲತೆ, ನೇರಾಯಿತ್ ಬೋದನೆ ಮಾಡ್‌ವಂವೊನಾಯಿತ್, ದೇವಡ ಮಿಂಞತ್ ನೀನ್ ಯೋಗ್ಯನಾಯಿತ್ ನಿಪ್ಪಕ್ ಜಾಗ್ರತೆಲ್ ಇರ್.

1 ಪೇತ್ರ 1:7

ಪಾಳಾಯಿ ಪೋಪ ಪೊನ್ನ್‌ನ ತಿತ್ತ್‌ರಗುಂಡ್ ಸೋದನೆ ಮಾಡ್‌ವ; ಆಚೇಂಗಿ, ಅದ್ಂಗಿಂಜ ಬಲ್ಯ ಬೆಲೆಯುಳ್ಳ ನಿಂಗಡ ನಂಬಿಕೆ ಈ ಕಷ್ಟತ್‍ರಗುಂಡ್ ಸೋದನೆಕ್ ಒಳಪಟ್ಟಿತ್, ನೇರಾನದ್‍ೕಂದ್‌ ಗೊತ್ತಾಪಗುಂಡ್, ಯೇಸು ಕ್ರಿಸ್ತ ಬಪ್ಪಕ, ಅದ್ ನಿಂಗಕ್ ಕೀರ್ತಿಯಾಯಿತ್, ಗನವಾಯಿತ್ ಪಿಂಞ ಮಹಿಮೆಯಾಯಿತ್ ಕ್‍ಟ್ಟುವನೆಕೆ ಆಪ.