2 ಕೊರಿಂಥ 10:13 - ಕೊಡವ ಬೈಬಲ್

¹³ ಆಚೇಂಗಿ ನಂಗ ನಂಗಳ ಮಿತಿಕ್ ಮೀರಿತ್ ಹೊಗ್‍ಳ್‌ಚಿಡತೆ, ನಿಂಗಡ ಪಕ್ಕ ಬಂದಿತ್ ಎತ್ತ್‌ವಚ್ಚಕ್ ದೇವ ನಂಗಕ್ ದಾನಮಾಡ್‍ನ ಅಳ್‌ತೆರಚ್ಚಕ್ ಹೊಗಳಿಯಂಡುಂಡ್.

2 ಕೊರಿಂಥ 10:13 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 25:14

ಇನಾಮ್‌ ತಪ್ಪೀಂದ್‌ ಎಣ್ಣಿತ್‌ ಅದ್‌ನ ಕೊಡ್‌ಕತಂವೊ, ಮಳೆ ಇಲ್ಲತ ಮೋಡಕು ಗಾಳಿಕು ಸರಿಸಮ.

ಮತ್ತಾಯ 25:15

ಅಂವೊಂಡ ಆಸ್ತಿರ ದುಡ್ಡ್‌ಯಿಂಜ ಒಬ್ಬಂಡ ಪಕ್ಕ ಅಂಜ್ ಬಾಗತ್‍ನ, ಒಬ್ಬಂಡ ಪಕ್ಕ ದಂಡ್ ಬಾಗತ್‍ನ ಇಂಞೊಬ್ಬಂಡ ಪಕ್ಕ ಒರ್ ಬಾಗತ್‍ನ ಅಯಿಂಗಯಿಂಗಡ ಬಲಕ್ ಸರಿಯಾಯಿತ್ ಕೊಡ್‌ತಿತ್ ಪೋಪ.

ರೋಮ್ 10:18

ಆಚೇಂಗಿ, ಇಸ್ರಾಯೇಲ್ ಜನ ಇದ್‍ನ ಕ್‍ೕಟಿತ್‌ಲ್ಲೆಯಾಂದ್ ನಾನ್ ಕ್‍ೕಪಿ; ಅಯಿಂಗ ಕ್‍ೕಟತ್; ಅಯಿಂಗ ಎಣ್ಣ್‌ನ ವಾಕ್ಯತ್‍ರ ವಾಣಿ ಲೋಕತ್‍ಲ್ ಎಲ್ಲೆಲ್ಲಿಕು ಪೋಚಿ, ಪಿಂಞ ಲೋಕತ್‍ರ ಆಕೀರ್‍ಕತ್ತನೆ ಪೋಚೀಂದ್ ಉಂಡ್.

ರೋಮ್ 12:3

ನಿಂಗಡಲ್ಲಿ ಒಬ್ಬೊಬ್ಬನು, ತಾಂಡ ಸ್ತಾನಕಿಂಜ ಬಲ್ಯದಾಯಿತ್ ಗೇನ ಮಾಡತಿ, ಅಂವೊಂಗ್ ಎಚ್ಚಕ್ ನಂಬಿಕೇನ ದೇವ ಪಾಲ್ ಮಾಡಿತ್ ತಂದಿತೋ, ಅದ್ಂಗ್ ತಕ್ಕಂತೆ ಗೇನ ಮಾಡಿಯಂಡ್ ಚಾಯಿ ಮನಸ್ಸ್‌ಲ್ ಇರೀಂದ್ ದೇವ ನಾಕ್ ತಂದಿತುಳ್ಳ ಕೃಪೇರಗುಂಡ್ ನಿಂಗ ಒಬ್ಬೊಬ್ಬಂಗು ಎಣ್ಣ್‌ವಿ.

ರೋಮ್ 12:6

ದೇವಡ ಕೃಪೆಯಿಂಜ ನಂಗಕ್ ಬೋರೆ ಬೋರೆ ವರ ಕ್‍ಟ್ಟಿತುಂಡ್. ಆನಗುಂಡ್ ದೇವ, ಒಬ್ಬಂಗ್ ಪ್ರವಾದನೆ ಎಣ್ಣುವ ವರತ್‍ನ ಕೊಡ್‍ತಿತುಂಡೇಂಗಿ, ಅಂವೊಂಗ್ ದೇವ ಕೊಡ್‍ತ ನಂಬಿಕೇರ ಅಳ್‌ತೆರಚ್ಚಕ್ ಪ್ರವಾದೆನೆ ಎಣ್ಣಂಡು.

ರೋಮ್ 15:20

ನಾನ್ ಬೋರೆ ಒಬ್ಬ ಇಟ್ಟಿತುಳ್ಳ ಅಡಿಪಾಯತ್‍ರ ಮೇಲೆ ಕೆಟ್ಟತನೆಕೆ, ನಲ್ಲ ಸುದ್ದಿ ಅರಿಚಿಡತ ಜಾಗತ್‍ಲ್ ಕ್ರಿಸ್ತಂಡ ಪೆದತ್‍ನ ಪ್ರಚಾರ ಮಾಡ್‍ವದ್ ನಾಡ ಆಸೆ.

1 ಕೊರಿಂಥ 12:11

ಇದೆಲ್ಲಾ ಒರೇ ಪವಿತ್ರಾತ್ಮ ಮಾಡಿತ್, ಅಂವೊ ತೀರ್ಮಾನ ಮಾಡ್‌ವನೆಕೆ ಒಬ್ಬೊಬ್ಬಂಗ್ ಓರೋರ್ ತರತ್‍ರ ವರತ್‍ನ ತಪ್ಪ.

ಎಫೆಸ 4:7

ಆಚೇಂಗಿ, ಕ್ರಿಸ್ತಂಡ ದಾನತ್‍ರ ಅಳ್‌ತೆರ ಪ್ರಕಾರ ನಂಗ ಒಬ್ಬೊಬ್ಬಂಗು ವರವಾಯಿತ್ ಅಂವೊಂಡ ಕೃಪೇನ ಕೊಡ್‌ತಿತುಂಡ್.

1 ಪೇತ್ರ 4:10

ಒಬ್ಬ ಒಬ್ಬಂಗ್ ಚಾಯಿತೆ ಸಹಾಯ ಮಾಡ್‌ವನೆಕೆ, ಅಯಿಂಗಯಿಂಗಕ್ ದೇವ ಎಂತ ವರ ಕೊಡ್‍ತಿತುಂಡೋ ಅದ್ಂಡರನೆಕೆ ನಲ್ಲ ಜವಾಬ್ದಾರಂಗಳಾಯಿತ್ ಪಾಲ್ ಮಾಡಿತ್, ಸತ್ಯವಂತಂವೊನಾಯಿತ್, ಅಂವೊಂಡ ಕೃಪೇರ ನಾನಾ ತರತ್‍ರ ಪ್ರಕಾರ ಮಾಡಂಡು.