2 ಕೊರಿಂಥ 10:10 - ಕೊಡವ ಬೈಬಲ್

¹⁰ ಅಂವೊಂಡ ಕಾಗದ ದುಂಬ ಗಟ್ಟಿಯಾಯಿತು ಒತ್ತಾಯ ಮಾಡ್‌ವದಾಯಿತು ಉಂಡ್, ಆಚೇಂಗಿ ಅಂವೊ ತಡೀಲ್ ಬಲಯಿಲ್ಲತಂವೊನು ಅಂವೊಂಡ ತಕ್ಕ್ ಪ್ರಯೋಜನ ಇಲ್ಲತವಾಯಿತು ಉಂಡ್‍ೕಂದ್ ಚೆನ್ನ ಜನ ನಾಡ ವಿಷಯತ್ ಎಣ್ಣಿಯಂಡುಂಡಲ್ಲ?

2 ಕೊರಿಂಥ 10:10 ပူးပေါင်းရင်းမြစ်များ

1 ಕೊರಿಂಥ 1:17

ದೀಕ್ಷಾನ್ನಾನ ಕೊಡ್‍ಪಕಾಯಿತ್ ಕ್ರಿಸ್ತ ನನ್ನ ಅಯಿಚಿತ್ತ್‌ಲ್ಲೆ; ಆಚೇಂಗಿ, ಅಂವೊಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕಾಯಿತ್ ಮಾತ್ರ ನನ್ನ ಅಯಿಚತ್; ಎನ್ನನೆ ಎಣ್ಣ್‌ಚೇಂಗಿ, ಕ್ರಿಸ್ತ ಶಿಲುಬೇಲ್ ಚತ್ತದ್, ಅರ್ಥ ಇಲ್ಲತೆ ಆಕತನೆಕೆ ಇಪ್ಪಕ್ ಪಿಂಞ ಮನುಷ್ಯಂಡ ಸಾಮರ್ತ್ಯ ಬುದ್ದಿಲ್ ಬೋದನೆ ಮಾಡತೆ ಇಪ್ಪಕಾಯಿತ್ ನನ್ನ ಅಯಿಚತ್.

1 ಕೊರಿಂಥ 1:21

ಎನ್ನನೆ ಎಣ್ಣ್‌ಚೇಂಗಿ, ಮನುಷ್ಯಂಡ ಬುದ್ದಿಲ್ ಈ ಲೋಕ ಅಂವೊನ ಗೊತ್ತ್ ಮಾಡಿತ್‌ಲ್ಲೇಂದ್, ದೇವಕ್ ಅಂವೊಂಡ ಜ್ಞಾನತ್‍ಲ್ ಗೊತ್ತುಂಡ್. ಅನ್ನನೆ ನಂಗ ಎಣ್ಣುವ ಈ ತಕ್ಕ್‌ನ ಲೋಕತ್‍ರ ಜನ ಜ್ಞಾನ ಇಲ್ಲತ ಬೋದನೇಂದ್ ಎಣ್ಣುವ. ಆಚೇಂಗಿ ಅದ್‍ನ ನಂಬುವ ಜನತ್‍ನ ರಕ್ಷಣೆ ಮಾಡ್‌ವಕ್, ದೇವಕ್ ಕುಶಿಯಾಚಿ.

2 ಕೊರಿಂಥ 10:1

ನಿಂಗಡ ಪಕ್ಕ ಇಪ್ಪಕ ತಾಳ್ಮೆಲು, ನಿಂಗಡಿಂಜ ದೂರ ಇಪ್ಪಕ ನಿಂಗಡ ಮೇಲೆ ಕಂಡಿತವಾಯಿತ್ ಉಳ್ಳನೆಕೆ ಕಾಂಬ ಪೌಲನಾನ ನಾನ್, ಕ್ರಿಸ್ತಂಡ ಶಾಂತ ಗುಣತ್‍ರ ಪಿಂಞ ದಯೇರ ಮೂಲಕ ನಿಂಗಕ್ ಬೋಡಿಯಂಡುಳ್ಳ.

2 ಕೊರಿಂಥ 10:11

ಅನ್ನನೆ ಎಣ್ಣುವಯಿಂಗಕ್, ನಂಗ ನಿಂಗಡಿಂಜ ದೂರತ್‍ಲ್ ಇಪ್ಪಕ ತಕ್ಕ್‌ಲ್ ಎನ್ನನೆ ಉಂಡೋ, ಅನ್ನನೆ ನಿಂಗಡ ಪಕ್ಕತ್ ಇಪ್ಪಕಲು ನಂಗಡ ಕ್ರಿಯೇಲ್ ಇಪ್ಪಾಂದ್ ಗೊತ್ತಿರಡ್.

2 ಕೊರಿಂಥ 10:9

ನಾನ್ ಕಾಗದತ್‍ರ ಮೂಲಕ ನಿಂಗಳ ಬೊತ್ತ್‌ಚಿಡ್‌ವಂವೊನೆಕೆ ಕಾಟ್‍ವಕ್ ನಾಕ್ ಮನಸ್ಸಿಲ್ಲೆ.

2 ಕೊರಿಂಥ 11:21

ನಂಗ ಬಲ ಇಲ್ಲತಯಿಂಗಳಾನನೆಕೆ, ನಂಗಕ್ ಕ್‍ಟ್ಟ್‌ನ ಅವಮಾನತ್‍ನ ಎಣ್ಣಿಯಂಡುಳ್ಳ; ಒಬ್ಬ ಏದ್ ವಿಷಯತ್‍ಲ್ ದೈರ್ಯವಾಯಿತುಂಡೋ ಅದ್‍ಲ್ ನಾನ್ ಸಹ ದೈರ್ಯವಾಯಿತುಂಡ್; ಇನ್ನನೆ ಬುದ್ದಿ ಇಲ್ಲತಂವೊಂಡನೆಕೆ ತಕ್ಕ್ ಪರ್ಂದಂಡುಳ್ಳ.

2 ಕೊರಿಂಥ 11:6

ನಾನ್ ಚಾಯಿ ತಕ್ಕ್ ಪರಿಯುವಕ್ ಪಡಿಕತೆ ಇಂಜತೇಂಗಿಯು, ಬುದ್ದಿಲ್ ಅನ್ನನೆ ಇಲ್ಲೆ; ಆಚೇಂಗಿ ಈ ವಿಷಯತ್‍ನ ಎಲ್ಲಾ ವಿದತ್‍ಲ್ ನಂಗ ನಿಂಗಕ್ ಚಾಯಿತೆ ಎಣ್ಣಿತುಂಡ್.

2 ಕೊರಿಂಥ 13:3

ಕ್ರಿಸ್ತ ನಾಡಲ್ಲಿ ತಕ್ಕ್ ಪರ್‌ಂದಂಡುಂಡಾಂದ್ ಸಾಕ್ಷಿ ತ್‍ೕಡಿಯಂಡುಳ್ಳಿರಾ? ಅಂವೊ ನಿಂಗಡಲ್ಲಿ ಬಲ ಇಲ್ಲತಂವೊನಾಯಿತ್‌ಲ್ಲೆ, ಶಕ್ತಿ ಉಳ್ಳಂವೊನಾಯಿತ್ ಉಂಡ್.