2 ಕೊರಿಂಥ 1:7 - ಕೊಡವ ಬೈಬಲ್

⁷ ನಿಂಗ ಸಹ ನಂಗಡ ಕೂಡೆ ಕಷ್ಟ ಅನುಬವಿಚಿಡುವಗುಂಡ್, ನಂಗಡ ಕೂಡೆ ನಿಂಗಕ್ ಸುಕ ಕ್‍ಟ್ಟಿಯಂಡುಂಡ್‍ೕಂದ್ ನಂಗಕ್ ಗೊತ್ತಾಯಿತ್, ನಿಂಗಡ ವಿಷಯತ್‍ಲ್ ನಂಗಕ್ ದೃಡವಾನ ನಿರೀಕ್ಷೆ ಉಂಡ್.

2 ಕೊರಿಂಥ 1:7 ပူးပေါင်းရင်းမြစ်များ

ಮತ್ತಾಯ 23:30

ನಂಗ ಪೆರಿಯಯಿಂಗಡ ಕಾಲತ್‍ಲ್ ಇಂಜಿತುಂಡೇಂಗಿ ಅಯಿಂಗಡ ಕೂಡೆ ಪ್ರವಾದಿಯಂಗಳ ಕೊಂದ ಪಾಪತ್‍ಲ್ ನಂಗ ಪಾಲ್‌ದಾರರಾಯಿತ್ ಇಪ್ಪಕಿಂಜಿಲೇಂದ್ ಎಣ್ಣುವಿರ.

1 ಕೊರಿಂಥ 10:13

ಎಲ್ಲಾ ಮನುಷ್ಯಂಗಕ್ ಬಪ್ಪ ಸೋದನೆನ ಬುಟ್ಟಿತ್ ಬೋರೆ ಏದ್ ಸೋದನೆಯು ನಿಂಗಕ್ ಬಂದಿತ್ತ್‌ಲ್ಲೆ. ದೇವ ನಂಬಿಕಸ್ತನಾಯಿತುಂಡ್. ನಿಂಗಡ ಶಕ್ತಿಕ್ ಮೀರ್‍ನ ಸೋದನೆಕ್ ನಿಂಗ ಒಳಪಡ್‍ವಕ್ ಅಂವೊ ಬುಡುಲೆ. ಆಚೇಂಗಿ, ಆ ಸೋದನೆಯಿಂಜ ತಪ್ಪ್‌ಚಿಡ್‌ವಕ್ ಬಟ್ಟೆ ಕಾಟಿತಪ್ಪ.

2 ಕೊರಿಂಥ 1:14

ಒಡೆಯನಾನ ಯೇಸು ಪುನಃ ಬಪ್ಪ ದಿವಸತ್‍ಲ್, ನಿಂಗಡ ವಿಷಯತ್ ನಂಗ ಹೆಮ್ಮೆ ಪಡ್‌ವನೆಕೆ, ನಿಂಗಳು ಸಹ ನಂಗಡ ವಿಷಯತ್ ಹೆಮ್ಮೆ ಪಡ್‍ವಿರಾಂದ್ ಚೆನ್ನಮಟ್ಟಕ್ ನಿಂಗ ಒತ್ತಂಡುಳ್ಳಿರಲ್ಲ.

2 ಕೊರಿಂಥ 12:20

ನಾನ್ ಬಪ್ಪಕ, ನಿಂಗ ಎನ್ನನೆ ಇಕ್ಕಂಡೂಂದ್ ನಾನ್ ಗೇನ ಮಾಡಿಯಂಡ್ ಉಂಡೋ ಅನ್ನನೆ ನಿಂಗ ಇಪ್ಪುಲೇಂದು ಪಿಂಞ ನಿಂಗ ಗೇನ ಮಾಡಿಯಂಡುಳ್ಳನೆಕೆ ನಾನ್ ಇಪ್ಪುಲೆಯೋಂದು ನಾಕ್ ಪೋಡಿ ಉಂಡ್. ನಿಂಗಡ ಮದ್ಯತ್‍ಲ್ ಪಗೆ, ವೈರಾಗ್ಯ, ಚೆಡಿ, ತರ್ಕ, ಒಟ್ಟೆಕಿಚ್ಚ್, ಒಬ್ಬಂಡ ಮೇಲೆ ಒಬ್ಬ ಕುತ್ತ ಪರಿವದ್, ಬೋಂಡತ ವೈರಾಗ್ಯ, ಕಲಹ ಇನ್ನತಾನೆಲ್ಲ ಇಪ್ಪಾಂದ್ ನಾಕ್ ಪೋಡಿ ಆಯಂಡುಂಡ್.

2 ಕೊರಿಂಥ 7:9

ಆಚೇಂಗಿಯು ನಿಂಗಕ್ ದುಃಖ ಆಚೀಂದ್ ಕುಶಿ ಪಡತೆ, ನಿಂಗ ದುಃಖ ಪಟ್ಟಿತ್ ಪಶ್ಚಾತಾಪ ಪಟ್ಟಗುಂಡ್ ಇಕ್ಕ ಕುಶಿ ಪಡುವಿ. ಎನ್ನಂಗೆಣ್ಣ್‌ಚೇಂಗಿ ದೇವಡ ಚಿತ್ತತ್‍ರನೆಕೆ ದುಃಖ ಪಟ್ಟಗುಂಡ್, ನಂಗಡಗುಂಡ್ ನಿಂಗಕ್ ಏದ್ ನಷ್ಟವು ಆಯಿತಿಲೆಲ್ಲ.

2 ತಿಮೊಥೆಯ 2:12

ನಂಗ ಅಂವೊಂಡ ಕೂಡೆ ಕಷ್ಟಪಟ್ಟತೇಂಗಿ ನಂಗ ಸಹ ಅಂವೊಂಡ ಕೂಡೆ ಆಳು‍ವೆ ಮಾಡ್‌ವ, ನಂಗ ಯೇಸುನ ಗೊತ್ತ್‌ಲ್ಲೇಂದ್ ಎಣ್ಣ್‌ಚೇಂಗಿ ಅಂವೊ ಸಹ ನಂಗಳ ಗೊತ್ತ್‌ಲ್ಲೇಂದ್ ಎಣ್ಣುವ.

2 ತಿಮೊಥೆಯ 3:11

ಅಂತಿಯೋಕ್ಯ, ಇಕೋನ್ಯ ಪಿಂಞ ಲುಸ್ತ್ರ ಎಣ್ಣುವ ಪಟ್ಟಣತ್‍ಲ್ ನಾಕ್ ನಡ್ಂದ ದೇವಡ ವಿಷಯಕಾಯಿತ್ ಕ್‍ಟ್ಟ್‌ನ ಹಿಂಸೆ ಪಿಂಞ ಕಷ್ಟವೆಲ್ಲ ನೀಕ್ ಚಾಯಿತೆ ಗೊತ್ತುಂಡ್. ಅಂತು, ದೇವ ನನ್ನ ಈ ಎಲ್ಲಾ ಕಷ್ಟತ್ಂಜ ಬಚಾವ್ ಮಾಡ್‍ಚಿ.

ಯಾಕೋಬ 1:12

ಸೋದನೆನ ಸಹಿಸುವ ಮನುಷ್ಯ ಆಶೀರ್ವಾದ ಪಡ್ಂದಂವೊ; ಎನ್ನಂಗೆಣ್ಣ್‌ಚೇಂಗಿ ಅಂವೊ ಚೋತ್‍ಪೋಯಿತಿಲ್ಲೇಂದ್ ಗೊತ್ತಾನ ಪಿಂಞ, ದೇವನ ಪ್ರೀತಿಚಿಡ್‌ವಯಿಂಗಕಾಯಿತ್ ದೇವ ವಾಗ್ದಾನ ಮಾಡ್‍ನ ನಿತ್ಯ ಜೀವತ್‍ರ ಕಿರೀಟ ಅಂವೊಂಗ್ ಕ್‍ಟ್ಟ್‌ವ.

ಪ್ರಕಟನೆ 1:9

ನಿಂಗಡ ಅಣ್ಣನು, ಯೇಸುಕಾಯಿತ್ ಬಪ್ಪ ಹಿಂಸೆಕು, ಅಂವೊಂಡ ರಾಜ್ಯಕು, ಅಂವೊಂಡ ಪೊರುಮೆಕು ನಿಂಗಡ ಕೂಡೆ ಪಾಲ್‍ದಾರನಾಯಿತುಳ್ಳ ಯೋಹಾನನಾನ ನಾನ್ ದೇವಡ ವಾಕ್ಯಕಾಯಿತು, ಯೇಸುರ ವಿಷಯತ್ ಸಾಕ್ಷಿಕಾಯಿತು ಪತ್ಮೊಸ್ ಎಣ್ಣುವ ದ್ವೀಪತ್‍ಲ್ ಇಂಜ.