2 ಕೊರಿಂಥ 1:6 - ಕೊಡವ ಬೈಬಲ್

⁶ ಆನಗುಂಡ್, ನಂಗ ಹಿಂಸೆ ಪಟ್ಟತೇಂಗಿಯು, ಅದ್ ನಿಂಗಡ ಸುಕಕು ರಕ್ಷಣೆಕು ಆಯಿತ್‌ಪ್ಪ; ನಂಗಕ್ ಸಮಾದಾನ ಕ್‍ಟ್ಟ್‌ಚೇಂಗಿಯು ಅದ್ ಸಹ ನಿಂಗಡ ಸಮಾದಾನಕು ರಕ್ಷಣೆಕು ಆಯಿತ್‌ಪ್ಪ; ನಂಗ ಕಷ್ಟಪಡ್‌ವನೆಕೆ ನಿಂಗಳು ಕಷ್ಟಪಟ್ಟಿತ್ ಸಹಿಸಿಯಂಡ್ ಉಳ್ಳಗುಂಡ್, ಆ ರಕ್ಷಣೆ ಫಲ ತಂದಂಡುಂಡ್.

2 ಕೊರಿಂಥ 1:6 ပူးပေါင်းရင်းမြစ်များ

ಅಪೊಸ್ತಲ 21:5

ಆಚೇಂಗಿ, ಹಡಗ್ ಅಲ್ಲಿಂಜ ಪೊರಡ್‌ವ ಸಮಯ ಬಪ್ಪಕ, ಅಯಿಂಗೆಲ್ಲಾರು ಪೊಣ್ಣ್ ಮಕ್ಕಡ ಕೂಡೆ ಪಟ್ಟಣತ್‍ರ ಕಡೇಕತ್ತನೆ ನಂಗಡ ಕೂಡೆ ಬಾತ್. ನಂಗ ಕಡಕರೆಲ್ ಮೊಣಕಾಲ್ ಇಟ್ಟಿತ್ ಪ್ರಾರ್ಥನೆ ಮಾಡ್‍ಚಿ.

ರೋಮ್ 8:28

ಇದ್‍ಲ್ಲತೆ, ಅಂವೊಂಡ ತೀರ್ಮಾನತ್‍ರ ಪ್ರಕಾರ ಕಾಕ್‍ನಯಿಂಗಳಾಯಿತ್, ಅಂವೊನ ಪ್ರೀತಿಚಿಡ್‌ವಯಿಂಗಕ್ ಎಲ್ಲಾ ನಲ್ಲದಾಯಿತೇ ದೇವ ಮಾಡ್‌ವಾಂದ್ ನಂಗಕ್ ಗೊತ್ತುಂಡ್.

2 ಕೊರಿಂಥ 1:4

ಎಂತ ಕಷ್ಟತ್‍ಲ್ ಇಂಜತೇಂಗಿಯು ಅಯಿಂಗಳ ಸಮಾದಾನ ಮಾಡ್‌ವಕ್ ಬಲ ಉಳ್ಳಯಿಂಗಳಾಯಿತ್ ನಂಗ ಬೊಳಿಯುವನೆಕೆ, ನಂಗಕ್ ಬಪ್ಪ ಎಲ್ಲಾ ಕಷ್ಟತ್‍ಲು, ದೇವ ಮಾತ್ರ ನಂಗಕ್ ಸಮಾದಾನ ತಂದಂಡುಂಡ್.

2 ಕೊರಿಂಥ 12:15

ಆನಗುಂಡ್, ನಾನ್ ನಿಂಗಡಲ್ಲಿ ಎಚ್ಚಕ್ ಜಾಸ್ತಿಯಾಯಿತ್ ಪ್ರೀತಿ ಮಾಡಿಯಂಡ್ ಉಂಡೋ, ಅಚ್ಚಕ್ ಕಮ್ಮಿಯಾಯಿತ್ ನಿಂಗ ನನ್ನ ಪ್ರೀತಿ ಮಾಡ್‍ಚೇಂಗಿಯು, ನಿಂಗಕಾಯಿತ್ ನಾಡ ಪಕ್ಕ ಉಳ್ಳದ್‍ನ ಕೊಡ್‌ಪಕು, ನನ್ನ ಸಹ ಕೊಡ್‌ಪಕು ದುಂಬ ಕುಶಿ ಪಡುವಿ.

2 ಕೊರಿಂಥ 5:5

ಇದ್ಂಗಾಯಿತೇ, ಅಂವೊ ನಂಗಕಾಯಿತ್ ಮಾಡ್‌ವದ್‍ನ ಪಡೆಯುವಕ್, ದೇವನೇ ನಂಗಳ ತಯಾರ್ ಮಾಡಿತ್, ಅಂವೊನೇ ಪವಿತ್ರಾತ್ಮತ್‍ನ ನಂಗಡ ಸಂಚಕಾರವಾಯಿತ್ ತಂದಿತುಂಡ್.

ಎಫೆಸ 3:1

ಇದ್ಂಗಾಯಿತ್ ಪೌಲನಾನ ನಾನ್, ಯೆಹೂದ್ಯಂಗಲ್ಲತಯಿಂಗಳಾನ ನಿಂಗಳಗುಂಡ್, ಕ್ರಿಸ್ತ ಯೇಸುಕಾಯಿತ್ ಕೈದಿಯಾಯಿತ್ ಉಳ್ಳ.

ಎಫೆಸ 3:13

ಆನಗುಂಡ್, ನಿಂಗಡಗುಂಡ್ ನಾನ್ ಅನುಬವಿಚಿಡುವ ಹಿಂಸೆಕಾಯಿತ್ ನಿಂಗ ತಳ್ಂದ್ ಪೋಕತೆ ಇರಂಡೂಂದ್ ನಾನ್ ನಿಂಗಳ ಬೋಡುವಿ. ಇದೆಲ್ಲ ನಿಂಗಡ ನಲ್ಲದ್‍ಕಾಯಿತೇ ಆಯಂಡುಂಡ್.

ಫಿಲಿಪ್ಪಿ 1:19

ನಿಂಗಡ ಪ್ರಾರ್ಥನೆ ಪಿಂಞ ಯೇಸು ಕ್ರಿಸ್ತಂಡ ಆತ್ಮತ್‍ರ ಸಹಾಯತ್‍ಲ್ ನಾಡ ಬುಡ್‌ಗಡೆಕ್‌ ಬಟ್ಟೆ ಆಪಾಂದ್ ನಾಕ್ ಗೊತ್ತುಂಡ್.

2 ತಿಮೊಥೆಯ 2:10

ಆಂಗಾಯಿತ್ ಗೊತ್ತ್ ಮಾಡಿತುಳ್ಳಯಿಂಗಕ್ ಯೇಸು ಕ್ರಿಸ್ತಂಡಿಂಜ ಕ್‍ಟ್ಟ್‌ವ ರಕ್ಷಣೆ ನಿತ್ಯ ಮಹಿಮೆಲ್ ಅಯಿಂಗಕ್ ಸಹ ಕ್‍ಟ್ಟ್‌ವನೆಕೆ ನಾನ್ ಎಲ್ಲಾನ ಅಯಿಂಗಕಾಯಿತ್ ಸಹಿಸಿಯಂಡುಂಡ್.