2 ಕೊರಿಂಥ 1:18 - ಕೊಡವ ಬೈಬಲ್

¹⁸ ನಾನ್ ನಿಂಗಕ್ ಎಣ್ಣ್‌ನ ತಕ್ಕ್ ಒರ್ ಕುರಿ ಅಕ್ಕೂಂದು ಇಂಞೊರ್ ಕುರಿ ಇಲ್ಲೇಂದು ಇಂಜಿತ್‌ಲ್ಲೆ, ಅದ್ಂಗ್ ಸತ್ಯವಂತ ದೇವ ಸಾಕ್ಷಿಯಾಯಿತುಂಡ್.

2 ಕೊರಿಂಥ 1:18 ပူးပေါင်းရင်းမြစ်များ

ಯೋಹಾನ 7:28

ಅನ್ನನೆ, ಯೇಸು ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಪ್ಪಕ: ನಿಂಗಕ್ ನಾನ್ ದಾರ್‍ೕಂದ್ ಗೊತ್ತುಂಡ್, ನಾನ್ ಎಲ್ಲಿಂಜ ಬಾತ್‍ೕಂದು ಗೊತ್ತುಂಡ್; ನಾನ್ ನಾಡ ಸ್ವಂತವಾಯಿತ್ ಬಂದಿತ್‌ಲ್ಲೆ, ನನ್ನ ಅಯಿಚಂವೊ ಸತ್ಯವಂತಂವೊ, ಅಂವೊನ ನಿಂಗಕ್ ಗೊತ್ತ್‌ಲ್ಲೆ.

ಯೋಹಾನ 8:26

ನಿಂಗಡ ವಿಷಯತ್ ಎಣ್ಣುವಕು, ನಿಂಗಡ ಮೇಲೆ ಕಂಡನೆ ಮಾಡ್‌ವಕು ನಾಕ್ ದುಂಬ ವಿಷಯ ಉಂಡ್. ನನ್ನ ಅಯಿಚಂವೊ ಸತ್ಯವಂತಂವೊ, ನಾನ್ ಅಂವೊಂಡಿಂಜ ಕ್‍ೕಟದ್‍ನೆಲ್ಲ ಈ ಲೋಕಕ್ ಎಣ್ಣಿಯಂಡ್ ಉಳ್ಳ್‌ಂದ್ ಎಣ್ಣ್‌ಚಿ.

1 ಕೊರಿಂಥ 1:9

ನಂಗಡ ಒಡೆಯನಾಯಿತುಳ್ಳ ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಇಪ್ಪಕ್ ನಿಂಗಳ ಕಾಕ್‍ನ ದೇವ ಸತ್ಯವುಳ್ಳಂವೊನಾಯಿತುಂಡ್.

2 ಕೊರಿಂಥ 1:23

ನಿಂಗಳ ನಾನ್ ಜೋರ್ ಮಾಡತನೆಕೆ ಇಪ್ಪಕಾಯಿತೇ ಇಲ್ಲಿಕತ್ತನೆ ಕೊರಿಂಥ ಪಟ್ಟಣಕ್ ಬಂತ್‌ಲ್ಲೇಂದ್ ದೇವಡ ಮೇಲೆ ನಾಡ ಸಾಕ್ಷಿಯಾಯಿತ್ ಎಣ್ಣ್‌ವಿ.

2 ಕೊರಿಂಥ 11:31

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ದೇವನಾಯಿತು ಅಪ್ಪನಾಯಿತು ಎಕ್ಕಾಲು ತುದಿನ ಪಡ್ಂದಂವೊನಾಯಿತ್ ಉಳ್ಳ ಅಂವೊಂಗ್ ನಾನ್ ಪೊಟ್ಟ್ ಪರ್ಂದಂಡಿಲ್ಲೇಂದ್ ಗೊತ್ತುಂಡ್.

2 ಕೊರಿಂಥ 2:17

ದುಂಬ ಜನತ್‍ರನೆಕೆ, ನಂಗಕ್ ಲಾಬ ಕ್‍ಟ್ಟ್‌ವಕಾಯಿತ್ ದೇವಡ ವಾಕ್ಯತ್‍ನ ಕಲಪ್‍ಲ್ ಬೋದನೆ ಮಾಡತೆ, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್, ನಂಬಿಕಸ್ತಂಗಳಾಯಿತ್, ದೇವ ಅಯಿಚಯಿಂಗಳಾಯಿತ್, ದೇವಡ ಮಿಂಞತ್‍ಲ್ ತಕ್ಕ್ ಪರ್ಂದಂಡುಂಡ್.

2 ಕೊರಿಂಥ 6:8

ಜನ ನಂಗಳ ಗನ ಪಡ್‍ತ್‍ಚೇಂಗಿಯು, ಗನ ಪಡ್‍ತತೆ ಪೋಚೇಂಗಿಯು, ಕೆಟ್ಟ ಪೆದ ಕ್‍ಟ್ಟ್‌ಚೇಂಗಿಯು, ನಲ್ಲ ಪೆದ ಕ್‍ಟ್ಟ್‌ಚೇಂಗಿಯು ದೇವಕ್ ಸೇವೆ ಮಾಡಿಯಂಡುಂಡ್. ಕಳ್ಳಂಗಾಂದ್ ಎಣ್ಣ್‌ಚೇಂಗಿಯು ಸತ್ಯವಂತಯಿಂಗಳಾಯಿತ್ ನಡ್ಂದಂಡುಂಡ್.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.

ಪ್ರಕಟನೆ 3:14

ಲವೊದಿಕೀಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ನಂಬಿಕಸ್ತನು, ಸತ್ಯವಂತನು, ದೇವಡ ಸೃಷ್ಟಿಕ್ ಆದ್ಯವಾಯಿತು ಉಳ್ಳ ಆಮೆನ್ ಎಣ್ಣ್‌ವಂವೊ ಎಣ್ಣಿಯಂಡುಳ್ಳ.

ಪ್ರಕಟನೆ 3:7

ಫಿಲದೆಲ್ಫಿಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಪವಿತ್ರವಾನಂವೊನು, ನೇರಾನಂವೊನು, ದಾವೀದಂಡ ಬೀತ್‍ಕೈ ಉಳ್ಳಂವೊನು, ಏದು ಒರ್ ಮನುಷ್ಯನು ಮುಚ್ಚ್‌ವಕ್ ಕಯ್ಯತನೆಕೆ ತೊರ್‌ಪಂವೊನು, ಏದು ಒರ್ ಮನುಷ್ಯನು ತೊರ್‌ಪಕ್ ಕಯ್ಯತನೆಕೆ ಬೀಗ ಇಡ್‌ವಂವೊನು ಎಣ್ಣಿಯಂಡುಳ್ಳ.