2 ಕೊರಿಂಥ 1:11 - ಕೊಡವ ಬೈಬಲ್

¹¹ ನಿಂಗ ನಿಂಗಡ ಪ್ರಾರ್ಥನೆರ ಮೂಲಕ ನಂಗಕ್ ಸಹಾಯ ಮಾಡಂಡು. ಅಕ್ಕ, ನಂಗಡ ಬದ್ರತೆಕಾಯಿತ್ ಮಾಡ್‍ನ ಪ್ರಾರ್ಥನೆಕ್ ದೇವ ಉತ್ತರ ಕೊಡ್‌ತಿತ್ ನಂಗಳ ಆಶೀರ್ವಾದ ಮಾಡ್‍ಚೇಂದ್ ದುಂಬ ಜನ ನಂಗಕಾಯಿತ್ ವಂದನೆ ಎಣ್ಣುವ.

2 ಕೊರಿಂಥ 1:11 ပူးပေါင်းရင်းမြစ်များ

ಅಪೊಸ್ತಲ 12:5

ಪೇತ್ರ ಜೈಲ್‍ಲ್ ಇಪ್ಪಕ, ಸಬೆರ ಜನ ಅಂವೊಂಗಾಯಿತ್ ದೇವಡ ಪಕ್ಕ ಎಡೆಬುಡತೆ ಪ್ರಾರ್ಥನೆ ಮಾಡಿಯಂಡಿಂಜತ್.

2 ಕೊರಿಂಥ 4:15

ದೇವಡ ಕೃಪೆ ದುಂಬ ಜನಡ ಪಕ್ಕ ಪೋಯಂಡ್, ದೇವಡ ಮಹಿಮೆಕಾಯಿತ್ ಅಂವೊಂಗ್ ವಂದನೆ ಎಣ್ಣುವದ್ ಅದಿಯಾಯಂಡಿಪ್ಪನೆಕೆ ಇದೆಲ್ಲಾ ನಿಂಗಕಾಯಿತ್ ಆಯಂಡುಂಡ್.

2 ಕೊರಿಂಥ 9:14

ಆನಗುಂಡ್ ದೇವ ನಿಂಗಕ್ ದಾರಾಳವಾಯಿತ್ ಕೊಡ್‍ತ ಕೃಪೆಕಾಯಿತ್ ನಿಂಗಕ್ ಪ್ರಾರ್ಥನೆ ಮಾಡಿತ್, ನಿಂಗಡ ಮೇಲೆ ದುಂಬ ಪ್ರೀತಿಲ್ ಇಪ್ಪ.

ಫಿಲಿಪ್ಪಿ 1:19

ನಿಂಗಡ ಪ್ರಾರ್ಥನೆ ಪಿಂಞ ಯೇಸು ಕ್ರಿಸ್ತಂಡ ಆತ್ಮತ್‍ರ ಸಹಾಯತ್‍ಲ್ ನಾಡ ಬುಡ್‌ಗಡೆಕ್‌ ಬಟ್ಟೆ ಆಪಾಂದ್ ನಾಕ್ ಗೊತ್ತುಂಡ್.

ಕೊಲೊಸ್ಸೆ 4:3

ನಂಗ ಕ್ರಿಸ್ತಂಡ ಗುಟ್ಟ್‌ನ ಅರಿಚಿಡ್‍ವಕಾಯಿತ್ ದೇವ ಪಡಿ ತೊರ್‌ಕಂಡೂಂದ್ ನಂಗಕ್ ಸಹ ಪ್ರಾರ್ಥನೆ ಮಾಡಿ. ಅದ್‍ನ ಎಣ್ಣ್‌ನ ಕಾರಣಕಾಯಿತೇ ಇಕ್ಕ ನಾನ್ ಕೈದಿಯಾಯಿತ್ ಜೈಲ್‍ಲ್ ಉಳ್ಳ.

1 ಥೆಸಲೊನೀಕ 5:25

ನಂಗಡ ಅಣ್ಣತಮ್ಮಣಂಗಳೇ, ನಂಗಕಾಯಿತ್ ಪ್ರಾರ್ಥನೆ ಮಾಡಿ.

2 ಥೆಸಲೊನೀಕ 3:1

ನಂಗಡ ಅಣ್ಣತಮ್ಮಣಂಗಳೇ, ಕಡೇಕ್ ನಾನ್ ಎಣ್ಣುವ ವಿಷಯ ಎಂತ ಎಣ್ಣ್‌ಚೇಂಗಿ: ನಿಂಗಡ ಪಕ್ಕ ನಂಗ ಬಂದಿತ್ ದೇವಡ ನಲ್ಲ ಸುದ್ದಿನ ಎಣ್ಣ್‌ವಕ, ಎನ್ನನೆ ಅದ್‍ನ ಎಲ್ಲಾರು ಬೆರಿಯ ನಂಬಿತ್, ಒಡೆಯಂಡ ವಾಕ್ಯ ಪಬ್ಬಿತ್ ಗನಪಡ್‌ವನೆಕೆ, ಬೋರೆ ಜಾಗತ್‍ಲ್ ಸಹ ಪಬ್ಬಿತ್ ಗನಪಡುವಕಾಯಿತ್ ನಿಂಗ ಪ್ರಾರ್ಥನೆ ಮಾಡಿ.

ಫಿಲೆಮೋನ 1:22

ನೀಡ ಪ್ರಾರ್ಥನೆನ ದೇವ ಕ್‍ೕಟಿತ್ ನನ್ನ ನೀಡ ಪಕ್ಕ ಬಪ್ಪಕ್ ಅನುಗ್ರಹ ಮಾಡ್‌ವಾಂದ್ ನಾನ್ ನಂಬಿಯಂಡ್ ಉಳ್ಳ. ಆನಗುಂಡ್ ನಾಕ್ ಒರ್ ಕೋಂಬರೆನ ನೀನ್ ತಯಾರ್ ಮಾಡ್.

ಇಬ್ರಿಯ 13:18

ನಂಗಕಾಯಿತ್ ಪ್ರಾರ್ಥನೆ ಮಾಡಿ; ನಂಗಕ್ ಶುದ್ದ ಮನಸಾಕ್ಷಿ ಉಂಡ್‍ೕಂದ್ ಗೊತ್ತುಂಡ್, ಪಿಂಞ ಎಲ್ಲಾ ವಿಷಯತ್‍ಲು ಯೋಗ್ಯವಾಯಿತ್ ನಡ್‍ಪಕ್ ನಂಗ ಕುಶೀಲ್ ಉಂಡ್.