1 ತಿಮೊಥೆಯ 6:13 - ಕೊಡವ ಬೈಬಲ್

¹³ ಎಲ್ಲಾಂಗ್ ಜೀವ ತಪ್ಪ ದೇವಡ ಮಿಂಞತ್, ಪಿಂಞ ಪೊಂತ್ಯ ಪಿಲಾತಂಡ ಮಿಂಞ ನಿಂದಿತ್ ನೇರಾನ ಸಾಕ್ಷಿನ ಗೊತ್ತ್ ಮಾಡ್‍ನ ಯೇಸು ಕ್ರಿಸ್ತನಗುಂಡ್ ನಾನ್ ನೀಕ್ ಆಜ್ಞೆ ಮಾಡ್‍ವದ್ ಎಂತ ಎಣ್ಣ್‌ಚೇಂಗಿ:

1 ತಿಮೊಥೆಯ 6:13 ပူးပေါင်းရင်းမြစ်များ

ಮತ್ತಾಯ 27:11

ಯೇಸು ಅದಿಪತಿಕ್ ಎದಿಕೆ ನಿಂದಿತ್ಂಜತ್. ಅದಿಪತಿ ಅಂವೊನ ನೋಟಿತ್: ನೀನ್ ಯೆಹೂದ್ಯ ಜನಡ ರಾಜನಾಂದ್ ಕ್‍ೕಟತ್. ಅಕ್ಕು, ನೀನ್ ಎಣ್ಣ್‌ನನೆಕೇಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 27:2

ಅಂವೊನ ಕೆಟ್ಟುವಂಜಿ, ಕಾಕಿಯಂಡ್ ಪೋಯಿತ್ ರೋಮ್ ರಾಜ್ಯಕ್ ಅದಿಪತಿಯಾಯಿತುಳ್ಳ ಪೊಂತ್ಯ ಪಿಲಾತಂಡ ಪಕ್ಕ ಒಪ್ಪ್‌ಚಿಟ್ಟತ್.

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

ಯೋಹಾನ 19:11

ಅಕ್ಕ ಯೇಸು ಅಂವೊಂಗ್: ದೇವ ನೀಕ್ ನಾಡ ಮೇಲೆ ಅದಿಕಾರ ಕೊಡ್‍ಕತೆ ಪೋನಕ ನೀಕ್ ನಾಡ ಮೇಲೆ ಏದ್ ಅದಿಕಾರವು ಇಲ್ಲೆ; ಆನಗುಂಡ್ ನನ್ನ ನೀಡ ಕೈಯಿಲ್ ಪುಡ್‌ಚಿತ್ ಕೊಡ್‍ತಯಿಂಗಕ್ ನೀಕಿಂಜ ದುಂಬ ಪಾಪ ಉಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 5:21

ಅಪ್ಪ, ಚತ್ತ್ ಪೋನಯಿಂಗಳ ಜೀವವಾಯಿತ್ ಎಪ್ಪಿತ್ ಬದ್‍ಕ್‍ಚಿಡ್‌ವನೆಕೆ, ಮೋಂವೊನು ಸಹ ಅಂವೊಂಗ್ ಕುಶಿಯುಳ್ಳಯಿಂಗಳ ಜೀವವಾಯಿತ್ ಎಪ್ಪಿತ್ ಬದ್‍ಕ್‍ಚಿಡ್‌ವ.

ಯೋಹಾನ 5:26

ಎನ್ನಂಗೆಣ್ಣ್‌ಚೇಂಗಿ, ಅಪ್ಪಂಗ್ ಎನ್ನನೆ ಸ್ವಂತವಾಯಿತ್ ಜೀವ ಉಂಡೋ, ಅನ್ನನೆ ಮೋಂವೊಂಗ್ ಸಹ ಸ್ವಂತವಾಯಿತ್ ಜೀವ ಉಳ್ಳನೆಕೆ ಅಂವೊ ಮಾಡಿರ್‌ತ್.

ಅಪೊಸ್ತಲ 17:25

ಅಂವೊನೇ ಎಲ್ಲಾ ಮನುಷ್ಯಂಗಕು ಜೀವ, ಉಸ್‍ರ್ ಪಿಂಞ ಬೋಂಡಿಯಾನ ಎಲ್ಲಾನ ಕೊಡ್‍ಪಂವೊನು ಆನಗುಂಡ್, ತಾಂಗ್ ಒಂದು ಕಮ್ಮಿ ಇಲ್ಲತಗುಂಡ್, ಮನುಷ್ಯಂಗಡ ಕೈಯಿಂಜ ಕೆಲಸ ಮಾಡ್‌ಚಿಡುವಂವೊನಲ್ಲ.

2 ಕೊರಿಂಥ 9:13

ಅಯಿಂಗ ಈ ಪಣದಾನತ್‍ರ ಸಹಾಯತ್‍ನ ಅನುಬವಿಚಿಟ್ಟಿತ್, ನಿಂಗ ಕ್ರಿಸ್ತಂಡ ನಲ್ಲ ಸುದ್ದಿಕ್ ತಗ್ಗಿತ್ ಅರಿಕೆ ಮಾಡ್‍ನಗುಂಡ್, ಅಯಿಂಗಕು ಬೋರೆ ಎಲ್ಲಾರ್‌ಕು ನಿಂಗ ದಾರಾಳವಾಯಿತ್ ದಾನ ಮಾಡ್‍ನಂಗಾಯಿತ್ ದೇವನ ತುದಿಪ.

ಗಲಾತ್ಯ 3:26

ಯೇಸು ಕ್ರಿಸ್ತಂಡ ಮೇಲೆ ನಿಂಗಕ್ ಉಳ್ಳ ನಂಬಿಕೇರಗುಂಡ್ ಇಕ್ಕ ನಿಂಗ ದೇವಡ ಮಕ್ಕಳಾಯಿತ್ ಉಳ್ಳಿರ.

1 ತಿಮೊಥೆಯ 1:12

ದೇವಡ ಸೇವೇನ ಮಾಡ್‌ವಕಾಯಿತ್ ನಾಕ್ ಶಕ್ತಿ ತಂದ ಒಡೆಯನಾನ ಯೇಸು ಕ್ರಿಸ್ತಂಗ್ ವಂದನೆ ಎಣ್ಣ್‌ವಿ. ಅಂವೊಂಗ್ ಸೇವೆ ಮಾಡ್‌ವಕ್ ನನ್ನ ಯೋಗ್ಯನಾಯಿತ್ ಗೇನ ಮಾಡಿತ್, ಅದ್ಂಗ್ ನನ್ನ ನೇಮಿಚಿಟ್ಟಾಂಗ್ ವಂದನೆ ಮಾಡ್‌ವಿ.

1 ತಿಮೊಥೆಯ 1:15

ಪಾಪಿಯಳ ರಕ್ಷಣೆ ಮಾಡ್‌ವಕ್ ಯೇಸು ಬೂಲೋಕಕ್ ಬಾತ್. ಇದ್ ನೇರಾನ ತಕ್ಕ್ ಪಿಂಞ ಎಲ್ಲಾ ಅಂಗಿಕಾರಕೂ ಯೋಗ್ಯವುಳ್ಳದ್; ಎಲ್ಲಾ ಪಾಪಿಯಂಗಕಿಂಜ ಮುಕ್ಯಪಟ್ಟ ಪಾಪಿ ನಾನೇ.

1 ತಿಮೊಥೆಯ 2:5

ದೇವ ಒಬ್ಬನೇ, ದೇವ ಪಿಂಞ ಮನುಷ್ಯಂಗಕ್ ಮದ್ಯಸ್ತನು ಒಬ್ಬನೇ. ಅಂವೊನೇ ಮನುಷ್ಯನಾಯಿತ್ ಬಂದ ಯೇಸು ಕ್ರಿಸ್ತ.

1 ತಿಮೊಥೆಯ 5:21

ನೀನ್ ದಾರ್‌ನು ಮೂಡ್ ನೋಟಿತ್ ನ್ಯಾಯಮಾಡತ, ಪಕ್ಷಪಾತ ಮಾಡತೆ, ನೀನ್ ಇದ್‍ನೆಲ್ಲಾ ಮಾಡಿಯಂಡಿರ್‍ೕಂದ್ ದೇವಡ ಮಿಂಞತ್, ಯೇಸು ಕ್ರಿಸ್ತಂಡ ಪ್ರಸನ್ನತ್‌ಲ್ ಪಿಂಞ ಗೊತ್ತ್ ಮಾಡಿತುಳ್ಳ ದೂತಂಗಡ ಮಿಂಞತ್ ಆಜ್ಞೆ ಮಾಡ್‌ವಿ.

1 ತಿಮೊಥೆಯ 6:12

ನಂಬಿಕೇರ ನಲ್ಲ ಪೋರಾಟತ್‍ನ ಪೋರಾಡ್, ನಿತ್ಯ ಜೀವತ್‍ನ ಗಟ್ಟಿಯಾಯಿತ್ ಪುಡ್‌ಚ; ಇದ್ಂಗಾಯಿತ್ ದೇವ ನಿನ್ನ ಕಾಕಿತುಂಡ್; ಅಕ್ಕ, ನೀನ್ ದುಂಬ ಜನಡ ಮಿಂಞತ್‍ಲ್ ನೀಡ ನಂಬಿಕೇರ ವಿಷಯತ್ ನೇರಾನ ಸಾಕ್ಷಿ ಕೊಡ್‍ತಿತುಳ್ಳಿಯ.

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,

ಪ್ರಕಟನೆ 21:6

ಇದ್‍ಲ್ಲತೆ, ಅಂವೊ ನನ್ನ ನೋಟಿತ್: ಎಲ್ಲಾ ತ್‍ೕಂದತ್, ನಾನ್ ಅಲ್ಫಾವಾಯಿತು ಓಮೆಗವಾಯಿತು, ಆದ್ಯವಾಯಿತು ಆಕೀರಾಯಿತು ಉಳ್ಳ. ಬಾಯರಿಕೆಲ್ ಉಳ್ಳಂವೊಂಗ್, ಜೀವತ್‍ರ ಜಲ ನೀರ್‍ಯಿಂಜ ನಾನ್ ಇನಾಮಾಯಿತ್ ನೀರ್‌ನ ಕುಡಿಪಕ್ ತಪ್ಪಿ.

ಪ್ರಕಟನೆ 22:1

ಪಿಂಞ, ಶುದ್ದವಾನ ತೆಳ್ಂಗ್‍ನ ಜೀವತ್‍ರ ನೀರ್ ಕ್‍ಟ್ಟ್‌ವ ಪೊಳೆನ ನಾಕ್ ಕಾಟ್‍ಚಿ. ಆ ಪೊಳೆ ದೇವಡ ಪಿಂಞ ಕೊರಿಕುಟ್ಟಿಯಾನವೊಂಡ ಸಿಂಹಾಸನತ್ಂಜ ಪೊರಟಿತ್ ಬಾತ್.

ಪ್ರಕಟನೆ 3:14

ಲವೊದಿಕೀಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ನಂಬಿಕಸ್ತನು, ಸತ್ಯವಂತನು, ದೇವಡ ಸೃಷ್ಟಿಕ್ ಆದ್ಯವಾಯಿತು ಉಳ್ಳ ಆಮೆನ್ ಎಣ್ಣ್‌ವಂವೊ ಎಣ್ಣಿಯಂಡುಳ್ಳ.