1 ತಿಮೊಥೆಯ 5:7 - ಕೊಡವ ಬೈಬಲ್

⁷ ದಾರೂ ಅಯಿಂಗಳ ಕುತ್ತ ಪರಿಯತನೆಕೆ, ಈ ತಕ್ಕ್‌ನ ಎಲ್ಲಾರ್‌ಕು ಎಣ್ಣಿ ಕೊಡ್.

1 ತಿಮೊಥೆಯ 5:7 ပူးပေါင်းရင်းမြစ်များ

ಫಿಲಿಪ್ಪಿ 2:15

ಅಕ್ಕ, ದಾರೂ ನಿಂಗಳ ಕುತ್ತ ಪರಿಯುಲೆ. ಮೋಸ ಪಿಂಞ ನೀಚ ಜನ ದುಂಬಿತುಳ್ಳ ಈ ಲೋಕತ್‍ಲ್, ಪಳಪಳಾಂದ್ ಬೊಳಿರನೆಕೆ ಮಿನ್ನಿಯಂಡ್, ಒರ್ ಕಳಂಗ ಪಿಂಞ ಕಪಟತನ ಇಲ್ಲತೆ, ದೇವಡ ಮಕ್ಕಳಾಯಿತ್ ಬದ್‍ಕಂಡು.

1 ತಿಮೊಥೆಯ 1:3

ನಾನ್ ಮಕೆದೋನ್ಯಕ್ ಪೋಯಂಡಿಪ್ಪಕ, ನೀನ್ ಎಫೆಸತ್‍ಲ್ ಇಪ್ಪಂಜಿ, ಕಳ್ಳ ಬೋದನೆ ಮಾಡ್‌ವಯಿಂಗ ಇಂಞು ಮಿಂಞಕ್ ಅದ್‍ನ ಮಾಡತನೆಕೆ ನೀನ್ ಅಯಿಂಗಳ ಎಚ್ಚರ ಮಾಡಂಡೂಂದ್ ನಾನ್ ನೀಕ್ ಒತ್ತಾಯ ಮಾಡ್‍ನ.

1 ತಿಮೊಥೆಯ 4:11

ಇದ್‍ನ ನೀ ಬೋದನೆ ಮಾಡಿತ್, ನೀ ಎಣ್ಣ್‌ವಾನೆಲ್ಲ ಅಯಿಂಗ ಮಾಡ್‌ವಕ್ ಪಡಿಪ್‍ಚಿಡ್.

1 ತಿಮೊಥೆಯ 6:17

ಈ ಲೋಕತ್‍ಲ್ ಐಶ್ವರ್ಯತ್‍ಲ್ ಉಳ್ಳಯಿಂಗ ಗರ್ವತ್‍ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್‍ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್‍ಲ್, ನಂಗ ಅನುಬವಿಚಿಡ್‍ವಕ್, ಎಲ್ಲಾ ನಲ್ಲದ್‍ನ ನಂಗಕ್ ಪೂರ್ತಿಲ್ ಕೊಡ್‍ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.

2 ತಿಮೊಥೆಯ 4:1

ದೇವಡ ಮಿಂಞತ್, ಪಿಂಞ ಬದ್‍ಕಿತುಳ್ಳಯಿಂಗಳ ಪಿಂಞ ಚತ್ತಯಿಂಗಳ ತೀರ್ಪ್ ಮಾಡ್‌ವಕುಳ್ಳ ಯೇಸು ಕ್ರಿಸ್ತಂಡ ಮಿಂಞತ್, ಪಿಂಞ ಅಂವೊ ಪುನಃ ಆಳುವಕ್ ರಾಜಾನಾಯಿತ್ ಬಪ್ಪಕುಳ್ಳ ಪ್ರಸನ್ನತ್‌ಲ್ ನಾನ್ ಇದ್‍ನ ನೀಕ್ ಆಜ್ಞೆ ಮಾಡ್‌ವಿ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:13

ಇನ್ನನೆ ಅಂವೊ ಎಣ್ಣ್‌ನದ್ ಸತ್ಯವಾಯಿತುಂಡ್. ಆನಗುಂಡ್ ಅಯಿಂಗಳ ಜೋರ್ ಮಾಡಿತ್, ಅಯಿಂಗಡ ನಂಬಿಕೇನ ಸ್ತಿರಪಡ್‍ತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:15

ಇದ್‍ನೆಲ್ಲಾ ನೀನ್ ಅಯಿಂಗಕ್ ಬೋದನೆ ಮಾಡಿತ್, ಎಲ್ಲಾ ಅದಿಕಾರತ್‍ಲ್ ಎಚ್ಚರ ಮಾಡ್ ಪಿಂಞ ಪುರ್‌ಡ್ ಕೊಡ್. ದಾರೂ ನೀಡ ಅದಿಕಾರತ್‍ನ ಅಲ್ಲಗೆಳೆಯುವನೆಕೆ ಬುಡತೆ.