1 ತಿಮೊಥೆಯ 5:5 - ಕೊಡವ ಬೈಬಲ್

⁵ ದಾರೂ ಸಹಾಯ ಮಾಡ್‌ವಕ್ ಇಲ್ಲತೆ, ಒರ್ ವಡಿಯ ಚತ್ತ್‌ಪೋನ ಪೊಣ್ಣಾಳ್, ದೇವಡ ಮೇಲೆ ನಂಬಿಕೆ ಬೆಚ್ಚಿತ್, ಬಯಿಟ್ ಪೋಲ್ ದೇವಡ ಪಕ್ಕ ಪ್ರಾರ್ಥನೆ ಮಾಡಿಯಂಡ್, ದೇವ ಸಹಾಯ ಮಾಡ್‌ವಕಾಯಿತ್ ಅವ ಬೋಡಿಯಂಡಿಪ್ಪ.

1 ತಿಮೊಥೆಯ 5:5 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:1

ಯೇಸು ಅಂವೊಂಡ ಶಿಷ್ಯಂಗಕ್, ಅಯಿಂಗ ತಳ್ಂದ್ ಪೋಕತೆ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡ್ ಇಕ್ಕಂಡೂಂದ್ ಒರ್ ಕಥೇರ ರೂಪ ಎಣ್ಣಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:7

ಅನ್ನನೆ, ದೇವ ಗೊತ್ತ್ ಮಾಡ್‍ನಯಿಂಗಡಲ್ಲಿ ಪೋಲ್ ಬಯಿಟ್ ಮೊರೆ ಇಟ್ಟಂಡುಳ್ಳಯಿಂಗಡ ನ್ಯಾಯತ್‍ನ ಕ್‍ೕಟಿತ್ ಅದ್‍ನ ಎಡ್‍ಕತೆ ಇಪ್ಪ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:37

ಇಕ್ಕ ಅವಕ್ ಎಂಬತನಾಲ್ ವಯಸಾಯಿತ್ಂಜತ್. ಅವ ಎಲ್ಲಿಯು ಪೋಕತೆ ದೇವಾಲಯತ್‍ಲ್ ವಾಸ ಮಾಡಿಯಂಡ್, ಪೊಲಾಕ ಬೈಟ್ ದೇವನ ಆರಾದನೆ ಮಾಡಿಯಂಡ್, ಪಟ್ಟಣಿ ನಿಂದಂಡ್, ಪ್ರಾರ್ಥನೆ ಮಾಡಿಯಂಡಿಂಜತ್.

ಅಪೊಸ್ತಲ 26:7

ಇಂಞು ಎಣ್ಣಂಡು ಎಣ್ಣ್‌ಚೇಂಗಿ, ಆ ವಾಗ್ದಾನ ನೆರವೇರ್‌ವಾಂದ್ ನಿರಿಕ್ಷೇಲ್ ನಂಬಿಯಂಡುಳ್ಳ ಕಾರಣಕಾಯಿತ್ ನಂಗಡ ಪನ್ನೆರಂಡ್ ಕುಲತ್‍ರ ಜನವು, ಬಯಿಟ್ ಪೋಲ್ ನೇರಾಯಿತು ಆರಾದನೆ ಮಾಡಿಯಂಡುಂಡ್. ಅಗ್ರಿಪ್ಪ ರಾಜಾನೇ, ಈ ನಿರಿಕ್ಷೇರ ನಂಬಿಕೆಕಾಯಿತೇ ಯೆಹೂದ್ಯಂಗ ನಾಡ ಮೇಲೆ ಕುತ್ತ ಎಣ್ಣಿತುಂಡ್.

ಅಪೊಸ್ತಲ 6:1

ಇನ್ನನೆ ಆಯಂಡಿಂಜ ಕಾಲತ್‍ಲ್, ಯೇಸುನ ನಂಬ್‍ನಯಿಂಗಡ ಸಂಖ್ಯೆ ಬಲ್ಯದಾಯಂಡಿಪ್ಪಕ, ಅಯಿಂಗಡ ಕೂಟ್‌ಲ್ ಗ್ರೀಕ್ ತಕ್ಕ್ ಪರಿಯುವಯಿಂಗ, ಇಬ್ರಿಯ ತಕ್ಕ್ ಪರಿಯುವಯಿಂಗಕ್ ವಿರೋದವಾಯಿತ್ ಗುಣುಗುಟ್ಟಿಯಂಡ್ ಇಂಜತ್. ಗ್ರೀಕ್ ತಕ್ಕ್ ಪರಿಯುವ ಜನ, ಅಯಿಂಗಡ ವಿದವೆಯಂಗಕ್ ದಿನದಿನಕ್ ಬೋಂಡಿಯಾನ ಆಹಾರತ್‍ರ ವಿಷಯತ್‍ಲ್ ಸರಿಯಾಯಿತ್ ನೋಟಿಯಂಡಿಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 9:39

ಪೇತ್ರ ಈ ದಂಡಾಳ್‌ರ ಕೂಡೆ ಪೋಚಿ. ಅಂವೊ ಅಲ್ಲಿ ಪೋಯಿತ್ ಎತ್ತ್‌ನ ಪಿಂಞ ಅಯಿಂಗ ಪೇತ್ರನ ಕೊಡಿಲ್ ಉಳ್ಳ ಕೋಂಬರೇಕ್ ಕಾಕಿಯಂಡ್ ಪೋಚಿ. ಅಲ್ಲಿ ವಿದವೆಯಂಗ ಮೊರಟಂಡ್, ದೊರ್ಕ ಅಯಿಂಗಡ ಕೂಡೆ ಇಪ್ಪಕ ಅಯಿಂಗಕ್ ಮಾಡಿಕೊಡ್‌ತಿತ್ಂಜ ಒಳ್‍ಲ್ ಪಿಂಞ ಪೊರಮೆ ಇಡ್‌ವ ಬಟ್ಟೇನ ಕಾಟಿತ್ ಅಂವೊಂಡ ಸುತ್ತ್‌ಲ್ ನಿಂದತ್.

ಅಪೊಸ್ತಲ 9:41

ಪೇತ್ರ ಅವಕ್ ಕೈಕೊಡ್‍ತಿತ್, ಎಪ್ಪಿತ್ ದೇವಡ ಮಕ್ಕಳ ಪಿಂಞ ವಿದವೆಯಂಗಳ ಕಾಕಿತ್, ಜೀವವಾಯಿತ್ತುಳ್ಳ ಅವಳ ಅಯಿಂಗಡ ಮಿಂಞತ್ ನಿಪ್ಪ್‌ಚಿಟ್ಟತ್.

ರೋಮ್ 1:12

ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೇನ ನಾನ್ ಕಾಂಬಕ ನಾಕ್ ಪುರ್‌ಡ್ ಕ್‍ಟ್ಟುವನೆಕೆ, ನಿಂಗಕು ಸಹ ನಾನ್ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೇನೆ ಕಂಡಿತ್ ಪುರ್‌ಡ್ ಕ್‍ಟ್ಟುವ. ಇನ್ನನೆ ದಂಡಾಳ್‍ಕು ಆಶೀರ್ವಾದ ಆಪ.

ರೋಮ್ 1:5

ಅಂವೊಂಡ ಮೂಲಕ ಅಂವೊಂಡ ಪೆದಕಾಯಿತ್, ನಂಗ ಯೆಹೂದ್ಯಂಗ ಅಲ್ಲತ ಎಲ್ಲಾ ಜನಡ ಮದ್ಯತ್‍ಲ್ ಪೋಯಿತ್ ದೇವಡ ವಿಷಯತ್‍ನ ಪ್ರಚಾರ ಮಾಡ್‌ವಕ್ ಅಪೊಸ್ತಲಂಗಕಾನ ಅದಿಕಾರವು, ಬಾಗ್ಯವು ದೇವ ನಂಗಕ್ ತಂದಿತುಂಡ್. ಅದ್‍ನಗುಂಡ್ ಅಂವೊನ ನಂಬಿತ್, ಅಂವೊಂಗ್ ಬಗ್ಗಿತ್ ದೇವಕ್ ಮಹಿಮೆ ಕೊಂಡ್ ಬಪ್ಪ.

1 ಕೊರಿಂಥ 7:32

ನಿಂಗ ಒರ್ ಬೇಜಾರವು ಇಲ್ಲತಯಿಂಗಳಾಯಿತ್ ಬದ್‍ಕಂಡೂಂದ್ ನಾನ್ ಇನ್ನನೆ ಕುಶೀಲ್ ಎಣ್ಣ್‌ವಿ. ಮಂಗಲ ಕಯಿಕತ ಮನುಷ್ಯ, ಒಡೆಯನ ಎನ್ನನೆ ಇಂಞು ಕುಶಿ ಪಡ್‍ತ್‍ವಕ್ ಕಯ್ಯೂಂದ್ ಒಡೆಯಂಡ ವಿಷಯತ್‍ನ ಗೇನ ಮಾಡಿಯಂಡಿಪ್ಪ.

1 ಕೊರಿಂಥ 7:34

ಅನ್ನನೆ, ಒರ್ ಕನ್ನಿ ಮೂಡಿಕ್ ಪಿಂಞ ಒರ್ ಪೊಣ್ಣ್‌ಕ್ ವ್ಯತ್ಯಾಸ ಉಂಡ್. ಒರ್ ಕನ್ನಿ ಮೂಡಿ ಅವಡ ತಡೀನ, ಆತ್ಮತ್‌ನ ಪವಿತ್ರವಾಯಿತ್ ಕಾಪಾಡಿಯಂಡ್ ಒಡೆಯಂಡ ವಿಷಯತ್‍ನ ಗೇನ ಮಾಡಿಯಂಡಿಪ್ಪ. ಆಚೇಂಗಿ ಒರ್ ಪೊಣ್ಣ್, ಈ ಲೋಕತ್‍ರ ವಿಷಯತ್‍ನೇ ಗೇನ ಮಾಡಿಯಂಡ್, ಅವಡ ವಡಿಯನ ಎನ್ನನೆ ಕುಶಿ ಪಡ್‍ತ್‍ವಕ್ ಕಯ್ಯೂಂದ್ ಗೇನ ಮಾಡಿಯಂಡಿಪ್ಪ.

ಎಫೆಸ 6:18

ನಿಂಗ ಎಲ್ಲಾ ಸಮಯತ್‍ಲು, ಎಲ್ಲಾ ತರತ್‍ರ ಪ್ರಾರ್ಥನೆರ ಮೂಲಕ ಪಿಂಞ ಬೋಡಿಕೆರ ಮೂಲಕ ಎಚ್ಚರ ಎಡ್‍ತಂಡ್, ದುಂಬ ಸ್ತಿರವಾಯಿತ್ ಎಲ್ಲಾ ದೇವಡ ಮಕ್ಕಕಾಯಿತ್ ಪ್ರಾರ್ಥನೆ ಮಾಡಿಯಂಡೇ ಇರಿ.

ಫಿಲಿಪ್ಪಿ 4:6

ನಿಂಗ ಒರ್ ವಿಷಯಕು ಬೇಜಾರ್ ಮಾಡಂಡ, ಅದ್ಂಡ ಬದ್‍ಲ್ ಎಲ್ಲಾ ವಿಷಯಕ್ ದೇವನ ತುದಿಚಂಡ್ ನಿಂಗಡ ಪ್ರಾರ್ಥನೆಲ್ ನಿಂಗಕ್ ಎಂತ ಬೋಂಡೂಂದ್ ಅಂವೊನ ಬೋಡಿತ್ ಕ್‍ೕಳಿ.

1 ತಿಮೊಥೆಯ 2:1

ಮುಕ್ಯವಾಯಿತ್ ನಾನ್ ನಿಂಗಕ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ, ನಿಂಗ ಎಲ್ಲಾ ಜನಕಾಯಿತ್ ಪ್ರಾರ್ಥನೆ ಮಾಡಿಯಂಡ್, ತುದಿಚಂಡ್, ಬೋಡಿಯಂಡ್, ವಂದನೆ ಮಾಡಿಯಂಡ್ ಇರಿ.

1 ತಿಮೊಥೆಯ 5:16

ಯೇಸು ನಂಬುನ ಒರ್ ಪೊಣ್ಣಾಳ್‌ಕ್, ಅವಡ ಮನೆಕಾರಂಗ ದಾರೇಂಗಿ ವಿದವೆಯಂಗ ಉಂಡೇಂಗಿ, ಅವ ಆ ವಿದವೆಯಂಗಕ್ ಸಹಾಯ ಮಾಡಂಡು. ಆ ಬಾರತ್‍ನ ಅವ ಸಬೆರ ಮೇಲೆ ಇಡ್‍ವದ್ ಬೋಂಡ. ಅಕ್ಕ ಒರ್ ಸಬೆ, ನೇರಾಯಿತು ದಾರೂ ಇಲ್ಲತೆ ವಿದವೆಯಂಗಕ್ ಸಹಾಯ ಮಾಡಡ್.

1 ತಿಮೊಥೆಯ 5:3

ದಾರೂ ಇಲ್ಲತೆ, ವಡಿಯ ಚತ್ತ್‌ಪೋನ ಪೊಣ್ಣಾಳ್‌ಕ್ ಸಹಾಯ ಮಾಡ್.

2 ತಿಮೊಥೆಯ 1:3

ನಾನ್ ಬೈಟ್ ಪೋಲ್ ಪ್ರಾರ್ಥನೆ ಮಾಡ್‌ವಕ ನಿನ್ನ ಎಕ್ಕಾಲು ಗೇನ ಮಾಡ್‌ವಿ. ಅದಲ್ಲತೆ ನಾಡ ಮುತ್ತಜ್ಜಂಗ ದೇವಡ ಸೇವೇನೆ ಮಾಡ್‍ನನೆಕೆ, ನಲ್ಲ ಮನಸಾಕ್ಷಿಲ್, ನಾನು ಸೇವೆ ಮಾಡಿಯಂಡ್ ನೀಕಾಯಿತ್ ದೇವಕ್ ವಂದನೆ ಮಾಡ್‌ವಿ.

1 ಪೇತ್ರ 3:5

ಇನ್ನನೆ ಪೂರ್ವ ಕಾಲತ್‍ಲ್, ದೇವಡ ಮೇಲೆ ನಿರೀಕ್ಷೆ ಇಟ್ಟಿತ್ಂಜ ಪವಿತ್ರವಾನ ಪೊಣ್ಣಾಳುವ, ಅಯಿಂಗಡ ವಡಿಯಂಗಡ ಪಕ್ಕ ಅಡಕತ್‍ಲ್ ಇಂಜಿತ್, ಅಯಿಂಗಳ ಈ ಗುಣತ್‍ರಗುಂಡ್ ಅಲಂಗಾರ ಮಾಡ್‍ಚಿ.