1 ತಿಮೊಥೆಯ 5:4 - ಕೊಡವ ಬೈಬಲ್

⁴ ಆಚೇಂಗಿ ಅವಕ್ ಮಕ್ಕ, ಕ್‍ರ್‍ಮಕ್ಕ ಉಂಡೇಂಗಿ, ಅಯಿಂಗ ಆದ್ಯವಾಯಿತ್ ತಾಂಡ ಸ್ವಂತ ಕುಟುಂಬತ್‍ನ ದೇವಡ ಬಕ್ತಿಲ್ ನೋಟಂಡು. ಅನ್ನನೆ ಮಾಡ್‍ಚೇಂಗಿ, ಪೆತ್ತಯಿಂಗ ಮಾಡ್‍ನ ಎಲ್ಲಾ ನಲ್ಲ ಕಾರ್ಯಕ್ ಬದ್‍ಲಾಯಿತ್ ಅಯಿಂಗಳ ಚಾಯಿತೆ ನೋಟ್‍ವಕ್, ಅಯಿಂಗ ಪಡಿಪ. ಇದ್ ದೇವನ ಕುಶಿಪಡ್‌ತ್‌ವ.

1 ತಿಮೊಥೆಯ 5:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 47:12

ಯೋಸೇಫ ತಾಂಡ ಅಪ್ಪಂಗು, ಅಣ್ಣತಮ್ಮಣಂಗಕು, ತಾಂಡ ಅಪ್ಪಂಡ ಮನೆಕಾರ ಎಲ್ಲಾರ್‌ಕು ಅಯಿಂಗಯಿಂಗಡ ಕುಟುಂಬಕ್‌ ಬೋಂಡಿಯಾನ ಆಹಾರತ್‌ನ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 47:28

ಯಾಕೋಬ ಐಗುಪ್ತ ದೇಶತ್‌ಲ್‌ ಪದ್‌ನ್‍ೕಳ್‌ ಕಾಲ ಬದ್‌ಕ್‌ಚಿ. ಅಂವೊ ಒಟ್ಟ್‌ ನೂಟ್ಯ ನಾಪತ್‍ೕಳ್‌ ಕಾಲ ಬದ್‌ಕಿತಿಂಜತ್.

ಜ್ಞಾನತ್‌ರ ಪಡಿಮ 31:28

ಅವಡ ಮಕ್ಕ ಎದ್ದ್‌ನಿಂದಿತ್‌ ಅವಳ ಆಶೀರ್ವಾದ ಪಡ್‌ಂದಂವೋಂದ್‌ ಎಣ್ಣುವ. ಅವಡ ವಡಿಯ ಸಹ ಅವಳ ನೋಟಿತ್: ಹೊಗೊಳುವ,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:51

ಪಿಂಞ, ಅಂವೊ ಅಪ್ಪವ್ವಂಗಡ ಕೂಡೆ ನಜರೇತ್‌ಕ್ ಪೋಯಿತ್, ಅಯಿಂಗಕ್ ಬಗ್ಗ್‌ಚಿಟ್ಟಿತ್ ನಡ್ಂದಂಡಿಂಜತ್. ಈ ವಿಷಯತ್‌ನೆಲ್ಲ ಅಂವೊಂಡ ಅವ್ವ ಅವಡ ಹೃದಯತ್‍ಲ್ ಬೆಚ್ಚತ್.

1 ತಿಮೊಥೆಯ 2:3

ಇನ್ನನೆ ಮಾಡ್‍ವದ್ ನಂಗಡ ರಕ್ಷಕನಾನ ದೇವಡ ಮಿಂಞತ್‍ಲ್ ನಲ್ಲದಾಯಿತು ಕುಶಿ ಆಯಿತು ಉಂಡ್.

1 ತಿಮೊಥೆಯ 5:16

ಯೇಸು ನಂಬುನ ಒರ್ ಪೊಣ್ಣಾಳ್‌ಕ್, ಅವಡ ಮನೆಕಾರಂಗ ದಾರೇಂಗಿ ವಿದವೆಯಂಗ ಉಂಡೇಂಗಿ, ಅವ ಆ ವಿದವೆಯಂಗಕ್ ಸಹಾಯ ಮಾಡಂಡು. ಆ ಬಾರತ್‍ನ ಅವ ಸಬೆರ ಮೇಲೆ ಇಡ್‍ವದ್ ಬೋಂಡ. ಅಕ್ಕ ಒರ್ ಸಬೆ, ನೇರಾಯಿತು ದಾರೂ ಇಲ್ಲತೆ ವಿದವೆಯಂಗಕ್ ಸಹಾಯ ಮಾಡಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:11

ಅಯಿಂಗ ಬೋದನೆ ಮಾಡತನೆಕೆ ಅಯಿಂಗಳ ನಿಪ್ಪ್‌ಚಿಡಂಡು. ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ದುಡ್ಡ್ ಮಾಡ್‌ವಕಾಯಿತ್, ಸತ್ಯ ಅಲ್ಲತ ಬೋದನೆನ ಸರಿಯಾನ ಬೋದನೇಂದ್ ಎಣ್ಣಿತ್, ದುಂಬ ಕುಟಂಬತ್‍ನ ಪಾಳ್‍ಮಾಡಿಯಂಡುಂಡ್.