1 ತಿಮೊಥೆಯ 5:17 - ಕೊಡವ ಬೈಬಲ್

¹⁷ ಸಬೆರ ಜವಾಬ್ದಾರಿನ ಚಾಯಿತೆ ಮಾಡಿಯಂಡುಳ್ಳ ಪೆರಿಯಯಿಂಗಕ್ ದಂಡ್ ಅಳ್‌ತೆಲ್ ಮರ್ಯಾದೆ ಕ್‍ಟ್ಟ್‌ವಕ್ ಯೋಗ್ಯವಾಯಿತುಂಡ್. ಎನ್ನಂಗೆಣ್ಣ್‌ಚೇಂಗಿ ಮುಕ್ಯವಾಯಿತ್ ಅಯಿಂಗ ದುಂಬ ಪ್ರಯತ್ನ ಪಟ್ಟಿತ್ ದೇವಡ ವಾಕ್ಯತ್‍ನ ಚಾಯಿತೆ ಪ್ರಸಂಗ ಮಾಡಿಯಂಡ್ ಪಿಂಞ ಬೋದನೆ ಮಾಡಿಯಂಡುಂಡ್.

1 ತಿಮೊಥೆಯ 5:17 ပူးပေါင်းရင်းမြစ်များ

ಮತ್ತಾಯ 24:25

ಆಚೇಂಗಿ, ನಾನ್ ಇದ್‍ನೆಲ್ಲ ಆಪಕ್ ಮಿಂಞಲೇ ಎಣ್ಣಿ ತಂದಿಯೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:7

ಅದೇ ಮನೆಲ್ ಇಂಜಂಡ್, ಅಯಿಂಗ ತಪ್ಪದ್‍ನ ತಿಂದಂಡ್ ಕುಡ್‌ಚಂಡ್ ಇರಿ; ಒರ್ ಕೆಲಸಕಾರ ಅಂವೊಂಡ ಕೂಲಿಕ್ ಯೋಗ್ಯನಾಯಿತುಂಡ್. ಮನೆಮನೆಕ್ ಸುತ್ತ್‌ವಕ್ ಪೋಕತಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:42

ಅಂವೊಂಗ್ ಯೇಸು: ತಾಂಡ ಮನೆಕಾರಂಗಕ್ ಸರಿಯಾನ ಸಮಯತ್‍ಲ್ ಕೂಲಿ ಕೊಡ್‍ಪನೆಕೆ ಎಜಮಾನ ಅಯಿಂಗಡ ಮೇಲೆ ಅದಿಕಾರಿಯಾಯಿತ್ ನೇಮಿಚಿಡುವಕ್ ನಂಬಿಕಸ್ತನು, ಜ್ಞಾನಿಯೂ ಆನ ಸೇವಕ ದಾರ್?

ಯೋಹಾನ 4:38

ನಿಂಗ ಕಷ್ಟಪಟ್ಟಿತ್ ಕೆಲಸ ಮಾಡತೆ, ಬೊಳೆನ ಕೊಯ್ಯುವಕ್ ನಾನ್ ನಿಂಗಳ ಅಯಿಚಿಯೆ, ಬೋರೆಯಿಂಗ ಕೆಲಸ ಮಾಡ್‍ಚಿ, ಅಯಿಂಗಡ ಕೆಲಸತ್‌ರ ಫಲ ನಿಂಗಕ್ ಕ್‍ಟ್ಟ್‌ಚಿ.

ಅಪೊಸ್ತಲ 11:30

ಅನ್ನನೆ ಅಯಿಂಗ, ಎಲ್ಲಾನ ಕೂಟಿತ್, ಬಾರ್ನಬ ಪಿಂಞ ಸೌಲಂಡ ಕೂಡೆ, ಯೆರೂಸಲೇಮ್‍ಲ್ ಉಳ್ಳ ಸಬೆರ ಪೆರಿಯಯಿಂಗಕ್ ಈ ಸಹಾಯತ್‍ನ ಕೊಡ್‌ತಿತ್ ಅಯಿಚತ್.

ಅಪೊಸ್ತಲ 20:35

ಇನ್ನನೆ ಕಷ್ಟಪಟ್ಟಿತ್, ಇಲ್ಲತಯಿಂಗಕ್ ಸಹಾಯ ಮಾಡ್‌ವಕು, ಪಿಂಞ ಎಡ್‍ಪಕಿಂಜ ಕೊಡ್‌ಪದೇ ಬಲ್ಯ ಆಶೀರ್ವಾದಾಂದ್ ಒಡೆಯನಾನ ಯೇಸು ಎಣ್ಣ್‌ನನೆಕೆ, ಗೇನಮಾಡಂಡೂಂದ್ ಎಲ್ಲಾ ವಿಷಯತ್‍ಲ್ ನಾನ್ ನಿಂಗಕ್ ಉದರಾಣೆಯಾಯಿತ್ ಇಂಜ.

ಅಪೊಸ್ತಲ 28:10

ಅಯಿಂಗೆಲ್ಲರು ನಂಗಳ ಬಾರಿ ಚಾಯಿ ಉಪಚಾರ ಮಾಡ್‍ನದ್ ಅಲ್ಲತೆ ನಂಗ ಅಲ್ಲಿಂಜ ಪೊರಡ್‍ವಕ, ನಂಗಡ ಪ್ರಯಾಣಕ್ ಬೋಂಡಿಯಾನ ಎಲ್ಲಾನ ಕೊಂಡ್‌ಬಂತ್ ಹಡಗ್‍ಲ್ ಬೆಚ್ಚತ್.

ರೋಮ್ 12:8

ಪುರ್‌ಡ್ ಕೊಡ್‍ಪ ವರ ಎಣ್ಣ್‌ಚೇಂಗಿ, ಅಂವೊ ಪುರ್‌ಡ್ ಕೊಡ್‌ಕಡ್; ಬೋರೆಯಿಂಗಡ ಅವಸ್ಯಕ್ ಸಹಾಯ ಮಾಡ್‌ವ ವರ ಎಣ್ಣ್‌ಚೇಂಗಿ, ಅಂವೊ ದಾರಾಳವಾಯಿತ್ ಸಹಾಯ ಮಾಡಡ್; ತಕ್ಕಾಮೆರ ವರ ಎಣ್ಣ್‌ಚೇಂಗಿ, ಅಂವೊ ಅದ್‍ನ ಜಾಗ್ರತೆಲ್ ಮಾಡಡ್. ಕರುಣೆ ಕಾಟುವ ವರ ಎಣ್ಣ್‌ಚೇಂಗಿ, ಅಂವೊ ಅದ್‍ನ ಕುಶೀಲ್ ಮಾಡಡ್.

ರೋಮ್ 15:27

ಇನ್ನನೆ ಮಾಡ್‍ವದ್ ನಲ್ಲದ್‍ೕಂದ್ ಅಯಿಂಗ ಗೇನಮಡ್‍ಚಿ; ಇನ್ನನೆ ಮಾಡ್‌ವಕ್ ಅಯಿಂಗಕ್ ಜವಾಬ್ದಾರಿಯು ಉಂಡ್. ಎನ್ನಂಗೆಣ್ಣ್‌ಚೇಂಗಿ, ಯೆಹೂದ್ಯ ಅಲ್ಲತಯಿಂಗ ಯೆಹೂದ್ಯಂಗಡ ಆತ್ಮೀಯ ಆಶೀರ್ವಾದತ್‍ಲ್ ಪಾಲ್‍ದಾರಂಗಳಾಯಿತ್‌ಪ್ಪಕ, ಲೋಕತ್‍ರ ಆಶೀರ್ವಾದತ್‍ಲ್ ಅಯಿಂಗಕ್ ಪಾಲ್ ಮಾಡ್‌ವಕ್ ಜವಾಬ್ದಾರಿ ಉಂಡಲ್ಲ?

ರೋಮ್ 16:12

ಒಡೆಯಂಡಲ್ಲಿ ಕಷ್ಟಪಟ್ಟಿತ್ ಸೇವೆ ಮಾಡ್‌ವ ತ್ರುಫೈನ ಪಿಂಞ ತ್ರುಫೋಸಳಕು ವಂದನೆ ಎಣ್ಣಿ. ಒಡೆಯಂಡಲ್ಲಿ ದುಂಬ ಕಷ್ಟಪಟ್ಟಿತ್ ಸೇವೆ ಮಾಡ್‌ವ ಪ್ರೀತಿರ ಪೆರ್ಸೀಸ್‍ಕ್ ವಂದನೆ ಎಣ್ಣಿ.

1 ಕೊರಿಂಥ 15:10

ಆಚೇಂಗಿ ನಾನ್ ಇಕ್ಕ ಇಪ್ಪದ್ ದೇವ ನಾಡ ಮೇಲೆ ಕಾಟ್‍ನ ಕೃಪೆ ಮಾತ್ರ. ಅಂವೊ ನಾಡ ಮೇಲೆ ಕಾಟ್‍ನ ಕನಿಕರ ಪಾಳಾಯಿ ಪೋಯಿತ್ತ್‌ಲ್ಲೆ. ಅದ್ಂಡ ಬದ್‍ಲ್ ಅಯಿಂಗ ಎಲ್ಲಾಕಿಂಜ ನಾನ್ ದುಂಬ ಕೆಲಸ ಮಾಡಿಯೆ, ಆಚೇಂಗಿಯು ನನ್ನಗುಂಡ್ ಅನ್ನನೆ ಆಪಕಿಂಜಿಲೆ. ನಾಡ ಮೇಲೆ ಉಳ್ಳ ದೇವಡ ಕೃಪೇನಗುಂಡ್ ನಾನ್ ಅನ್ನನೆ ಮಾಡ್‍ವಕಾಚಿ.

1 ಕೊರಿಂಥ 16:16

ಇನ್ನನೆ ಉಳ್ಳಯಿಂಗಕು, ಅಯಿಂಗಡ ಕೂಡೆ ದೇವಡ ಸೇವೇನ ಕಷ್ಟಟತ್‍ಲ್ ಮಾಡಿಯಂಡುಳ್ಳ ಸೇವಕಂಗಕೂ, ಅಯಿಂಗ ಎಣ್ಣ್‌ವಾನ ಕ್‍ೕಟಿತ್ ಅದ್ಂಗ್ ಬಗ್ಗಿತ್ ನಡ್‍ಕಂಡೂಂದ್ ನಿಂಗಕ್ ಬುದ್ದಿ ಎಣ್ಣ್‌ವಿ.

1 ಕೊರಿಂಥ 3:9

ಎನ್ನಂಗೆಣ್ಣ್‌ಚೇಂಗಿ ನಂಗ ದಂಡಾಳು ದೇವಡ ಸೇವೇಲ್ ಪಾಲ್‍ದಾರಂಗಳಾಯಿತ್ ಉಂಡ್; ನಿಂಗ ದೇವಡ ಬೇಲ್ ಆಯಿತು, ದೇವಡ ಕಟ್ಟಡವಾಯಿತೂ ಉಳ್ಳಿರ.

2 ಕೊರಿಂಥ 6:1

ದೇವಡ ಕೃಪೇನ ನಿಂಗ ಸ್ವೀಕಾರ ಮಾಡ್‍ನ ಪಿಂಞ ಅದ್‍ನ ಪ್ರಯೋಜನ ಇಲ್ಲತನೆಕೆ ಮಾಡ್‌ವಕ್ಕಾಗಾಂದ್ ದೇವಡ ಕೂಡೆ ಸೇವೆ ಮಾಡ್‌ವಯಿಂಗಳಾನ ನಂಗ ನಿಂಗಕ್ ಬುದ್ದಿ ಎಣ್ಣುವ.

ಗಲಾತ್ಯ 6:6

ಅದಲ್ಲತೆ, ಬೋದನೆನ ಕ್‍ೕಪಯಿಂಗ, ದೇವಡ ವಾಕ್ಯತ್‍ನ ಬೋದನೆ ಮಾಡ್‍ನಯಿಂಗಕ್ ಅಯಿಂಗಡ ಎಲ್ಲಾ ನಲ್ಲದ್ಂಜ ಪಾಲ್ ಮಾಡಂಡು.

ಫಿಲಿಪ್ಪಿ 2:16

ಜೀವ ತಪ್ಪ ದೇವಡ ತಕ್ಕ್‌ನ ಗಟ್ಟಿಯಾಯಿತ್ ಪುಡ್‍ಚೊಳಿ! ಯೇಸು ಕ್ರಿಸ್ತ ತಿರಿತ್ ಬಪ್ಪ ದಿವಸತ್‍ಲ್ ನಾಕ್ ನಿಂಗಡ ಮದ್ಯತ್‍ಲ್ ಕ್‍ಟ್ಟ್‌ನ ಕಷ್ಟನಷ್ಟ ಒಂದು ಪಾಳಾಯಿ ಪೋಯಿತ್‌ಲ್ಲೇಂದ್ ನಾಕ್ ಕುಶಿ ಆಪ.

ಫಿಲಿಪ್ಪಿ 2:29

ಆನಗುಂಡ್, ಒಡೆಯಂಡ ಪ್ರೀತಿಲ್ ದುಂಬಿತ್, ಅಂವೊನ ಚಾಯಿತೆ ಸತ್ಕಾರ ಮಾಡಿತ್, ಇನ್ನನೆ ಉಳ್ಳಯಿಂಗಕ್ ಕೊಡ್‍ಪ ಮರ್ಯಾದೆನ ಕೊಡ್‍ಕಂಡು.

ಫಿಲಿಪ್ಪಿ 4:3

ನಾಡ ಕೂಡೆ ಸೇವೇಲ್ ಇಂಜ ಸತ್ಯತ್‍ರ ಕೂಟಾಳಿಯೇ, ಈ ದಂಡ್ ಪೊಣ್ಣಾಳ್‍ವಳ ಸಮಾದಾನತ್‍ಲ್ ಇಪ್ಪಕ್ ಸಹಾಯ ಮಾಡ್‍ೕಂದ್ ನಿನ್ನ ಬೋಡುವಿ. ಎನ್ನಂಗೆಣ್ಣ್‌ಚೇಂಗಿ, ಕ್ಲೇಮೆನ್ಸ್ ಪಿಂಞ ಬೋರೆ ನಾಡ ಕೂಡೆ ಸೇವೆ ಮಾಡ್‌ವಯಿಂಗ ಕ್ರಿಸ್ತಂಡ ನಲ್ಲ ಸುದ್ದಿನ ನೇರಾಯಿತು ಎಣ್ಣ್‌ವಕ್ ದುಂಬ ಕಷ್ಟಪಟ್ಟತ್, ಅಯಿಂಗಡ ಪೆದಯೆಲ್ಲಾ ಜೀವ ಪುಸ್ತಕತ್‍ಲ್ ಒಳ್‍ದಿತ್ ಉಂಡ್.

1 ತಿಮೊಥೆಯ 3:5

ಒಬ್ಬಂಗ್ ಅಂವೊಂಡ ಸಂಸಾರತ್‌ನ ಚಾಯಿತೆ ನಡ್‍ತ್‍ವಕ್ ಕಯ್ಯತೆ ಪೋಚೇಂಗಿ, ದೇವಡ ಸಬೇನೆ ಎನ್ನನೆ ನಡ್‍ತ್‍ವಕ್ ಕಯ್ಯು?

1 ತಿಮೊಥೆಯ 4:10

ಇದ್ಂಗಾಯಿತ್ ನಂಗ ನಯಿಪ ಪಿಂಞ ನೊಂಬಲ ತಿಂಬ; ಎನ್ನಂಗೆಣ್ಣ್‌ಚೇಂಗಿ ಎಲ್ಲಾ ಜನಕ್, ಮುಕ್ಯವಾಯಿತ್ ಯೇಸುನ ನಂಬ್‍ನಯಿಂಗಕ್, ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಚ್ಚಿತುಂಡ್.

1 ತಿಮೊಥೆಯ 4:14

ಸಬೆರ ಪೆರಿಯಯಿಂಗ ನೀಡ ಮಂಡೆಕ್ ಕೈ ಬೆಪ್ಪಕ, ಪ್ರವಾದನೆರ ಮೂಲಕ ನೀಕ್ ಕ್‍ಟ್ಟ್‌ನ ಆತ್ಮೀಯ ವರತ್‍ರ ವಿಷಯತ್‍ನ ಅಲ್ಲಗೆಳೆಯತೆ.

1 ತಿಮೊಥೆಯ 4:16

ನೀಡ ವಿಷಯತ್‍ಲ್, ನೀಡ ಬೋದನೆರ ವಿಷಯತ್‍ಲ್ ಎಚ್ಚರತ್‍ಲ್ ಇರ್. ಅನ್ನನೆ ಮಾಡಿಯಂಡಿಂಜತೇಂಗಿ, ನೀಡ ಬದ್‍ಕ್‍ನ ಪಿಂಞ ನೀಡ ಬೋದನೆನ ಕ್‍ೕಪಯಿಂಗಡ ಬದ್‍ಕ್‍ನ ಕಾಪಾಡ್‍ವಿಯ.

1 ತಿಮೊಥೆಯ 4:6

ನೀನ್ ಇದ್‍ನೆಲ್ಲ ಯೇಸುನ ನಂಬ್‍ನಯಿಂಗಕ್ ಬೋದನೆ ಮಾಡಿಯಂಡ್ ಬಾತೇಂಗಿ, ನಂಬಿಕೇಕ್ ಉಳ್ಳ ತಕ್ಕ್‌ಲು ನೀನ್ ಮಾಡಿಯಂಡುಳ್ಳ ನಲ್ಲ ಬೋದನೆಲು ಬೊಳ್ಂದಿತ್, ಯೇಸು ಕ್ರಿಸ್ತಂಗ್ ನಲ್ಲ ಸೇವಕನಾಯಿತ್ ಇಪ್ಪಿಯ.

1 ತಿಮೊಥೆಯ 5:19

ಒರ್ ಸಬೆರ ಪೆರಿಯಯಿಂಗಕ್ ವಿರೋದವಾಯಿತ್ ದಾರೇಂಗಿ ಕುತ್ತಪರ್ಂದತೇಂಗಿ, ಅದ್ಂಗ್ ದಂಡ್ ಅಥವ ಮೂಂದ್ ಸಾಕ್ಷಿ ಇಲ್ಲತೆಪೋಚೇಂಗಿ ಅದ್ಂಗ್ ಒತ್ತತೆ.

1 ತಿಮೊಥೆಯ 5:3

ದಾರೂ ಇಲ್ಲತೆ, ವಡಿಯ ಚತ್ತ್‌ಪೋನ ಪೊಣ್ಣಾಳ್‌ಕ್ ಸಹಾಯ ಮಾಡ್.

2 ತಿಮೊಥೆಯ 2:6

ಕಷ್ಟಪಟ್ಟಿತ್ ವ್ಯವಸಾಯ ಮಾಡ್‌ವಂವೊ ಬೊಳ್‍ತ್‍ನ ಬೊಳೆರ ಆದ್ಯ ಫಲ ಅಂವೊಂಗ್ ಕ್‍ಟ್ಟಂಡು.

2 ತಿಮೊಥೆಯ 4:2

ಅನುಕೂಲವಾನ ಸಮಯತ್‍ಲು, ಅನುಕೂಲಯಿಲ್ಲತ ಸಮಯತ್‍ಲು ನಲ್ಲ ಸುದ್ದಿನ ಬೋದನೆ ಮಾಡ್‌ವಕ್ ತಯಾರಾಯಿತ್ ಇರ್; ತ್‍ೕರ ತಾಳ್ಮೆಯಿಂಜ, ಅಯಿಂಗ ಮಾಡ್‍ನ ತಪ್ಪ್‌ನ ಎಣ್ಣಿ ಕೊಡ್‌ತಿತ್, ಕಂಡನೆ ಮಾಡಿತ್, ಪುರ್‌ಡ್ ಕೊಡ್‌ತಿತ್ ಎಚ್ಚರವಾಯಿತ್ ಬೋದನೆ ಮಾಡ್.

ಇಬ್ರಿಯ 13:17

ನಿಂಗಳ ನಡ್‌ತುವಯಿಂಗಡ ಅದಿಕಾರಕ್ ತಗ್ಗಿತ್ ನಡ್‌ಂದಿತ್, ಅಯಿಂಗಡ ಪಕ್ಕ ಅಡಕತ್‍ಲ್ ನಡ್‌ಕಂಡು. ಅಯಿಂಗ ನಿಂಗಡ ಆತ್ಮಕಾಯಿತ್ ದೇವಡ ಪಕ್ಕ ಲೆಕ್ಕ ಕೊಡ್‍ಪಕುಳ್ಳ ಜವಾಬ್ದಾರಿಲ್ ಜಾಗ್ರತೆಯಾಯಿತುಂಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡತೆ, ಕುಶೀಲ್ ಮಾಡಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡ್‍ಚೇಂಗಿ ಅದ್ ಪ್ರಯೋಜನವಾಯಿತ್‌ಪ್ಪುಲೆ.

ಇಬ್ರಿಯ 13:24

ನಿಂಗಳ ನಡ್‌ತ್‌ವಯಿಂಗಕ್ ಪಿಂಞ ಅಲ್ಲಿಯತ್‍ರ ದೇವಡ ಮಕ್ಕಕೆಲ್ಲ ನಂಗಡ ವಂದನೆ ಎಣ್ಣಿ. ಇತಾಲ್ಯ ದೇಶತ್‍ಲ್ ಉಳ್ಳ ದೇವಡ ಮಕ್ಕ ಎಲ್ಲಾರು ನಿಂಗಕ್ ವಂದನೆ ಎಣ್ಣಿಯಂಡುಂಡ್.

ಇಬ್ರಿಯ 13:7

ದೇವಡ ವಾಕ್ಯತ್‍ನ ನಿಂಗಕ್ ಬೋದನೆ ಮಾಡಿತ್ ನಿಂಗಳ ನಡ್‌ತ್‍ನಯಿಂಗಳ ಗೇನ ಮಾಡಿತ್, ಅಯಿಂಗಡ ಬದ್‍ಕ್ ಆಕೀರ್‍ಕತ್ತನೆ ಎನ್ನನೆ ಇಂಜತ್‍ೕಂದ್ ಚಾಯಿತೆ ನೋಟಿತ್, ಅಯಿಂಗಡ ನಂಬಿಕೇರನೆಕೆ ನಡ್‍ಪಿರ.