1 ತಿಮೊಥೆಯ 4:5 - ಕೊಡವ ಬೈಬಲ್

⁵ ಎನ್ನಂಗೆಣ್ಣ್‌ಚೇಂಗಿ ದೇವಡ ವಾಕ್ಯ ಪಿಂಞ ಪ್ರಾರ್ಥನೆ ಅದ್‍ನ ಪವಿತ್ರ ಮಾಡ್‌ವ.

1 ತಿಮೊಥೆಯ 4:5 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:25

ದೇವ ಕಾಡ್‌ ಪ್ರಾಣಿಯಳ, ಚಾಕ್‌ ಪ್ರಾಣಿಯಳ ಪಿಂಞ ಬೂಮಿಲ್‌ ಊರಿತ್‌ ಪೋಪ ಎಲ್ಲಾ ಪ್ರಾಣಿಯಳ ಉಂಟ್ ಮಾಡ್‌ಚಿ. ದೇವ ಇದನ ನೋಟಿತ್‌ ನಲ್ಲದ್‍ೕಂದ್‌ ಕಂಡತ್.

ಆದ್ಯತ್‌ರ ಪುಸ್ತಕ 1:31

ಅಕ್ಕ ದೇವ ತಾನ್‌ ಸೃಷ್ಟಿ ಮಾಡ್‌ನ ಎಲ್ಲಾನ ಕಂಡತ್, ಅದ್‌ ದುಂಬ ಚಾಯತೆ ಇಂಜತ್. ಇನ್ನನೆ ಬಯಿಟ್ ಪೋಯಿತ್‌ ಪೊಲಾಕ ಆಪಕ, ಅದ್‌ ಆರನೆ ದಿವಸವಾಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:41

ನಿಂಗ ನಿಂಗಡದ್‍ೕಂದ್ ಗೇನಮಾಡಿಯಂಡುಳ್ಳದ್‍ನ ಗರೀಬಂಗಕ್ ಕೊಡಿ, ಅಕ್ಕ ಎಲ್ಲಾ ನಿಂಗಕ್ ಶುದ್ದ ಆಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:4

ಅದ್ಂಗ್ ಅಂವೊ: ಮನುಷ್ಯ ಒಟ್ಟಿಯಿಂಜ ಮಾತ್ರ ಅಲ್ಲ, ದೇವ ಎಣ್ಣ್‌ನ ಓರೋರ್ ತಕ್ಕಿಂಜಲು ಬದ್‌ಕ್‌ವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್‍ೕಂದ್ ಎಣ್ಣ್‌ಚಿ.

1 ಕೊರಿಂಥ 7:14

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತನ ನಂಬತ ವಡಿಯನ ಅಂವೊಂಡ ಪೊಣ್ಣ್‌ರಗುಂಡ್ ದೇವ ಅಂವೊನ ಪವಿತ್ರವಾನಂವೊನಾಯಿತ್ ಮಾಡ್‌ವ. ಕ್ರಿಸ್ತನ ನಂಬತ ಪೊಣ್ಣ್‌ನ ಅವಡ ವಡಿಯನಗುಂಡ್ ದೇವ ಅವಳ ಶುದ್ದ ಮಾಡ್‌ವ. ಅನ್ನನೆ ಇಲ್ಲತೆಪೋಚೇಂಗಿ, ಅಯಿಂಗಡ ಮಕ್ಕ ಎನ್ನನೆ ಶುದ್ದವಾಯಿತ್ ಇಪ್ಪ? ಇಕ್ಕ ನೋಟಿ, ಅಯಿಂಗಡ ಮಕ್ಕಳ ದೇವ ಶುದ್ದ ಮಾಡಿತ್‌ಲ್ಲೆಯಾ?

1 ತಿಮೊಥೆಯ 4:3

ಮಂಗಲ ಆಪಕ್ಕಾಗಾಂದ್ ಪಿಂಞ ಯೇಸುನ ನಂಬ್‍ನಯಿಂಗಳು, ಸತ್ಯತ್‍ನ ಗೊತ್ತುಳ್ಳಯಿಂಗಳು, ದೇವಕ್ ವಂದನೆ ಮಾಡಿತ್ ಕುಶೀಲ್ ತಿಂಗಂಡೂಂದ್ ದೇವ ಸೃಷ್ಟಿ ಮಾಡ್‍ನ ವಸ್ತುನೆಲ್ಲಾ, ತಿಂಬಕ್ಕಾಗಾಂದ್ ಆ ಪೊಟ್ಟ್‌ಮಾರಿಯಂಗ ಎಣ್ಣ್‌ವ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:15

ದೇವಡ ಮಕ್ಕಳಾಯಿತ್ ಹೃದಯತ್‍ಲ್ ಶುದ್ದವಾಯಿತುಳ್ಳಯಿಂಗಕ್ ಎಲ್ಲಾ ಶುದ್ದವಾಯಿತ್‌ಪ್ಪ. ಆಚೇಂಗಿ, ಹೃದಯತ್‍ಲ್ ಅಶುದ್ದವಾಯಿತ್ ದೇವಡ ಮೇಲೆ ನಂಬಿಕೆ ಬೆಕ್ಕತಯಂಗಕ್ ಏದು ಶುದ್ದವಾಯಿತ್ ಇಪ್ಪುಲೆ. ಅಯಿಂಗಡ ಬುದ್ದಿ ಪಿಂಞ ಮನಸಾಕ್ಷಿ ಅಶುದ್ದವಾಯಿತೇ ಇಪ್ಪ.

ಇಬ್ರಿಯ 11:3

ನಂಬಿಕೇರ ಮೂಲಕ, ದೇವ ಈ ಲೋಕತ್‍ನ ಅಂವೊಂಡ ತಕ್ಕ್‌ರ ಮೂಲಕ ಸೃಷ್ಟಿ ಮಾಡ್‌ಚೀಂದು, ಅನ್ನನೆ ನಂಗಡ ಕಣ್ಣ್‌ಕ್ ಕಾಂಬ ವಿಷಯವೆಲ್ಲ, ಕಣ್ಣ್‌ಕ್ ಕಾಂಬಕಯ್ಯುವ ವಿಷಯತ್‍ರಗುಂಡ್ ಮಾಡಿತ್‌ಲ್ಲೇಂದು ನಂಗಕ್ ಗೊತ್ತುಂಡ್.