1 ತಿಮೊಥೆಯ 3:10 - ಕೊಡವ ಬೈಬಲ್

¹⁰ ಇಂಞು ಈಂಗಳ ಮಿಂಞಲೇ ಪರೀಕ್ಷೆ ಮಾಡಿತ್, ಅಯಿಂಗಡ ಮೇಲೆ ದಾರೂ ಕುತ್ತ ಪರಿಯತನೆಕೆ ಇಂಜತೇಂಗಿ, ಅಕ್ಕ ಅಯಿಂಗ ದೇವಡ ಸೇವೆ ಮಾಡಡ್.

1 ತಿಮೊಥೆಯ 3:10 ပူးပေါင်းရင်းမြစ်များ

1 ಕೊರಿಂಥ 1:8

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಪ್ಪಕ್ ಕಡೇಕತ್ತನೆ ಅಂವೊ ನಿಂಗಳ ಸ್ತಿರಪಡ್‍ತ್‌ವ.

ಕೊಲೊಸ್ಸೆ 1:22

ಆಚೇಂಗಿ, ಇಕ್ಕ ಅಂವೊ ತಾಂಡ ಮೋಂವೊ ತಡೀಲ್ ಚತ್ತ್ ಪೋನಗುಂಡ್ ನಿಂಗಡ ಕೂಡೆ ಇಂಜ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡಿತ್, ಅಂವೊಂಡ ಸನ್ನಿದಾನತ್‍ಲ್ ನಿಂಗಳ ಪವಿತ್ರವಾನಯಿಂಗಳಾಯಿತ್, ಒರ್ ತಪ್ಪಿಲ್ಲತಯಿಂಗಳಾಯಿತ್, ಒರ್ ಕುತ್ತ ಇಲ್ಲತಯಿಂಗಳಾಯಿತ್ ಅರ್ಪಿಚಿಡ್‌ವಕ್ ಇನ್ನನೆ ಮಾಡ್‍ಚಿ.

1 ತಿಮೊಥೆಯ 3:13

ಅನ್ನನೆ ಸಬೇಲ್ ಸಹಾಯ ಮಾಡ್‌ವಯಿಂಗ ಚಾಯಿತೆ ಮಾಡ್‍ಚೇಂಗಿ, ಅಯಿಂಗಕ್ ನಲ್ಲ ಮರ್ಯಾದೆ ಕ್‍ಟ್ಟ್‌ವ ಪಿಂಞ ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೇರಗುಂಡ್ ದೈರ್ಯತ್‍ನ ಸಂಪಾದನೆ ಮಾಡ್‌ವ.

1 ತಿಮೊಥೆಯ 3:2

ಸಬೆರ ಪೆರಿಯಯಿಂಗ, ಒರ್ ತಪ್ಪ್ ಇಲ್ಲತಯಿಂಗಳಾಯಿತಿರಂಡು. ಒರೇ ಒರ್ ಪೊಣ್ಣ್‌ಕ್ ವಡಿಯನಾಯಿತಿರಂಡು. ಅಂವೊಂಡ ಆಸೇನ ಅಡಕತ್‍ಲ್ ಬೆಪ್ಪಂವೊನಾಯಿತ್, ತನ್ನಡಕ್ಕ ಉಳ್ಳಂವೊನಾಯಿತ್, ಅಂವೊಂಗ್ ಮರ್ಯಾದೆ ಕ್‍ಟ್ಟ್‌ವನೆಕೆ ನಡ್‍ಪಂವೊನಾಯಿತ್, ಸತ್ಕಾರ ಮಾಡ್‌ವಂವೊನಾಯಿತ್, ನಲ್ಲ ಬೋದಕನಾಯಿತ್ ಇರಂಡು.

1 ತಿಮೊಥೆಯ 3:6

ಇದ್ಂಗಾಯಿತ್ ಸಬೆರ ಪೆರಿಯಂವೊ, ಕ್ರಿಸ್ತ ನಂಬಿಕೇಲ್ ಬೊಳ್ಂದಂವೊನಾಯಿತ್ ಇರಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊಂಗ್ ದುಂಬ ಹಮ್ಮ್ ಬಂದಿತ್ ಸೈತಾನಂಗ್ ಕ್‍ಟ್ಟ್‌ನ ಅದೇ ತೀರ್ಪ್ ಇಂವೊಂಗೂ ಕ್‍ಟ್ಟಿ ಪೋಪ.

1 ತಿಮೊಥೆಯ 5:22

ದೇವಡ ಸೇವೇಕ್ ನೇಮಿಚಿಡ್‍ವಕ್ ಏದ್ ಮನುಷ್ಯಂಡ ಮಂಡೆರ ಮೇಲೆ ಅವಸರತ್‌ಲ್ ಕೈ ಬೆಕ್ಕತೆ. ಅನ್ನನೆ ಮಾಡ್‍ಚೇಂಗಿ, ಬೋರೆಯಿಂಗ ಮಾಡ್‌ವ ಪಾಪತ್‍ಲ್ ನೀನ್ ಸಹ ಪಾಲ್‍ದಾರನಾಯಿತ್‌ಪ್ಪಿಯ, ನೀನ್ ಪವಿತ್ರ ಉಳ್ಳಂವೊನಾಯಿತಿರ್.

1 ಯೋಹಾನ 4:1

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ದುಂಬ ಕಳ್ಳ ಪ್ರವಾದಿಯ ಉಂಡ್. ಆನಗುಂಡ್ ನಿಂಗ ಎಲ್ಲಾ ಆತ್ಮತ್‌ನ ನಂಬತೆ, ಆ ಆತ್ಮ ದೇವಡ ಕಡೇಯಿಂಜ ಬಾತಾಂದ್ ನಿಂಗ ಪರೀಕ್ಷೆ ಮಾಡಿತ್ ನೋಟಂಡು.