1 ಥೆಸಲೊನೀಕ 5:21 - ಕೊಡವ ಬೈಬಲ್

²¹ ಆಚೇಂಗಿ, ಎಲ್ಲಾನ ಪರೀಕ್ಷೆ ಮಾಡಿತ್ ದೇವಡಿಂಜ ಬಪ್ಪದ್ ಎಂ‍ತಾಂದ್ ನೋಟಿತ್ ನಲ್ಲದ್‍ನ ಎಡ್‌ತೊಳಿ.

1 ಥೆಸಲೊನೀಕ 5:21 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 23:23

ಸತ್ಯತ್‌ನ ಕ್ರಯಕ್‌ ಎಡ್‌ತ, ಅದ್‌ನ ಮಾರತೆ. ಅನ್ನನೆ ಜ್ಞಾನತ್‌ನ, ಬೋದನೆನ ಪಿಂಞ ಬುದ್ದಿನ ಕ್ರಯಕ್‌ ಎಡ್‌ತ.

ಜ್ಞಾನತ್‌ರ ಪಡಿಮ 3:1

ನಾಡ ಮೋನೇ, ನಾಡ ಬೋದನೆನ ಮರ್‌ಕತೆ. ನಾಡ ಆಜ್ಞೆನ ನೀಡ ಹೃದಯತ್‌ಲ್‌ ಗೇನ ಬೆಚ್ಚ.

ಜ್ಞಾನತ್‌ರ ಪಡಿಮ 4:13

ಬೋದನೇನ ಗಟ್ಟಿಯಾಯಿತ್‌ ಪುಡ್‌ಚ, ಅದ್‌ನ ಬುಟ್ಟಿತ್‌ ಪೋಕತೆ; ಅದ್‌ನ ಬದ್ರತ್‌ಲ್‌ ಕಾಪಾಡ್, ಅದೇ ನೀಡ ಜೀವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:57

ಎನ್ನಂಗ್ ನಿಂಗಕ್ ಸರಿಯಾನದ್‍ನ ಗೊತ್ತ್‌ಮಾಡ್‍ವಕ್ ಕಯ್ಯುಲೆ?

ಯೋಹಾನ 15:4

ನಿಂಗ ನಾಡಲ್ಲಿ ಸ್ತಿರವಾಯಿತಿರಿ, ನಾನ್ ನಿಂಗಡಲ್ಲಿ ಸ್ತಿರವಾಯಿತ್ ಇಪ್ಪಿ; ಕೊಂಬ್ ಬಳ್ಳಿಲ್ ಸ್ತಿರವಾಯಿತ್ ಇಲ್ಲತಪೋನಕ ಎನ್ನನೆ ತಾನಾಯಿತೇ ಫಲ ತಪ್ಪ್‌ಲೆಯೊ ಅನ್ನನೆ ನಿಂಗ ನಾಡಲ್ಲಿ ಸ್ತಿರವಾಯಿತ್ ಇಕ್ಕತೆ ಪೋನಕ ಫಲ ತಪ್ಪುಲೆ.

ಯೋಹಾನ 8:31

ಯೇಸು ಅಂವೊನ ನಂಬ್‍ನ ಯೆಹೂದ್ಯಂಗಳ ನೋಟಿತ್: ನಿಂಗ ನಾನ್ ಎಣ್ಣುವ ಬೋದನೆನ ಕ್‍ೕಟಿತ್ ಅದ್ಂಡ ಪ್ರಕಾರ ನಡ್ಂದತೇಂಗಿ ನಿಂಗ ನೇರಾಯಿತು ನಾಡ ಶಿಷ್ಯಂಗಳಾಯಿತ್‌ಪ್ಪಿರ.

ಅಪೊಸ್ತಲ 11:23

ಅಂವೊ ಅಲ್ಲಿಕ್ ಎತ್ತಿತ್ ದೇವಡ ಕೃಪೇನ ದೃಡವಾಯಿತ್ ಕಾಂಬಕ, ಅಂವೊಂಗ್ ದುಂಬ ಕುಶಿಯಾಯಿತ್, ಅಯಿಂಗಳ ನೋಟಿತ್, ಅಯಿಂಗ ತ್‍ೕರ ಹೃದಯತ್‍ಲ್ ಒಡೆಯಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಪುರ್‌ಡ್ ಕೊಡ್‍ತತ್.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

ಅಪೊಸ್ತಲ 17:11

ಆ ಪಟ್ಟಣತ್‍ರ ಸಬೇಲ್ ಉಳ್ಳಯಿಂಗ ತೊರ್‌ಂದ ಮನಸ್ಸ್‌ಲ್ ದೇವಡ ವಾಕ್ಯತ್‍ನ ಅಂಗಿಕಾರಮಾಡಿತ್, ಈಂಗಡ ಬೋದನೆಲ್ ಇನ್ನತೆಲ್ಲ ಸತ್ಯ ಉಂಡಾಂದ್, ದಿನಾಲು ದೇವಡ ವಾಕ್ಯತ್‍ಲ್ ತ್‍ೕಡಿಯಂಡಿಂಜಗುಂಡ್, ಥೆಸಲೊನೀಕ ಪಟ್ಟಣತ್‍ರ ದೇವಡ ಮಕ್ಕಕಿಂಜ ಚಾಯಿ ಗುಣಕಾರಂಗಳಾಯಿತ್ಂಜತ್.

ರೋಮ್ 12:2

ಇಂಞು ಮಿಂಞಕ್ ಈ ಲೋಕತ್‍ರ ರೀತಿಕ್ ಒತ್ತಂಡ್ ಪೋಕತಿ. ನಲ್ಲದಾಯಿತು, ಯೋಗ್ಯವಾಯಿತು, ಪೂರ್ತಿಯಾಯಿತುಳ್ಳ ದೇವಡ ಚಿತ್ತ ಎಂತ್‍ೕಂದ್ ಗೊತ್ತಾಪಕಾಯಿತ್, ನಿಂಗಡ ಮನಸ್ಸ್‌ನ ಪುದಿಯದ್ ಮಾಡಿಯಂಡ್ ಬದ್‍ಲಾಯಂಡಿರಿ.

ರೋಮ್ 12:9

ನಿಂಗಡ ಪ್ರೀತಿ ಕಪಟ ಇ‍ಲ್ಲತದಾಯಿತ್ ಇರಡ್, ಕೆಟ್ಟದ್‍ನ ದ್ವೇಶ ಮಾಡಿತ್, ನಲ್ಲದ್‍ನ ಪುಡ್‍ಚೊಳಿ.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

1 ಕೊರಿಂಥ 2:11

ಒರ್ ಮನುಷ್ಯಂಡ ಆತ್ಮಕ್ ಅಲ್ಲತೆ, ಬೋರೆ ದಾರ್‌ಕ್ ಆ ಮನುಷ್ಯಂಡ ವಿಷಯ ಗೊತ್ತಾಪ? ಅನ್ನನೆ ದೇವಡ ಆತ್ಮಕ್ ಅಲ್ಲತೆ ದೇವಡ ವಿಷಯತ್‍ನ ಬೋರೆ ದಾರೂ ಅರ್ಥಮಾಡುಲೆ.

ಗಲಾತ್ಯ 6:10

ಅನ್ನನೆ ನಂಗಕ್ ಅವಕಾಶ ಕ್‍ಟ್ಟ್‌ನನೆಕೆ, ಎಕ್ಕಾಲು ನಲ್ಲದ್ ಮಾಡಂಡು. ಮುಕ್ಯವಾಯಿತ್ ಕ್ರಿಸ್ತನ ನಂಬ್‍ನ ದೇವಡ ಕುಟುಂಬಕ್ ಕೂಡ್‍ನಯಿಂಗಕ್ ಸಹಾಯ ಮಾಡಂಡು.

ಎಫೆಸ 5:10

ಒಡೆಯಂಗ್ ಕುಶಿ ಉಳ್ಳದ್ ಎಂತದ್‍ೕಂದ್ ತ್‍ೕಡಿ.

ಫಿಲಿಪ್ಪಿ 1:10

ಅಕ್ಕ ಏದ್ ಚಾಯೀಂದ್ ನಿಂಗಕ್ ಗೊತ್ತಾಯಿತ್ ಅದ್‍ನ ಗೊತ್ತ್ ಮಾಡ್‌ವಿರ. ಅನ್ನನೆ ಆಚೇಂಗಿ, ಯೇಸು ಕ್ರಿಸ್ತ ತೀರ್ಪ್ ಕೊಡ್‍ಪ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತ ಬದ್‍ಕ್ ಬದ್‍ಕ್‍ನಯಿಂಗಳಾಯಿತ್ ಇಪ್ಪಿರ.

ಫಿಲಿಪ್ಪಿ 3:16

ಆಚೇಂಗಿಯು ನಂಗ ಎಚ್ಚಕ್ ಬೊಳ್‌ಂದಿತುಂಡೋ ಅಚ್ಚಕ್ ಚಾಯಿತೆ ಗೇನ ಮಾಡಿತ್ ನಡ್‌ಕಂಡು.

ಫಿಲಿಪ್ಪಿ 4:8

ಆಕೀರ್‌ಕ್, ನಾಡ ಅಣ್ಣತಮ್ಮಣಂಗಳೇ, ಏದೆಲ್ಲಾ ಸತ್ಯವೊ, ಏದೆಲ್ಲಾ ಯೋಗ್ಯವೊ, ಏದೆಲ್ಲಾ ನೀತಿಯುಳ್ಳದೋ, ಏದೆಲ್ಲಾ ಶುದ್ದವಾನದೋ, ಏದೆಲ್ಲಾ ನಲ್ಲದೋ, ಏದೆಲ್ಲಾ ಬಾರಿ ಚಾಯಿ ಉಂಡೋ, ಎದಂಗೆಲ್ಲಾ ನಲ್ಲ ಪೆದ ಉಂಡೋ, ಏದೆಲ್ಲಾ ಹೊಗಳುವನಕೆ ಉಂಡೋ ಅಂತ ವಿಷಯತ್‍ನ ನಿಂಗ ಎಕ್ಕಾಲು ಗೇನ ಮಾಡಿಯಂಡಿರಿ.

1 ಥೆಸಲೊನೀಕ 5:15

ಕೆಟ್ಟದ್ ಮಾಡ್‍ನಯಿಂಗಕ್ ದಾರೂ ಕೆಟ್ಟದ್ ಮಾಡ್‌ವಕ್ ಬುಡತಿ; ನಿಂಗಡ ಮದ್ಯತ್‍ಲ್ ಉಳ್ಳ ಒಬ್ಬೊಬ್ಬಂಗಕು, ಬೋರೆಯಿಂಗಕು ನಲ್ಲದ್ ಮಾಡ್‌ವಕ್ ಪ್ರಯತ್ನ ಪಡಿ.

1 ಥೆಸಲೊನೀಕ 5:22

ಕೆಟ್ಟದ್‍ನೆಲ್ಲಾ ಬುಟ್ಟಿತ್ ಪೋಯಿ.

2 ಥೆಸಲೊನೀಕ 2:15

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ನಿಂಗ ಸ್ತಿರವಾಯಿತ್ ನಿಂದಂಡ್, ನಂಗ ನಿಂಗಡ ಕೂಡೆ ಇಪ್ಪಕ ಮಾಡ್‍ನ ಬೋದನೆನ ಮಾತ್ರ ಅಲ್ಲ ನಂಗ ನಿಂಗಕ್ ಒಳ್‍ದ್‍ನ ಕಾಗದತ್‍ರ ಮೂಲಕ ಕ್‍ಟ್ಟ್‌ನ ಬೋದನೆನ ಸಹ ಗಟ್ಟಿಯಾಯಿತ್ ಪುಡ್‍ಚೊಳಿ.

2 ತಿಮೊಥೆಯ 1:15

ನೀಕ್ ಗೊತ್ತುಳ್ಳನೆಕೆ ಆಸ್ಯ ಸೀಮೆಲ್ ಉಳ್ಳ ಎಲ್ಲಾರು ನನ್ನ ದೂರ ಮಾಡಿರ್‌ತ್. ಅಯಿಂಗಡಡೆಲ್ ಫುಗೇಲ ಪಿಂಞ ಹೆರ್ಮೊಗೆನ ಎಣ್ಣ್‌ವಯಿಂಗ ಕೂಡೆ ನನ್ನ ದೂರ ಮಾಡಿರ್‌ತ್.

2 ತಿಮೊಥೆಯ 3:6

ಈ ಜನ, ಪಾಪತ್‍ಲ್ ದುಂಬಿತ್ ಬೋರೆ ಬೋರೆ ಇಚ್ಛೆಲ್ ಚಿಕ್ಕಿತ್, ಎಕ್ಕಾಲು ಓದಿಯಂಡ್ ಉಂಡೇಂಗಿಯು ಸತ್ಯತ್‍ನ ಅರ್ಥ ಮಾಡ್‍ವಕಯ್ಯತ ಗಟ್ಟಿಯಿಲ್ಲತ ಮನಸ್ಸ್ ಉಳ್ಳ ಪೊಣ್ಣಾಳ್‍ರ ಮನೆಕ್ ನುಗ್ಗಿತ್, ಅಯಿಂಗಳ ಅಯಿಂಗಡ ಪುಡ್‍ತತ್‍ಲ್ ಬೆಚ್ಚಿತ್‌ಪ್ಪ.

2 ತಿಮೊಥೆಯ 4:14

ಕಚ್ಚಿ ಪಣಿಕಾರನಾನ ಅಲೆಕ್ಸಾಂದ್ರ ನಾಕ್ ದುಂಬ ಕ್‍ೕಡ್ ಮಾಡ್‍ಚಿ. ಅಂವೊ ಮಾಡ್‍ನ ಕಾರ್ಯಕ್ ದೇವ ಅಂವೊಂಗ್ ಶಿಕ್ಷೆ ತಪ್ಪ.

ಇಬ್ರಿಯ 10:23

ನಂಗಡ ನಂಬಿಕೇನ ಅರಿಕೆ ಮಾಡ್‌ವದ್‍ಲ್ ದೈರ್ಯತ್‍ಲ್ ಸ್ತಿರವಾಯಿತ್ ನಿಕ್ಕಂಡು, ಎನ್ನಂಗೆಣ್ಣ್‌ಚೇಂಗಿ ವಾಗ್ದಾನ ಮಾಡ್‍ನಂವೊ ಸತ್ಯವಂತಂವೊನಾಯತುಂಡ್.

1 ಯೋಹಾನ 4:1

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ದುಂಬ ಕಳ್ಳ ಪ್ರವಾದಿಯ ಉಂಡ್. ಆನಗುಂಡ್ ನಿಂಗ ಎಲ್ಲಾ ಆತ್ಮತ್‌ನ ನಂಬತೆ, ಆ ಆತ್ಮ ದೇವಡ ಕಡೇಯಿಂಜ ಬಾತಾಂದ್ ನಿಂಗ ಪರೀಕ್ಷೆ ಮಾಡಿತ್ ನೋಟಂಡು.

ಪ್ರಕಟನೆ 2:2

ನೀಡ ಕ್ರಿಯೇನ, ನೀಡ ಪ್ರಯತ್ನತ್‍ನ, ನೀಡ ಪೊರುಮೆನ, ಕೊಳ್ಳತಯಿಂಗಳ ನೀನ್ ಸಹಿಸಿಯಂಡ್ ಇಪ್ಪಕ್ ಕಯ್ಯತ ಇಪ್ಪದ್‍ನ, ಪಿಂಞ ಅಪೊಸ್ತಲ ಅಲ್ಲತಯಿಂಗ ನಂಗ ಅಪೊಸ್ತಲಂಗಾಂದ್ ಎಣ್ಣುವದ್‍ನ ಪರೀಕ್ಷೆ ಮಾಡಿತ್ ಅಯಿಂಗ ಪೊಟ್ಟ್ ಪರ್ಂದಂಡ್ ಉಂಡ್‍ೕಂದ್ ನೀನ್ ಗೊತ್ತ್ ಮಾಡ್‍ನದೆಲ್ಲಾ ನಾಕ್ ಗೊತ್ತುಂಡ್.

ಪ್ರಕಟನೆ 2:25

ನಿಂಗ ಎಂತ ನಲ್ಲದ್‍ನ ಮಾಡಿಯಂಡ್ ಉಂಡೋ ಅದ್‍ನ ನಾನ್ ಬಪ್ಪಕತ್ತನೆ ಗಟ್ಟಿಯಾಯಿತ್ ಪುಡ್‍ಚೊಳಿ.

ಪ್ರಕಟನೆ 3:11

ಇದಾ, ನಾನ್ ಬೆರಿಯ ಬಂದಂಡುಂಡ್; ದಾರೂ ನೀಡ ಕಿರೀಟತ್‍ನ ಎಡ್‌ಕತನೆಕೆ ನೀಕ್ ಉಳ್ಳದ್‍ನ ಗಟ್ಟಿಯಾಯಿತ್ ಪುಡ್‌ಚ.

ಪ್ರಕಟನೆ 3:3

ಆನಗುಂಡ್, ನೀನ್ ನನ್ನಿಂಜ ಎಂತದ್‍ನ ಪಡ್ಂದಿತುಳ್ಳಿಯ, ಎಂತಾನ ಕ್‍ೕಟಿತುಳ್ಳಿಯ ಅದ್‍ನ ಗೇನ ಮಾಡ್. ಅದ್ಂಗ್ ತಗ್ಗಿತ್ ನಡ್‌ಂದಿತ್, ಪಶ್ಚಾತಾಪ ಪಡ್. ನೀನ್ ಎಚ್ಚರ ಎಡ್‍ಕತೆ ಪೋನಕ, ಒರ್ ಕಳ್ಳ ಬಪ್ಪನೆಕೆ ನಾನ್ ನೀಡ ಮೇಲೆ ಬಪ್ಪಿ; ನಾನ್ ಬಪ್ಪ ಸಮಯ ನೀಕ್ ಗೊತ್ತಾಪುಲೆ.