20 ಪ್ರವಾದನೆನ ಬೋಂಡತದ್‍ೕಂದ್ ಗೇನ ಮಾಡತಿ.
ಅಂತಿಯೋಕ್ಯ ಪಟ್ಟಣತ್‍ರ ಸಬೇಲ್, ಚೆನ್ನ ಜನ ಪ್ರವಾದಿಯಂಗಳಾಯಿತು, ಚೆನ್ನ ಜನ ಬೋದನೆಕಾರಂಗಳಾಯಿತು ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ ಬಾರ್ನಬ, ನೀಗರ್‍ಂದ್ ಜನ ಕಾಕುವ ಸಿಮೆಯೋನ, ಕುರೇನ್ಯ ಊರ್‍ಕಾರನಾನ ಲೂಕ್ಯ, ಪಲಸ್ತೀನ ದೇಶತ್‍ಲ್ ಕಾಲ್ ಬಾಗಕ್ ಅದಿಪತಿಯಾಯಿತ್ಂಜ ಹೆರೋದ ಅಂತಿಪ ಎಣ್ಣ್‌ವಂವೊಂಡ ಕೂಡೆ ಬೊಳ್ಂದ ಮೆನಹೇನ ಪಿಂಞ ಸೌಲ ಎಣ್ಣ್‌ವಯಿಂಗಳೇ.
ಪಿಂಞ, ಪೌಲ ಅಯಿಂಗಡ ಮೇಲೆ ಕೈ ಬೆಪ್ಪಕ ಪವಿತ್ರಾತ್ಮ ಅಯಿಂಗಡ ಮೇಲೆ ಬಾತ್; ಅಕ್ಕ, ಅಯಿಂಗ ನಾನಾತರ ಬಾಷೆಲ್ ತಕ್ಕ್ ಪರ್ಂದಿತ್ ಪ್ರವಾದನೆ ಎಣ್ಣ್‌ಚಿ.
ಒರ್ ಆಣಾಳ್ ಪ್ರಾರ್ಥನೆ ಮಾಡ್‌ವ ಸಮಯತ್‍ಲ್ ಆಡ್, ಇಲ್ಲೆ ಪ್ರವಾದನೆ ಎಣ್ಣುವ ಸಮಯತ್‍ಲ್ ಆಡ್ ತಾಂಡ ಮಂಡೆಕ್ ತುಣಿ ಇಟ್ಟತೇಂಗಿ, ಅಂವೊ ಅಂವೊಂಡ ಮಂಡೆಯಾಯಿತುಳ್ಳ ಕ್ರಿಸ್ತಂಗ್ ಮರ್ಯಾದೆ ಕೊಡ್‍ತಂಡಿಲ್ಲೆ.
ಬೋರೆ ಒಬ್ಬಂಗ್ ಅದ್ಬುತ ಕಾರ್ಯ ಮಾಡ್‌ವ ವರ, ಇಂಞೊಬ್ಬಂಗ್ ಪ್ರವಾದನೆ ಎಣ್ಣ್‌ವ ವರ, ಬೋರೆ ಒಬ್ಬಂಗ್ ದೇವಡ ಶಕ್ತಿಯಿಂಜ ಕೂಳಿಯಡ ಶಕ್ತಿನ ಗೊತ್ತ್‌ಮಾಡ್‍ವಕುಳ್ಳ ವರ, ಇಂಞೊಬ್ಬಂಗ್ ನಾನಾತರ ಬಾಷೆನ ಪರಿವಕುಳ್ಳ ವರ, ಬೋರೆ ಒಬ್ಬಂಗ್ ನಾನಾತರ ಬಾಷೆನ ಅರ್ಥ ಮಾಡಿತಪ್ಪ ವರ, ಅನ್ನನೆ ನಾನಾತರ ವರತ್‍ನ ಕೊಡ್‌ತಿತುಂಡ್.
ದೇವಡ ಸಬೇಲ್, ದೇವ ಆದ್ಯವಾಯಿತ್ ಅಪೊಸ್ತಲಂಗಳ, ಪಿಂಞ ಪ್ರವಾದಿಯಂಗಳ, ಪಿಂಞ ಉಪದೇಶ ಮಾಡ್‌ವಯಿಂಗಳ ಪಿಂಞ ಅದ್ಬುದ ಕಾರ್ಯ ಮಾಡ್‌ವಯಿಂಗಳ, ಪಿಂಞ ಕಾಯಿಲೆ ವಾಸಿ ಮಾಡ್‌ವಯಿಂಗಳ, ಪಿಂಞ ಸಹಾಯ ಮಾಡ್‌ವಯಿಂಗಳ ಪಿಂಞ ಆಡಳಿತ ಮಾಡ್‌ವಯಿಂಗಳ, ಪಿಂಞ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನೇಮಿಚಿಟ್ಟಿತುಂಡ್.
ನಾನ್ ಪ್ರವಾದನೆ ಮಾಡ್‌ವ ವರತ್‍ನ ಪಡ್ಂದಂವೊನಾಯಿತ್, ಎಲ್ಲಾ ಗುಟ್ಟ್‌ನ ಪಿಂಞ ಬುದ್ದಿನ ಅರ್ಥಮಾಡ್‍ಂವೊನಾಯಿತ್ ಇಂಜತೇಂಗಿಯು, ಕುಂದ್‍ನ ತಳ್ಳ್‌ವಕುಳ್ಳ ಎಲ್ಲಾ ನಂಬಿಕೆ ಉಳ್ಳಂವೊನಾಯಿತ್ ಇಂಜತೇಂಗಿಯು, ನಾಕ್ ಪ್ರೀತಿ ಇಲ್ಲತೆಪೋಚೇಂಗಿ, ನಾನ್ ಒಂದು ಇಲ್ಲೆ.
ನಂಗಕುಳ್ಳ ಬುದ್ದಿ ಕಮ್ಮಿಯಾನದ್, ಪಿಂಞ ಪ್ರವಾದನೆಯು ಕಮ್ಮಿಯಾನದ್.
ಪ್ರೀತಿನ ತ್‍ೕಡಂಡು; ಆತ್ಮೀಯ ವರಕ್ ಕುಶೀಲ್ ಆಸೆ ಪಡಂಡು. ವಿಶೇಷವಾಯಿತ್ ಪ್ರವಾದನೆ ಎಣ್ಣುವ ವರ ಬೋಂಡೂಂದ್ ನಿಂಗ ಆಸೆ ಪಡಂಡು.
ಆನಗುಂಡ್, ಈ ಬೋದನೆನ ದಾರೇಂಗಿ ಅಲ್ಲಗೆಳೆದ್‌ಚೇಂಗಿ, ಅಯಿಂಗ ಮನುಷ್ಯನ ಅಲ್ಲ, ನಂಗಕ್ ಪವಿತ್ರಾತ್ಮತ್‍ನ ತಂದ ದೇವನ ಅಲ್ಲಗೆಳ್ಂದನೆಕೆ ಆಪ.
ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ದುಂಬ ಕಳ್ಳ ಪ್ರವಾದಿಯ ಉಂಡ್. ಆನಗುಂಡ್ ನಿಂಗ ಎಲ್ಲಾ ಆತ್ಮತ್‌ನ ನಂಬತೆ, ಆ ಆತ್ಮ ದೇವಡ ಕಡೇಯಿಂಜ ಬಾತಾಂದ್ ನಿಂಗ ಪರೀಕ್ಷೆ ಮಾಡಿತ್ ನೋಟಂಡು.
