1 ಥೆಸಲೊನೀಕ 5:15 - ಕೊಡವ ಬೈಬಲ್

¹⁵ ಕೆಟ್ಟದ್ ಮಾಡ್‍ನಯಿಂಗಕ್ ದಾರೂ ಕೆಟ್ಟದ್ ಮಾಡ್‌ವಕ್ ಬುಡತಿ; ನಿಂಗಡ ಮದ್ಯತ್‍ಲ್ ಉಳ್ಳ ಒಬ್ಬೊಬ್ಬಂಗಕು, ಬೋರೆಯಿಂಗಕು ನಲ್ಲದ್ ಮಾಡ್‌ವಕ್ ಪ್ರಯತ್ನ ಪಡಿ.

1 ಥೆಸಲೊನೀಕ 5:15 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 45:24

ಅನ್ನನೆ ಅಂವೊಂಡ ಅಣ್ಣತಮ್ಮಣಂಗಕ್: ನಿಂಗ ಬಟ್ಟೆಲ್‌ ಜಗಳ ಮಾಡತೀಂದ್‌ ಎಣ್ಣಿತ್‌ ಅಯಿಚತ್. ಅಯಿಂಗ ಪೊರ್‌ಟ್ ಪೋಚಿ.

ಜ್ಞಾನತ್‌ರ ಪಡಿಮ 17:13

ನಲ್ಲದ್‌ ಮಾಡ್‌ನವೊಂಗ್‌ ಕ್‍ೕಡ್‌ ಮಾಡ್‌ನಂವೊಂಡ ಮನೆನ, ಕ್‍ೕಡ್‌ ಬುಟ್ಟಿತ್‌ ಪೋಪುಲೆ.

ಜ್ಞಾನತ್‌ರ ಪಡಿಮ 20:22

ಕ್‍ೕಡ್‌ ಮಾಡ್‌ನವೊಂಗ್‌ ಕ್‍ೕಡ್‌ ಮಾಡುವೀಂದ್‌ ಎಣ್ಣತೆ. ಯೆಹೋವಂಗ್‌ ಕಾತಂಡಿರ್, ಅಂವೊ ನೀಕ್‌ ಸಹಾಯ ಮಾಡುವ.

ಜ್ಞಾನತ್‌ರ ಪಡಿಮ 24:17

ನೀಡ ವಿರೋದಿ ಬೂವಕ ಕುಶಿ ಪಡತೆ. ಅಂವೊ ತಡ್‌ಕಿತ್‌ ಬೂವಕ ಸಂತೋಷ ಪಡತೆ.

ಜ್ಞಾನತ್‌ರ ಪಡಿಮ 24:29

ಅಂವೊ ನಾಕ್‍ ಕ್‍ೕಡ್‌ ಮಾಡ್‌ನನೆಕೆ ನಾನು ಅಂವೊಂಗ್‌ ಮಾಡುವಿ, ಅಂವೊ ಮಾಡ್‌ನ ಕ್‍ೕಡ್‌ಕ್‌ ಸೆರಿಯಾಯಿತ್‌ ಪಗೆ ತ್‍ೕಪೀಂದ್‌ ಎಣ್ಣತೆ.

ಜ್ಞಾನತ್‌ರ ಪಡಿಮ 25:21

ನೀಡ ವಿರೋದಿಕ್‌ ಕೆಲಪೈಚಿತ್‌ ಉಂಡೇಂಗಿ ಅಂವೊಂಗ್‌ ಉಂಬಕ್‌ ಕೂಳ್‌ ಕೊಡ್. ಅಂವೊಂಗ್‌ ಬಾಯಾರಿಕೆಯಾಯಿತ್‌ ಉಂಡೇಂಗಿ ಕುಡಿಪಕ್‌ ನೀರ್‌ ಕೊಡ್.

ಮತ್ತಾಯ 5:39

ನಾನ್ ಇಕ್ಕ ಎಣ್ಣ್‌ವಿ. ನಿಂಗಕ್ ಮೋಸ ಮಾಡ್‍ನಯಿಂಗಡ ಮೇಲೆ ಪಗೆ ಬೆಕ್ಕತಿ. ಒಬ್ಬ ನೀಡ ಬಲ್‌ತೆ ದವಡೆಕ್ ಪೊಜ್ಜತೇಂಗಿ, ಅಂವೊ ನಿಂಗಡ ಎಡ್‍ತೆ ದವಡೆಕ್ ಸಹ ಪೊಯ್ಯುವಕ್ ಕಾಟಿಕೊಡಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:35

ಆಚೇಂಗಿ ನಿಂಗ ನಿಂಗಡ ಶತ್ರುವಳ ಪ್ರೀತಿ ಮಾಡಿ, ನಲ್ಲದ್ ಮಾಡಿ, ಪುನಃ ನಂಗಕ್ ಕ್‍ಟ್ಟ್‌ವಾಂದ್ ಬಯಂದತೆ, ಅಯಿಂಗಕ್ ಸಾಲ ಕೊಡಿ, ಅಕ್ಕ ನಿಂಗಡ ಫಲ ಬಲ್ಯದಾಯಿತಿಪ್ಪ ಪಿಂಞ ನಿಂಗ ದೇವಾದಿ ದೇವಡ ಮಕ್ಕಳಾಯಿತ್‌ಪ್ಪಿರ. ಎನ್ನಂಗೆಣ್ಣ್‌ಚೇಂಗಿ ಅಂವೊ ಕೆಟ್ಟ ಜನಕ್ ಪಿಂಞ ದುಷ್ಟಯಿಂಗಕ್ ನಲ್ಲದ್ ಮಾಡಿಯಂಡುಂಡ್.

ಅಪೊಸ್ತಲ 16:28

ಆಚೇಂಗಿ ಪೌಲ: ನೀಡ ಪ್ರಾಣಕ್ ಒಂದು ಮಾಡಿಯತೆ, ನಂಗೆಲ್ಲಾರು ಇಲ್ಲೇ ಉಂಡ್‍ೕಂದ್ ಎಣ್ಣ್‌ಚಿ.

ರೋಮ್ 12:9

ನಿಂಗಡ ಪ್ರೀತಿ ಕಪಟ ಇ‍ಲ್ಲತದಾಯಿತ್ ಇರಡ್, ಕೆಟ್ಟದ್‍ನ ದ್ವೇಶ ಮಾಡಿತ್, ನಲ್ಲದ್‍ನ ಪುಡ್‍ಚೊಳಿ.

ರೋಮ್ 14:19

ಆನಗುಂಡ್, ಸಮಾದಾನ ತಪ್ಪ ವಿಷಯತ್‍ನ ಪಿಂಞ, ಒಬ್ಬೊಬ್ಬನು ಆತ್ಮೀಯ ವಿಷಯತ್‍ಲ್ ಬೊಳ್‍ತ್‍ವಕ್ ಸಹಾಯ ಮಾಡ್‌ವ ವಿಷಯತ್‍ನ ಮಾಡ್‌ವಕ್ ಪ್ರಯತ್ನ ಪಡಂಡು.

1 ಕೊರಿಂಥ 14:1

ಪ್ರೀತಿನ ತ್‍ೕಡಂಡು; ಆತ್ಮೀಯ ವರಕ್ ಕುಶೀಲ್ ಆಸೆ ಪಡಂಡು. ವಿಶೇಷವಾಯಿತ್ ಪ್ರವಾದನೆ ಎಣ್ಣುವ ವರ ಬೋಂಡೂಂದ್ ನಿಂಗ ಆಸೆ ಪಡಂಡು.

1 ಕೊರಿಂಥ 16:10

ತಿಮೊಥೆಯ ನಿಂಗಡ ಪಕ್ಕ ಬಾತೇಂಗಿ, ಅಂವೊ ನಿಂಗಡ ಕೂಡೆ ದೈರ್ಯತ್‍ಲ್ ಇಪ್ಪಕ್ ಸಹಾಯ ಮಾಡಿ, ಅಂವೊ ನಾಡನೆಕೆ ದೇವಡ ಸೇವೆ ಮಾಡಿಯಂಡುಂಡ್.

1 ಕೊರಿಂಥ 6:7

ನಿಂಗ ಒಬ್ಬಂಗ್ ವಿರೋದವಾಯಿತ್ ಪುಕಾರ್ ಕೊಡ್‍ಪಕಲೆ, ನಿಂಗ ಚೋತ್ ಪೋಯಿತುಳ್ಳಿರ. ನಿಂಗಕ್ ವಿರೋದವಾಯಿತ್ ಅನ್ಯಾಯ ಮಾಡ್‌ವಯಿಂಗಳ ನಿಂಗ ಎನ್ನಂಗ್ ಸಯಿಸುಲೆ? ನಿಂಗಳ ವಂಚನೆ ಮಾಡ್‌ವಯಿಂಗಕ್ ನಿಂಗ ಎನ್ನಂಗ್ ಬುಟ್ಟ್ ಕೊಡ್‍ತಂಡಿಲ್ಲೆ?

ಗಲಾತ್ಯ 6:10

ಅನ್ನನೆ ನಂಗಕ್ ಅವಕಾಶ ಕ್‍ಟ್ಟ್‌ನನೆಕೆ, ಎಕ್ಕಾಲು ನಲ್ಲದ್ ಮಾಡಂಡು. ಮುಕ್ಯವಾಯಿತ್ ಕ್ರಿಸ್ತನ ನಂಬ್‍ನ ದೇವಡ ಕುಟುಂಬಕ್ ಕೂಡ್‍ನಯಿಂಗಕ್ ಸಹಾಯ ಮಾಡಂಡು.

ಎಫೆಸ 5:15

ಆನಗುಂಡ್, ನಿಂಗ ಜ್ಞಾನ ಇಲ್ಲತಯಿಂಗಡನೆಕೆ ನಡ್‍ಕತೆ, ಜ್ಞಾನ ಉಳ್ಳಯಿಂಗಡನೆಕೆ ಎಚ್ಚರತ್‍ಲ್ ನಡ್‍ಪಕ್ ನೋಟಂಡು.

ಎಫೆಸ 5:33

ಎನ್ನನೆ ಆಚೇಂಗಿಯು, ಪ್ರತಿ ಒಬ್ಬನು ಅಂವೊನ ತಾನೆ ಪ್ರೀತಿ ಮಾಡ್‌ವನೆಕೆ ತಾಂಡ ಪೊಣ್ಣ್‌ನ ಪ್ರೀತಿ ಮಾಡಂಡು; ಪ್ರತಿ ಪೊಣ್ಣಾಳು ಅವಡ ವಡಿಯಂಗ್ ಮರ್ಯಾದೆ ಕೊಡ್‍ಕಂಡು.

1 ಥೆಸಲೊನೀಕ 2:12

ದೇವ ಅಂವೊಂಡ ರಾಜ್ಯಕು, ಮಹಿಮೆಕು, ನಿಂಗ ಪಾಲ್‍ದಾರಂಗಳಾಯಿತ್ ಇಪ್ಪಕ್ ನಿಂಗಳ ಕಾಕ್‍ನಗುಂಡ್, ನಂಗ ನಿಂಗಕ್ ಬುದ್ದಿ ಎಣ್ಣಿಯಂಡ್, ಸಮಾದಾನ ಮಾಡಿಯಂಡ್, ದೇವಡ ಮಕ್ಕ ಎನ್ನನೆ ಇರಂಡುವೋ ಅನ್ನನೆ ಬದ್‍ಕಂಡೂಂದ್ ನಿಂಗಳ ಬೋಡಿಯಂಡಿಂಜತ್.

1 ಥೆಸಲೊನೀಕ 5:21

ಆಚೇಂಗಿ, ಎಲ್ಲಾನ ಪರೀಕ್ಷೆ ಮಾಡಿತ್ ದೇವಡಿಂಜ ಬಪ್ಪದ್ ಎಂ‍ತಾಂದ್ ನೋಟಿತ್ ನಲ್ಲದ್‍ನ ಎಡ್‌ತೊಳಿ.

1 ತಿಮೊಥೆಯ 6:11

ಆಚೇಂಗಿ, ದೇವಡ ಮನುಷ್ಯನಾನ ನೀನ್ ಇದ್‍ನೆಲ್ಲಾ ಬುಟ್ಟಿತ್ ಓಡಿ ಪೋಯಿತ್, ನೀತಿನ, ದೇವಡ ಬಕ್ತಿನ, ನಂಬಿಕೇನ, ಪ್ರೀತಿನ, ತಾಳ್ಮೆನ, ಶಾಂತ ಗುಣತ್‍ನ ಸಂಪಾದನೆ ಮಾಡ್‌ವಕ್ ಪೇಚಾಡ್.

2 ತಿಮೊಥೆಯ 2:24

ದೇವಡ ಸೇವಕ ಜಗಳ ಮಾಡ್‌ವಕ್ಕಾಗ; ಆಂಡ ಬದ್‍ಲ್ ಅಂವೊ ಎಲ್ಲಾರ್‌ಕು ಕನಿಕರ ಉಳ್ಳಂವೊನಾಯಿತು, ಬೋದನೆ ಕೊಡ್‍ಪದ್‍ಲ್ ಗಟ್ಟಿ ಉಳ್ಳಂವೊನಾಯಿತು ಪಿಂಞ ತಾಳ್ಮೆ ಉಳ್ಳಂವೊನಾಯಿತು ಇರಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:2

ಅಯಿಂಗ ದಾರ್‌ನು ಕೆಟ್ಟಯಿಂಗಾಂದ್ ಎಣ್ಣತೆ, ದಾಡ ಕೂಡೆಯು ಜಗಳ ಮಾಡತೆ, ಎಕ್ಕಾಲು ಬೋರೆಯಿಂಗಡ ವಿಷಯತ್‍ನ ಬಲ್ಯದಾಯಿತ್ ನೋಟ್‌ವಯಿಂಗಳಾತು, ನೇರಾನ ತಾಳ್ಮೆನ ಎಲ್ಲಾ ಜನಕ್ ಕಾಟಂಡೂಂದ್ ಗೇನ ಮಾಡ್‍ಚಿಡ್.

ಇಬ್ರಿಯ 12:14

ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.

1 ಪೇತ್ರ 2:17

ಎಲ್ಲಾರ್‌ಕು ಚಾಯಿ ಮರ್ಯಾದೆ ಕೊಡಿ, ಯೇಸುನ ನಂಬ್‍ನಯಿಂಗಳ ಪ್ರೀತಿ ಮಾಡಿ, ದೇವಕ್ ಬೊತ್ತ್‌ಚಿಡಿ, ರಾಜನ ಗನಪಡ್‌ತಂಡು.

1 ಪೇತ್ರ 3:9

ಕ್‍ೕಡ್ ಮಾಡ್‌ವಯಿಂಗಕ್ ಕ್‍ೕಡ್ ಮಾಡತಿ, ಅವಮಾನ ಮಾಡ್‌ವಯಿಂಗಳ ಅವಮಾನ ಮಾಡತಿ, ಆಚೇಂಗಿ, ನಿಂಗ ಆಶೀರ್ವಾದ ಪಡೆಯುವಕ್ ದೇವ ನಿಂಗಳ ಕಾಕಿತುಂಡ್‍ೕಂದ್ ಗೇನ ಮಾಡಿತ್ ಅಯಿಂಗಳ ಆಶೀರ್ವಾದ ಮಾಡಿ.

3 ಯೋಹಾನ 1:11

ನಾಡ ಪ್ರೀತಿರ ಕೂಟ್‌ಕಾರನೇ, ಬೋರೆಯಿಂಗ ಪೋಪ ಕೆಟ್ಟ ಬಟ್ಟೇಲ್ ನೀನು ಪೋಕತೆ, ನಲ್ಲ ಬಟ್ಟೇಲ್ ನಡ್‌ದಂಡ್ ಪೋ. ನಲ್ಲದ್ ಮಾಡ್‌ವಂವೊ ದೇವಡಯಿಂಜ ಪುಟ್ಟ್‌ನಂವೊ. ಕೆಟ್ಟದ್ ಮಾಡ್‌ವಂವೊ ದೇವನ ಕಂಡಿತ್‌ಲ್ಲೆ.

ಪ್ರಕಟನೆ 19:10

ಅಕ್ಕ ನಾನ್ ಅಯಿಂಗಕ್ ಅಡ್ಡ ಬುದ್ದಿತ್ ವಂದನೆ ಮಾಡಂಡೂಂದ್ ಕಾಲ್ ಪುಡ್‌ಚಿಯೆ. ಅಂವೊ ನನ್ನ ನೋಟಿತ್: ಅನ್ನನೆ ಮಾಡತೆ, ನಾನ್ ಸಹ ನೀಡ ಕೂಡೆ ಯೇಸುರ ವಿಷಯತ್ ಸಾಕ್ಷಿ ಕೊಡ್‍ತ ನೀಡ ಅಣ್ಣತಮ್ಮಣಂಗಡ ಕೂಡೆ ಒರ್ ಸೇವಕ; ದೇವಕ್ ಆರಾದನೆ ಮಾಡ್. ಯೇಸುರ ವಿಷಯತ್‍ರ ಸಾಕ್ಷಿ, ಪ್ರವಾದನೆರ ಆತ್ಮವಾಯಿತುಂಡ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 22:9

ಅಕ್ಕ ಆ ದೇವದೂತ: ನಾಕ್ ನೀನ್ ಇನ್ನನೆ ಮಾಡತೆ, ನೀಡ ಕೂಡೆ, ನೀಡ ಅಣ್ಣತಮ್ಮಣಂಗಡ ಕೂಡೆ, ಪ್ರವಾದಿಯಂಗಡ ಕೂಡೆ, ಈ ಪುಸ್ತಕತ್‍ರ ತಕ್ಕ್‌ಕ್ ತಗ್ಗಿತ್ ನಡ್‍ಪಯಿಂಗಡ ಕೂಡೆ ನಾನ್ ಸಹ ಒರ್ ಸೇವಕ ಅಚ್ಚಕೆ. ದೇವನ ಆರಾದನೆ ಮಾಡ್‍ೕಂದ್ ಎಣ್ಣ್‌ಚಿ.