1 ಥೆಸಲೊನೀಕ 5:14 - ಕೊಡವ ಬೈಬಲ್

¹⁴ ನಂಗಡ ಅಣ್ಣತಮ್ಮಣಂಗಳೇ, ಇಂಞು ನಂಗ ನಿಂಗಕ್ ಎಣ್ಣುವ ಆಲೋಚನೆ ಎಂತ ಎಣ್ಣ್‌ಚೇಂಗಿ, ಕೆಲಸ ಮಾಡತ ಇಪ್ಪಯಿಂಗಳ ಎಚ್ಚರ ಮಾಡಿ. ಒತ್ತಾಸೆ ಇಲ್ಲತಯಿಂಗಕ್ ಒತ್ತಾಸೆ ಕೊಡಿ, ಬಲ ಇಲ್ಲತಯಿಂಗಕ್ ಸಹಾಯ ಮಾಡಿ, ಎಲ್ಲಾಡ ಕೂಡೆ ಶಾಂತವಾಯಿತ್ ಇರಿ.

1 ಥೆಸಲೊನೀಕ 5:14 ပူးပေါင်းရင်းမြစ်များ

ಮತ್ತಾಯ 12:20

ಅಂವೊ ನ್ಯಾಯಕ್ ಜಯ ಕ್‌ಟ್ಟ್‌ವಕತ್ತನೆ, ಜಜ್ಜಿ ಪೋನ ಓಡೆರ ದಂಟ್‍ನ ಅಂವೊ ಮುರಿಪ್‌ಲೆ, ಆರಿ ಪೋಪ ಬೊಳ್‍ಚತ್‍ರ ತಿರಿನ ಅಂವೊ ಕೆಡ್‌ತುವದಿಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:32

ಆಚೇಂಗಿ ನೀಕ್ ನಾಡ ಮೇಲೆ ಉಳ್ಳ ನಂಬಿಕೆ ಪಾಳಾಯಿ ಪೋಕತನೆಕೆ ನಾನ್ ನೀಕಾಯಿತ್ ಪ್ರಾರ್ಥನೆ ಮಾಡಿಯೆ. ನೀನ್ ಪಶ್ಚಾತಾಪ ಪಟ್ಟಿತ್ ಪುನಃ ನಾಡ ಪಕ್ಕ ಬಪ್ಪಕ ನೀಡ ಅಣ್ಣತಮ್ಮಣಂಗಳ ಸ್ತಿರಪಡ್‍ತ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 20:27

ನಾನ್ ಒರ್ ವಿಷಯತ್‍ನ ಸಹ ಮುಚ್ಚಿತ್ ಬೆಕ್ಕತೆ ದೇವಡ ಚಿತ್ತತ್‍ನ ಪೂರ್ತಿಯಾಯಿತ್ ನಿಂಗಕ್ ಅರಿಚಿಟ್ಟೆಯೆ.

ಅಪೊಸ್ತಲ 20:31

ಆನಗುಂಡ್, ನಾನ್ ಮೂಂದ್ ಕಾಲ ಪೊಲಾಕ ಬಯಿಟ್ ಕಣ್ಣೀರ್ ಇಟ್ಟಂಡ್ ಎಡೆಬುಡತೆ ಪ್ರತಿಯೊಬ್ಬಂಗ್ ಬುದ್ದಿ ಎಣ್ಣಿಯಂಡ್ ಇಂಜದ್‍ನ ನಿಂಗ ಗೇನ ಬೆಚ್ಚಂಡ್ ಎಚ್ಚಾರವಾಯಿತಿರಿ.

ಅಪೊಸ್ತಲ 20:35

ಇನ್ನನೆ ಕಷ್ಟಪಟ್ಟಿತ್, ಇಲ್ಲತಯಿಂಗಕ್ ಸಹಾಯ ಮಾಡ್‌ವಕು, ಪಿಂಞ ಎಡ್‍ಪಕಿಂಜ ಕೊಡ್‌ಪದೇ ಬಲ್ಯ ಆಶೀರ್ವಾದಾಂದ್ ಒಡೆಯನಾನ ಯೇಸು ಎಣ್ಣ್‌ನನೆಕೆ, ಗೇನಮಾಡಂಡೂಂದ್ ಎಲ್ಲಾ ವಿಷಯತ್‍ಲ್ ನಾನ್ ನಿಂಗಕ್ ಉದರಾಣೆಯಾಯಿತ್ ಇಂಜ.

ರೋಮ್ 12:1

ಆನಗುಂಡ್, ನಾಡ ಅಣ್ಣತಮ್ಮಣಂಗಳೇ, ನಿಂಗಡ ತಡೀನ ಪವಿತ್ರವಾಯಿತ್, ದೇವ ಕುಶಿಪಡ್‌ವನೆಕೆ ಜೀವ ಬಲಿಯಾಯಿತ್ ಅರ್ಪಿಚಿಡಂಡೂಂದ್ ದೇವಡ ಕನಿಕಾರತ್‌ಂಜ ನಾನ್ ನಿಂಗಳ ಬೋಡುವಿ. ಇನ್ನನೆ ನಿಂಗ ಮಾಡ್‌ವ ಆರಾದನೆ, ಆತ್ಮೀಯ ಆರಾದನೆಯಾಯಿತುಂಡ್.

ರೋಮ್ 14:1

ನಂಬಿಕೇಲ್ ಸ್ತಿರಯಿಲ್ಲತಯಿಂಗಳ ಕೂಟಿಯೊಳಿ; ಆಚೇಂಗಿಯು ಅಯಿಂಗಡ ಅನುಮಾನತ್‍ನ ಕುತ್ತ ಪರಿಯತಿರಿ.

1 ಕೊರಿಂಥ 4:14

ನಿಂಗಕ್ ಞಾಣ ಆಂಡೂಂದ್ ನಾನ್ ಇದ್‍ನೆಲ್ಲಾ ಒಳ್‍ದಿಯಂಡಿಲ್ಲೆ, ನಾಡ ಪ್ರೀತಿರ ಮಕ್ಕಡರನೆಕೆ ಉಳ್ಳಗುಂಡ್ ನಿಂಗಕ್ ಎಚ್ಚರ ಮಾಡಿಯೆ.

1 ಕೊರಿಂಥ 8:7

ಆಚೇಂಗಿಯು, ಈ ವಿಷಯತ್‍ರ ಅರಿವ್ ಎಲ್ಲಾರ್‌ಕು ಇಲ್ಲೆ. ಚೆನ್ನ ಜನ ಇಕ್ಕಲು ವಿಗ್ರಹಕ್ ಜೀವ ಉಂಡ್‍ೕಂದ್ ಗೇನ ಮಾಡಿಯಂಡ್, ವಿಗ್ರಹಕ್ ಅರ್ಪಿಚಿಟ್ಟ ಕೂಳ್‌ನ ತಿಂದಂಡುಂಡ್, ಅಯಿಂಗಡ ಮನಸಾಕ್ಷಿ ಬಲಹೀನವಾಯಿತ್ ಉಳ್ಳಾಂಗ್ ಅದ್ ಅಶುದ್ದವಾಯಿತುಂಡ್.

ಗಲಾತ್ಯ 5:22

ಪವಿತ್ರಾತ್ಮತ್‍ರ ಫಲ ಎಂತ ಎಣ್ಣ್‌ಚೇಂಗಿ, ಪ್ರೀತಿ, ಸಂತೋಷ, ಸಮಾದಾನ, ಸಹಿಸುವ ಶಕ್ತಿ, ಕರುಣೆ, ನಲ್ಲರಿಕೆ, ನಂಬಿಕೆ,

ಎಫೆಸ 4:2

ಎಲ್ಲಾ ತಾಳ್ಮೆಲ್, ಶಾಂತಿಲ್, ಪೊರುಮೇಲ್, ಪ್ರೀತಿನಗುಂಡ್ ಒಬ್ಬನ ಒಬ್ಬ ಸಹಿಸಿಯಂಡ್ ಇರಿ.

ಎಫೆಸ 4:32

ಒಬ್ಬಂಡ ಮೇಲೆ ಒಬ್ಬ ದಯೆ ಕಾಟಿತ್, ಕರುಣೆ ಉಳ್ಳಯಿಂಗಳಾಯಿತ್, ಕ್ರಿಸ್ತಂಡ ಮೂಲಕ ದೇವ ನಿಂಗಕ್ ಮನ್ನಿಚಿಟ್ಟನೆಕೆ, ನಿಂಗಳು ಒಬ್ಬಂಗ್ ಒಬ್ಬ ಮನ್ನಿಚಿಡಿ.

ಕೊಲೊಸ್ಸೆ 1:28

ಅದ್ಂಗಾಯಿತ್, ಎಲ್ಲಾ ಜ್ಞಾನತ್‍ಲ್ ಕ್ರಿಸ್ತನ ಎಲ್ಲಾರ್‌ಕು ಅರಿಚಿಟ್ಟಂಡ್, ಎಲ್ಲಾರ್‌ಕು ಎಚ್ಚರ ಮಾಡಿಯಂಡ್, ಎಲ್ಲಾರ್‌ಕು ಬೋದನೆ ಮಾಡಿಯಂಡ್ ಉಳ್ಳ. ಒಬ್ಬೊಬ್ಬನ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಬೊಳ್ಂದಂವೊನಾಯಿತ್ ದೇವಡ ಪಕ್ಕ ನಿಪ್ಪ್‌ಚಿಡುವಕಾಯಿತ್ ಇದ್‍ನ ಮಾಡಿಯಂಡುಳ್ಳ.

2 ಥೆಸಲೊನೀಕ 3:15

ಆಚೇಂಗಿಯು, ನಿಂಗ ಅಂವೊನ ಒರ್ ವಿರೋದಿರನೆಕೆ ಕಾಂಗತಿ. ಯೇಸುನ ನಂಬ್‍ನ ಅಣ್ಣತಮ್ಮಣಂಗಕ್ ಎನ್ನನೆ ಬುದ್ದಿ ಎಣ್ಣಿ ಕೊಡ್‍ಪಿರ ಅನ್ನನೆ ಅಂವೊನ ಎಚ್ಚರಮಾಡಿ.

1 ತಿಮೊಥೆಯ 3:3

ಅಂವೊ ಕುಡ್‌ಕನಾಯಿತ್, ಹಿಂಸೆ ಮಾಡ್‌ವಂವೊನಾಯಿತ್, ಜಗಳ ಮಾಡ್‌ವಂವೊನಾಯಿತ್, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತ್ ಇಪ್ಪಕ್ಕಾಗ. ಅಂವೊ ಶಾಂತ ಗುಣ ಉಳ್ಳಂವೊನಾಯಿತ್ ಇರಂಡು.

1 ತಿಮೊಥೆಯ 6:11

ಆಚೇಂಗಿ, ದೇವಡ ಮನುಷ್ಯನಾನ ನೀನ್ ಇದ್‍ನೆಲ್ಲಾ ಬುಟ್ಟಿತ್ ಓಡಿ ಪೋಯಿತ್, ನೀತಿನ, ದೇವಡ ಬಕ್ತಿನ, ನಂಬಿಕೇನ, ಪ್ರೀತಿನ, ತಾಳ್ಮೆನ, ಶಾಂತ ಗುಣತ್‍ನ ಸಂಪಾದನೆ ಮಾಡ್‌ವಕ್ ಪೇಚಾಡ್.

2 ತಿಮೊಥೆಯ 4:2

ಅನುಕೂಲವಾನ ಸಮಯತ್‍ಲು, ಅನುಕೂಲಯಿಲ್ಲತ ಸಮಯತ್‍ಲು ನಲ್ಲ ಸುದ್ದಿನ ಬೋದನೆ ಮಾಡ್‌ವಕ್ ತಯಾರಾಯಿತ್ ಇರ್; ತ್‍ೕರ ತಾಳ್ಮೆಯಿಂಜ, ಅಯಿಂಗ ಮಾಡ್‍ನ ತಪ್ಪ್‌ನ ಎಣ್ಣಿ ಕೊಡ್‌ತಿತ್, ಕಂಡನೆ ಮಾಡಿತ್, ಪುರ್‌ಡ್ ಕೊಡ್‌ತಿತ್ ಎಚ್ಚರವಾಯಿತ್ ಬೋದನೆ ಮಾಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:10

ದುಂಬ ಜನ, ಮುಕ್ಯವಾಯಿತ್, ರಕ್ಷಣೆ ಕ್‍ಟ್ಟುವಕ್ ಸುನ್ನತಿ ಮಾಡಂಡೂಂದ್ ಎಣ್ಣಿಯಂಡುಳ್ಳ ಯೆಹೂದ್ಯಂಗ, ಏದ್ ಅದಿಕಾರಕು ಬಗ್ಗಿತ್ ನಡ್‍ಕತಯಿಂಗಳಾಯಿತ್, ಬೋಂಡತ ತಕ್ಕ್ ಪರ್ಂದಂಡ್, ಜನಳ ಮೋಸಮಾಡ್‍ವಯಿಂಗಳಾಯಿತ್ ಉಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:6

ನೀನ್ ನೇಮಿಚಿಡುವ ಸಬೆರ ಪೆರಿಯಯಿಂಗ ಎನ್ನನೆ ಇರಂಡೂಂದ್ ಎಣ್ಣ್‌ಚೇಂಗಿ: ಅಂವೊ ದಾರೂ ಕುತ್ತ ಪರಿಯತನೆಕೆ ಇಕ್ಕಂಡು, ಅಂವೊ ಒರೇ ಒರ್ ಪೊಣ್ಣ್‌ರ ವಡಿಯನಾಯಿತ್ ಇರಂಡು, ಅಂವೊಂಡ ಮಕ್ಕ ದೇವಡ ಮೇಲೆ ನಂಬಿಕೆ ಉಳ್ಳಯಿಂಗಳಾಯಿತ್ ಇರಂಡು. ಅಯಿಂಗ ತನ್ನಡಕ್ಕ ಇಲ್ಲತಯಿಂಗ ಪಿಂಞ ಅಪ್ಪವ್ವಂಗಡ ತಕ್ಕ್ ಕೇಕತಯಿಂಗಾಂದ್ ದಾರೂ ಎಣ್ಣತ ಮಕ್ಕ ಉಳ್ಳ ಒಬ್ಬನಾಯಿತ್ ಇರಂಡು.

ಇಬ್ರಿಯ 12:12

ಆನಗುಂಡ್, ತಳ್ಂದ್ ಪೋಯಿತುಳ್ಳ ನಿಂಗಡ ಕೈಯಿನ ನ್‍ೕತಿತ್, ಕುಂದಿಪೋನ ನಿಂಗಡ ಮುಟ್ಟ್‌ಕಾಲ್‌ನ ಬಲಪಡ್‍ತಿಯೊಳಿ.

ಇಬ್ರಿಯ 13:3

ಕ್ರಿಸ್ತಂಗಾಯಿತ್ ಕೈದಿಯಾಯಿತ್ ಇಪ್ಪಯಿಂಗಡ ಕೂಡೆ ನಿಂಗಳು ಕೈದಿಯಾಯಿತ್ ಇಪ್ಪನೆಕೆ ಗೇನ ಮಾಡಿಯೊಳಿ; ಅವಮಾನತ್‍ನ ಸಹಿಸಿಯಂಡ್ ಇಪ್ಪಯಿಂಗಳ ಗೇನ ಮಾಡಿತ್ ನಿಂಗಕು ಅನ್ನನೆ ಆನನೆಕೆ ಗೇನ ಮಾಡಿಯೊಳಿ.